บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Subhasuttam dasamam [314] Evamme sutam . ekam samayam ayasma anando savatthiyam viharati jetavane anathapindikassarame aciraparinibbute bhagavati. [315] Tena kho pana samayena subho manavo todeyyaputto savatthiyam pativasati kenacideva karaniyena . athakho subho manavo todeyyaputto annataram manavakam amantesi ehi tvam manavaka yena samano anando tenupasankama upasankamitva mama vacanena samanam anandam appabadham appatankam lahutthanam balam phasuviharam puccha subho manavo todeyyaputto bhavantam anandam appabadham appatankam lahutthanam balam phasuviharam pucchatiti evanca vadehi sadhu kira bhavam anando yena subhassa manavassa todeyyaputtassa nivesanam tenupasankamatu anukampam upadayati. {315.1} Evam bhoti kho so manavako subhassa manavassa todeyyaputtassa patissutva yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho so manavako ayasmantam anandam etadavoca subho kho manavo todeyyaputto bhavantam anandam appabadham appatankam lahutthanam balam phasuviharam pucchati evanca vadeti sadhu kira bhavam anando yena subhassa manavassa todeyyaputtassa Nivesanam tenupasankamatu anukampam upadayati. [316] Evam vutte ayasma anando tam manavakam etadavoca akalo kho manavaka atthi me ajja bhesajjamatta pita appevanama svepi upasankameyyama kalanca samayanca upadayati . Evam bhoti kho so manavako ayasmato anandassa patissutva utthayasana yena subho manavo todeyyaputto tenupasankami upasankamitva subham manavam todeyyaputtam etadavoca avocumha kho mayam bhoto vacanena tam bhavantam anandam subho manavo todeyyaputto bhavantam anandam appabadham appatankam lahutthanam balam phasuviharam pucchati evanca vadeti sadhu kira bhavam anando yena subhassa manavassa todeyyaputtassa nivesanam tenupasankamatu anukampam upadayati evam vutte bho samano anando mam etadavoca akalo kho manavaka atthi me ajja bhesajjamatta pita appevanama svepi upasankameyyama kalanca samayanca upadayati ettavatapi kho bho katameva etam yato kho so bhavam anando okasamakasi svatanayapi upasankamanayati. [317] Athakho ayasma anando tassa rattiya accayena pubbanhasamayam nivasetva pattacivaramadaya cetakena bhikkhuna pacchasamanena yena subhassa manavassa todeyyaputtassa nivesanam tenupasankami upasankamitva pannatte asane nisidi . athakho Subho manavo todeyyaputto yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho subho manavo todeyyaputto ayasmantam anandam etadavoca bhavanhi anando tassa bhoto gotamassa digharattam upatthako santikavacaro samipacari bhavametam anando janeyya yesam so bhavam gotamo dhammanam vannavadi ahosi yattha ca imam janatam samadapesi nivesesi patitthapesi katamesanam kho bho ananda dhammanam so bhavam gotamo vannavadi ahosi kattha ca imam janatam samadapesi nivesesi patitthapesiti. {317.1} Tinnam kho manavaka khandhanam so bhagava vannavadi ahosi ettha ca imam janatam samadapesi nivesesi patitthapesi katamesam tinnam ariyassa silakkhandhassa ariyassa samadhikkhandhassa ariyassa pannakkhandhassa imesam kho manavaka tinnam khandhanam so bhagava vannavadi ahosi ettha ca imam janatam samadapesi nivesesi patitthapesiti. [318] Katamo pana so ko ananda ariyo silakkhandho yassa so bhavam gotamo vannavadi ahosi yattha ca imam janatam samadapesi nivesesi patitthapesiti. {318.1} Idha manava tathagato loke uppajjati araham sammasambuddho vijjacaranasampanno .pe. so imam lokam sadevakam samarakam .pe. parisuddham brahmacariyam pakaseti . tam Dhammam sunati gahapati va gahapatiputto va annatarasmim va kule pacchajato so tam dhammam sutva tathagate saddham patilabhati so tena saddhapatilabhena samannagato itipi patisancikkhati sambadho gharavaso rajapatho abbhokaso pabbajja nayidam sukaram agaram ajjhavasata ekantaparipunnam ekantaparisuddham samkhalikhitam brahmacariyam caritum yannunaham kesamassum oharetva kasayani vatthani acchadetva agarasma anagariyam pabbajeyyanti . so aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati . so evam pabbajito samano patimokkhasamvarasamvuto viharati acaragocarasampanno anumattesu vajjesu bhayadassavi samadaya sikkhati sikkhapadesu kayakammavacikammena samannagato kusalena parisuddhajivo silasampanno indriyesu guttadvaro satisampajannena samannagato santuttho. [319] Kathanca manava bhikkhu silasampanno hoti idha manava bhikkhu panatipatam pahaya panatipata pativirato hoti nihitadando nihitasattho lajji dayapanno sabbapanabhutahitanukampi viharati . yampi manava bhikkhu panatipatam pahaya panatipata pativirato hoti nihitadando nihitasattho lajji dayapanno sabbapanabhutahitanukampi Viharati idampissa hoti silasmim (tato param sabbam vittharetabbam) .pe. [320] Yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . santikammam panidhikammam bhumikammam bhurikammam vassakammam vossakammam vatthukammam vatthuparikaranam acamanam nhapanam juhanam vamanam virecanam uddhavirecanam adhovirecanam sisavirecanam kannatelam nettappanam natthukammam anjanam paccanjanam salakiyam sallakattiyam darakatikiccham mulabhesajjanam anuppadanam osadhinam patimokkho iti va . iti evarupaya tiracchanavijjaya