Vinayapitake mahavibhangassa
pathamo bhago
---------
namo tassa bhagavato arahato sammasambuddhassa.
Veranjakandam
[1] Tena samayena buddho bhagava veranjayam viharati nalerupucimandamule
mahata bhikkhusanghena saddhim pancamattehi bhikkhusatehi . assosi
kho veranjo brahmano samano khalu bho gotamo sakyaputto sakyakula
pabbajito veranjayam viharati nalerupucimandamule mahata bhikkhusanghena
saddhim pancamattehi bhikkhusatehi . tam kho pana bhavantam gotamam evam kalyano kittisaddo
abbhuggato itipi so bhagava araham sammasambuddho vijjacaranasampanno
sugato lokavidu anuttaro purisadammasarathi sattha devamanussanam buddho
bhagavati so imam lokam sadevakam samarakam sabrahmakam sassamanabrahmanim
pajam sadevamanussam sayam abhinna sacchikatva pavedeti so dhammam deseti
adikalyanam majjhekalyanam pariyosanakalyanam sattham sabyanjanam
kevalaparipunnam parisuddham brahmacariyam pakaseti sadhu kho pana tatharupanam
arahatam dassanam hotiti.
[2] Athakho veranjo brahmano yena bhagava tenupasankami
upasankamitva bhagavata saddhim sammodi sammodaniyam katham saraniyam
vitisaretva ekamantam nisidi . ekamantam nisinno kho veranjo
brahmano bhagavantam etadavoca sutammetam bho gotama na samano
gotamo brahmane jinne vuddhe 1- mahallake addhagate
vayoanuppatte abhivadeti va paccuttheti va asanena va nimantetiti
tayidam bho gotama tatheva na hi bhavam gotamo brahmane jinne
vuddhe mahallake addhagate vayoanuppatte abhivadeti va paccuttheti
va asanena va nimanteti tayidam bho gotama na sampannamevati .
Nahantam brahmana passami sadevake loke samarake sabrahmake
sassamanabrahmaniya pajaya sadevamanussaya yamaham abhivadeyyam
va paccuttheyyam va asanena va nimanteyyam yam hi brahmana
tathagato abhivadeyya va paccuttheyya va asanena va nimanteyya
muddhapi tassa vipateyyati.
{2.1} Arasarupo bhavam gotamoti. Atthi khvesa brahmana pariyayo yena
mam pariyayena samma vadamano vadeyya arasarupo samano gotamoti ye te
brahmana ruparasa saddarasa gandharasa rasarasa photthabbarasa te tathagatassa
pahina ucchinnamula talavatthukata anabhavam kata 2- ayatim anuppadadhamma
ayam kho brahmana pariyayo yena mam pariyayena samma vadamano
@Footnote: 1 Ma. vuddhe. 2 gatatipi patho.
Vadeyya arasarupo samano gotamoti no ca kho yam tvam sandhaya vadesiti.
{2.2} Nibbhogo bhavam gotamoti. Atthi khvesa brahmana pariyayo yena
mam pariyayena samma vadamano vadeyya nibbhogo samano gotamoti ye te
brahmana rupabhoga saddabhoga gandhabhoga rasabhoga photthabbabhoga te
tathagatassa pahina ucchinnamula talavatthukata anabhavam kata ayatim
anuppadadhamma ayam kho brahmana pariyayo yena mam pariyayena samma
vadamano vadeyya nibbhogo samano gotamoti no ca kho yam tvam sandhaya
vadesiti.
{2.3} Akiriyavado bhavam gotamoti. Atthi khvesa brahmana pariyayo yena
mam pariyayena samma vadamano vadeyya akiriyavado samano gotamoti ahanhi
brahmana akiriyam vadami kayaduccaritassa vaciduccaritassa manoduccaritassa
anekavihitanam papakanam akusalanam dhammanam akiriyam vadami ayam kho brahmana
pariyayo yena mam pariyayena samma vadamano vadeyya akiriyavado samano
gotamoti no ca kho yam tvam sandhaya vadesiti.
{2.4} Ucchedavado bhavam gotamoti. Atthi khvesa brahmana pariyayo
yena mam pariyayena samma vadamano vadeyya ucchedavado samano
gotamoti ahanhi brahmana ucchedam vadami ragassa dosassa
mohassa anekavihitanam papakanam akusalanam dhammanam ucchedam
vadami ayam kho brahmana pariyayo yena mam pariyayena samma
Vadamano vadeyya ucchedavado samano gotamoti no ca kho yam tvam
sandhaya vadesiti.
{2.5} Jegucchi bhavam gotamoti. Atthi khvesa brahmana pariyayo yena
mam pariyayena samma vadamano vadeyya jegucchi samano gotamoti ahanhi
brahmana jigucchami 1- kayaduccaritena vaciduccaritena manoduccaritena
anekavihitanam papakanam akusalanam dhammanam samapattiya jigucchami 2-
ayam kho brahmana pariyayo yena mam pariyayena samma vadamano vadeyya
jegucchi samano gotamoti no ca kho yam tvam sandhaya vadesiti.
{2.6} Venayiko bhavam gotamoti. Atthi khvesa brahmana pariyayo yena
mam pariyayena samma vadamano vadeyya venayiko samano gotamoti.
Ahanhi brahmana vinayaya dhammam desemi ragassa dosassa mohassa
anekavihitanam papakanam akusalanam dhammanam vinayaya dhammam desemi
ayam kho brahmana pariyayo yena mam pariyayena samma vadamano
vadeyya venayiko samano gotamoti no ca kho yam tvam sandhaya vadesiti.
{2.7} Tapassi bhavam gotamoti . atthi khvesa brahmana pariyayo
yena mam pariyayena samma vadamano vadeyya tapassi samano gotamoti
tapaniyaham brahmana papake akusale dhamme vadami kayaduccaritam
vaciduccaritam manoduccaritam yassa kho brahmana tapaniya papaka
akusala dhamma pahina ucchinnamula talavatthukata
@Footnote: 1-2 imesu dvisu thanesu jeguccham vadamitipi patho dissati.
Anabhavam kata ayatim anuppadadhamma tamaham tapassiti vadami
tathagatassa kho brahmana tapaniya papaka akusala dhamma
pahina ucchinnamula talavatthukata anabhavam kata ayatim
anuppadadhamma ayam kho brahmana pariyayo yena mam pariyayena
samma vadamano vadeyya tapassi samano gotamoti no ca kho yam
tvam sandhaya vadesiti.
{2.8} Apagabbho bhavam gotamoti. Atthi khvesa brahmana pariyayo
yena mam pariyayena samma vadamano vadeyya apagabbho samano gotamoti
yassa kho brahmana ayatim gabbhaseyya punabbhavabhinibbatti pahina
ucchinnamula talavatthukata anabhavam kata ayatim anuppadadhamma
tamaham apagabbhoti vadami tathagatassa kho brahmana ayatim gabbhaseyya
punabbhavabhinibbatti pahina ucchinnamula talavatthukata anabhavam
kata ayatim anuppadadhamma ayam kho brahmana pariyayo yena mam
pariyayena samma vadamano vadeyya apagabbho samano gotamoti no
ca kho yam tvam sandhaya vadesiti.
[3] Seyyathapi brahmana kukkutiya andani attha va dasa
va dvadasa va tanassu kukkutiya samma adhisayitani samma
pariseditani samma paribhavitani yo nu kho tesam kukkutacchapakanam
pathamataram padanakhasikhaya va mukhatundakena va andakosam
padaletva sotthina abhinibbijjheyya kinti svassa vacaniyo
Jettho va kanittho vati . jetthotissa bho gotama vacaniyo so hi
nesam jettho hotiti . evameva kho aham brahmana avijjagataya pajaya
andabhutaya pariyonaddhaya avijjandakosam padaletva eko va loke
anuttaram sammasambodhim abhisambuddho soham brahmana jettho settho
lokassa araddham kho pana me brahmana viriyam ahosi asallinam upatthita
sati appamuttha 1- passaddho kayo asaraddho samahitam cittam ekaggam
so kho aham brahmana vivicceva kamehi vivicca akusalehi dhammehi savitakkam
savicaram vivekajam pitisukham pathamam jhanam upasampajja vihasim vitakkavicaranam
vupasama ajjhattam sampasadanam cetaso ekodibhavam avitakkam avicaram
samadhijam pitisukham dutiyam jhanam upasampajja vihasim pitiya ca viraga
upekkhako ca vihasim sato ca sampajano sukhanca kayena patisamvedesim
yantam ariya acikkhanti upekkhako satima sukhavihariti tatiyam jhanam
upasampajja vihasim sukhassa ca pahana dukkhassa ca pahana pubbe va
somanassadomanassanam atthangama adukkhamasukham upekkhasatiparisuddhim
catuttham jhanam upasampajja vihasim.
{3.1} So evam samahite citte parisuddhe pariyodate anangane
vigatupakkilese mudubhute kammaniye thite anenjappatte 2-
pubbenivasanussatinanaya cittam abhininnamesim so anekavihitam pubbenivasam
@Footnote: 1 Yu. Ma. asammuttha. 2 Yu. Ma. ananjappatte.
