paliTIPITAKA Volume 23 - Sutta Pitaka 15

[207] ³ Ekam samayam bhagava calikayam viharati calikapabbate. Tena kho pana samayena ayasma meghiyo bhagavato upatthako hoti athakho ayasma meghiyo yena bhagava tenupasankami upasankamitva bhagavantam abhivadetva ekamantam atthasi ekamantam thito kho ayasma meghiyo bhagavantam etadavoca icchamaham bhante jantugamam @Footnote: ¹ Ma. bhikkhu bhikkhu. evamidisesu thanesupi.

--------------------------------------------------------------------------------------------- page367.

Pindaya pavisitunti. Yassadani tvam meghiya kalam mannasiti. {207.1} Athakho ayasma meghiyo pubbanhasamayam nivasetva pattacivaramadaya jantugamam pindaya pavisi jantugame pindaya caritva pacchabhattam pindapatapatikkanto yena kimikalaya nadiya tiram tenupasankami addasa kho ayasma meghiyo kimikalaya nadiya tire janghaviharam ^1- anucankamamano anuvicaramano ambavanam pasadikam ramaniyam disvanassa etadahosi pasadikam vatidam ambavanam ramaniyam alam vatidam kulaputtassa padhanatthikassa padhanaya sace mam bhagava anujaneyya agaccheyyaham imam ambavanam padhanayati athakho ayasma meghiyo yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma meghiyo bhagavantam etadavoca idhaham bhante pubbanhasamayam nivasetva pattacivaramadaya jantugamam pindaya pavisim jantugame pindaya caritva pacchabhattam pindapatapatikkanto yena kimikalaya nadiya tiram tenupasankamim addasam kho aham bhante kimikalaya nadiya tire janghaviharam anucankamamano anuvicaramano ambavanam pasadikam ramaniyam disvana me etadahosi pasadikam vatidam ambavanam ramaniyam alam vatidam kulaputtassa padhanatthikassa padhanaya sace mam bhagava anujaneyya agaccheyyaham imam ambavanam padhanayati sace mam bhagava anujaneyya gaccheyyaham tam ambavanam padhanayati . Evam ^2- vutte bhagava ayasmantam meghiyam etadavoca ^2- agamehi tava @Footnote: ¹ Ma. janghaviharam. evamuparipi . 2-2 Ma. ime patha natthi.

--------------------------------------------------------------------------------------------- page368.

Meghiya ekakamhi ^1- tava yava annopi koci bhikkhu dissatuti ^2-. {207.2} Dutiyampi kho ayasma meghiyo bhagavantam etadavoca bhagavato bhante natthi kinci uttarikaraniyam natthi katassa paticayo mayham kho pana bhante atthi uttarikaraniyam atthi katassa paticayo sace mam bhagava anujaneyya gaccheyyaham tam ambavanam padhanayati. Agamehi tava meghiya ekakamhi tava yava annopi koci bhikkhu dissatuti. {207.3} Tatiyampi kho ayasma meghiyo bhagavantam etadavoca bhagavato bhante natthi kinci uttarikaraniyam natthi katassa paticayo mayham kho pana bhante atthi uttarikaraniyam atthi katassa paticayo sace mam bhagava anujaneyya gaccheyyaham tam ambavanam padhanayati. Padhananti kho meghiya vadamanam kinti vadeyyama yassadani tvam meghiya kalam mannasiti. {207.4} Athakho ayasma meghiyo utthayasana bhagavantam abhivadetva padakkhinam katva yena tam ambavanam tenupasankami upasankamitva tam ambavanam ajjhogahetva annatarasmim rukkhamule divaviharam nisidi . Athakho ayasmato meghiyassa tasmim ambavane viharantassa yebhuyyena tayo papaka akusala vitakka samudacaranti seyyathidam kamavitakko byapadavitakko vihimsavitakko . athakho ayasmato meghiyassa etadahosi acchariyam vata bho abbhutam vata bho saddhaya ca vatamha agarasma anagariyam pabbajita atha ca panimehi tihi papakehi akusalehi vitakkehi anvasatta kamavitakkena byapadavitakkena vihimsavitakkenati. @Footnote: ¹ Si. Yu. ekakamha . ² Ma. agacchatiti. evamuparipi.

