ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
     [409] |409.184| Pabbharakutam nissaya         anomo nama tapaso
                          assamam sukatam katva        pannasale vasim tada.
      |409.185| Siddham tassa tapokammam      siddhipatto sake bale
                          sakamsamannavikkanto    atapi nipako muni.
      |409.186| Visarado sasamaye            paravade ca kovido
                          pattho bhumantalikkhasmim    uppadamhi ca kovido.
      |409.187| Vitasoko nirarambho         appaharo alolupo
                          labhalabhena santuttho  jhayi jhanarato muni.
      |409.188| Piyadassi nama sambuddho  aggo karuniko muni
                          satte taretukamo so    karunaya phari tada.
      |409.189| Bodhaneyyam janam disva      piyadassi mahamuni
                          cakkavalasahassamhi        gantva ovadako 1- muni.
      |409.190| Mamuddharitukamo so          mamassamamupagami
                          na dittho me jino pubbe  na sutopi ca kassaci.
      |409.191| Uppada 2- supina mayham    lakkhana suppakasita
                          pattho bhumantalikkhasmim    nakkhattapadakovido.
      |409.192| Soham buddhassa sutvana     tattha cittam pasadayim
                          titthanto 3- va nisinno va sarami niccakalikam.
@Footnote: 1 Ma. Yu. ovadate. 2 Ma. uppata. 3 Yu. bhunjanto.
      |409.193| Mama evam sarantassa 1-     bhagavapi anussari
                          buddham anussarantassa      piti me hoti tavade.
      |409.194| Kalanca punaragamma       mam upesi mahamuni
                          sampattepi 2- na janami    ayam buddho mahamuni.
      |409.195| Anukampako karuniko      piyadassi mahamuni
                          sanjanapesi attanam   aham buddho sadevake.
      |409.196| Sanjanitvana sambuddham  piyadassim mahamunim
                          sakam cittam pasadetva     idam vacanamabravim.
      |409.197| Sabbe 3- pithe ca pallanke  asandisu nisidare
                          tuvampi sabbadayavi 4-      nisida rucirasane 5-.
      |409.198| Sabbaratanamayam pitham           nimminitvana tavade
                          piyadassissa munino        asanam iddhinimmitam.
      |409.199| Rataneva 6- nisinnassa      pithake iddhinimmite
                          kumbhamattam jambuphalam       adasim tavade aham.
      |409.200| Mama hasam janetvana       paribhunji mahamuni
                          tada cittam pasadetva   sattharam abhivadayim.
      |409.201| Piyadassi tu bhagava           lokajettho narasabho
                          ratanasanamasinno        ima gatha abhasatha.
      |409.202| Yo me ratanamayam pitham         amatanca phalam ada
                          tamaham kittayissami        sunatha mama bhasato.
@Footnote: 1 Ma. Yu. sarantamhi. 2 Yu. sampattopi. 3 Ma. Yu. anne. 4 Ma. tuvampi
@sabbadassavi. Yu. tuvamsi .... 5 Ma. Yu. ratanasane. 6 Ma. Yu. ratane ca.
      |409.203| Sattasattati kappani      devaloke ramissati
                          pancasattatikkhattunca   cakkavatti bhavissati.
      |409.204| Dvattimsakkhattum devindo  devarajjam karissati
                          padesarajjam vipulam             gananato asankhayam.
      |409.205| Sovannamayam rucimayam 1-    pallankam sukatam bahum
                          lohitankamayanceva         lacchati ratanamayam.
      |409.206| Cankamantampi manunnam 2-  punnakammasamanginam
                          pallankani anekani      parivarissare sada.
      |409.207| Kutagara ca pasada     sayananca maharaham
                          imassa cittamannaya     nibbattissanti tavade.
      |409.208| Satthi nagasahassani        sabbalankarabhusita
                          suvannakaccha matanga   hemakappanivasasa 3-
      |409.209| arulha gamaniyebhi       tomaramkusapanibhi
                          tepimam paricarissanti         ratanapithassidam phalam.
      |409.210| Satthi assasahassani        sabbalankarabhusita
                          ajaniya ca jatiya      sindhava sighabahana.
      |409.211| Arulha gamaniyebhi      capahatthehi cammibhi 4-
                          tepimam paricarissanti        ratanapithassidam phalam.
      |409.212| Satthi rathasahassani          sabbalankarabhusita
                          dipa athopi veyyaggha   sannaddha ussitaddhaja.
@Footnote: 1 Ma. Yu. rupimayam. 2 Ma. Yu. manujam. 3 Ma. Yu. hemakappanavasasa. 4 Ma. illiya
@capadharibhi. Yu. capahatthehi vammibhi.
      |409.213| Arulha gamaniyebhi      capahatthehi cammibhi 1-
                          parivaressantimam niccam     ratanapithassidam phalam.
      |409.214| Satthi dhenusahassani        gavi supungavusabha 2-
                          vacchake janayissanti        ratanapithassidam phalam.
      |409.215| Solasitthisahassani         sabbalankarabhusita
                          vicittavatthabharana         amuttamanikundala.
      |409.216| Alaramukha 3- hasula    susanna tanumajjhima
                          parivaressantimam niccam     ratanapithassidam phalam.
      |409.217| Attharase kappasate        gotamo nama cakkhuma
                          tamandhakaram vidhamsetva 4-    buddho loke bhavissati.
      |409.218| Tassa dassanamagamma       pabbajissatikincano
                          tosayitvana sattharam       sasanebhiramissati.
      |409.219| Tassa dhammam sunitvana      kilese jhapayissati 5-
                          sabbasave parinnaya    nibbayissatinasavo.
      |409.220| Viriyam me dhuradhorayham          yogakkhemadhivahanam
                          uttamattham patthayano    sasane viharamaham.
      |409.221| Idam pacchimakam mayham         carimo vattate bhavo
                          sabbasavaparikkhino 6-   natthi dani punabbhavo.
       |409.222| Kilesa jhapita mayham    bhava sabbe samuhata
                          nagova bandhanam chetva    viharami anasavo.
@Footnote: 1 Ma. Yu. vammibhi. 2 Ma. dohanna pungavusabhe. Yu. rohanna pungavusabha.
@3 Ma. Yu. alarapamha. 4 Ma. Yu. vidhametva. 5 Ma. ghatayissati.
@6 Ma. sabbasava parikkhina.
      |409.223| Svagatam vata me asi        mama buddhassa santike
                          tisso vijja anuppatta katam buddhassa sasanam.
      |409.224| Patisambhida catasso        vimokkhapica atthime
                          chalabhinna sacchikata     katam buddhassa sasananti.
        Ittham sudam ayasma hemako thero ima gathayo
abhasitthati.
                              Hemakattherassa apadanam samattam.
                                 Attharasamam bhanavaram.
              Atthamam todeyyattherapadanam  (408)



             The Pali Tipitaka in Roman Character Volume 32 page 553-557. https://84000.org/tipitaka/read/roman_item.php?book=32&item=409&items=1&mode=bracket              Classified by content :- https://84000.org/tipitaka/read/roman_item.php?book=32&item=409&items=1              Compare with The Pali Tipitaka in Thai Character :- https://84000.org/tipitaka/read/pali_item.php?book=32&item=409&items=1&mode=bracket              Compare with The Royal Version of Thai Tipitaka :- https://84000.org/tipitaka/read/byitem.php?book=32&item=409&items=1&mode=bracket              Study Atthakatha :- https://84000.org/tipitaka/attha/attha.php?b=32&i=409              Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32

First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]