Anussarami seyyathidam ekampi jatim dvepi jatiyo tissopi jatiyo
catassopi jatiyo pancapi jatiyo dasapi jatiyo visampi jatiyo timsampi
jatiyo cattalisampi jatiyo pannasampi jatiyo jatisatampi jatisahassampi
jatisatasahassampi anekepi samvattakappe anekepi vivattakappe anekepi
samvattavivattakappe amutrasim evamnamo evamgotto evamvanno
evamaharo evamsukhadukkhapatisamvedi evamayupariyanto so tato cuto
amutra udapadim tatrapasim evamnamo evamgotto evamvanno
evamaharo evamsukhadukkhapatisamvedi evamayupariyanto so tato cuto
idhupapannoti . iti sakaram sauddesam anekavihitam pubbenivasam
anussarami . ayam kho me brahmana rattiya pathame yame pathama
vijja adhigata avijja vihata vijja uppanna tamo vihato aloko
uppanno yathatam appamattassa atapino pahitattassa viharato .
Ayam kho me brahmana pathama abhinibbidha ahosi kukkutacchapakasseva
andakosamha.
{3.2} So evam samahite citte parisuddhe pariyodate anangane vigatupakkilese
mudubhute kammaniye thite anenjappatte sattanam cutupapatananaya cittam
abhininnamesim . so dibbena cakkhuna visuddhena atikkantamanusakena satte
passami cavamane upapajjamane hine panite suvanne dubbanne sugate
duggate yathakammupage satte pajanami ime vata bhonto satta kayaduccaritena
Samannagata vaciduccaritena samannagata manoduccaritena samannagata ariyanam
upavadaka micchaditthika micchaditthikammasamadana te kayassa bheda param
marana apayam duggatim vinipatam nirayam upapanna ime va pana bhonto satta
kayasucaritena samannagata vacisucaritena samannagata manosucaritena samannagata
ariyanam anupavadaka sammaditthika sammaditthikammasamadana te kayassa
bheda param marana sugatim saggam lokam 1- upapannati. Iti dibbena cakkhuna
visuddhena atikkantamanusakena satte passami cavamane upapajjamane hine
panite suvanne dubbanne sugate duggate yathakammupage satte pajanami.
Ayam kho me brahmana rattiya majjhime yame dutiya vijja adhigata avijja
vihata vijja uppanna tamo vihato aloko uppanno yathatam appamattassa
atapino pahitattassa viharato . Ayam kho me brahmana dutiya abhinibbidha
ahosi kukkutacchapakasseva andakosamha.
{3.3} So evam samahite citte parisuddhe pariyodate anangane vigatupakkilese
mudubhute kammaniye thite anenjappatte asavanam khayananaya cittam abhininnamesim
so idam dukkhanti yathabhutam abbhannasim ayam dukkhasamudayoti yathabhutam abbhannasim
ayam dukkhanirodhoti yathabhutam abbhannasim ayam dukkhanirodhagamini patipadati
@Footnote: 1 saggalokantipi patho.
Yathabhutam abbhannasim ime asavati yathabhutam abbhannasim ayam
asavasamudayoti yathabhutam abbhannasim ayam asavanirodhoti yathabhutam
abbhannasim ayam asavanirodhagamini patipadati yathabhutam abbhannasim
tassa me evam janato evam passato kamasavapi cittam vimuccittha
bhavasavapi cittam vimuccittha 1- avijjasavapi cittam vimuccittha vimuttasmim
vimuttamiti 2- nanam ahosi khina jati vusitam brahmacariyam katam karaniyam
naparam itthattayati abbhannasim . ayam kho me brahmana rattiya
pacchime yame tatiya vijja adhigata avijja vihata vijja uppanna
tamo vihato aloko uppanno yathatam appamattassa atapino
pahitattassa viharato . ayam kho me brahmana tatiya abhinibbidha ahosi
kukkutacchapakasseva andakosamhati.
[4] Evam vutte veranjo brahmano bhagavantam etadavoca jettho bhavam
gotamo settho bhavam gotamo abhikkantam bho gotama abhikkantam bho gotama
seyyathapi bho gotama nikkujjitam va ukkujjeyya paticchannam va vivareyya
mulhassa va maggam acikkheyya andhakare va telapajjotam dhareyya cakkhumanto
rupani dakkhantiti evamevam 3- bhota gotamena anekapariyayena dhammo
@Footnote: 1 yebhuyyena ito param ditthasavapiti atthi. 2 vimuttamhitipi
@patho. 3 sabbattha evamevati patho dissati.
Pakasito esaham bhavantam gotamam saranam gacchami dhammanca bhikkhusanghanca
upasakam mam bhavam gotamo dharetu ajjatagge panupetam saranam gatam adhivasetu
ca me bhavam gotamo veranjayam vassavasam saddhim bhikkhusanghenati. Adhivasesi
bhagava tunhibhavena . athakho veranjo brahmano bhagavato adhivasanam
viditva utthayasana bhagavantam abhivadetva padakkhinam katva pakkami.
[5] Tena kho pana samayena veranja dubbhikkha hoti dvihitika
setatthika salakavutta na sukara unchena paggahena yapetum. Tena
kho pana samayena uttarapathaka assavanija pancamattehi assasatehi
veranjayam vassavasam upagata honti . tehi assamandalikasu bhikkhunam
patthapatthapulakam 1- pannattam hoti . bhikkhu pubbanhasamayam nivasetva
pattacivaramadaya veranjayam 2- pindaya pavisitva pindam alabhamana
assamandalikasu pindaya caritva patthapatthapulakam aramam haritva
udukkhale kottetva kottetva paribhunjanti . ayasma pananando
patthapulakam silayam pimsitva 3- bhagavato upanameti. Tam bhagava paribhunjati.
{5.1} Assosi kho bhagava udukkhalasaddam. Janantapi tathagata pucchanti
janantapi na pucchanti kalam viditva pucchanti kalam viditva na pucchanti
@Footnote: 1 sabbattha patthapatthamulakanti patho dissati. 2 Yu. Ma. veranjam.
@3 Yu. Ma. pisitva.
Atthasanhitam tathagata pucchanti no anatthasanhitam anatthasanhite
setughato tathagatanam . dvihakarehi buddha bhagavanto bhikkhu patipucchanti
dhammam va desessama savakanam va sikkhapadam pannapessamati .
Athakho bhagava ayasmantam anandam amantesi kinnu kho so ananda
udukkhalasaddoti . athakho ayasma anando bhagavato etamattham
arocesi . sadhu sadhu ananda tumhehi ananda sappurisehi vijitam
pacchima janata salimamsodanam atimannissatiti.
[6] Athakho ayasma mahamoggallano yena bhagava tenupasankami
upasankamitva bhagavantam abhivadetva ekamantam nisidi . ekamantam
nisinno kho ayasma mahamoggallano bhagavantam etadavoca etarahi
bhante veranja dubbhikkha dvihitika setatthika salakavutta na sukara
unchena paggahena yapetum imissa bhante mahapathaviya hetthimatalam
sampannam 1- seyyathapi khuddakamadhum 2- anilakam evamassadam sadhaham bhante
pathavim parivatteyyam bhikkhu pappatakojam paribhunjissantiti . ye pana te
moggallana pathavinissita pana te katham karissasiti. Ekaham bhante panim
abhinimminissami seyyathapi mahapathavi ye pathavinissita pana te tattha
sankamessami ekena hatthena pathavim parivattessamiti. Alam moggallana
@Footnote: 1 Ma. Ra. rasasampannam. 2 Yu. khuddamadhum.
Ma te rucci pathavim parivattetum vipallasampi satta patilabheyyunti. Sadhu
bhante sabbo bhikkhusangho uttarakurum pindaya gaccheyyati. Ye pana te
moggallana bhikkhu aniddhimanto te katham karissasiti . tathaham bhante
karissami yatha sabbe bhikkhu gacchissantiti . alam moggallana ma te
rucci sabbassa bhikkhusanghassa uttarakurum pindaya gamananti.
[7] Athakho ayasmato sariputtassa rahogatassa patisallinassa
evam cetaso parivitakko udapadi katamesanam kho buddhanam
bhagavantanam brahmacariyam na ciratthitikam ahosi katamesanam buddhanam
bhagavantanam brahmacariyam ciratthitikam ahositi . athakho ayasma
sariputto sayanhasamayam patisallana vutthito yena bhagava
tenupasankami upasankamitva bhagavantam abhivadetva ekamantam nisidi .
Ekamantam nisinno kho ayasma sariputto bhagavantam etadavoca
idha mayham bhante rahogatassa patisallinassa evam cetaso parivitakko
udapadi katamesanam kho buddhanam bhagavantanam brahmacariyam na
ciratthitikam ahosi katamesanam buddhanam bhagavantanam brahmacariyam
ciratthitikam ahositi . bhagavato ca sariputta vipassissa bhagavato
ca sikhissa bhagavato ca vessabhussa brahmacariyam na ciratthitikam ahosi
bhagavato ca sariputta kakusandhassa bhagavato ca konagamanassa
bhagavato ca kassapassa brahmacariyam ciratthitikam ahositi . ko nu
Kho bhante hetu ko paccayo yena bhagavato ca vipassissa
bhagavato ca sikhissa bhagavato ca vessabhussa brahmacariyam na
ciratthitikam ahositi.
