บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Atthamam uttareyyadayakattherapadanam (338) [340] |340.91| Nagare hamsavatiya ahosim brahmano tada ajjhayiko mantadharo tinnam vedana paragu. |340.92| Purakkhato sasissehi jatimo 1- ca susikkhito toyabhisecanatthaya nagara nikkhamim tada. |340.93| Padumuttaro 2- lokavidu sabbadhammana paragu khinasavasahassehi nagaram pavisi jino. |340.94| Sucarurupam disvana anenjam karitam viya parivutam arahantehi disva cittam pasadayim. |340.95| Sirasi anjalim katva namassitvana subbatam pasannacitto sumano uttariyamadasaham. |340.96| Ubhohatthehi paggayha satakam ukkhipim aham yavata buddhaparisa tava chadesi satakam. |340.97| Pindacaram carantassa mahabhikkhuganadino 3- chadam karonto atthasi hasayanto mamam tada. @Footnote: 1 Ma. jatima. 2 Ma. Yu. padumuttaro nama jino. 3 Yu. mahabhikkhuganadinam. |340.98| Gharato nikkhamantassa sayambhu aggapuggalo vithiyam 1- thitako sattha akasi anumodanam. |340.99| Pasannacitto sumano yo me padasi 2- satakam tamaham kittayissami sunatha mama bhasato. |340.100| Timsakappasahassani devaloke ramissati pannasakkhattum devindo devarajjam karissati. |340.101| Devaloke vasantassa punnakammasamangino samanta yojanasatam dussacchannam bhavissati. |340.102| Chattimsakkhattum raja ca cakkavatti bhavissati padesarajjam vipulam gananato asankhayam. |340.103| Bhave samsaramanassa punnakammasamangino manasa patthitam sabbam nibbattissati tavade. |340.104| Koseyyakambalani 3- ca khomakappasikani ca mahagghani ca dussani patilacchatiyam naro. |340.105| Manasa patthitam sabbam patilacchatiyam naro ekadussassa vipakam anubhossati sabbada. |340.106| So paccha pabbajitvana sukkamulena codito gotamassa bhagavato dhammam sacchikarissati. |340.107| Aho me sukatam kammam sambuddhassa 4- mahesino ekaham satakam datva pattomhi amatam padam. @Footnote: 1 Ma. Yu. vithiyamva thito sattha akame anumodanam. 2 Ma. adasi. @3 Ma. koseyyakambaliyani. 4 Ma. Yu. sabbannussa. |340.108| Mandape rukkhamule va vasato sunnake ghare dhareti dussachadanam samanta byamato mama. |340.109| Avinnattam 1- nivasemi civaram paccayancaham labhimhi 2- annapanassa uttareyyassidam phalam. |340.110| Satasahasse ito kappe yam kammamakarim tada duggatim nabhijanami vatthadanassidam phalam. |340.111| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma uttareyyadayako thero ima gathayo abhasitthati. Uttareyyadayakattherassa apadanam samattam.The Pali Tipitaka in Roman Character Volume 32 page 422-424. https://84000.org/tipitaka/read/roman_item.php?book=32&item=340&items=1 Classified by [Item Number] :- http://84000.org/tipitaka/read/roman_item.php?book=32&item=340&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=32&item=340&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=340&items=1 Study Atthakatha :- https://84000.org/tipitaka/attha/attha.php?b=32&i=340 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]