micchajiva pativirato hoti. Yampi manava bhikkhu yatha va paneke bhonto samanabrahmana saddhadeyyani bhojanani bhunjitva te evarupaya tiracchanavijjaya micchajivena jivikam kappenti . seyyathidam . santikammam panidhikammam .pe. Osadhinam patimokkho iti va. Iti evarupaya tiracchanavijjaya micchajiva pativirato hoti idampissa hoti silasmim. {320.1} Sa kho so manava bhikkhu evam silasampanno na kutoci bhayam samanupassati yadidam silasamvarato . seyyathapi manava raja khattiyo muddhavasitto nihatapaccamitto na kutopi bhayam samanupassati yadidam paccatthikato evameva kho manava bhikkhu evam silasampanno na kutopi bhayam samanupassati yadidam silasamvarato . so imina ariyena silakkhandhena samannagato ajjhattam Anavajjasukham patisamvedeti . evam kho manava bhikkhu silasampanno hoti . ayam kho so manava ariyo silakkhandho yassa so bhagava vannavadi ahosi ettha ca imam janatam samadapesi nivesesi patitthapesi atthi cevettha uttarim karaniyanti. {320.2} Acchariyam bho ananda abbhutam bho ananda so cayam bho ananda ariyo silakkhandho paripunno no aparipunno evam paripunnancaham bho ananda ariyam silakkhandham ito bahiddha annesu samanabrahmanesu na samanupassami . evam paripunnanca bho ananda ariyam silakkhandham ito bahiddha anne samanabrahmana attani samanupasseyyum te tavatakeneva attamana assu alamettavata katamettavata anuppatto no samannattho natthi no kinci uttarim karaniyanti . atha ca pana bhavam anando evamaha atthi cevettha uttarim karaniyanti. [321] Katamo pana so bho ananda ariyo samadhikkhandho yassa so bhavam gotamo vannavadi ahosi yattha ca imam janatam samadapesi nivesesi patitthapesiti . kathanca pana manava bhikkhu indriyesu guttadvaro hoti . idha manava bhikkhu cakkhuna rupam disva na nimittaggahi hoti nanubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati cakkhundriyam cakkhundriye samvaram apajjati . Sotena saddam sutva .pe. ghanena gandham ghayitva . jivhaya rasam sayitva . kayena photthabbam phusitva . manasa dhammam vinnaya na nimittaggahi hoti nanubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati manindriyam manindriye samvaram apajjati . so imina ariyena indriyasamvarena samannagato ajjhattam abyasekasukham patisamvedeti . evam kho manava bhikkhu indriyesu guttadvaro hoti. [322] Kathanca manava bhikkhu satisampajannena samannagato hoti . idha manava bhikkhu abhikkante patikkante sampajanakari hoti alokite vilokite sampajanakari hoti samminjite pasarite sampajanakari hoti samghatipattacivaradharane sampajanakari hoti asite pite khayite sayite sampajanakari hoti uccarapassavakamme sampajanakari hoti gate thite nisinne sutte jagarite bhasite tunhibhave sampajanakari hoti evam kho manava bhikkhu satisampajannena samannagato hoti. [323] Kathanca manava bhikkhu santuttho hoti . idha manava bhikkhu santuttho hoti kayapariharikena civarena kucchipariharikena pindapatena so yena yeneva pakkamati samadayeva pakkamati seyyathapi manava pakkhi sakuno yena yeneva deti sapattabharoyeva Deti evameva kho manava bhikkhu santuttho hoti kayapariharikena civarena kucchipariharikena pindapatena so yena yeneva pakkamati samadayeva pakkamati. Evam kho manava bhikkhu santuttho hoti. [324] So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato imaya ca ariyaya santutthiya samannagato vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . so pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva. So abhijjham lobham pahaya vigatabhijjhena cetasa viharati abhijjhaya cittam parisodheti byapadapadosam pahaya abyapannacitto viharati sabbapanabhutahitanukampi byapadapadosa cittam parisodheti thinamiddham pahaya vigatathinamiddho viharati alokasanni sato sampajano thinamiddha cittam parisodheti uddhaccakukkuccam pahaya anuddhato viharati ajjhattam vupasantacitto uddhaccakukkucca cittam parisodheti vicikiccham pahaya tinnavicikiccho viharati akathankathi kusalesu dhammesu vicikicchaya cittam parisodheti. [325] Seyyathapi manava puriso inam adaya kammante payojeyya tassa te kammanta samijjheyyum . so yani ca poranani inamulani tani ca byantikareyya siya cassa uttarim Avasittham darabharanaya . tassa evamassa aham kho pubbe inam adaya kammante payojesim tassa te me kammanta samijjhimsu soham yani poranani inamulani tani ca byantiakasim atthi ca me uttarim avasittham darabharanayati . so tatonidanam labhetha pamojjam adhigacche somanassam. {325.1} Seyyathapi manava puriso abadhiko assa dukkhito balhagilano bhattancassa nacchadeyya na cassa kaye balamatta . So aparena samayena tamha abadha mucceyya bhattancassa chadeyya siya cassa kaye balamatta . Tassa evamassa aham kho pubbe abadhiko ahosim dukkhito balhagilano bhattanca me nacchadesi na ca me asi kaye balamatta somhi etarahi tamha abadha mutto bhattanca me chadesi atthi ca me kaye balamattati. So tatonidanam labhetha pamojjam adhigacche somanassam. {325.2} Seyyathapi manava puriso bandhanagare bandho assa so aparena samayena tamha bandhanagara mucceyya sotthina abhayena na cassa kinci bhoganam vayo . tassa evamassa aham kho pubbe bandhanagare bandho ahosim somhi etarahi tamha bandhanagara