[727] Akittayi 2- vivatacakkhuti akittayiti akittayi 3- parikittayi
acikkhi desesi pannapesi patthapesi vivari vibhaji uttanimakasi
@Footnote: 1 Po. Ma. ragussadam ... kammussadam. 2 Ma. akittayi. 3 Po. Ma. kittitam
@(Po. parikittitam) acikkhitam desitam pannapitam patthapitam vivatam vibhattam
@uttanikatam pakasitanti akittayi.
Pakasesiti akittayi . vivatacakkhuti bhagava pancahi cakkhuhi vivatacakkhu
mamsacakkhunapi vivatacakkhu dibbacakkhunapi vivatacakkhu pannacakkhunapi
vivatacakkhu buddhacakkhunapi vivatacakkhu samantacakkhunapi vivatacakkhu.
{727.1} Katham bhagava mamsacakkhunapi vivatacakkhu . mamsacakkhumhi
bhagavato panca vanna samvijjanti nilo ca vanno pitako ca vanno
lohitako ca vanno kanho ca vanno odato ca vanno . yattha
ca akkhilomani patitthitani tam nilam hoti sunilam pasadikam dassaneyyam
ummarapupphasamanam 1- . tassa parato pitakam hoti supitakam suvannavannam
pasadikam dassaneyyam kannikarapupphasamanam . ubhayato ca
akkhikupani 2- bhagavato lohitakani honti sulohitakani pasadikani
dassaneyyani indagopakasamanani . majjhe kanham hoti sukanham
alukham siniddham pasadikam dassaneyyam alaritthakasamanam 3- . tassa
parato odatam hoti suodatam setam pandaram pasadikam dassaneyyam
osadhitarakasamanam.
{727.2} Tena bhagava pakatikena mamsacakkhuna attabhava-
pariyapannena purimasucaritakammabhinibbattena samanta yojanam
passati divaceva rattinca . yadapi caturangasamannagato andhakaro
hoti suriyo ca atthangamito hoti kalapakkho ca uposatho hoti
tibbo ca vanasando hoti maha ca akalamegho 4- abbhutthito
hoti evarupepi caturangasamannagate andhakare samanta
@Footnote: 1 Ma. umapupphasamanam. 2 Po. Ma. Yu. akkhikutani. 3 Ma. addaritthakasamanam.
@4 Ma. kalamegho.
Yojanam passati . natthi so kuto va kavatam va pakaro va
pabbato va gaccham va lata va avaranam rupanam dassanaya .
Ekance tilaphalam nimittam katva tilavahe pakkhipeyya tanneva
tilaphalam uddhareyya . evam parisuddham bhagavato pakatikamamsacakkhu .
Evam bhagava mamsacakkhunapi vivatacakkhu.
{727.3} Katham bhagava dibbena cakkhunapi vivatacakkhu . bhagava
dibbena cakkhuna visuddhena atikkantamanusakena satte passati cavamane
upapajjamane hine panite suvanne dubbanne sugate duggate
yathakammupage satte pajanati ime vata 1- bhonto satta
kayaduccaritena samannagata vaciduccaritena samannagata manoduccaritena
samannagata ariyanam upavadaka micchaditthika micchaditthikamma-
samadana te kayassa bheda parammarana apayam duggatim vinipatam
nirayam upapanna ime va pana bhonto satta kayasucaritena
samannagata vacisucaritena samannagata manosucaritena samannagata
ariyanam anupavadaka sammaditthika sammaditthikammasamadana te
kayassa bheda parammarana sugatim saggam lokam upapannati iti
dibbena cakkhuna visuddhena atikkantamanusakena satte passati
cavamane upapajjamane hine panite suvanne dubbanne sugate
duggate yathakammupage satte pajanati.
{727.4} Akankhamano ca bhagava ekampi lokadhatum
passeyya dvepi lokadhatuyo passeyya tissopi
@Footnote: 1 Yu. te.
Lokadhatuyo passeyya catassopi lokadhatuyo passeyya pancapi
lokadhatuyo passeyya dasapi lokadhatuyo passeyya visampi
lokadhatuyo passeyya timsampi lokadhatuyo passeyya cattalisampi
lokadhatuyo passeyya pannasampi lokadhatuyo passeyya [1]-
sahassimpi culanikam lokadhatum passeyya dvisahassimpi majjhimikam
lokadhatum passeyya tisahassimpi lokadhatum passeyya mahasahassimpi
lokadhatum passeyya . yavata va pana akankheyya tavatakam
passeyya . evam parisuddham bhagavato dibbacakkhu . evam bhagava
dibbena cakkhunapi vivatacakkhu.
