บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
TIPITAKA Volume 43 : PALI ROMAN Abhidhamma Pitaka Vol 10 : Abhi. Pa.(4) Anulomadukapaṭṭhānaṃ pacchimaṃ
Kilesasampayuttadukaṃ paṭiccavāro [540] Kilesasampayuttaṃ dhammaṃ paṭicca kilesasampayutto dhammo uppajjati hetupaccayā: kilesasampayuttaṃ ekaṃ khandhaṃ paṭicca tayo khandhā dve khandhe ... . Kilesasampayuttaṃ dhammaṃ paṭicca kilesa- vippayutto dhammo uppajjati hetupaccayā: kilesasampayutte khandhe paṭicca cittasamuṭṭhānaṃ rūpaṃ. Kilesasampayuttadukaṃ saṅkiliṭṭhadukasadisaṃ ninnānākaraṇaṃ. Kilesasampayuttadukaṃ niṭṭhitaṃ. ------------------- Kilesa saṅkilesikadukaṃ paṭiccavāro [541] Kilesañcevasaṅkilesikañca dhammaṃ paṭicca kilesoceva- saṅkilesikoca dhammo uppajjati hetupaccayā: lobhaṃ paṭicca moho diṭṭhi thīnaṃ uddhaccaṃ ahirikaṃ anottappaṃ . cakkaṃ . kilesañceva- saṅkilesikañca dhammaṃ paṭicca saṅkilesikocevanocakileso dhammo uppajjati hetupaccayā: kilese paṭicca sampayuttakā khandhā cittasamuṭṭhānañca rūpaṃ . kilesañcevasaṅkilesikañca dhammaṃ paṭicca Kilesocevasaṅkilesikoca saṅkilesikocevanocakileso ca dhammā uppajjanti hetupaccayā: lobhaṃ paṭicca moho diṭṭhi thīnaṃ uddhaccaṃ ahirikaṃ anottappaṃ sampayuttakā ca khandhā cittasamuṭṭhānañca rūpaṃ. Evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi kilesadukasadisā ninnānākaraṇā āmasanaṃ nānaṃ. Pañhāvāro [542] Kilesocevasaṅkilesikoca dhammo kilesassacevasaṅkilesikassaca dhammassa hetupaccayena paccayo: kilesāceva saṅkilesikāca hetū sampayuttakānaṃ kilesānaṃ hetupaccayena paccayo . evaṃ cattāri kilesadukasadisaṃ. [543] Kilesocevasaṅkilesikoca dhammo kilesassacevasaṅkilesikassaca dhammassa ārammaṇapaccayena paccayo: kilese ārabbha kilesā khandhā uppajjanti . mūlaṃ kilese ārabbha saṅkilesikācevanocakilesā khandhā uppajjanti . mūlaṃ kilese ārabbha kilesā ca sampayuttakā ca khandhā uppajjanti . saṅkilesikocevanocakileso dhammo saṅkilesikassaceva- nocakilesassa dhammassa ārammaṇapaccayena paccayo: dānaṃ ... Sīlaṃ ... Uposathakammaṃ ... Pubbe suciṇṇāni ... Jhānā vuṭṭhahitvā jhānaṃ paccavekkhati assādeti abhinandati taṃ ārabbha rāgo uppajjati uddhaccaṃ ... Jhāne Parihīne vippaṭisārissa domanassaṃ uppajjati ariyā gotrabhuṃ paccavekkhanti vodānaṃ paccavekkhanti cakkhuṃ ... Vatthuṃ ... Saṅkilesike- cevanocakilese khandhe aniccato .pe. domanassaṃ uppajjati dibbena cakkhunā .pe. Āvajjanāya ārammaṇapaccayena paccayo. Itare dve kilesadukasadisā. Ghaṭanārammaṇāpi kilesadukasadisā. [544] Kilesocevasaṅkilesikoca dhammo kilesassacevasaṅkilesikassaca dhammassa adhipatipaccayena paccayo: ārammaṇādhipati tīṇi. Saṅkilesikoceva- nocakileso dhammo saṅkilesikassacevanocakilesassa dhammassa adhipatipaccayena paccayo: ārammaṇādhipati sahajātādhipati. Ārammaṇādhipati: dānaṃ ... Sīlaṃ ... Uposathakammaṃ ... pubbe suciṇṇāni ... Jhānā vuṭṭhahitvā jhānaṃ garuṃ katvā paccavekkhati sekkhā gotrabhuṃ katvā paccavekkhanti vodānaṃ garuṃ katvā paccavekkhanti cakkhuṃ ... Vatthuṃ ... Saṅkilesikecevanocakilese khandhe garuṃ katvā saṅkilesikācevanocakilesā khandhā uppajjanti . sahajātādhipati: saṅkilesikācevanocakilesā adhipati sampayuttakānaṃ khandhānaṃ citta- samuṭṭhānānañca rūpānaṃ adhipatipaccayena paccayo . itare dvepi kilesadukasadisā. Ghaṭanādhipatipi. [545] Kilesocevasaṅkilesikoca dhammo kilesassacevasaṅkilesikassaca dhammassa anantarapaccayena paccayo: tīṇi kilesadukasadisā . Saṅkilesikocevanocakileso dhammo saṅkilesikassacevanocakilesassa Dhammassa anantarapaccayena paccayo: purimā purimā saṅkilesikāceva- nocakilesā khandhā pacchimānaṃ pacchimānaṃ saṅkilesikānañcevanoca- kilesānaṃ khandhānaṃ anantarapaccayena paccayo anulomaṃ gotrabhussa anulomaṃ vodānassa āvajjanā saṅkilesikānañcevanocakilesānaṃ khandhānaṃ anantarapaccayena paccayo . itare dve anantarakilesaduka- sadisā ninnānākaraṇā . ghaṭanānantarampi sabbe paccayā kilesa- dukasadisā ninnānākaraṇā . upanissaye lokuttaraṃ natthi idaṃ dukaṃ kilesadukasadisaṃ ninnānākaraṇaṃ. Kilesasaṅkilesikadukaṃ niṭṭhitaṃ. -------------- Kilesasaṅkiliṭṭhadukaṃ paṭiccavāro [546] Kilesañcevasaṅkiliṭṭhañca dhammaṃ paṭicca kilesoceva- saṅkiliṭṭhoca dhammo uppajjati hetupaccayā: lobhaṃ paṭicca moho diṭṭhi thīnaṃ uddhaccaṃ ahirikaṃ anottappaṃ . cakkaṃ . kilesañceva- saṅkiliṭṭhañca dhammaṃ paṭicca saṅkiliṭṭhocevanocakileso dhammo uppajjati hetupaccayā: kilese paṭicca sampayuttakā khandhā . Kilesañcevasaṅkiliṭṭhañca dhammaṃ paṭicca kilesocevasaṅkiliṭṭhoca saṅkiliṭṭhocevanocakileso ca dhammā uppajjanti hetupaccayā: lobhaṃ paṭicca moho diṭṭhi thīnaṃ uddhaccaṃ ahirikaṃ anottappaṃ sampayuttakā ca Khandhā . saṅkiliṭṭhañcevanocakilesaṃ dhammaṃ paṭicca saṅkiliṭṭhoceva- nocakileso dhammo uppajjati hetupaccayā: saṅkiliṭṭhañceva- nocakilesaṃ ekaṃ khandhaṃ paṭicca tayo khandhā dve khandhe .... {546.1} Saṅkiliṭṭhañcevanocakilesaṃ dhammaṃ paṭicca kilesoceva- saṅkiliṭṭhoca dhammo uppajjati hetupaccayā: saṅkiliṭṭhecevanoca- kilese khandhe paṭicca kilesā . saṅkiliṭṭhañcevanocakilesaṃ dhammaṃ paṭicca kilesocevasaṅkiliṭṭhoca saṅkiliṭṭhocevanocakileso ca dhammā uppajjanti hetupaccayā: saṅkiliṭṭhañcevanocakilesaṃ ekaṃ khandhaṃ paṭicca tayo khandhā kilesā ca . kilesañcevasaṅkiliṭṭhañca saṅkiliṭṭhañceva- nocakilesañca dhammaṃ paṭicca kilesocevasaṅkiliṭṭho ca dhammo uppajjati hetupaccayā: lobhañca sampayuttake ca khandhe paṭicca moho diṭṭhi thīnaṃ uddhaccaṃ ahirikaṃ anottappaṃ. Cakkaṃ. {546.2} Kilesañcevasaṅkiliṭṭhañca saṅkiliṭṭhañcevanocakilesañca dhammaṃ paṭicca saṅkiliṭṭhocevanocakileso dhammo uppajjati