12 Pancapanditajatakam
[2228] Panca pandita samagata
panho 1- me patibhati tam sunatha
nindiyamattham pasamsiyam va
kassevavikareyya guyhamattham.
[2229] Tvam avikarohi bhumipala
bhatta bharasaho tuvam vadetam
tava chandarucini sammasitva
atha vakkhanti janinda panca dhira.
[2230] Ya silavativa anannatheyya 2-
bhattu chandavasanuga piya manapa
nindiyamattham pasamsiyam va
bhariyayavikareyya guyhamattham.
[2231] Yo kicchagatassa aturassa
saranam hoti gati parayananca
nindiyamattham pasamsiyam va
sakhino vavikareyya guyhamattham.
@Footnote: 1 Ma. panha . 2 Si. Yu. anannadheyya.
[2232] Yo 1- jettho atha majjhimo kanittho
so 2- ce silasamahito thitatto
nindiyamattham pasamsiyam va
bhatuno vavikareyya guyhamattham.
[2233] Yo ve pitu hadayassa patthagu
anujato pitaram anomapanno
nindiyamattham pasamsiyam va
puttassavikareyya guyhamattham.
[2234] Mata dvipadajanindasettha
ya nam 3- poseti chandasa piyena
nindiyamattham pasamsiyam va
matuyavikareyya guyhamattham.
[2235] Guyhassa hi guyhameva sadhu
na hi guyhassa pasatthamavikammam
anipphannataya saheyya dhiro
nipphannatthova 4- yathasukham bhaneyya.
[2236] Kim tvam vimanosi rajasettha
dipadinda 5- vacanam sunoma te tam
kim cintayamano dummanosi
na hi deva aparadho atthi mayham.
@Footnote: 1 Ma. ayam patho natthi . 2 Ma. yo . 3 Si. Yu. yo tam . 4 Ma. nipphannova.
@5 Ma. dvipadajaninuda.
[2237] Panhe vajjho mahosadho
anatto me vadhaya bhuripanno
tam cintayamano dummanosmi
na hi devi aparadho atthi tuyham.
[2238] Abhidosagatodani ehisi
kim sutva kim sankate 1- mano te
ko te kimavoca bhuripanna
inghetam vacanam sunama bruhi me tam.
[2239] Panhe vajjho mahosadho
yadi te mantayitam janinda dosam
bhariyaya rahogato asamsi
guyham patukatam sutam mametam.
[2240] Yam salavanasmim senako
papakammamakasi asabbhirupam
sakhinova rahogato asamsi
guyham patukatam sutam mametam.
[2241] Pukkusapurisassa te janinda
uppanno rogo arajapatto 2-
bhatuva 3- rahogato asamsi
guyham patukatam sutam mametam.
@Footnote: 1 Yu. kimasankate . 2 Ma. arajayutto . 3 Ma. bhatunca. Si. Yu. bhatucca.
[2242] Abadhoyam asabbhirupo
kamindo 1- naradevena phuttho
puttassa rahogato asamsi
guyham patukatam sutam mametam.
[2243] Atthavankam maniratanam ularam
sakko te adada pitamahassa
devindassa gatam tadajja hattham
matu ca rahogato asamsi
guyham patukatam sutam mametam.
[2244] Guyhassa hi guyhameva sadhu
na hi guyhassa pasatthamavikammam
anipphannataya saheyya dhiro
nipphannatthova 2- yathasukham bhaneyya.
Na guyhamattham vivareyya rakkheyya nam yatha nidhim
na hi patukato sadhu guyho attho pajanata.
Thiya guyham na samseyya amittassa ca pandito
yo camisena samhiro hadayattheno ca yo naro
guyhamatthamasambuddham sambodhayati yo naro
mantabhedabhaya tassa dasabhutova titikkhati.
Yavanto purisassattham guyham jananti mantinam
@Footnote: 1 Si. Yu. kavindo . 2 Ma. nipphannova.
Tavanto tassa ubbega tasma guyham na vissaje.
Vivicca bhaseyya diva rahassam
rattim giram nativelam pamunce
upassutika hi sunanti mantam
tasma manto khippamupeti bhedanti.
Pancapanditajatakam dvadasamam.
-----------
The Pali Tipitaka in Roman Character Volume 27 page 460-464.
https://84000.org/tipitaka/read/roman_item.php?book=27&item=2228&items=17
Classified by [Item Number] :-
http://84000.org/tipitaka/read/roman_item.php?book=27&item=2228&items=17&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=27&item=2228&items=17
Compare with The Royal Version of Thai Tipitaka :-
https://84000.org/tipitaka/read/byitem.php?book=27&item=2228&items=17
Study Atthakatha :-
https://84000.org/tipitaka/attha/attha.php?b=27&i=2228
Contents of The Tipitaka Volume 27
https://84000.org/tipitaka/read/?index_27
https://84000.org/tipitaka/english/?index_27
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
