TIPITAKA Volume 27 : PALI ROMAN
Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ

                        5 Kapotakajātakaṃ
     [825] Idāni khomhi sukhito arogo
                    nikkaṇṭako nippatito kapoto
                    kāhāmidāni hadayassa tuṭṭhiṃ
                    tathāhi maṃ maṃsasākaṃ baleti.
     [826] Kāyaṃ balākā sikhinī          corī laṅghīpitāmahā
                oraṃ balāke āgaccha        caṇḍo me vāyaso sakhā.
     [827] Alañhi te jagghitāye      mamaṃ disvāna edisaṃ
                vilūnaṃ sūdaputtena              piṭṭhamaṭṭhena 4- makkhitaṃ.
     [828] Sunhāto suvilittosi        annapānena tappito
@Footnote: 1 Ma. jīno. evamuparipi. 2 Ma. maññe tvaññeva. Yu. tvampi maññeva.
@3 Ma. kataṃ ceva. 4 Sī. Yu. piṭṭhamaddena. Ma. piṭṭhamaṇḍena.
                Kaṇṭhe ca te veḷuriyo            agamāsi 1- kajaṅgalaṃ.
     [829] Mā te mitto amitto vā     agamāsi kajaṅgalaṃ
                piñjāni 2- tattha lāyitvā  kaṇṭhe bandhanti vaṭṭanaṃ.
     [830] Puna pāpajjasī samma             sīlaṃ hi tava tādisaṃ
                na hi mānusakā bhogā           subhuñjā honti pakkhinoti 3-.
                       Kapotakajātakaṃ niṭṭhitaṃ.
                        Aḍḍhavaggo tatiyo.
                             ---------
                           Tassuddānaṃ
               atha vaṇṇa sasīla hiri labhate
               sumukhāsi sasāliya 4- mittavaro
               atha cakka palāsa sarāja sato
               yava bāla kapotaka paṇṇarasa 5-.
                          ---------
               Tatra vagguddānaṃ bhavati.
               Jinañca vaṇṇaṃ asamaṃ vaguppari
               sudesitā jātakanti santi vīsati
               mahesino brahmacarittamutta
               mavoca gāthā atthavatī subyañjanā.
                       Pañcakanipātaṃ niṭṭhitaṃ.
@Footnote: 1 Sī. Ma. agamā nu. 2 Ma. piñchāni. 3 Ma. pakkhiṇāti. 4 Ma. sumukhā visa sāḷiya.
@5 idaṃ dutiyatatiyavaggaduvaye samodhānuddānaṃ.
                        Chakkanipātajātakaṃ
                      1 āvāriyavaggo 1-
                      1 āvāriyajātakaṃ 1-
     [831] Māsu kujjha 2- bhūmipati      māsu kujjha 2- rathesabha
                kuddhaṃ appaṭikujjhanto      rājā raṭṭhassa pūjito
                gāme vā yadivāraññe      ninne vā yadivā thale
                sabbatthamanusāsāmi 3-    māsu kujjha 2- rathesabha.


             The Pali Tipitaka in Roman Character Volume 27 page 185-187.
https://84000.org/tipitaka/read/roman_item.php?book=27&item=825&items=7
             Classified by [Item Number] :-
http://84000.org/tipitaka/read/roman_item.php?book=27&item=825&items=7&mode=bracket
             Compare with The Pali Tipitaka in Thai Character :-
https://84000.org/tipitaka/read/pali_item.php?book=27&item=825&items=7
             Compare with The Royal Version of Thai Tipitaka :-
https://84000.org/tipitaka/read/byitem.php?book=27&item=825&items=7
             Study Atthakatha :-
https://84000.org/tipitaka/attha/attha.php?b=27&i=825
             Contents of The Tipitaka Volume 27
https://84000.org/tipitaka/read/?index_27
https://84000.org/tipitaka/english/?index_27