{7.1} Bhagava ca sariputta vipassi bhagava ca sikhi bhagava ca vessabhu
kilasuno ahesum savakanam vittharena dhammam dassetum appakanca nesam
ahosi suttam geyyam veyyakaranam gatha udanam itivuttakam jatakam
abbhutadhammam vedallam appannattam savakanam sikkhapadam anuddittham
patimokkham tesam buddhanam bhagavantanam antaradhanena buddhanubuddhanam
savakanam antaradhanena ye te pacchima savaka nananama nanagotta
nanajacca nanakula pabbajita te tam brahmacariyam khippanneva
antaradhapesum seyyathapi sariputta nanapupphani phalake nikkhittani
suttena asangahitani tani vato vikirati vidhamati viddhamseti tam kissa hetu
yathatam suttena asangahitatta evameva kho sariputta tesam buddhanam
bhagavantanam antaradhanena buddhanubuddhanam savakanam antaradhanena
ye te pacchima savaka nananama nanagotta nanajacca
nanakula pabbajita te tam brahmacariyam khippanneva antaradhapesum
{7.2} kilasuno ca te buddha 1- bhagavanto ahesum savake 2- cetasa
ceto paricca ovaditum bhutapubbam sariputta vessabhu bhagava araham
sammasambuddho annatarasmim bhimsanake vanasande sahassam bhikkhusangham
@Footnote: 1 ayam patho katthaci na dissati. 2 savakanantipi atthi.
Cetasa ceto paricca ovadati anusasati evam vitakketha ma evam
vitakkayittha evam manasikarotha ma evam manasakattha idam pajahatha idam
upasampajja viharathati athakho sariputta tesam bhikkhusahassanam 1-
vessabhuna bhagavata arahata sammasambuddhena evam ovadiyamananam
evam anusasiyamananam anupadaya asavehi cittani vimuccimsu
tatra sudam sariputta bhimsanakassa vanasandassa bhimsanakatasmim
hoti yo koci avitarago tam vanasandam pavisati yebhuyyena 2-
lomani hamsanti ayam kho sariputta hetu ayam paccayo yena
bhagavato ca vipassissa bhagavato ca sikhissa bhagavato ca vessabhussa
brahmacariyam na ciratthitikam ahositi . ko pana bhante hetu ko
paccayo yena bhagavato ca kakusandhassa bhagavato ca konagamanassa
bhagavato ca kassapassa brahmacariyam ciratthitikam ahositi.
{7.3} Bhagava ca sariputta kakusandho bhagava ca konagamano bhagava ca
kassapo akilasuno ahesum savakanam vittharena dhammam desetum bahunca
nesam ahosi suttam geyyam veyyakaranam gatha udanam itivuttakam jatakam
abbhutadhammam vedallam pannattam savakanam sikkhapadam uddittham patimokkham
tesam buddhanam bhagavantanam antaradhanena buddhanubuddhanam savakanam
antaradhanena ye te pacchima savaka nananama nanagotta
nanajacca nanakula pabbajita te tam brahmacariyam
@Footnote: 1 tesam bhikkhunanti amhakam khanti. 2 Ma. yebhuyena.
Ciram dighamaddhanam thapesum seyyathapi sariputta nanapupphani phalake
nikkhittani suttena susangahitani tani vato na vikirati na
vidhamati na viddhamseti tam kissa hetu yathatam suttena susangahitatta
evameva kho sariputta tesam buddhanam bhagavantanam antaradhanena
buddhanubuddhanam savakanam antaradhanena ye te pacchima savaka
nananama nanagotta nanajacca nanakula pabbajita te
tam brahmacariyam ciram dighamaddhanam thapesum ayam kho sariputta hetu
ayam paccayo yena bhagavato ca kakusandhassa bhagavato ca konagamanassa
bhagavato ca kassapassa brahmacariyam ciratthitikam ahositi.
[8] Athakho ayasma sariputto utthayasana ekamsam uttarasangam
karitva yena bhagava tenanjalim panametva bhagavantam etadavoca etassa
bhagava kalo etassa sugata kalo yam bhagava savakanam sikkhapadam pannapeyya
uddiseyya patimokkham yathayidam 1- brahmacariyam addhaniyam assa ciratthitikanti.
{8.1} Agamehi tvam sariputta agamehi tvam sariputta tathagato va
tattha kalam janissati na tava sariputta sattha savakanam sikkhapadam
pannapeti uddisati patimokkham yava na idhekacce asavatthaniya
dhamma sanghe patubhavanti yato ca kho sariputta idhekacce
asavatthaniya dhamma sanghe patubhavanti atha sattha savakanam
@Footnote: 1 Ma. yathayidam.
Sikkhapadam pannapeti uddisati patimokkham tesanneva asavatthaniyanam
dhammanam patighataya na tava sariputta idhekacce asavatthaniya dhamma
sanghe patubhavanti yava na sangho rattannumahattam patto hoti yato ca kho
sariputta sangho rattannumahattam patto hoti atha idhekacce asavatthaniya
dhamma sanghe patubhavanti atha sattha savakanam sikkhapadam pannapeti
uddisati patimokkham tesanneva asavatthaniyanam dhammanam patighataya
na tava sariputta idhekacce asavatthaniya dhamma sanghe patubhavanti
yava na sangho vepullamahattam patto hoti yato ca kho sariputta sangho
vepullamahattam patto hoti atha idhekacce asavatthaniya dhamma sanghe
patubhavanti atha sattha savakanam sikkhapadam pannapeti uddisati
patimokkham tesanneva asavatthaniyanam dhammanam patighataya na tava
sariputta idhekacce asavatthaniya dhamma sanghe patubhavanti yava na
sangho labhaggamahattam patto hoti yato ca kho sariputta sangho labhagga-
mahattam patto hoti atha idhekacce asavatthaniya dhamma sanghe
patubhavanti atha sattha savakanam sikkhapadam pannapeti uddisati
patimokkham tesanneva asavatthaniyanam dhammanam patighataya nirabbudo
hi sariputta bhikkhusangho niradinavo apagatakalako suddho pariyodato
sare patitthito imesam hi sariputta pancannam bhikkhusatanam yo pacchimako
Bhikkhu so sotapanno avinipatadhammo niyato sambodhiparayanoti.
[9] Athakho bhagava ayasmantam anandam amantesi acinnam kho
panetam ananda tathagatanam yehi nimantita vassam vasanti na te
anapaloketva janapadacarikam pakkamanti ayamananda veranjam
brahmanam apalokessamati . evam bhanteti kho ayasma anando
bhagavato paccassosi . athakho bhagava nivasetva pattacivaramadaya
ayasmata anandena pacchasamanena yena veranjassa brahmanassa
nivesanam tenupasankami upasankamitva pannatte asane nisidi . athakho
veranjo brahmano yena bhagava tenupasankami upasankamitva bhagavantam
abhivadetva ekamantam nisidi.
{9.1} Ekamantam nisinnam kho veranjam brahmanam bhagava etadavoca
nimantitamha taya brahmana vassam vuttha apalokema 1- tam icchama
mayam janapadacarikam pakkamitunti . saccam bho gotama nimantitattha maya
vassam vuttha apica yo deyyadhammo so na dinno tanca kho no asantam
nopi adatukamyata tam kutettha labbha bahukicca gharavasa bahukaraniya
adhivasetu me bhavam gotamo svatanaya bhattam saddhim bhikkhusanghenati. Adhivasesi
bhagava tunhibhavena . athakho bhagava veranjam brahmanam dhammiya kathaya
sandassetva samadapetva samuttejetva sampahamsetva utthayasana
@Footnote: 1 Yu. Ma. apalokama.
Pakkami . athakho veranjo brahmano tassa rattiya accayena sake
nivesane panitam khadaniyam bhojaniyam patiyadapetva bhagavato kalam
arocapesi kalo bho gotama nitthitam bhattanti.
{9.2} Athakho bhagava pubbanhasamayam nivasetva pattacivaramadaya
yena veranjassa brahmanassa nivesanam tenupasankami upasankamitva
pannatte asane nisidi saddhim bhikkhusanghena . athakho veranjo
brahmano buddhappamukham bhikkhusangham panitena khadaniyena bhojaniyena
sahattha santappetva sampavaretva bhagavantam bhuttavim onitapattapanim
ticivarena acchadesi ekamekanca bhikkhum ekamekena dussayugena acchadesi.