hetupaccayā: saṅkiliṭṭhañcevanocakilesaṃ ekaṃ khandhañca kilese ca paṭicca tayo khandhā dve khandhe ... . kilesañcevasaṅkiliṭṭhañca saṅkiliṭṭhañcevanocakilesañca dhammaṃ paṭicca kilesocevasaṅkiliṭṭhoca saṅkiliṭṭhocevanocakileso ca dhammā uppajjanti hetupaccayā: saṅkiliṭṭhañcevanocakilesaṃ ekaṃ khandhañca lobhañca paṭicca tayo khandhā moho diṭṭhi thīnaṃ uddhaccaṃ ahirikaṃ anottappaṃ dve khandhe .... Cakkaṃ. [547] Hetuyā nava ārammaṇe nava sabbattha nava kamme nava āhāre nava avigate nava. [548] Kilesañcevasaṅkiliṭṭhañca dhammaṃ paṭicca kilesoceva- saṅkiliṭṭhoca dhammo uppajjati nahetupaccayā: vicikicchaṃ paṭicca vicikicchāsahagato moho uddhaccaṃ paṭicca uddhaccasahagato moho . Saṅkiliṭṭhañcevanocakilesaṃ dhammaṃ paṭicca kilesocevasaṅkiliṭṭhoca dhammo uppajjati nahetupaccayā: vicikicchāsahagate uddhaccasahagate khandhe paṭicca vicikicchāsahagato uddhaccasahagato moho . Kilesañcevasaṅkiliṭṭhañca saṅkiliṭṭhañcevanocakilesañca dhammaṃ paṭicca kilesocevasaṅkiliṭṭhoca dhammo uppajjati nahetupaccayā: vicikicchāsahagate uddhaccasahagate khandhe ca vicikicchañca uddhaccañca paṭicca vicikicchāsahagato uddhaccasahagato moho. [549] Nahetuyā tīṇi naadhipatiyā nava napurejāte tīṇi napacchājāte nava naāsevane nava nakamme tīṇi navipāke nava navippayutte nava. Evaṃ itare dve gaṇanāpi sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadiso. Pañhāvāro [550] Kilesocevasaṅkiliṭṭhoca dhammo kilesassacevasaṅkiliṭṭhadhammassa Hetupaccayena paccayo: kilesācevasaṅkiliṭṭhāca hetū sampayuttakānaṃ kilesānaṃ hetupaccayena paccayo . kilesocevasaṅkiliṭṭhoca dhammo saṅkiliṭṭhassacevanocakilesassa dhammassa hetupaccayena paccayo: kilesācevasaṅkiliṭṭhāca hetū sampayuttakānaṃ khandhānaṃ hetupaccayena paccayo . kilesocevasaṅkiliṭṭhoca dhammo kilesassacevasaṅkiliṭṭhassaca saṅkiliṭṭhassacevanocakilesassa ca dhammassa hetupaccayena paccayo: kilesācevasaṅkiliṭṭhāca hetū sampayuttakānaṃ khandhānaṃ kilesānañca hetupaccayena paccayo. [551] Kilesocevasaṅkiliṭṭhoca dhammo kilesassacevasaṅkiliṭṭhassaca dhammassa ārammaṇapaccayena paccayo: kilese ārabbha kilesā uppajjanti . mūlaṃ kātabbaṃ kilese ārabbha saṅkiliṭṭhācevanocakilesā khandhā uppajjanti . mūlaṃ kātabbaṃ kilese ārabbha kilesā ca sampayuttakā ca khandhā uppajjanti . saṅkiliṭṭhocevanocakileso dhammo saṅkiliṭṭhassa- cevanocakilesassa dhammassa ārammaṇapaccayena paccayo: saṅkiliṭṭheceva- nocakilese khandhe ārabbha saṅkiliṭṭhācevanocakilesā khandhā uppajjanti . mūlaṃ kātabbaṃ saṅkiliṭṭhecevanocakilese khandhe ārabbha kilesā uppajjanti . mūlaṃ kātabbaṃ saṅkiliṭṭhecevanocakilese khandhe ārabbha kilesā ca sampayuttakā ca khandhā uppajjanti . Itarepi tīṇi kātabbā. [552] Kilesocevasaṅkiliṭṭhoca dhammo kilesassacevasaṅkiliṭṭhassaca Dhammassa