Pancamam mogharajattherapadanam (35)
[37] |37.64| Atthadassi tu bhagava sayambhu aparajito
bhikkhusanghaparibyulho rathiyam patipajjatha.
|37.65| Sissehi samparivuto gharamha abhinikkhamim
nikkhamitvanaham tattha addasam lokanayakam.
|37.66| Abhivadetvana 1- sambuddham sire katvana anjalim
sakam cittam pasadetva santhavim lokanayakam.
|37.67| Yavata rupino satta arupi va asannino
sabbe te tava nanamhi anto honti samogadha 2-.
|37.68| Sukhumacchikena 3- jalena udakam yo parikkhipe
ye keci udake pana antojale bhavanti te.
|37.69| Yesanca cetana atthi rupino ca arupino.
Sabbe te tava nanamhi anto honti samogadha
|37.70| samuddharasimam lokam andhakarasamakulam.
Tava dhammam sunitvana kankhasotam taranti te
|37.71| avijjanivuto loko andhakarena otthato.
@Footnote: 1 Ma. abhivadiya. 2 Yu. samahata. 3 Yu. sumacchikena.
Tava nanamhi jotante andhakara padhamsita
|37.72| tuvam cakkhusi sabbesam mahatamavinudano.
Tava dhammam sunitvana nibbayissati bahujjano
|37.73| putaram 1- purayitvana madhum khuddam anelakam.
Ubhohatthehi paggayha apanesim mahesino
|37.74| patigganhi mahaviro subhakena mahaisi.
Bhunjitva tanca sabbannu vehasam nabhamuggami
|37.75| antalikkhe thito sattha atthadassi narasabho.
Mama cittam pasadento ima gatha abhasatha
|37.76| yenidam thavitam nanam buddhasettho ca thomito.
Tena cittappasadena duggatim so na gacchati
|37.77| catusatthinca 2- khattum so devarajjam karissati.
Padesarajjatthasatam 3- vasudham avasissati
|37.78| panceva satakkhattunca cakkavatti bhavissati.
Padesarajjam asankheyyam mahiya karayissati
|37.79| ajjhayiko mantadharo tinnam vedana paragu.
Gotamassa bhagavato sasane pabbajissati
|37.80| gambhiram nipunam attham nanena vicinissati.
Mogharajati namena hessati satthusavako
|37.81| tihi vijjahi sampanno 4- katakicco anasavo.
@Footnote: 1 Ma. putakam. Yu. pitharam. 2 Ma. Yu. catuddasanca. 3 Ma. pathabya rajjam atthasatam.
@4 Ma. tihi vijjahi sampannam katakiccam anasavam.
Gotamo satthavahaggo etadagge thapessati
|37.82| hitva manusakam yogam chetvana bhavabandhanam
sabbasave parinnaya viharami anasavo.
|37.83| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma mogharaja thero ima gathayo
abhasitthati.
Mogharajattherassa apadanam samattam.
The Pali Tipitaka in Roman Character Volume 32 page 124-126.
https://84000.org/tipitaka/read/roman_item.php?book=32&item=37&items=1
Classified by [Item Number] :-
http://84000.org/tipitaka/read/roman_item.php?book=32&item=37&items=1&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=32&item=37&items=1
Compare with The Royal Version of Thai Tipitaka :-
https://84000.org/tipitaka/read/byitem.php?book=32&item=37&items=1
Study Atthakatha :-
https://84000.org/tipitaka/attha/attha.php?b=32&i=37
Contents of The Tipitaka Volume 32
https://84000.org/tipitaka/read/?index_32
https://84000.org/tipitaka/english/?index_32
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