mutto sotthina abhayena natthi ca me kinci bhoganam vayoti . so tatonidanam labhetha pamojjam adhigacche somanassam . Seyyathapi manava puriso daso anattadhino paradhino na yenakamamgamo . so aparena samayena tamha dasabya mucceyya Attadhino aparadhino bhujisso yenakamamgamo . tassa evamassa aham kho pubbe daso ahosim na attadhino paradhino na yenakamamgamo somhi etarahi tamha dasabya mutto attadhino aparadhino bhujisso yenakamamgamoti . so tatonidanam labhetha pamojjam adhigacche somanassam. {325.3} Seyyathapi manava puriso sadhano sabhogo kantaraddhanamaggam patipajjeyya dubbhikkham sappatibhayam . so aparena samayena tam kantaram nitthareyya sotthina gamantam anupapuneyya khemam appatibhayam . tassa evamassa aham kho pubbe sadhano sabhogo kantaraddhanamaggam patipajjim dubbhikkham sappatibhayam somhi etarahi tam kantaram nitthinno sotthina gamantam anuppatto khemam appatibhayanti . so tatonidanam labhetha pamojjam adhigacche somanassam . evameva kho manava bhikkhu yathainam yatharogam yathabandhanagaram yathadasabyam yathakantaraddhanamaggam ime panca nivarane appahine attani samanupassati. {325.4} Seyyathapi manava yathaananyam yathaarogyam yathabandhanamokkham yathabhujissam yathakhemantabhumim evameva bhikkhu ime panca nivarane pahine attani samanupassati tassime panca nivarane pahine attani samanupassato pamojjam jayati pamuditassa piti jayati pitimanassa kayo passambhati passaddhakayo sukham pavedeti sukhino cittam samadhiyati . so vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati . So imameva kayam vivekajena pitisukhena abhisandeti parisandeti paripureti parippharati nassa kinci sabbavato kayassa vivekajena pitisukhena apphutam hoti. {325.5} Seyyathapi manava dakkho nhapako va nhapakantevasi va kamsathale nhaniyacunnani akiritva udakena paripphosakam sandeyya parisandeyya sayam nhaniyapindi snehanugata snehapareta santarabahira phuta snehena na ca paggharati evameva kho manava bhikkhu .pe. yam hi manava bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati so imameva kayam vivekajena pitisukhena abhisandeti parisandeti paripureti parippharati nassa kinci sabbavato kayassa vivekajena pitisukhena apphutam hoti. Idampissa hoti samadhimhi. [326] Puna caparam manava bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati . so imameva kayam samadhijena pitisukhena abhisandeti parisandeti paripureti parippharati nassa kinci sabbavato kayassa samadhijena pitisukhena na apphutam hoti. {326.1} Seyyathapi manava udakarahado gambhiro ubbhitodako tassa nevassa puratthimaya disaya udakassa ayamukham na dakkhinaya disaya udakassa ayamukham na pacchimaya disaya na uttaraya disaya Udakassa ayamukham devo pana kalena kalam sammadharam anuppaveccheyya athakho tamha ca udakarahada sita varidhara ubbhijjitva tadeva udakarahadam sitena varina abhisandeyya parisandeyya paripureyya paripphareyya nassa kinci sabbavato udakarahadassa sitena varina apphutam assa evameva kho manava bhikkhu .pe. yampi manava bhikkhu vitakkavicaranam vupasama .pe. dutiyam jhanam upasampajja viharati imameva kayam samadhijena pitisukhena abhisandeti parisandeti paripureti parippharati nassa kinci sabbavato kayassa samadhijena pitisukhena apphutam hoti. Idampissa hoti samadhismim. [327] Puna caparam manava bhikkhu pitiya ca viraga upekkhako ca viharati sato sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati . so imameva kayam nippitikena sukhena abhisandeti parisandeti paripureti parippharati nassa kinci sabbavato kayassa nippitikena sukhena apphutam hoti. {327.1} Seyyathapi manava uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani udakanugatani anto nimuggaposini tani yava ca aggani yava ca mulani sitena varina abhisannani parisannani paripurani paripphutani nassa kinci sabbavatam uppalanam va padumanam va pundarikanam Va sitena varina apphutam assa evameva kho manava bhikkhu .pe. yampi manava bhikkhu pitiya ca viraga .pe. tatiyam jhanam upasampajja viharati imameva kayam nippitikena sukhena abhisandeti parisandeti paripureti parippharati nassa kinci sabbavato kayassa nippitikena sukhena apphutam hoti. Idampissa hoti samadhismim. [328] Puna caparam manava bhikkhu sukhassa ca pahana dukkhassa ca pahana pubbe va somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati . so imameva kayam parisuddhena cetasa pariyodatena pharitva nisinno hoti nassa kinci sabbavato kayassa parisuddhena cetasa pariyodatena apphutam hoti. {328.1} Seyyathapi manava puriso odatena vatthena sasisam parupitva nisinno assa nassa kinci sabbavato kayassa odatena vatthena apphutam hoti evameva kho manava bhikkhu .pe. Yampi manava bhikkhu sukhassa ca pahana .pe. catuttham jhanam upasampajja viharati imameva kayam parisuddhena cetasa pariyodatena pharitva nisinno hoti nassa kinci sabbavato kayassa parisuddhena cetasa pariyodatena apphutam hoti . idampissa hoti samadhismim. Ayam kho so manava ariyo samadhikkhandho yassa so bhagava vannavadi ahosi ettha ca imam janatam samadapesi nivesesi patitthapesi atthi cevettha uttarim karaniyanti . acchariyam bho ananda abbhutam Bho ananda so cayam bho