ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ENGLISH letter
TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu
                     Sattakkhattuṃparamakathā
     [1492]   Sattakkhattuṃparamo   puggalo  sattakkhattuṃparamatāniyatoti .
Āmantā  .  mātā  jīvitā  voropitā  pitā  jīvitā  voropito arahā
jīvitā   voropito   duṭṭhena   cittena   tathāgatassa   lohitaṃ  uppāditaṃ
saṅgho bhinnoti. Na hevaṃ vattabbe .pe.
     [1493]   Sattakkhattuṃparamo   puggalo  sattakkhattuṃparamatāniyatoti .
Āmantā   .   abhabbo   antarā   dhammaṃ   abhisametunti   .  na  hevaṃ
vattabbe  .pe.  abhabbo  antarā  dhammaṃ  abhisametunti  .  āmantā .
Mātā   jīvitā   voropitā   pitā   jīvitā  voropito  arahā  jīvitā
voropito   duṭṭhena   cittena   tathāgatassa   lohitaṃ   uppāditaṃ  saṅgho
bhinnoti. Na hevaṃ vattabbe .pe.
     [1494]   Sattakkhattuṃparamo   puggalo  sattakkhattuṃparamatāniyatoti .
Āmantā  .  atthi  so  niyamo  yena  niyamena  sattakkhattuṃparamo puggalo
sattakkhattuṃparamatāniyatoti   .   na   hevaṃ   vattabbe  .pe.  atthi  te
satipaṭṭhānā   sammappadhānā   iddhipādā   indriyā   balā   bojjhaṅgā
yehi  bojjhaṅgehi  sattakkhattuṃparamo  puggalo  sattakkhattuṃparamatāniyatoti .
Na hevaṃ vattabbe .pe.
     [1495]   Natthi   so   niyamo   yena  niyamena  sattakkhattuṃparamo
puggalo    sattakkhattuṃparamatāniyatoti   .   āmantā   .   hañci   natthi
So   niyamo   yena   niyamena   sattakkhattuṃparamo   puggalo  sattakkhattuṃ-
paramatāniyato   no   vata   re   vattabbe   sattakkhattuṃparamo  puggalo
sattakkhattuṃparamatāniyatoti.
     [1496]   Natthi   te   satipaṭṭhānā   .pe.   bojjhaṅgā  yehi
bojjhaṅgehi    sattakkhattuṃparamo   puggalo   sattakkhattuṃparamatāniyatoti  .
Āmantā  .  hañci  natthi te bojjhaṅgā yehi bojjhaṅgehi sattakkhattuṃparamo
puggalo     sattakkhattuṃparamatāniyato     no    vata    re    vattabbe
sattakkhattuṃparamo puggalo sattakkhattuṃparamatāniyatoti.
     [1497]   Sattakkhattuṃparamo   puggalo  sattakkhattuṃparamatāniyatoti .
Āmantā   .   sakadāgāminiyamenāti   .   na   hevaṃ  vattabbe  .pe.
Anāgāminiyamenāti  .  na  hevaṃ  vattabbe  .pe.  arahattaniyamenāti .
Na hevaṃ vattabbe .pe. Katamena niyamenāti. Sotāpattiniyamenāti.
     [1498]   Sattakkhattuṃparamo   puggalo  sattakkhattuṃparamatāniyatoti .
Āmantā   .   ye   keci   sotāpattiniyāmaṃ   okkamanti  sabbe  te
sattakkhattuṃparamatāniyatāti. Na hevaṃ vattabbe .pe.
     [1499]   Na   vattabbaṃ   sattakkhattuṃparamo   puggalo  sattakkhattuṃ-
paramatāniyatoti   .   āmantā   .   nanu   so  sattakkhattuṃparamoti .
Āmantā   .   hañci   so  sattakkhattuṃparamo  tena  vata  re  vattabbe
sattakkhattuṃparamo puggalo sattakkhattuṃparamatāniyatoti.
                    Sattakkhattuṃparamakathā.
                    Kolaṃkolaekavījīkathā



             The Pali Tipitaka in Roman Character Volume 37 page 499-501. https://84000.org/tipitaka/read/roman_item.php?book=37&item=1492&items=8              Classified by [Item Number] :- http://84000.org/tipitaka/read/roman_item.php?book=37&item=1492&items=8&mode=bracket              Compare with The Pali Tipitaka in Thai Character :- https://84000.org/tipitaka/read/pali_item.php?book=37&item=1492&items=8              Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1492&items=8              Study Atthakatha :- https://84000.org/tipitaka/attha/attha.php?b=37&i=1492              Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37

First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ENGLISH letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]