{727.5} Katham bhagava pannacakkhunapi vivatacakkhu . bhagava
mahapanno puthupanno hasapanno javanapanno tikkhapanno
nibbedhikapanno pannappabhedakusalo pabhinnanano adhigatapatisambhido
catuvesarajjappatto dasabaladhari purisasabho purisasiho purisanago
purisajanno purisadhoreyho anantanano anantatejo anantayaso
addho mahaddhano dhanava neta vineta anuneta sannapeta
nijjhapeta 2- pekkheta pasadeta . so hi bhagava anuppannassa
maggassa uppadeta asanjatassa maggassa sanjaneta
anakkhatassa maggassa akkhata maggannu maggavidu maggakovido .
Magganuga ca pana etarahi savaka viharanti paccha samannagata .
So hi bhagava janam janati passam passati cakkhubhuto dhammabhuto
@Footnote: 1 Ma. satampi lokadhatuyo passeyya. 2 Ma. pannapeta anijjhapeta.
Nanabhuto brahmabhuto vatta pavatta atthassa ninneta amatassa
data dhammasami tathagato . natthi tassa bhagavato anatam adittham
aviditam asacchikatam aphusitam pannaya . atitanagatapaccuppannam
upadaya sabbe dhamma sabbakarena buddhassa bhagavato nanamukhe
apatham agacchanti . yankinci neyyam nama atthi janitabbam
attattho va parattho va ubhayattho va ditthadhammiko va attho
samparayiko va attho uttano va attho gambhiro va attho
gulho 1- va attho paticchanno va attho neyyo va attho
nito va attho anavajjo va attho nikkileso va attho vodato 2-
va attho paramattho va [3]- sabbantam antobuddhanane parivattati.
{727.6} Atite buddhassa bhagavato appatihatam nanam anagate
paccuppanne appatihatam nanam . sabbam kayakammam buddhassa bhagavato
nananuparivatti sabbam vacikammam sabbam manokammam buddhassa bhagavato
nananuparivatti . yavatakam neyyam tavatakam nanam yavatakam nanam tavatakam
neyyam neyyapariyantikam nanam nanapariyantikam neyyam neyyam atikkamitva
nanam nappavattati nanam atikkamitva neyyapatho natthi annamannam
pariyantatthayino te dhamma . yatha dvinnam samuggapatalanam sammaphusitanam
hetthimam samuggapatalam uparimamva nativattati uparimam samuggapatalam
hetthimamva nativattati annamannapariyantatthayino evameva
@Footnote: 1 Yu. guyho. 2 Ma. Yu. vodano. 3 Po. Ma. attho.
Buddhassa bhagavato neyyanca nananca annamannapariyantatthayino
yavatakam neyyam tavatakam nanam yavatakam nanam tavatakam neyyam
neyyapariyantikam nanam nanapariyantikam neyyam neyyam atikkamitva
nanam nappavattati nanam atikkamitva neyyapatho natthi
annamannapariyantatthayino te dhamma . sabbadhammesu buddhassa
bhagavato nanam parivattati . sabbe dhamma buddhassa bhagavato
avajjanapatibaddha akankhapatibaddha manasikarapatibaddha
cittuppadapatibaddha.
{727.7} Sabbasattesu buddhassa bhagavato nanam parivattati .
Sabbesam sattanam bhagava asayam janati anusayam janati caritam janati
adhimuttim janati apparajakkhe maharajakkhe tikkhindriye mudindriye
svakare dvakare suvinnapaye duvinnapaye bhabbabhabbe satte
janati . sadevako loko samarako sabrahmako sassamanabrahmani
paja sadevamanussa antobuddhanane parivattati . yatha yekeci
macchakacchapa antamaso timitimingalam upadaya antomahasamudde
parivattanti evameva sadevako loko samarako sabrahmako
sassamanabrahmani paja sadevamanussa antobuddhanane parivattati .