ananda ariyo samadhikkhandho paripunno no aparipunno evam paripunnancaham bhoto anandassa ariyam samadhikkhandham ito bahiddha annesu samanabrahmanesu na samanupassami evam paripunnanca bho ananda ariyam samadhikkhandham ito bahiddha anne samanabrahmana attani samanupasseyyum te tavatakeneva attamana assu alamettavata katamettavata anuppatto no samannattho natthi no kinci uttarim karaniyanti . atha ca pana bhavam anando evamaha atthi cevettha uttarim karaniyanti. [329] Katamo pana so bho ananda ariyo pannakkhandho yassa so bhavam gotamo vannavadi ahosi yattha ca imam janatam samadapesi nivesesi patitthapesi . so evam samahite citte parisuddhe pariyodate anangane vigatupakkilese mudubhute kammaniye thite anenjappatte nanadassanaya cittam abhiniharati abhininnameti . so evam pajanati ayam kho me kayo rupi catummahabhutiko matapettikasambhavo odanakummasupacayo niccucchadanaparimaddanabhedanaviddhamsanadhammo idanca pana me vinnanam ettha sitam ettha patibaddhanti. {329.1} Seyyathapi manava maniveluriyo subho jatima atthamso suparikammakato accho vippasanno sabbakarasampanno tatrassa suttam avutam nilam va pitam va lohitam va odatam va pandusuttam va tamenam cakkhuma puriso hatthe karitva paccavekkheyya ayam kho maniveluriyo subho jatima Atthamso suparikammakato accho vippasanno sabbakarasampanno tatridam suttam avutam nilam va pitam va lohitam va odatam va pandusuttam vati evameva kho manava bhikkhu .pe. yampi manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anenjappatte nanadassanaya cittam abhiniharati abhininnameti so evam pajanati ayam kho me kayo rupi catummahabhutiko matapettikasambhavo odanakummasupacayo niccucchadanaparimaddanabhedanaviddhamsanadhammo idanca pana me vinnanam ettha sitam ettha patibaddhanti. Idampissa hoti pannaya. [330] So evam samahite citte parisuddhe pariyodate anangane vigatupakkilese mudubhute kammaniye thite anenjappatte manomayam abhinimminaya cittam abhiniharati abhininnameti . so imamha kaya annam kayam abhininnameti rupim manomayam sabbangapaccangam ahinindriyam. {330.1} Seyyathapi manava puriso munjamha isikam pavaheyya tassa evamassa ayam munjo ayam isika anno munjo anna isika munjamha tveva isika pavalhati . seyyathapi manava puriso asim kosiya pavaheyya tassa evamassa ayam asi ayam kosi anna asi anna kosi kosiya tveva asi pavalhati. Seyyathapi manava puriso ahim karanda uddhareyya tassa evamassa ayam ahi ayam karando anno ahi anno karando karanda tveva ahi Uddharitoti 1- evameva kho manava bhikkhu .pe. yampi manava bhikkhu evam samahite citte .pe. anenjappatte manomayam abhinimminaya cittam abhiniharati abhininnameti .pe. Idampissa hoti pannaya. [331] So evam samahite citte parisuddhe pariyodate anangane vigatupakkilese mudubhute kammaniye thite anenjappatte iddhividhaya cittam abhiniharati abhininnameti . so anekavihitam iddhividham paccanubhoti ekopi hutva bahudha hoti bahudhapi hutva eko hoti avibhavam tirobhavam tirokuddam tiropakaram tiropabbatam asajjamano gacchati seyyathapi akase . so pathaviyapi ummujjanimmujjam karoti seyyathapi udake udakepi abhijjamane gacchati seyyathapi pathaviyam akasepi pallankena kamati seyyathapi pakkhi sakuno imepi candimasuriye evammahiddhike evammahanubhave panina parimasati parimajjati yava brahmalokapi kayena vasam vatteti. {331.1} Seyyathapi manava dakkho kumbhakaro va kumbhakarantevasi va suparikammakataya mattikaya yam yadeva bhajanavikatim akankheyya tantadeva kareyya abhinipphadeyya seyyathapi va pana manava dakkho dantakaro va dantakarantevasi va suparikammakatasmim dantasmim yam yadeva dantavikatim akankheyya tantadeva kareyya abhinipphadeyya seyyathapi va pana manava dakkho suvannakaro va suvannakarantevasi va suparikammakatasmim @Footnote: 1 sihalapotthake ubbhato. Suvannasmim yam yadeva suvannavikatim akankheyya tantadeva kareyya abhinipphadeyya evameva kho manava bhikkhu evam samahite citte parisuddhe pariyodate anangane vigatupakkilese mudubhute kammaniye thite anenjappatte iddhividhaya cittam abhiniharati abhininnameti so anekavihitam iddhividham paccanubhoti ekopi hutva bahudha hoti .pe. yava brahmalokapi kayena vasam vatteti . idampissa hoti pannaya. [332] So evam samahite citte .pe. anenjappatte dibbaya sotadhatuya cittam abhiniharati abhininnameti . so dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike ca. {332.1} Seyyathapi manava puriso addhanamaggapatipanno so suneyya bherisaddampi mudingasaddampi 1- samkhasaddampi panavasaddampi dendimasaddampi tassa evamassa bherisaddo itipi mudingasaddo itipi samkhasaddo itipi panavasaddo itipi dendimasaddo itipi evameva kho manava bhikkhu .pe. yampi manava bhikkhu evam samahite citte .pe. Anenjappatte dibbaya sotadhatuya visuddhaya atikkantamanusikaya ubhopi sadde @Footnote: 1 ito param sihalapotthake samkhapanavadendimasaddampi tassa evamassa @bherisaddo itipi mudingasaddo itipi samkhapanavadendimasaddo itipiti @idiso patho dissati. Sunati dibbe ca manuse ca ye dure santike ca . idampissa hoti pannaya. [333] So evam samahite citte parisuddhe pariyodate anangane vigatupakkilese mudubhute kammaniye thite