paliTIPITAKA Volume 40 - Abhidhamma Pitaka 7

Abhidhammapitake patthanam pathamo bhago ------ namo tassa bhagavato arahato sammasambuddhassa. Matikanikkhepavaro ^1- [1] Hetupaccayo arammanapaccayo adhipatipaccayo anantarapaccayo samanantarapaccayo sahajatapaccayo annamannapaccayo nissayapaccayo upanissayapaccayo purejatapaccayo pacchajatapaccayo asevanapaccayo kammapaccayo vipakapaccayo aharapaccayo indriyapaccayo jhanapaccayo maggapaccayo sampayuttapaccayo vippayuttapaccayo atthipaccayo natthipaccayo vigatapaccayo avigatapaccayo. Paccayavibhangavaro ^2- [2] Hetupaccayoti hetu hetusampayuttakanam dhammanam tamsamutthanananca rupanam hetupaccayena paccayoti. [3] Arammanapaccayoti rupayatanam cakkhuvinnanadhatuya tamsampayuttakananca dhammanam arammanapaccayena paccayo saddayatanam @Footnote: ¹ paccayuddesotipi . ² paccayaniddesotipi. Sotavinnanadhatuya tamsampayuttakananca dhammanam arammanapaccayena paccayo gandhayatanam ghanavinnanadhatuya tamsampayuttakananca dhammanam arammanapaccayena paccayo rasayatanam jivhavinnanadhatuya tamsampayuttakananca dhammanam arammanapaccayena paccayo photthabbayatanam kayavinnanadhatuya tamsampayuttakananca dhammanam arammanapaccayena paccayo rupayatanam saddayatanam gandhayatanam rasayatanam photthabbayatanam manodhatuya tamsampayuttakananca dhammanam arammanapaccayena paccayo sabbe dhamma manovinnanadhatuya tamsampayuttakananca dhammanam arammanapaccayena paccayo yam yam dhammam arabbha ye ye dhamma uppajjanti cittacetasika dhamma te te dhamma tesam tesam dhammanam arammanapaccayena paccayoti. [4] Adhipatipaccayoti chandadhipati chandasampayuttakanam dhammanam tamsamutthanananca rupanam adhipatipaccayena paccayo viriyadhipati viriyasampayuttakanam dhammanam tamsamutthanananca rupanam adhipatipaccayena paccayo cittadhipati cittasampayuttakanam dhammanam tamsamutthanananca rupanam adhipatipaccayena paccayo vimamsadhipati vimamsasampayuttakanam dhammanam tamsamutthanananca rupanam adhipatipaccayena paccayo yam yam dhammam garum katva ye ye dhamma uppajjanti cittacetasika dhamma te te dhamma tesam tesam dhammanam adhipatipaccayena paccayoti. [5] Anantarapaccayoti cakkhuvinnanadhatu tamsampayuttaka ca dhamma manodhatuya tamsampayuttakananca dhammanam anantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam anantarapaccayena paccayo {5.1} sotavinnanadhatu tamsampayuttaka ca dhamma manodhatuya tamsampayuttakananca dhammanam anantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam anantarapaccayena paccayo {5.2} ghanavinnanadhatu tamsampayuttaka ca dhamma manodhatuya tamsampayuttakananca dhammanam anantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam anantarapaccayena paccayo {5.3} jivhavinnanadhatu tamsampayuttaka ca dhamma manodhatuya tamsampayuttakananca dhammanam anantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam anantarapaccayena paccayo {5.4} kayavinnanadhatu tamsampayuttaka ca dhamma manodhatuya tamsampayuttakananca dhammanam anantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam anantarapaccayena paccayo {5.5} purima purima kusala dhamma pacchimanam pacchimanam kusalanam dhammanam anantarapaccayena paccayo purima purima kusala dhamma pacchimanam Pacchimanam abyakatanam dhammanam anantarapaccayena paccayo {5.6} purima purima akusala dhamma pacchimanam pacchimanam akusalanam dhammanam anantarapaccayena paccayo purima purima akusala dhamma pacchimanam pacchimanam abyakatanam dhammanam anantarapaccayena paccayo {5.7} purima purima abyakata dhamma pacchimanam pacchimanam