Yatha yekeci pakkhi antamaso garulam venateyyam upadaya akasassa
padese parivattanti evameva yepi te sariputtasama pannaya
tepi buddhananassa padese parivattanti . buddhananam devamanussanam
panham pharitva abhibhavitva titthati . yepi te khattiyapandita
Brahmanapandita gahapatipandita samanapandita nipuna
kataparappavada balavedhirupa vobhindanta manne caranti pannagatena
ditthigatani te panham abhisankharitva abhisankharitva tathagatam
upasankamitva pucchanti . [1]- kathita visajjita ca te panha
bhagavata honti nidditthakarana upakkhitaka ca . te bhagavato
sampajjanti . athakho bhagava tattha atirocati yadidam pannayati .
Evam bhagava pannacakkhunapi vivatacakkhu.
{727.8} Katham bhagava buddhacakkhunapi vivatacakkhu. Bhagava buddhacakkhuna
lokam volokento addasa satte apparajakkhe maharajakkhe tikkhindriye
mudindriye svakare dvakare suvinnapaye duvinnapaye appekacce
paralokavajjabhayadassavino viharante . [2]- seyyathapi nama uppaliniyam
va paduminiyam va pundarikiniyam va appekaccani uppalani va
padumani va pundarikani va udake jatani udake samvaddhani
udakanugatani antonimuggapositani 3- appekaccani uppalani
va padumani va pundarikani va udake jatani udake samvaddhani
samodakanthitani appekaccani uppalani va padumani va pundarikani
va udake jatani udake samvaddhani udaka accuggamma titthanti
anupalittani udakena evameva bhagava buddhacakkhuna lokam volokento
addasa satte apparajakkhe maharajakkhe tikkhindriye mudindriye
svakare dvakare suvinnapaye duvinnapaye appekacce
@Footnote: 1 Po. Ma. gulhani ca paticchannani ca. 2 Ma. appekacce na paralokavajjabhayadassavino
@viharante. 3 Po. Ma. anto nimuggaposini.
Paralokavajjabhayadassavino viharante . [1]- janati bhagava ayam
puggalo ragacarito ayam dosacarito ayam mohacarito ayam vitakkacarito
ayam saddhacarito ayam nanacaritoti.
{727.9} Ragacaritassa bhagava puggalassa asubhakatham katheti .
Dosacaritassa bhagava puggalassa mettabhavanam acikkhati . mohacaritam
bhagava puggalam 2- uddese paripucchaya kalena dhammassavane kalena
dhammasakacchaya garusamvase niveseti . vitakkacaritassa bhagava puggalassa
anapanassatim acikkhati . saddhacaritassa bhagava puggalassa
pasadaniyam nimittam acikkhati buddhasubodhim dhammasudhammatam sanghasupatipattim
silani ca attano . nanacaritassa bhagava puggalassa vipassananimittam
acikkhati aniccakaram dukkhakaram anattakaram.
Sele yatha pabbatamuddhanitthito
yathapi passe janatam samantato
tathupamam dhammamayam sumedha
pasadamaruyha samantacakkhu
sokavakinnam 3- janatamapetasoko
avekkhassu jatijarabhibhutanti.
Evam bhagava buddhacakkhunapi vivatacakkhu.
{727.10} Katham bhagava samantacakkhunapi vivatacakkhu . Samantacakkhu
vuccati sabbannutananam . bhagava sabbannutananena upeto samupeto
@Footnote: 1 Ma. appekacce na paralokavajjabhayadassavino viharante. 2 Po. Ma. mohacaritassa
@bhagava puggalassa. 3 Ma. sokavatinnam.
Upagato samupagato upapanno samupapanno samannagato.
Na tassa aditthamidhatthi kinci
atho avinnatamajanitabbam
sabbam abhinnasi yadatthi neyyam
tathagato tena samantacakkhuti.
Evam bhagava samantacakkhunapi vivatacakkhuti akittayi vivatacakkhu.
The Pali Tipitaka in Roman Character Volume 29 page 428-436.
https://84000.org/tipitaka/read/roman_item.php?book=29&item=727&items=1
Classified by [Item Number] :-
http://84000.org/tipitaka/read/roman_item.php?book=29&item=727&items=1&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=29&item=727&items=1
Compare with The Royal Version of Thai Tipitaka :-
https://84000.org/tipitaka/read/byitem.php?book=29&item=727&items=1
Study Atthakatha :-
https://84000.org/tipitaka/attha/attha.php?b=29&i=727
Contents of The Tipitaka Volume 29
https://84000.org/tipitaka/read/?index_29
https://84000.org/tipitaka/english/?index_29
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