anenjappatte cetopariyananaya cittam abhiniharati abhininnameti . so parasattanam parapuggalanam cetasa ceto paricca pajanati saragam va cittam saragam cittanti pajanati vitaragam va cittam vitaragam cittanti pajanati sadosam va cittam ladosam cittanti pajanati vitadosam va cittam vitadosam cittanti pajanati samoham va cittam samoham cittanti pajanati vitamoham va cittam vitamoham cittanti pajanati samkhittam va cittam samkhittam cittanti pajanati vikkhittam va cittam vikkhittam cittanti pajanati mahaggatam va cittam mahaggatam cittanti pajanati amahaggatam va cittam amahaggatam cittanti pajanati sauttaram va cittam sauttaram cittanti pajanati anuttaram va cittam anuttaram cattanti pajanati samahitam va cittam samahitam cittanti pajanati asamahitam va cittam asamahitam cittanti pajanati vimuttam va cittam vimuttam cittanti pajanati avimuttam va cittam avimuttam cattanti pajanati. {333.1} Seyyathapi manava itthi va puriso va daharo yuva mandanajatiko adase va parisuddhe pariyodate acche va udakapatte sakamukhanimittam paccavekkhamano sakanikam va Sakanikanti pajaneyya akanikam va akanikanti pajaneyya evameva kho manava bhikkhu .pe. yampi manava bhikkhu evam samahite citte .pe. anenjappatte cetopariyananaya cittam abhiniharati abhininnameti . so parasattanam parapuggalanam cetasa ceto paricca janati saragam va cittam saragam cittanti pajanati .pe. avimuttam va cittam avimuttam cittanti pajanati. Idampissa hoti pannaya. [334] So evam samahite citte .pe. anenjappatte pubbenivasanussatinanaya cittam abhiniharati abhininnameti . so anekavihitam pubbenivasam anussarati seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasapi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto amutra udapadim tatrapasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto idhupapannoti . iti sakaram sauddesam anekavihitam pubbenivasam anussarati. {334.1} Seyyathapi manava puriso sakamhapi gama annam gamam gaccheyya tamhapi gama annampi gamam gaccheyya so tamha gama sakamyeva gamam paccagaccheyya Tassa evamassa aham kho sakamha gama amum gamam agacchim 1- tatthapi evam 2- atthasim evam nisidim evam abhasim evam tunhi ahosim so tamha gama amum gamam agacchim tatrapi evam atthasim evam nisidim evam abhasim evam tunhi ahosim somhi tamha gama sakamyeva gamam paccagatoti evameva kho manava bhikkhu .pe. yampi manava bhikkhu evam samahite citte .pe. Anenjappatte pubbenivasanussatinanaya cittam abhiniharati abhininnameti so anekavihitam pubbenivasam anussarati seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarati. Idampissa hoti pannaya. [335] So evam samahite citte .pe. anenjappatte sattanam cutupapatananaya cittam abhiniharati abhininnameti . so dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda parammarana apayam duggatim vinipatam nirayam upapanna ime va pana bhonto satta kayasucaritena @Footnote: 1 aganchinti va patho. 2 Si. tatra evam. Samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda parammarana sugatim saggam lokam upapannati iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati. {335.1} Seyyathapi manava majjhe simghatake pasado tattha cakkhuma puriso thito passeyya manusse geham pavisantepi nikkhamantepi rathiyaya vithim sancarantepi majjhe simghatake nisinnepi tassa evamassa ete manussa geham pavisanti ete nikkhamanti ete rathiyayapi vithim sancaranti ete majjhe simghatake nisinnati evameva kho manava bhikkhu .pe. yampi manava bhikkhu evam samahite citte .pe. Anenjappatte sattanam cutupapatananaya cittam abhiniharati abhininnameti . so dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati . Idampissa hoti pannaya. [336] So evam samahite citte parisuddhe pariyodate anangane vigatupakkilese mudubhute kammaniye thite anenjappatte asavanam khayananaya cittam abhiniharati abhininnameti . so idam dukkhanti yathabhutam pajanati ayam dukkhasamudayoti yathabhutam pajanati ayam Dukkhanirodhoti yathabhutam pajanati ayam dukkhanirodhagamini patipadati yathabhutam pajanati ime asavati yathabhutam pajanati ayam asavasamudayoti yathabhutam pajanati ayam asavanirodhoti yathabhutam pajanati ayam asavanirodhagamini patipadati yathabhutam pajanati . Tassa evam janato evam passato kamasavapi cittam vimuccati bhavasavapi cittam vimuccati avijjasavapi cittam vimuccati . vimuttasmim vimuttamiti nanam hoti . khina jati vusitam brahmacariyam katam karaniyam naparam itthattayati pajanati. {336.1} Seyyathapi manava pabbatasamkhepaudakarahado accho vippasanno anavilo tattha cakkhuma puriso tire thito passeyya sippikasambukampi sakkharakathalampi macchagumbampi carantampi titthantampi tassa evamassa ayam kho udakarahado accho vippasanno anavilo tatrime sippikasambukapi sakkharakathalapi macchagumbapi carantapi titthantapi 1- evameva kho manava bhikkhu .pe. yampi manava bhikkhu evam samahite citte .pe. anenjappatte asavanam khayananaya cittam abhiniharati abhininnameti . so idam dukkhanti yathabhutam pajanati .pe. ayam asavanirodhagamini patipadati yathabhutam pajanati tassa evam janato evam passato kamasavapi cittam vimuccati bhavasavapi cittam vimuccati avijjasavapi