--------------------------------------------------------------------------------------------- page369.

{207.5} Athakho ayasma meghiyo yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma meghiyo bhagavantam etadavoca idha mayham bhante tasmim ambavane viharantassa yebhuyyena tayo papaka akusala vitakka samudacaranti seyyathidam kamavitakko byapadavitakko vihimsavitakko tassa mayham bhante etadahosi acchariyam vata bho abbhutam vata bho saddhaya vatamha agarasma anagariyam pabbajita atha ca panimehi tihi papakehi akusalehi vitakkehi anvasatta kamavitakkena byapadavitakkena vihimsavitakkenati . aparipakkaya meghiya cetovimuttiya panca dhamma paripakaya samvattanti katame panca {207.6} idha meghiya bhikkhu kalyanamitto hoti kalyanasahayo kalyanasampavanko aparipakkaya meghiya cetovimuttiya ayam pathamo dhammo paripakaya samvattati. {207.7} Puna caparam meghiya bhikkhu silava hoti patimokkhasamvarasamvuto viharati acaragocarasampanno anumattesu vajjesu bhayadassavi samadaya sikkhati sikkhapadesu aparipakkaya meghiya cetovimuttiya ayam dutiyo dhammo paripakaya samvattati. {207.8} Puna caparam meghiya bhikkhu yayam katha abhisallekhika cetovivaranasappaya seyyathidam appicchakatha santutthikatha pavivekakatha

--------------------------------------------------------------------------------------------- page370.

Asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha evarupiya kathaya nikamalabhi hoti akicchalabhi akasiralabhi aparipakkaya meghiya cetovimuttiya ayam tatiyo dhammo paripakaya samvattati. {207.9} Puna caparam meghiya bhikkhu araddhaviriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu aparipakkaya meghiya cetovimuttiya ayam catuttho dhammo paripakaya samvattati. {207.10} Puna caparam meghiya bhikkhu pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya aparipakkaya meghiya cetovimuttiya ayam pancamo dhammo paripakaya samvattati. {207.11} Kalyanamittassetam meghiya bhikkhuno patikankham kalyanasahayassa kalyanasampavankassa silava bhavissati .pe. Samadaya sikkhissati sikkhapadesu kalyanamittassetam meghiya bhikkhuno patikankham kalyanasahayassa kalyanasampavankassa yayam katha abhisallekhika cetovivaranasappaya seyyathidam appicchakatha .pe. vimuttinanadassanakatha evarupiya kathaya nikamalabhi bhavissati akicchalabhi akasiralabhi kalyanamittassetam meghiya bhikkhuno patikankham kalyanasahayassa kalyanasampavankassa araddhaviriyo viharissati .pe. anikkhittadhuro kusalesu dhammesu

--------------------------------------------------------------------------------------------- page371.

Kalyanamittassetam meghiya bhikkhuno patikankham kalyanasahayassa kalyanasampavankassa pannava bhavissati .pe. sammadukkhayagaminiya tena ca pana meghiya bhikkhuna imesu pancasu dhammesu patitthaya cattaro dhamma uttarim bhavetabba asubha bhavetabba ragassa pahanaya metta bhavetabba byapadassa pahanaya anapanassati bhavetabba vitakkupacchedaya aniccasanna bhavetabba asmimanasamugghataya aniccasannino meghiya anattasanna santhati anattasanni assamimanasamugghatam papunati dittheva dhamme nibbananti.

The Pali Tipitaka in Roman Character Volume 23 page 366-371. https://84000.org/tipitaka/read/roman_item.php?book=23&item=207&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=23&item=207&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=207&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=207&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=23&i=207 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23