{9.3} Athakho bhagava veranjam brahmanam dhammiya kathaya sandassetva
samadapetva samuttejetva sampahamsetva utthayasana pakkami. Athakho
bhagava veranjayam yathabhirantam viharitva anupagamma soreyyam sankassam
kannakujjam yena payagapatitthanam tenupasankami upasankamitva
payagapatitthane gangam nadim uttaritva yena baranasi tadavasari. Athakho
bhagava baranasiyam yathabhirantam viharitva yena vesali tena carikam pakkami
anupubbena carikam caramano yena vesali tadavasari . Tatra sudam bhagava
vesaliyam viharati mahavane kutagarasalayam.
Veranjabhanavaram nitthitam.
--------------
Pathamaparajikakandam
[10] Tena kho pana samayena vesaliya avidure kalandagamo 1- hoti.
Tattha sudinno nama kalandaputto 2- setthiputto hoti. Athakho sudinno
kalandaputto sambahulehi sahayakehi saddhim vesalim agamasi kenacideva
karaniyena . tena kho pana samayena bhagava mahatiya parisaya parivuto dhammam
desento nisinno hoti . addasa kho sudinno kalandaputto bhagavantam
mahatiya parisaya parivutam dhammam desentam nisinnam. Disvanassa etadahosi
yannunahampi dhammam suneyyanti . athakho sudinno kalandaputto yena sa
parisa tenupasankami upasankamitva ekamantam nisidi.
{10.1} Ekamantam nisinnassa kho sudinnassa kalandaputtassa etadahosi
yatha yatha kho aham bhagavata dhammam desitam ajanami nayidam sukaram agaram
ajjhavasata ekantaparipunnam ekantaparisuddham sankhalikhitam brahmacariyam caritum
yannunaham kesamassum oharetva kasayani vatthani acchadetva
agarasma anagariyam pabbajeyyanti . athakho sa parisa bhagavata
dhammiya kathaya sandassita samadapita samuttejita sampahamsita
utthayasana bhagavantam abhivadetva padakkhinam katva pakkami.
@Footnote: 1 Yu. kalandakagamo nama. Ma. kalandagamo nama. 2 Yu.
@kalandakaputto.
{10.2} Athakho sudinno kalandaputto aciravutthitaya parisaya yena bhagava
tenupasankami upasankamitva bhagavantam abhivadetva ekamantam nisidi .
Ekamantam nisinno kho sudinno kalandaputto bhagavantam etadavoca
yatha yathaham bhante bhagavata dhammam desitam ajanami nayidam sukaram
agaram ajjhavasata ekantaparipunnam ekantaparisuddham sankhalikhitam
brahmacariyam caritum icchamaham bhante kesamassum oharetva kasayani
vatthani acchadetva agarasma anagariyam pabbajitum pabbajetu
mam bhagavati . anunnatosi pana tvam sudinna matapituhi
agarasma anagariyam pabbajjayati . na kho aham bhante anunnato
matapituhi agarasma anagariyam pabbajjayati . na kho sudinna
tathagata ananunnatam matapituhi puttam pabbajentiti . soham
bhante tatha karissami yatha mam matapitaro anujanissanti
agarasma anagariyam pabbajjayati 1-.
[11] Athakho sudinno kalandaputto vesaliyam tam karaniyam tiretva
yena kalandagamo yena matapitaro tenupasankami upasankamitva
matapitaro etadavoca amma tata yatha yathaham bhagavata dhammam
desitam ajanami nayidam sukaram agaram ajjhavasata ekantaparipunnam
@Footnote: 1 ito param katthaci athakho sudinno kalandaputto bhagavato bhasitam
@abhinanditva utthayasana bhagavantam abhivadetva padakkhinam katva
@pakkamiti likhitam.
Ekantaparisuddham sankhalikhitam brahmacariyam caritum icchamaham kesamassum
oharetva kasayani vatthani acchadetva agarasma anagariyam
pabbajitum anujanatha mam agarasma anagariyam pabbajjayati .
Evam vutte sudinnassa kalandaputtassa matapitaro sudinnam kalandaputtam
etadavocum tvam khosi tata sudinna amhakam ekaputtako
piyo manapo sukhedhito sukhaparihato na tvam tata sudinna kinci
dukkhassa janasi maranenapi mayante akamaka vina bhavissama
kim pana mayam tam jivantam anujanissama agarasma anagariyam
pabbajjayati . dutiyampi kho sudinno kalandaputto matapitaro
etadavoca amma tata yatha yathaham bhagavata dhammam desitam
ajanami nayidam sukaram agaram ajjhavasata ekantaparipunnam
ekantaparisuddham sankhalikhitam brahmacariyam caritum icchamaham kesamassum
oharetva kasayani vatthani acchadetva agarasma anagariyam
pabbajitum anujanatha mam agarasma anagariyam pabbajjayati .
Dutiyampi kho sudinnassa kalandaputtassa matapitaro sudinnam kalandaputtam
etadavocum tvam khosi tata sudinna amhakam ekaputtako
piyo manapo sukhedhito sukhaparihato na tvam tata sudinna kinci
dukkhassa janasi maranenapi mayante akamaka vina bhavissama kim
pana mayam tam jivantam anujanissama agarasma anagariyam pabbajjayati.
Tatiyampi kho sudinno kalandaputto matapitaro etadavoca
Amma tata yatha yathaham bhagavata dhammam desitam ajanami nayidam
sukaram agaram ajjhavasata ekantaparipunnam ekantaparisuddham sankhalikhitam
brahmacariyam caritum icchamaham kesamassum oharetva kasayani
vatthani acchadetva agarasma anagariyam pabbajitum anujanatha
mam agarasma anagariyam pabbajjayati . tatiyampi kho sudinnassa
kalandaputtassa matapitaro sudinnam kalandaputtam etadavocum tvam
khosi tata sudinna amhakam ekaputtako piyo manapo sukhedhito
sukhaparihato na tvam tata sudinna kinci dukkhassa janasi
maranenapi mayante akamaka vina bhavissama kim pana mayam tam
jivantam anujanissama agarasma anagariyam pabbajjayati.
{11.1} Athakho sudinno kalandaputto na mam matapitaro anujananti
agarasma anagariyam pabbajjayati tattheva anantarahitaya bhumiya
nipajji idheva me maranam bhavissati pabbajja vati 1-. Athakho sudinno
kalandaputto ekampi bhattam na bhunji dvepi bhattani na bhunji tinipi
bhattani na bhunji cattaripi bhattani na bhunji pancapi bhattani na
bhunji chapi bhattani na bhunji sattapi bhattani na bhunji.
[12] Athakho sudinnassa kalandaputtassa matapitaro sudinnam
kalandaputtam etadavocum tvam khosi tata sudinna amhakam ekaputtako
@Footnote: 1 pabbajjayatipi patho.
Piyo manapo sukhedhito sukhaparihato na tvam tata sudinna kinci dukkhassa
janasi maranenapi mayante akamaka vina bhavissama kim pana mayam tam
jivantam anujanissama agarasma anagariyam pabbajjaya utthehi
tata sudinna bhunja ca piva ca paricarehi ca bhunjanto pivanto paricarento
kame paribhunjanto punnani karonto abhiramassu na tam mayam anujanama
agarasma anagariyam pabbajjayati.
{12.1} Evam vutte sudinno kalandaputto tunhi ahosi. Dutiyampi kho
.pe. tatiyampi kho sudinnassa kalandaputtassa matapitaro sudinnam
kalandaputtam etadavocum tvam khosi tata sudinna amhakam ekaputtako
piyo manapo sukhedhito sukhaparihato na tvam tata sudinna kinci dukkhassa
janasi maranenapi mayante akamaka vina bhavissama kim pana mayam tam
jivantam anujanissama agarasma anagariyam pabbajjaya utthehi
tata sudinna bhunja ca piva ca paricarehi ca bhunjanto pivanto
paricarento kame paribhunjanto punnani karonto abhiramassu
na tam mayam anujanama agarasma anagariyam pabbajjayati .
Tatiyampi kho sudinno kalandaputto tunhi ahosi.
[13] Athakho sudinnassa kalandaputtassa sahayaka yena sudinno
kalandaputto tenupasankamimsu upasankamitva sudinnam kalandaputtam
etadavocum tvam khosi samma sudinna matapitunam ekaputtako piyo
Manapo sukhedhito sukhaparihato na tvam samma sudinna kinci dukkhassa
janasi maranenapi te matapitaro akamaka vina bhavissanti
kim pana tam jivantam anujanissanti agarasma anagariyam pabbajjaya
utthehi samma sudinna bhunja ca piva ca paricarehi ca bhunjanto
pivanto paricarento kame paribhunjanto punnani karonto
abhiramassu na tam matapitaro anujananti agarasma anagariyam
pabbajjayati.