cittam vimuccati . vimuttasmim vimuttamiti nanam hoti . Khina jati vusitam brahmacariyam katam karaniyam naparam itthattayati @Footnote: 1 Si. carantipi titthantipi. Pajanati. Idampissa hoti pannaya. [337] Ayam kho so manava ariyo pannakkhandho yassa so bhagava vannavadi ahosi ettha ca imam janatam samadapesi nivesesi patitthapesi natthi cevettha uttarim karaniyanti . acchariyam bho ananda abbhutam bho ananda sovayam bho ananda ariyo pannakkhandho paripunno no aparipunno evam paripunnancaham bho ananda ariyam pannakkhandham ito bahiddha annesu samanabrahmanesu na samanupassami natthi no kinci uttarim karaniyanti . abhikkantam bho ananda abhikkantam bho ananda seyyathapi bho ananda nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evameva kho bhota anandena anekapariyayena dhammo pakasito esaham bho ananda bhavantam gotamam saranam gacchami dhammanca bhikkhusamghanca upasakam mam bhavam ananda dharetu ajjatagge panupetam saranangatanti. Subhasuttam dasamam nitthitam. ---------- Kevattasuttam ekadasamam [338] Evamme sutam . ekam samayam bhagava nalandayam viharati pavarikambavane . athakho kevatto gahapatiputto yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho kevatto gahapatiputto bhagavantam etadavoca ayam bhante nalanda iddha ceva phita ca bahujana akinnamanussa bhagavati abhippasanna sadhu bhante bhagava ekam bhikkhum samadisatu yo uttarimanussadhamma iddhipatihariyam karissati evayam nalanda bhiyyoso mattaya bhagavati abhippasidissatiti . evam vutte bhagava kevattam gahapatiputtam etadavoca na kho aham kevatta bhikkhunam evam dhammam desemi etha tumhe bhikkhave gihinam odatavasananam uttarimanussadhamma iddhipatihariyam karothati. {338.1} Dutiyampi kho kevatto gahapatiputto bhagavantam etadavoca naham bhante bhagavantam thapesim apica evam vadami ayam bhante nalanda iddha ceva phita ca bahujana akinnamanussa bhagavati abhippasanna sadhu bhante bhagava ekam bhikkhum samadisatu yo uttarimanussadhamma iddhipatihariyam karissati evayam nalanda bhiyyoso mattaya bhagavati abhippasidissatiti. Tatiyampi .pe. [339] Tini kho imani kevatta patihariyani maya sayam abhinna sacchikatva paveditani katamani tini iddhipatihariyam Adesanapatihariyam anusasanipatihariyam. {339.1} Katamanca kevatta iddhipatihariyam idha kevatta bhikkhu anekavihitam iddhividham paccanubhoti ekopi hutva bahudha hoti bahudhapi hutva eko hoti avibhavam tirobhavam tirokuddam tiropakaram tiropabbatam asajjamano gacchati seyyathapi akase pathaviya ummujjanimmujjam karoti seyyathapi udake udakepi abhijjamane gacchati seyyathapi pathaviya akasepi pallankena kamati seyyathapi pakkhi sakuno imepi candimasuriye evammahiddhike evammahanubhave panina parimasati parimajjati yava brahmalokapi kayena vasam vatteti. {339.2} Tamenam annataro saddho pasanno passati tam bhikkhum anekavihitam iddhividham paccanubhontam ekopi hutva bahudha hontam bahudhapi hutva eko hontam avibhavam tirobhavam tirokuddam tiropakaram tiropabbatam asajjamanam gacchantam seyyathapi akase pathaviya ummujjanimmujjam karontam seyyathapi udake udakepi abhijjamane gacchantam seyyathapi pathaviya akasepi pallankena kamantam seyyathapi pakkhi sakuno imepi candimasuriye evammahiddhike evammahanubhave panina parimasantam parimajjantam yava brahmalokapi kayena vasam vattentam. {339.3} Tamenam so saddho pasanno annatarassa assaddhassa appasannassa aroceti acchariyam vata bho abbhutam vata bho samanassa mahiddhikata mahanubhavata amaham bhikkhum addasam anekavihitam iddhividham paccanubhontam ekopi hutva bahudha hontam Bahudhapi hutva eko hontam .pe. yava brahmalokapi kayena vasam vattentanti . tamenam so assaddho appasanno tam saddham pasannam evam vadeyya atthi kho bho gandhari nama vijja taya so bhikkhu anekavihitam iddhividham paccanubhoti .pe. yava brahmalokapi kayena vasam vattetiti . tam kim mannasi kevatta api nu so assaddho appasanno tam saddham pasannam evam vadeyyati . vadeyya bhanteti . Imam kho aham kevatta iddhipatihariye adinavam sampassamano iddhipatihariyena attiyami harayami jigucchami. [340] Katamanca kevatta adesanapatihariyam . idha kevatta bhikkhu parasattanam parapuggalanam cittampi adisati cetasikampi adisati vitakkitampi adisati vicaritampi adisati evampi te mano itthampi te mano itipi te cittanti. {340.1} Tamenam annataro saddho pasanno passati tam bhikkhum parasattanam parapuggalanam cittampi adisantam cetasikampi adisantam vitakkitampi adisantam vicaritampi adisantam evampi te mano itthampi te mano itipi te cittanti . Tamenam so saddho pasanno annatarassa assaddhassa appasannassa aroceti acchariyam vata bho abbhutam vata bho samanassa mahiddhikata mahanubhavata amaham bhikkhum addasam parasattanam parapuggalanam cittampi adisantam cetasikampi adisantam vitakkitampi adisantam vicaritampi adisantam evampi te mano itthampi te mano itipi te cittanti . tamenam So assaddho appasanno tam saddham pasannam evam vadeyya atthi kho bho manika nama vijja taya so bhikkhu parasattanam parapuggalanam cittampi adisati cetasikampi adisati vitakkitampi adisati vicaritampi adisati evampi te mano itthampi te mano