abyakatanam dhammanam anantarapaccayena paccayo purima purima abyakata dhamma pacchimanam pacchimanam kusalanam dhammanam anantarapaccayena paccayo {5.8} purima purima abyakata dhamma pacchimanam pacchimanam akusalanam dhammanam anantarapaccayena paccayo yesam yesam dhammanam anantara ye ye dhamma uppajjanti cittacetasika dhamma te te dhamma tesam tesam dhammanam anantarapaccayena paccayoti. [6] Samanantarapaccayoti cakkhuvinnanadhatu tamsampayuttaka ca dhamma manodhatuya tamsampayuttakananca dhammanam samanantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam samanantarapaccayena paccayo {6.1} sotavinnanadhatu tamsampayuttaka ca dhamma manodhatuya tamsampayuttakananca dhammanam samanantarapacyena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam samanantarapaccayena paccayo {6.2} ghanavinnanadhatu tamsampayuttaka ca dhamma manodhatuya tamsampayuttakananca dhammanam samanantarapaccayena Paccayo manodhatu tamsampayuttaka ca dhamma manovinnanadhatuya tamsampayuttakananca dhammanam samanantarapaccayena paccayo {6.3} jivhavinnanadhatu tamsampayuttaka ca dhamma manodhatuya tamsampayuttakananca dhammanam samanantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam samanantarapaccayena paccayo {6.4} kayavinnanadhatu tamsampayuttaka ca dhamma manodhatuya tamsampayuttakananca dhammanam samanantarapaccayena paccayo manodhatu tamsampayuttaka ca dhamma manovinnanadhatuya tamsampayuttakananca dhammanam samanantarapaccayena paccayo {6.5} purima purima kusala dhamma pacchimanam pacchimanam kusalanam dhammanam samanantarapaccayena paccayo purima purima kusala dhamma pacchimanam pacchimanam abyakatanam dhammanam samanantarapaccayena paccayo {6.6} purima purima akusala dhamma pacchimanam pacchimanam akusalanam dhammanam samanantarapaccayena paccayo purima purima akusala dhamma pacchimanam pacchimanam abyakatanam dhammanam samanantarapaccayena paccayo {6.7} purima purima abyakata dhamma pacchimanam pacchimanam abyakatanam dhammanam samanantarapaccayena paccayo purima purima abyakata dhamma pacchimanam pacchimanam kusalanam dhammanam samanantarapaccayena paccayo {6.8} purima purima abyakata dhamma pacchimanam pacchimanam akusalanam dhammanam samanantarapaccayena paccayo Yesam yesam dhammanam samanantara ye ye dhamma uppajjanti cittacetasika dhamma te te dhamma tesam tesam dhammanam samanantarapaccayena paccayoti. [7] Sahajatapaccayoti cattaro dhamma arupino annamannam sahajatapaccayena paccayo cattaro mahabhuta annamannam sahajatapaccayena paccayo okkantikkhane namarupam annamannam sahajatapaccayena paccayo cittacetasika dhamma cittasamutthananam rupanam sahajatapaccayena paccayo mahabhuta upadarupanam sahajatapaccayena paccayo rupino dhamma arupinam dhammanam kanci kalam sahajatapaccayena paccayo kanci kalam nasahajatapaccayena paccayoti. [8] Annamannapaccayoti cattaro khandha arupino annamannapaccayena paccayo cattaro mahabhuta annamannapaccayena paccayo okkantikkhane namarupam annamannapaccayena paccayoti.

The Pali Tipitaka in Roman Character Volume 40 page 1-6. https://84000.org/tipitaka/read/roman_item.php?book=40&item=1&items=8 Classified by [Item Number] :- http://84000.org/tipitaka/read/roman_item.php?book=40&item=1&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=40&item=1&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=40&item=1&items=8 Study Atthakatha :- https://84000.org/tipitaka/attha/attha.php?b=40&i=1 Contents of The Tipitaka Volume 40 https://84000.org/tipitaka/read/?index_40 https://84000.org/tipitaka/english/?index_40