{13.1} Evam vutte sudinno kalandaputto tunhi ahosi. Dutiyampi
kho .pe. tatiyampi kho sudinnassa kalandaputtassa sahayaka sudinnam
kalandaputtam etadavocum tvam khosi samma sudinna .pe. tatiyampi kho
sudinno kalandaputto tunhi ahosi . athakho sudinnassa kalandaputtassa
sahayaka yena sudinnassa kalandaputtassa matapitaro tenupasankamimsu
upasankamitva sudinnassa kalandaputtassa matapitaro etadavocum amma
tata eso sudinno anantarahitaya bhumiya nipanno idheva me maranam
bhavissati pabbajja vati sace tumhe sudinnam nanujanissatha agarasma
anagariyam pabbajjaya tattheva maranam agamissati sace pana tumhe sudinnam
anujanissatha agarasma anagariyam pabbajjaya pabbajitampi nam
dakkhissatha sace sudinno nabhiramissati agarasma anagariyam
pabbajjaya ka tassa anna gati bhavissati idheva paccagamissati
anujanatha sudinnam agarasma anagariyam pabbajjayati .
Anujanama tata sudinnam agarasma anagariyam pabbajjayati.
[14] Athakho sudinnassa kalandaputtassa sahayaka yena sudinno
kalandaputto tenupasankamimsu upasankamitva sudinnam kalandaputtam
etadavocum utthehi samma sudinna anunnatosi matapituhi
agarasma anagariyam pabbajjayati . athakho sudinno kalandaputto
anunnatomhi kira matapituhi agarasma anagariyam pabbajjayati
hattho udaggo panina gattani paripunchanto vutthasi .
Athakho sudinno kalandaputto katipaham balam gahetva 1- yena
bhagava tenupasankami upasankamitva bhagavantam abhivadetva ekamantam
nisidi . ekamantam nisinno kho sudinno kalandaputto bhagavantam
etadavoca anunnatomhi 2- aham bhante matapituhi agarasma
anagariyam pabbajjaya pabbajetu mam bhante bhagavati . alattha kho
sudinno kalandaputto bhagavato santike pabbajjam alattha upasampadam .
Acirupasampanno ca panayasma sudinno evarupe dhutagune samadaya
vattati aranniko hoti pindapatiko pamsukuliko sapadanacariko
annataram vajjigamam upanissaya viharati.
[15] Tena kho pana samayena vajji dubbhikkha hoti dvihitika
setatthika salakavutta na sukara unchena paggahena yapetum .
Athakho ayasmato sudinnassa etadahosi etarahi kho vajji
@Footnote: 1 yebhuyyena gahetvati patho dissati. 2 Yu. Ma. anunnato.
Dubbhikkha dvihitika setatthika salakavutta na sukara unchena
paggahena yapetum bahu kho pana me vesaliyam nataka 1- addha mahaddhana
mahabhoga pahutajataruparajata pahutavittupakarana pahutadhanadhanna
yannunaham natakanam 2- upanissaya vihareyyam natakapi 3- mam
nissaya danani dassanti punnani karissanti bhikkhu ca labham
lacchanti ahanca pindakena na kilamissamiti . athakho ayasma
sudinno senasanam samsametva pattacivaramadaya yena vesali tena
pakkami anupubbena carikam 4- caramano 5- yena vesali tadavasari.
{15.1} Tatra sudam ayasma sudinno vesaliyam viharati mahavane
kutagarasalayam . assosum kho ayasmato sudinnassa nataka sudinno
kira kalandaputto vesalim anuppattoti . te ayasmato sudinnassa
satthimatte thalipake bhattabhiharam abhiharimsu . athakho ayasma
sudinno te satthimatte thalipake bhikkhunam vissajjetva
pubbanhasamayam nivasetva pattacivaramadaya kalandagamam
pindaya pavisi kalandagame sapadanam pindaya caramano yena
sakapitu nivesanam tenupasankami . tena kho pana samayena ayasmato
sudinnassa natidasi abhidosikam kummasam chaddetukama hoti .
Athakho ayasma sudinno tam natidasim etadavoca sace tam bhagini
@Footnote: 1 Yu. Ma. nati. 2-3 Yu. Ma. nati. 4-5 tisupi potthakesu idam
@pathadvayam na dissati.
Chaddaniyadhammam idha me patte akirati . athakho ayasmato
sudinnassa natidasi tam abhidosikam kummasam ayasmato sudinnassa
patte akiranti hatthananca padananca sarassa ca nimittam
aggahesi . athakho ayasmato sudinnassa natidasi yenayasmato
sudinnassa mata tenupasankami upasankamitva ayasmato sudinnassa
mataram etadavoca yagghayye janeyyasi ayyaputto sudinno
anuppattoti. Sace je saccam bhanasi adasim tam karomiti.
{15.2} Tena kho pana samayena ayasma sudinno tam abhidosikam kummasam
annataram kuddamulam nissaya paribhunjati . pitapi kho ayasmato
sudinnassa kammanta agacchanto addasa ayasmantam sudinnam tam
abhidosikam kummasam annataram kuddamulam nissaya paribhunjantam disvana
yenayasma sudinno tenupasankami upasankamitva ayasmantam
sudinnam etadavoca atthi nama tata sudinna abhidosikam kummasam
paribhunjissasi nanu 1- tata sudinna sakageham 2- gantabbanti. Agamamha
kho te gahapati geham tatayam 3- abhidosiko kummaso maya laddhoti 4-.
Athakho ayasmato sudinnassa pita ayasmato sudinnassa bahayam
gahetva ayasmantam sudinnam etadavoca ehi tata sudinna gharam
gamissamati . athakho ayasma sudinno yena sakapitu nivesanam
@Footnote: 1 Yu. Ma. nanu nama. 2 Yu. Ma. sakam geham. 3 Yu. tatrayam.
@4 maya laddhoti pathadvayam yuropiyamarammapotthakesu na dissati.
Tenupasankami upasankamitva pannatte asane nisidi . athakho
ayasmato sudinnassa pita ayasmantam sudinnam etadavoca bhunja
tata sudinnati . alam gahapati katam me ajja bhattakiccanti .
Adhivasehi tata sudinna svatanaya bhattanti . adhivasesi kho
ayasma sudinno tunhibhavena . athakho ayasma sudinno
utthayasana pakkami.
[16] Athakho ayasmato sudinnassa mata tassa rattiya accayena
haritena gomayena pathavim opunchapetva dve punje karapesi ekam
hirannassa ekam suvannassa tava mahanta punja ahesum orato thito
puriso parato thitam purisam na passati parato thito puriso orato thitam purisam
na passati te punje kilanjehi paticchadapetva majjhe asanam pannapetva
tirokaraniyam parikkhipapetva 1- ayasmato sudinnassa puranadutiyikam
amantesi tenahi vadhu yena alankarena alankata puttassa sudinnassa
piya ahosi manapa tena alankarena alankarati . evam ayyeti
kho ayasmato sudinnassa puranadutiyika ayasmato sudinnassa
matuya paccassosi.
{16.1} Athakho ayasma sudinno pubbanhasamayam nivasetva
pattacivaramadaya yena sakapitu nivesanam tenupasankami
upasankamitva pannatte asane nisidi . athakho ayasmato
@Footnote: 1 yebhuyyena parikkhipitvati patho dissati.
Sudinnassa pita yenayasma sudinno tenupasankami upasankamitva
te punje vivarapetva ayasmantam sudinnam etadavoca idante
tata sudinna matumattikam itthikaya itthidhanam annam pettikam
annam pitamaham labbha tata sudinna hinayavattitva bhoga ca
bhunjitum punnani ca katum ehi tvam tata sudinna hinayavattitva
bhoge ca bhunjassu punnani ca karohiti . tata na ussahami
na visahami abhirato aham brahmacariyam caramiti . dutiyampi kho
.pe. tatiyampi kho ayasmato sudinnassa pita ayasmantam
sudinnam etadavoca idante tata sudinna matumattikam itthikaya
itthidhanam annam pettikam annam pitamaham labbha tata
sudinna hinayavattitva bhoga ca bhunjitum punnani ca katum
ehi tvam tata sudinna hinayavattitva bhoge ca bhunjassu
punnani ca karohiti . vadeyyama kho tam gahapati sace tvam
natikaddheyyasiti . vadehi tata sudinnati . tenahi tvam
gahapati mahante mahante sanipasibbake karapetva hirannasuvannassa
purapetva sakatehi nibbahapetva majjhe gangaya
sote osadehi 1- tam kissa hetu yam hi te gahapati bhavissati
tatonidanam bhayam va chambhitattam va lomahamso va arakkho va
so te na bhavissatiti . evam vutte ayasmato sudinnassa pita
@Footnote: 1 Yu. otarehi. Ma. Ra. osarehi.
Anattamano ahosi katham hi nama putto sudinno evam vakkhatiti.
{16.2} Athakho ayasmato sudinnassa pita ayasmato sudinnassa
puranadutiyikam amantesi tenahi vadhu tvam piya ca manapa ca appevanama
putto sudinno tuyhampi vacanam kareyyati . athakho ayasmato
sudinnassa puranadutiyika ayasmato sudinnassa padesu gahetva
ayasmantam sudinnam etadavoca kidisa nama ta ayyaputta
accharayo yasam tvam hetu brahmacariyam carasiti . na kho aham
bhagini accharanam hetu brahmacariyam caramiti . athakho ayasmato
sudinnassa puranadutiyika ajjatagge mam ayyaputto sudinno
bhaginivadena samudacaratiti tattheva mucchita papata.