adhipatipaccayena paccayo: ārammaṇādhipati tīṇi . saṅkiliṭṭho- cevanocakileso dhammo saṅkiliṭṭhassacevanocakilesassa dhammassa adhipatipaccayena paccayo: ārammaṇādhipati sahajātādhipati . Ārammaṇādhipati: saṅkiliṭṭhecevanocakilese khandhe garuṃ katvā .pe. Tīṇi dvepi adhipatī tīṇipi kātabbā. Itare dvepi tīṇi kātabbā. [553] Kilesocevasaṅkiliṭṭhoca dhammo kilesassacevasaṅkiliṭṭhassaca dhammassa anantarapaccayena paccayo: navapi kātabbā āvajjanāpi vuṭṭhānampi natthi . ... samanantarapaccayena paccayo: sahajātapaccayena paccayo: aññamaññapaccayena paccayo: nissayapaccayena paccayo: upanissayapaccayena paccayo: nava pañhā vibhaṅgo natthi. ... Āsevana- paccayena paccayo: nava. [554] Saṅkiliṭṭhocevanocakileso dhammo saṅkiliṭṭhassacevanoca- kilesassa dhammassa kammapaccayena paccayo: saṅkiliṭṭhācevanocakilesā cetanā sampayuttakānaṃ khandhānaṃ kammapaccayena paccayo . saṅkiliṭṭho- cevanocakileso dhammo kilesassacevasaṅkiliṭṭhassaca dhammassa kammapaccayena paccayo: saṅkiliṭṭhācevanocakilesā cetanā sampayuttakānaṃ kilesānaṃ kammapaccayena paccayo . saṅkiliṭṭhocevanocakileso dhammo kilesassacevasaṅkiliṭṭhassaca saṅkiliṭṭhassacevanocakilesassa ca dhammassa kammapaccayena paccayo: saṅkiliṭṭhācevanocakilesā cetanā sampayuttakānaṃ khandhānaṃ kilesānañca kammapaccayena paccayo . ... āhārapaccayena Paccayo: tīṇi indriyapaccayena paccayo: tīṇi jhānapaccayena paccayo: tīṇi maggapaccayena paccayo: nava sampayuttapaccayena paccayo: nava atthipaccayena paccayo: nava natthipaccayena paccayo: vigatapaccayena paccayo: avigatapaccayena paccayo:. [555] Hetuyā tīṇi ārammaṇe nava adhipatiyā nava anantare nava samanantare nava sahajāte nava aññamaññe nava nissaye nava upanissaye nava āsevane nava kamme tīṇi āhāre tīṇi indriye tīṇi jhāne tīṇi magge nava sampayutte nava atthiyā nava natthiyā nava vigate nava avigate nava. [556] Kilesocevasaṅkiliṭṭhoca dhammo kilesassacevasaṅkiliṭṭhassaca dhammassa ārammaṇapaccayena paccayo: sahajātapaccayena paccayo: upanissayapaccayena paccayo:. Navapi tīṇiyeva padā kātabbā.The Pali Tipitaka in Roman Character Volume 43 page 323-331. https://84000.org/tipitaka/read/roman_item.php?book=43&item=540&items=17 Classified by [Item Number] :- http://84000.org/tipitaka/read/roman_item.php?book=43&item=540&items=17&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=43&item=540&items=17 Compare with The Royal Version of Thai Tipitaka :- https://84000.org/tipitaka/read/byitem.php?book=43&item=540&items=17 Study Atthakatha :- https://84000.org/tipitaka/attha/attha.php?b=43&i=540 Contents of The Tipitaka Volume 43 https://84000.org/tipitaka/read/?index_43 https://84000.org/tipitaka/english/?index_43
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]