paliTIPITAKA Volume 37 - Abhidhamma Pitaka 4

[1788] Nibbānadhātu kusalāti . āmantā . sārammaṇā atthi tāya āvajjanā .pe. paṇidhīti . na hevaṃ vattabbe .pe. Nanu anārammaṇā natthi tāya āvajjanā .pe. paṇidhīti . Āmantā . hañci anārammaṇā natthi tāya āvajjanā .pe. Paṇidhi no vata re vattabbe nibbānadhātu kusalāti. [1789] Alobho kusalo sārammaṇo atthi tassa āvajjanā .pe. paṇidhīti . āmantā . nibbānadhātu kusalā sārammaṇā atthi tāya āvajjanā .pe. paṇidhīti . na hevaṃ vattabbe .pe. @Footnote:1. Ma. rūpā. Adoso kusalo .pe. amoho kusalo .pe. saddhā viriyaṃ sati samādhi .pe. paññā kusalā sārammaṇā atthi tāya āvajjanā .pe. paṇidhīti . āmantā . nibbānadhātu kusalā sārammaṇā atthi tāya āvajjanā .pe. Paṇidhīti. Na hevaṃ vattabbe .pe. [1790] Nibbānadhātu kusalā anārammaṇā natthi tāya āvajjanā .pe. paṇidhīti . āmantā . alobho kusalo anārammaṇo natthi tassa āvajjanā .pe. paṇidhīti . na hevaṃ vattabbe .pe. Nibbānadhātu kusalā anārammaṇā natthi tāya āvajjanā .pe. paṇidhīti . Āmantā . adoso kusalo .pe. amoho kusalo .pe. saddhā viriyaṃ sati samādhi .pe. paññā kusalā anārammaṇā natthi tāya āvajjanā .pe. Paṇidhīti. Na hevaṃ vattabbe .pe. [1791] Na vattabbaṃ nibbānadhātu kusalāti . āmantā. Nanu nibbānadhātu anavajjāti . āmantā . hañci nibbānadhātu anavajjā tena vata re vattabbe nibbānadhātu kusalāti. Kusalakathā. -------- Accantaniyāmakathā

The Pali Tipitaka in Roman Character Volume 37 page 617-618. https://84000.org/tipitaka/read/roman_item.php?book=37&item=1788&items=4&mode=bracket Classified by content :- https://84000.org/tipitaka/read/roman_item.php?book=37&item=1788&items=4 Compare with The Pali Tipitaka in Thai Character :- https://84000.org/tipitaka/read/pali_item.php?book=37&item=1788&items=4&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1788&items=4&mode=bracket Study Atthakatha :- https://84000.org/tipitaka/attha/attha.php?b=37&i=1788 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37