{16.3} Athakho ayasma sudinno pitaram etadavoca sace gahapati
bhojanam databbam detha ma no vihethayitthati . Bhunja tata sudinnati.
Athakho ayasmato sudinnassa mata ca pita ca ayasmantam sudinnam
panitena khadaniyena bhojaniyena sahattha santappesum sampavaresum .
Athakho ayasmato sudinnassa mata ayasmantam sudinnam bhuttavim
onitapattapanim etadavoca idam tata sudinna kulam addham mahaddhanam
mahabhogam pahutajataruparajatam pahutavittupakaranam pahutadhanadhannam labbha
tata sudinna hinayavattitva bhoga ca bhunjitum punnani ca katum
ehi tvam tata sudinna hinayavattitva bhoge ca bhunjassu
punnani ca karohiti . amma na ussahami na visahami
Abhirato aham brahmacariyam caramiti . dutiyampi kho .pe. tatiyampi
kho ayasmato sudinnassa mata ayasmantam sudinnam etadavoca
idam tata sudinna kulam addham mahaddhanam mahabhogam pahutajataruparajatam
pahutavittupakaranam pahutadhanadhannam tenahi tata sudinna bijakampi
dehi ma no aputtakam sapateyyam licchavino 1- atiharapesunti .
Etam kho me amma sakka katunti . kaham pana tata sudinna
etarahi viharasiti . mahavane ammati . athakho ayasma sudinno
utthayasana pakkami.
[17] Athakho ayasmato sudinnassa mata ayasmato sudinnassa
puranadutiyikam amantesi tenahi vadhu yada utuni ahosi puppham te uppannam
hoti atha me aroceyyasiti . Evam ayyeti kho ayasmato sudinnassa
puranadutiyika ayasmato sudinnassa matuya paccassosi . athakho
ayasmato sudinnassa puranadutiyika na cirasseva utuni ahosi pupphamsa
uppajji.
{17.1} Athakho ayasmato sudinnassa puranadutiyika ayasmato
sudinnassa mataram etadavoca utunimhi ayye puppham me uppannanti. Tenahi
vadhu yena alankarena alankata puttassa sudinnassa piya ahosi manapa
tena alankarena alankarati . evam ayyeti kho ayasmato sudinnassa
puranadutiyika ayasmato sudinnassa matuya paccassosi . athakho
@Footnote: 1 sabbattha potthakesu licchaviyoti patho dissati.
Ayasmato sudinnassa mata ayasmato sudinnassa puranadutiyikam
adaya yena mahavanam yenayasma sudinno tenupasankami
upasankamitva ayasmantam sudinnam etadavoca idam tata sudinna
kulam addham mahaddhanam mahabhogam pahutajataruparajatam pahutavittupakaranam
pahutadhanadhannam labbha tata sudinna hinayavattitva bhoga ca
bhunjitum punnani ca katum ehi tvam tata sudinna hinayavattitva
bhoge ca bhunjassu punnani ca karohiti . amma na ussahami
na visahami abhirato aham brahmacariyam caramiti . dutiyampi kho
.pe. tatiyampi kho ayasmato sudinnassa mata ayasmantam
sudinnam etadavoca idam tata sudinna kulam addham mahaddhanam mahabhogam
pahutajataruparajatam pahutavittupakaranam pahutadhanadhannam tenahi tata
sudinna bijakampi dehi ma no aputtakam sapateyyam licchavino
atiharapesunti . etam kho me amma sakka katunti puranadutiyikaya
bahayam gahetva mahavanam ajjhogahetva appannatte
sikkhapade anadinavadasso puranadutiyikaya tikkhattum methunam dhammam
abhivinnapesi. Sa tena gabbham ganhi.
[18] Bhumma deva saddamanussavesum nirabbudo vata bho
bhikkhusangho niradinavo sudinnena kalandaputtena abbudam
uppaditam adinavo uppaditoti . bhummanam devanam saddam sutva
catummaharajika deva saddamanussavesum tavatimsa deva yama
Deva tusita deva nimmanarati deva paranimmitavasavatti deva
brahmakayika deva saddamanussavesum nirabbudo vata bho bhikkhusangho
niradinavo sudinnena kalandaputtena abbudam uppaditam adinavo
uppaditoti . itiha tena khanena tena muhuttena yava brahmaloka
saddo abbhugganchi.
{18.1} Athakho ayasmato sudinnassa puranadutiyika tassa gabbhassa
paripakamanvaya puttam vijayi . athakho ayasmato sudinnassa sahayaka
tassa darakassa bijakoti namam akamsu ayasmato sudinnassa puranadutiyikaya
bijakamatati namam akamsu ayasmato sudinnassa bijakapitati namam akamsu.
Te aparena samayena ubho agarasma anagariyam pabbajitva arahattam sacchakamsu.
[19] Athakho ayasmato sudinnassa ahudeva kukkuccam ahu vippatisaro
alabha vata me na vata me labha dulladdham vata me na vata me suladdham yoham
evam svakkhate dhammavinaye pabbajitva nasakkhim yavajivam paripunnam parisuddham
brahmacariyam caritunti. So teneva kukkuccena tena vippatisarena kiso ahosi
lukho dubbanno uppanduppandukajato dhamanisanthatagatto antomano
linamano dukkhi dummano vippatisari pajjhayi.
{19.1} Athakho ayasmato sudinnassa sahayaka bhikkhu ayasmantam sudinnam
etadavocum pubbe kho tvam avuso sudinna vannava ahosi pinindriyo
pasannamukhavanno vippasannacchavivanno pariyodato sodani tvam etarahi
Kiso lukho dubbanno uppanduppandukajato dhamanisanthatagatto
antomano linamano dukkhi dummano vippatisari pajjhayasi kacci
no tvam avuso sudinna anabhirato brahmacariyam carasiti . na kho aham
avuso anabhirato brahmacariyam carami atthi me papakammam 1- katam
puranadutiyikaya methuno dhammo patisevito tassa mayham avuso
ahudeva kukkuccam ahu vippatisaro alabha vata me na vata me labha
dulladdham vata me na vata me suladdham yoham evam svakkhate dhammavinaye
pabbajitva nasakkhim yavajivam paripunnam parisuddham brahmacariyam caritunti.
{19.2} Alam hi te avuso sudinna kukkuccaya alam vippatisaraya yam
tvam evam svakkhate dhammavinaye pabbajitva na sakkhissasi yavajivam
paripunnam parisuddham brahmacariyam caritum nanu avuso bhagavata
anekapariyayena viragaya dhammo desito no saragaya visamyogaya
dhammo desito no samyogaya anupadanaya dhammo desito no
saupadanaya tattha nama tvam avuso bhagavata viragaya dhamme
desite saragaya cetessasi visamyogaya dhamme desite samyogaya
cetessasi anupadanaya dhamme desite saupadanaya cetessasi
nanu avuso bhagavata anekapariyayena ragaviragaya dhammo desito
madanimmadanaya pipasavinayaya alayasamugghataya vattupacchedaya
@Footnote: 1 Yu. papam kammam. Ma. papakam.
Tanhakkhayaya viragaya nirodhaya nibbanaya dhammo desito nanu
avuso bhagavata anekapariyayena kamanam pahanam akkhatam kamasannanam
parinna akkhata kamapipasanam pativinayo akkhato kamavitakkanam
samugghato akkhato kamaparilahanam vupasamo akkhato netam avuso
appasannanam va pasadaya pasannanam va bhiyyobhavaya athakhvetam
avuso appasannananceva appasadaya pasannananca ekaccanam
annathattayati . athakho te bhikkhu ayasmantam sudinnam anekapariyayena
vigarahitva bhagavato etamattham arocesum.
[20] Athakho bhagava etasmim nidane etasmim pakarane bhikkhusangham
sannipatapetva ayasmantam sudinnam patipucchi saccam kira tvam sudinna
puranadutiyikaya methunam dhammam patisevasiti 1- . saccam bhagavati. Vigarahi
buddho bhagava ananucchavikam 2- moghapurisa ananulomikam appatirupam assamanakam
akappiyam akaraniyam katham hi nama tvam moghapurisa evam svakkhate dhammavinaye
pabbajitva na sakkhissasi yavajivam paripunnam parisuddham brahmacariyam caritum
{20.1} nanu maya moghapurisa anekapariyayena viragaya dhammo desito no
saragaya visamyogaya dhammo desito no samyogaya anupadanaya dhammo desito
no saupadanaya tattha nama tvam moghapurisa maya viragaya dhamme desite saragaya
@Footnote: 1 Yu. patiseviti. 2 yebhuyyena ananucchaviyanti patho dissati.