itipi te cittanti. Tam kim mannasi kevatta api nu so assaddho appasanno tam saddham pasannam evam vadeyyati . vadeyya bhanteti . imam kho aham kevatta adesanapatihariye adinavam sampassamano adesanapatihariyena attiyami harayami jigucchami. [341] Katamanca kevatta anusasanipatihariyam . idha kevatta bhikkhu evamanusasati evam vitakketha ma evam vitakkayittha evam manasikarotha ma evam manasikarotha idam pajahatha idam upasampajja viharathati. Idam vuccati kevatta anusasanipatihariyam. [342] Puna caparam kevatta idha tathagato loke uppajjati araham sammasambuddho .pe. (yatha samannaphale evam vittharetabbam) .pe. idampi vuccati kevatta anusasanipatihariyam . dutiyam jhanam . Tatiyam jhanam . catuttham jhanam upasampajja viharati . idam vuccati kevatta anusasanipatihariyam .pe. nanadassanaya cittam abhiniharati abhininnameti . idam vuccati kevatta anusasanipatihariyam . .pe. Naparam itthattayati pajanati idam vuccati anusasanipatihariyam . Imani kho kevatta tini patihariyani maya sayam Abhinna sacchikatva paveditani. [343] Bhutapubbam kevatta imasmimyeva bhikkhusamghe annatarassa bhikkhuno evam cetaso parivitakko udapadi kattha nu kho 1- ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . athakho kevatta bhikkhu tatharupam samadhim samapajji yatha samahite citte devayaniyo maggo paturahosi. {343.1} Athakho so kevatta bhikkhu yena catummaharajika deva tenupasankami upasankamitva catummaharajike deve etadavoca kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evam vutte kevatta catummaharajika deva tam bhikkhum etadavocum mayampi kho bhikkhu na janama yatthime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti atthi kho bhikkhu cattaro maharajano amhehi abhikkantatara ca panitatara ca te kho evam janeyyum yatthime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti. {343.2} Athakho kevatta bhikkhu yena cattaro maharajano tenupasankami upasankamitva cattaro maharajano etadavoca kattha nu kho avuso ime cattaro mahabhuta aparisesa nirujjhanti seyyathidam @Footnote: 1 Si. kathannu kho. Pathavidhatu apodhatu tejodhatu vayodhatuti . evam vutte kevatta cattaro maharajano tam bhikkhum etadavocum mayampi kho bhikkhu na janama yatthi .pe. vayodhatuti atthi kho bhikkhu tavatimsa nama deva amhehi abhikkantatara ca panitatara ca te kho evam janeyyum yatthime cattaro .pe. vayodhatuti . athakho kevatta bhikkhu yena tavatimsa deva tenupasankami upasankamitva tavatimse deve etadavoca kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . Evam vutte kevatta tavatimsa deva tam bhikkhum etadavocum mayampi kho bhikkhu na janama yatthime .pe. vayodhatuti atthi kho bhikkhu sakko devanamindo amhehi abhikkantataro ca panitataro ca so kho evam janeyya yatthime cattaro .pe. Vayodhatuti. {343.3} Athakho so kevatta bhikkhu yena sakko devanamindo tenupasankami upasankamitva sakkam devanamindam etadavoca kattha nu kho avuso cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evam vutte kevatta sakko devanamindo tam bhikkhum etadavoca ahampi kho bhikkhu na janami yatthime cattaro .pe. vayodhatuti atthi kho bhikkhu yama nama deva .pe. suyamo nama devaputto .pe. Tusita nama deva .pe. santusito nama devaputto .pe. Nimmanarati nama deva .pe. sunimmito nama devaputto .pe. Paranimmitavasavatti nama deva .pe. paranimmitavasavatti nama devaputto amhehi abhikkantataro ca panitataro ca so kho evam janeyya yatthime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti. [344] Athakho so kevatta bhikkhu yena vasavatti devaputto tenupasankami upasankamitva vasavattim devaputtam etadavoca kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evam vutte kevatta vasavatti devaputto tam bhikkhum etadavoca ahampi kho bhikkhu na janami yatthime cattaro mahabhuta aparisa nirujjhanti seyyathidam pathavidhatu apodhatu tejodhatu vayodhatuti atthi kho bhikkhu brahmakayika nama deva amhehi abhikkantatara ca panitatara ca te kho evam janeyyum yatthime cattaro .pe. vayodhatuti . athakho kevatta bhikkhu tatharupam samadhim samapajji yatha samahite citte brahmayaniyo maggo paturahosi. [345] Athakho so kevatta bhikkhu yena brahmakayika deva tenupasankami upasankamitva brahmakayike deve etadavoca kattha nu kho avuso ime cattaro .pe. vayodhatuti . evam vutte kevatta brahmakayika deva tam bhikkhum etadavocum mayampi kho bhikkhu Na janama yatthime .pe. vayodhatuti atthi kho bhikkhu brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyanam amhehi abhikkantataro ca panitataro ca so kho evam janeyya yatthime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . kaham panavuso etarahi so mahabrahmati . mayampi kho bhikkhu na janama yattha va brahma yena va brahma apica bhikkhu yatha nimitta dissanti aloko sanjayati obhaso patubhavati brahma patubhavissati brahmuno hetam pubbanimittam patubhavaya yadidam aloko sanjayati obhaso patubhavatiti. Athakho so kevatta mahabrahma nacirasseva paturahosi. [346] Athakho so kevatta bhikkhu yena mahabrahma tenupasankami upasankamitva tam mahabrahmanam etadavoca kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evam vutte kevatta so mahabrahma tam bhikkhum etadavoca