|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
|
|
Cittagaravaggassa dutiyasikkhapadam [298] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhuniyo asandimpi pallankampi paribhunjanti . manussa viharacarikam ahindanta passitva ujjhayanti khiyanti vipacenti katham hi nama bhikkhuniyo asandimpi pallankampi paribhunjissanti seyyathapi gihiniyo kamabhoginiyoti . Assosum kho bhikkhuniyo tesam manussanam ujjhayantanam khiyantanam vipacentanam. {298.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo asandimpi pallankampi paribhunjissanti .pe. saccam kira bhikkhave bhikkhuniyo asandimpi pallankampi paribhunjantiti. Saccam bhagavati. {298.2} Vigarahi buddho bhagava katham hi nama bhikkhave bhikkhuniyo asandimpi pallankampi paribhunjissanti netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {298.3} ya pana bhikkhuni asandim va pallankam va paribhunjeyya pacittiyanti. [299] Ya panati ya yadisa .pe. bhikkhuniti .pe. ayam Imasmim atthe adhippeta bhikkhuniti . asandi nama atikkantappamana vuccati . pallanko nama aharimehi valehi kato hoti. Paribhunjeyyati tasmim abhinisidati va abhinipajjati va apatti pacittiyassa. [300] Anapatti asandiya pade chinditva paribhunjati pallankassa vale bhinditva paribhunjati ummattikaya adikammikayati.The Pali Tipitaka in Roman Character Volume 3 page 166-167. https://84000.org/tipitaka/read/roman_item.php?book=3&item=298&items=3 Classified by [Item Number] :- http://84000.org/tipitaka/read/roman_item.php?book=3&item=298&items=3&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=3&item=298&items=3 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=298&items=3 Study Atthakatha :- https://84000.org/tipitaka/attha/attha.php?b=3&i=298 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]