Cetessasi visamyogaya dhamme desite samyogaya cetessasi anupadanaya
dhamme desite saupadanaya cetessasi nanu maya moghapurisa anekapariyayena
ragaviragaya dhammo desito madanimmadanaya pipasavinayaya alayasamugghataya
vattupacchedaya tanhakkhayaya viragaya nirodhaya nibbanaya dhammo desito
nanu maya moghapurisa anekapariyayena kamanam pahanam akkhatam kamasannanam
parinna akkhata kamapipasanam pativinayo akkhato kamavitakkanam
samugghato akkhato kamaparilahanam vupasamo akkhato
{20.2} varante moghapurisa asivisassa ghoravisassa mukhe angajatam
pakkhittam na tveva matugamassa angajate angajatam pakkhittam varante
moghapurisa kanhasappassa mukhe angajatam pakkhittam na tveva matugamassa
angajate angajatam pakkhittam varante moghapurisa angarakasuya adittaya
sampajjalitaya sanjotibhutaya 1- angajatam pakkhittam na tveva matugamassa
angajate angajatam pakkhittam tam kissa hetu tatonidanam hi moghapurisa maranam
va nigaccheyya maranamattam va dukkham na tveva tappaccaya kayassa bheda
param marana apayam duggatim vinipatam nirayam upapajjeyya itonidananca
kho moghapurisa kayassa bheda param marana apayam duggatim vinipatam
nirayam upapajjeyya tattha nama tvam moghapurisa yam tvam asaddhammam
@Footnote: 1 yebhuyyena sajjotibhutayati patho dissati.
Gamadhammam vasaladhammam dutthullam odakantikam rahassam dvayam dvayasamapattim
samapajjissasi bahunnam kho tvam moghapurisa akusalanam dhammanam adikatta
pubbangamo netam moghapurisa appasannanam va pasadaya pasannanam va
bhiyyobhavaya athakhvetam moghapurisa appasannananceva appasadaya
pasannananca ekaccanam annathattayati.
{20.3} Athakho bhagava ayasmantam sudinnam anekapariyayena vigarahitva
dubbharataya dupposataya mahicchataya asantutthataya sanganikaya kosajjassa
avannam bhasitva anekapariyayena subharataya suposataya appicchassa
santutthassa sallekhassa dhutassa pasadikassa appaccayassa viriyarambhassa
vannam bhasitva bhikkhunam tadanucchavikam tadanulomikam dhammim katham katva bhikkhu
amantesi tenahi bhikkhave bhikkhunam sikkhapadam pannapessami dasa atthavase
paticca sanghasutthutaya sanghaphasutaya dummankunam puggalanam niggahaya pesalanam
bhikkhunam phasuviharaya ditthadhammikanam asavanam samvaraya samparayikanam asavanam
patighataya appasannanam pasadaya pasannanam bhiyyobhavaya saddhammatthitiya
vinayanuggahaya evanca pana bhikkhave imam sikkhapadam uddiseyyatha
{20.4} yo pana bhikkhu methunam dhammam patiseveyya parajiko hoti
asamvasoti.
{20.5} Evancidam bhagavata bhikkhunam sikkhapadam pannattam hoti.
Sudinnabhanavaram nitthitam.
[21] Tena kho pana samayena annataro bhikkhu vesaliyam mahavane
makkatim amisena upalapetva tassa methunam dhammam patisevati .
Athakho so bhikkhu pubbanhasamayam nivasetva pattacivaramadaya
vesalim pindaya pavisi . tena kho pana samayena sambahula
bhikkhu senasanacarikam ahindanta yena tassa bhikkhuno viharo
tenupasankamimsu . addasa kho sa makkati te bhikkhu durato va
agacchante disvana yena te bhikkhu tenupasankami upasankamitva
tesam bhikkhunam purato katimpi calesi cheppampi calesi katimpi oddi
nimittampi akasi . athakho tesam bhikkhunam etadahosi nissamsayam kho so
bhikkhu imissa makkatiya methunam dhammam patisevatiti ekamantam niliyimsu .
Athakho so bhikkhu vesaliyam pindaya caritva pindapatam adaya
patikkami.
{21.1} Athakho sa makkati yena so bhikkhu tenupasankami. Athakho so
bhikkhu tam pindapatam ekadesam bhunjitva ekadesam tassa makkatiya
adasi . athakho sa makkati tam pindapatam 1- bhunjitva tassa bhikkhuno
katim oddi . athakho so bhikkhu tassa makkatiya methunam dhammam patisevati.
Athakho te bhikkhu tam bhikkhum etadavocum nanu avuso bhagavata sikkhapadam
pannattam kissa tvam avuso imissa 2- makkatiya methunam dhammam
patisevasiti . saccam avuso bhagavata sikkhapadam pannattam tanca
@Footnote: 1 Yu. tam pindam. 2 payatoyam patho natthi.
Kho manussitthiya no tiracchanagatayati . nanu avuso tatheva tam
hoti ananucchavikam avuso ananulomikam appatirupam assamanakam
akappiyam akaraniyam katham hi nama tvam avuso evam svakkhate
dhammavinaye pabbajitva na sakkhissasi yavajivam paripunnam parisuddham
brahmacariyam caritum nanu avuso bhagavata anekapariyayena viragaya
dhammo desito no saragaya .pe. kamaparilahanam vupasamo
akkhato netam avuso appasannanam va pasadaya pasannanam va
bhiyyobhavaya athakhvetam avuso appasannananceva appasadaya
pasannananca ekaccanam annathattayati . athakho te bhikkhu tam
bhikkhum anekapariyayena vigarahitva bhagavato etamattham arocesum.
[22] Athakho bhagava etasmim nidane etasmim pakarane bhikkhusangham
sannipatapetva tam bhikkhum patipucchi saccam kira tvam bhikkhu makkatiya
methunam dhammam patisevasiti . saccam bhagavati . vigarahi buddho
bhagava ananucchavikam moghapurisa ananulomikam appatirupam assamanakam
akappiyam akaraniyam katham hi nama tvam moghapurisa evam svakkhate
dhammavinaye pabbajitva na sakkhissasi yavajivam paripunnam parisuddham
brahmacariyam caritum nanu maya moghapurisa anekapariyayena viragaya
dhammo desito no saragaya .pe. kamaparilahanam vupasamo
akkhato varante moghapurisa asivisassa ghoravisassa mukhe angajatam
pakkhittam na tveva makkatiya angajate angajatam pakkhittam
Varante moghapurisa kanhasappassa mukhe angajatam pakkhittam na
tveva makkatiya angajate angajatam pakkhittam varante moghapurisa
angarakasuya adittaya sampajjalitaya sanjotibhutaya angajatam
pakkhittam na tveva makkatiya angajate angajatam pakkhittam tam
kissa hetu tatonidanam hi moghapurisa maranam va nigaccheyya
maranamattam va dukkham na tveva tappaccaya kayassa bheda param
marana apayam duggatim vinipatam nirayam upapajjeyya itonidananca
kho moghapurisa kayassa bheda param marana apayam duggatim vinipatam
nirayam upapajjeyya tattha nama tvam moghapurisa yam tvam asaddhammam
gamadhammam vasaladhammam dutthullam odakantikam rahassam dvayam dvayasamapattim
samapajjissasi netam moghapurisa appasannanam va pasadaya .pe.
Evanca pana bhikkhave imam sikkhapadam uddiseyyatha
{22.1} yo pana bhikkhu methunam dhammam patiseveyya antamaso tiracchanagatayapi
parajiko hoti asamvasoti.
{22.2} Evancidam bhagavata bhikkhunam sikkhapadam pannattam hoti.
Makkativatthu 1- nitthitam.
[23] Tena kho pana samayena sambahula vesalika vajjiputtaka
bhikkhu yavadattham bhunjimsu yavadattham supimsu yavadattham nahayimsu
yavadattham bhunjitva yavadattham supitva yavadattham nahayitva
ayoniso manasikaritva sikkham appaccakkhaya dubbalyam anavikatva
@Footnote: 1 payato makkatisikkhapadanti dissati.
Methunam dhammam patisevimsu . te aparena samayena natibyasanenapi
phuttha bhogabyasanenapi phuttha rogabyasanenapi phuttha ayasmantam
anandam upasankamitva evam vadenti na mayam bhante ananda
buddhagarahino na dhammagarahino na sanghagarahino attagarahino mayam
bhante ananda anannagarahino mayamevamha alakkhika mayam
appapunna ye mayam evam svakkhate dhammavinaye pabbajitva
nasakkhimha yavajivam paripunnam parisuddham brahmacariyam caritum idanipi
ce 1- mayam bhante ananda labheyyama bhagavato santike pabbajjam
labheyyama upasampadam idanipi mayam vipassaka kusalanam dhammanam
pubbarattapararattam bodhipakkhikanam dhammanam bhavananuyogamanuyutta
vihareyyama sadhu bhante ananda bhagavato etamattham arocehiti .
Evamavusoti kho ayasma anando vesalikanam vajjiputtakanam
patissunitva yena bhagava tenupasankami upasankamitva bhagavato
etamattham arocesi.
{23.1} Atthanametam ananda anavakaso yam tathagato vajjinam
va vajjiputtakanam va karana savakanam parajikam sikkhapadam
pannattam samuhaneyyati.