ahamasmi bhikkhu brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyananti . dutiyampi kho kevatta so bhikkhu tam mahabrahmanam etadavoca na kho aham tam avuso evam pucchami tvamasi brahma mahabrahma abhibhu anabhibhuto annadatthudaso Vasavatti issaro katta nimmita sajjita vasi pita bhutabhabyanam evanca kho ahantam avuso evam pucchami kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . dutiyampi kho kevatta so mahabrahma tam bhikkhum etadavoca ahamasmi bhikkhu brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyananti . tatiyampi kho kevatta so bhikkhu tam mahabrahmanam etadavoca na kho ahantam avuso evam pucchami tvamasi brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyanam evanca kho ahantam avuso evam pucchami kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti. [347] Athakho kevatta so mahabrahma tam bhikkhum bahayam gahetva ekamantam apanetva tam bhikkhum etadavoca ime kho mam bhikkhu brahmakayika deva evam jananti natthi kinci brahmuno annatam natthi kinci brahmuno adittham natthi kinci brahmuno aviditam natthi kinci brahmuno asacchikatanti tasma ahametesam sammukha na byakasim ahampi kho bhikkhu na janami yatthime cattaro mahabhuta aparisesa nirujjhanti seyyathidam pathavidhatu apodhatu Tejodhatu vayodhatuti tasma tiha bhikkhu tumhevetam dukkatam tumhevetam aparaddham yam tvam bhagavantam abhimuncitva 1- bahiddha pariyetthim apajjasi imassa panhassa veyyakaranaya gaccha tvam bhikkhu tameva bhagavantam upasankamitva imam panham puccha yatha te bhagava byakaroti tatha nam dhareyyasiti. [348] Athakho kevatta so bhikkhu seyyathapi nama balava puriso samminjitam va baham pasareyya pasaritam va baham samminjeyya evameva brahmaloke antarahito mama purato paturahosi . athakho so kevatta so bhikkhu mam abhivadetva ekamantam nisidi . Ekamantam nasinno kho kevatta so bhikkhu mam etadavoca kattha nu kho bhante ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti. {348.1} Evam vutte aham kevatta tam bhikkhum etadavocam bhutapubbam bhikkhu samuddika banija tiradassim sakunam gahetva navaya ajjhogahanti te atiradassiniya navaya tiradassim sakunam muncanti so gacchati puratthimam disam gacchati dakkhinam disam gacchati pacchimam disam gacchati uttaram disam gacchati uddham disam gacchati anudisam sace so samanta tiram passati tathapakkanto va hoti sace pana so samanta tiram na passati tameva navam paccagacchati ayameva kho tvam bhikkhu yato yava brahmaloka pariyesamano imassa @Footnote: 1 Si. atisitva. Panhassa veyyakaranena ajjhagama athakho mayhameva santike paccagato na kho eso bhikkhu panho evam pucchitabbo kattha nu kho bhante ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evanca kho so bhikkhu panho pucchitabbo. [349] Kattha apo ca pathavi ca tejo vayo na gadhati kattha dighanca rassanca anum thulam subhasubham kattha namanca rupanca asesam uparujjhatiti. Tatra veyyakaranam bhavati. [350] Vinnanam anidassanam anantam sabbato pabham ettha apo ca pathavi ca tejo vayo na gadhati ettha dighanca rassanca anum thulam subhasubham ettha namanca rupanca asesam uparujjhati vinnanassa nirodhena etthetam uparujjhatiti. Idamavoca bhagava . attamano kevatto gahapatiputto bhagavato bhasitam abhinanditi. Kevattasuttam ekadasamam nitthitam. ------------------ Lohiccasuttam dvadasamam [351] Evamme sutam . ekam samayam bhagava kosalesu carikam caramano mahata bhikkhusamghena saddhim pancamattehi bhikkhusatehi yena salavatika tadavasari . tena kho pana samayena lohicco brahmano salavatikam ajjhavasati sattussadam satinakatthodakam sadhannam rajabhoggam ranna pasenadikosalena dinnam rajadayam brahmadeyyam. [352] Tena kho pana samayena lohiccassa brahmanassa evarupam papakam ditthigatam uppannam hoti idha samano va brahmano va kusalam dhammam adhigaccheyya kusalam dhammam adhigantva na parassa aroceyya kinhi paro parassa karissati seyyathapi nama puranam bandhanam chinditva annam navam bandhanam kareyya evam sampadamidam papakam lobhadhammam vadami kinhi paro parassa karissatiti . assosi kho lohicco brahmano samano khalu bho gotamo sakyaputto sakyakula pabbajito kosalesu carikancaramano mahata bhikkhusamghena saddhim pancamattehi bhikkhusatehi salavatikam anuppatto tam kho pana bhavantam gotamam evamkalyano kittisaddo abbhuggato itipi so bhagava .pe. buddho bhagavati so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam Pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti.The Pali Tipitaka in Roman Character Volume 9 page 250-285. https://84000.org/tipitaka/read/roman_item.php?book=9&item=314&items=39 Classified by [Item Number] :- http://84000.org/tipitaka/read/roman_item.php?book=9&item=314&items=39&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=9&item=314&items=39 Compare with The Royal Version of Thai Tipitaka :- https://84000.org/tipitaka/read/byitem.php?book=9&item=314&items=39 Study Atthakatha :- https://84000.org/tipitaka/attha/attha.php?b=9&i=314 Contents of The Tipitaka Volume 9 https://84000.org/tipitaka/read/?index_9 https://84000.org/tipitaka/english/?index_9
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]