[24] Athakho bhagava etasmim nidane etasmim pakarane dhammim katham
katva bhikkhu amantesi yo kho 2- bhikkhave bhikkhu sikkham appaccakkhaya
dubbalyam anavikatva methunam dhammam patisevati so agato na
@Footnote: 1 Yu. Ma. idani cepi. 2 Yu. pana.
Upasampadetabbo yo ca kho bhikkhave bhikkhu 1- sikkham paccakkhaya dubbalyam
avikatva methunam dhammam patisevati so agato upasampadetabbo evanca
pana bhikkhave imam sikkhapadam uddiseyyatha yo pana bhikkhu bhikkhunam sikkhasajiva-
samapanno sikkham appaccakkhaya dubbalyam anavikatva methunam dhammam
patiseveyya antamaso tiracchanagatayapi parajiko hoti asamvasoti.
[25] Yo panati yo yadiso yathayutto yathajacco yathanamo
yathagotto yathasilo yathavihari yathagocaro thero va navo va
majjhimo va eso vuccati yo panati.
[26] Bhikkhuti bhikkhakoti bhikkhu . bhikkhacariyam ajjhupagatoti bhikkhu.
Bhinnapatadharoti bhikkhu . samannaya bhikkhu . patinnaya bhikkhu .
Ehibhikkhuti bhikkhu . tihi saranagamanehi upasampannoti bhikkhu. Bhadroti 2-
bhikkhu. Saroti bhikkhu. Sekhoti bhikkhu. Asekhoti bhikkhu. Samaggena sanghena
natticatutthena kammena akuppena thanarahena upasampannoti bhikkhu .
Tatra yvayam bhikkhu samaggena sanghena natticatutthena kammena akuppena
thanarahena upasampanno ayam imasmim atthe adhippeto bhikkhuti.
[27] Sikkhati tisso sikkha adhisilasikkha adhicittasikkha
@Footnote: 1 sabbatthayam patho natthi. 2 anupubbena bhadrotyadisu catusu
@pathesu itisadda sabbattha na dissanti.
Adhipannasikkha tatra yayam adhisilasikkha ayam imasmim atthe
adhippeta sikkhati.
[28] Sajivam nama yam bhagavata pannattam sikkhapadam etam
sajivam nama tasmim sikkhati tena vuccati sajivasamapannoti.
[29] Sikkham appaccakkhaya dubbalyam anavikatvati atthi bhikkhave
dubbalyavikammanceva hoti sikkha ca appaccakkhata . atthi
bhikkhave dubbalyavikammanceva hoti sikkha ca paccakkhata.
[30] Kathanca bhikkhave dubbalyavikammanceva hoti sikkha ca
appaccakkhata . idha bhikkhave bhikkhu ukkanthito anabhirato samanna
cavitukamo bhikkhubhavam attiyamano harayamano jigucchamano gihibhavam
patthayamano upasakabhavam patthayamano aramikabhavam patthayamano
samanerabhavam patthayamano titthiyabhavam patthayamano titthiyasavakabhavam
patthayamano assamanabhavam patthayamano asakyaputtiyabhavam patthayamano
yannunaham buddham paccakkheyyanti vadati vinnapeti . evampi bhikkhave
dubbalyavikammanceva hoti sikkha ca appaccakkhata.
{30.1} Athava pana ukkanthito anabhirato samanna cavitukamo
bhikkhubhavam attiyamano harayamano jigucchamano gihibhavam patthayamano
.pe. asakyaputtiyabhavam patthayamano yannunaham dhammam paccakkheyyanti
vadati vinnapeti .pe. yannunaham sangham paccakkheyyanti vadati
vinnapeti . yannunaham sikkham paccakkheyyanti vadati vinnapeti .
Yannunaham vinayam paccakkheyyanti vadati vinnapeti . yannunaham
patimokkham paccakkheyyanti vadati vinnapeti . yannunaham uddesam
paccakkheyyanti vadati vinnapeti . yannunaham upajjhayam paccakkheyyanti
vadati vinnapeti . yannunaham acariyam paccakkheyyanti vadati
vinnapeti . yannunaham saddhiviharikam paccakkheyyanti vadati vinnapeti.
Yannunaham antevasikam paccakkheyyanti vadati vinnapeti . yannunaham
samanupajjhayakam paccakkheyyanti vadati vinnapeti . yannunaham
samanacariyakam paccakkheyyanti vadati vinnapeti.
{30.2} Yannunaham sabrahmacarim paccakkheyyanti vadati vinnapeti.
Yannunaham gihi assanti vadati vinnapeti . yannunaham upasako assanti
vadati vinnapeti . yannunaham aramiko assanti vadati vinnapeti.
Yannunaham samanero assanti vadati vinnapeti . yannunaham titthiyo
assanti vadati vinnapeti . yannunaham titthiyasavako assanti vadati
vinnapeti . yannunaham assamano assanti vadati vinnapeti .
Yannunaham asakyaputtiyo assanti vadati vinnapeti . evampi bhikkhave
dubbalyavikammanceva hoti sikkha ca appaccakkhata.
{30.3} Athava pana ukkanthito anabhirato samanna cavitukamo
bhikkhubhavam attiyamano harayamano jigucchamano gihibhavam patthayamano
.pe. asakyaputtiyabhavam patthayamano yadi panaham buddham
paccakkheyyanti vadati vinnapeti .pe. yadi panaham asakyaputtiyo
Assanti vadati vinnapeti .pe. athaham 1- buddham paccakkheyyanti
vadati vinnapeti .pe. athaham asakyaputtiyo assanti vadati
vinnapeti .pe. handaham buddham paccakkheyyanti vadati vinnapeti
.pe. handaham asakyaputtiyo assanti vadati vinnapeti .pe.
Hotu me buddham paccakkheyyanti vadati vinnapeti .pe. hotu me
asakyaputtiyo assanti vadati vinnapeti . evampi bhikkhave
dubbalyavikammanceva hoti sikkha ca appaccakkhata.
{30.4} Athava pana ukkanthito anabhirato samanna cavitukamo
bhikkhubhavam attiyamano harayamano jigucchamano gihibhavam patthayamano
.pe. asakyaputtiyabhavam patthayamano mataram saramiti vadati vinnapeti.
Pitaram saramiti vadati vinnapeti . bhataram saramiti vadati vinnapeti.
Bhaginim saramiti vadati vinnapeti . puttam saramiti vadati vinnapeti.
Dhitaram saramiti vadati vinnapeti . pajapatim saramiti vadati vinnapeti.
Natake saramiti vadati vinnapeti . mitte saramiti vadati vinnapeti.
Gamam saramiti vadati vinnapeti. Nigamam saramiti vadati vinnapeti. Khettam
saramiti vadati vinnapeti . vatthum saramiti vadati vinnapeti. Hirannam
saramiti vadati vinnapeti . suvannam saramiti vadati vinnapeti. Sippam
saramiti vadati vinnapeti . pubbe hasitam lapitam kilitam samanussaramiti
@Footnote: 1 Yu. Ma. apaham.
Vadati vinnapeti . evampi bhikkhave dubbalyavikammanceva hoti sikkha
ca appaccakkhata.
{30.5} Athava pana ukkanthito anabhirato samanna cavitukamo
bhikkhubhavam attiyamano harayamano jigucchamano gihibhavam patthayamano
.pe. asakyaputtiyabhavam patthayamano mata me atthi sa maya
posetabbati vadati vinnapeti . pita me atthi so maya posetabboti
vadati vinnapeti . bhata me atthi so maya posetabboti vadati
vinnapeti . bhagini me atthi sa maya posetabbati vadati vinnapeti.
Putto me atthi so maya posetabboti vadati vinnapeti. Dhita me
atthi sa maya posetabbati vadati vinnapeti . pajapati me atthi
sa maya posetabbati vadati vinnapeti . Nataka me atthi te maya
posetabbati vadati vinnapeti . Mitta me atthi te maya posetabbati
vadati vinnapeti . evampi bhikkhave dubbalyavikammanceva hoti sikkha ca
appaccakkhata.
{30.6} Athava pana ukkanthiko anabhirato samanna cavitukamo
bhikkhubhavam attiyamano harayamano jigucchamano gihibhavam patthayamano
.pe. asakyaputtiyabhavam patthayamano mata me atthi
sa mam posessatiti vadati vinnapeti . pita me atthi so
mam posessatiti vadati vinnapeti . bhata me atthi so mam
posessatiti vadati vinnapeti . bhagini me atthi sa mam posessatiti
Vadati vinnapeti . putto me atthi so mam posessatiti
vadati vinnapeti . dhita me atthi sa mam posessatiti vadati
vinnapeti . pajapati me atthi sa mam posessatiti vadati
vinnapeti . nataka me atthi te mam posessantiti vadati
vinnapeti . mitta me atthi te mam posessantiti vadati
vinnapeti . gamo me atthi tenapaham 1- jivissamiti vadati
vinnapeti . nigamo me atthi tenapaham jivissamiti vadati
vinnapeti . khettam me atthi tenapaham jivissamiti vadati
vinnapeti . vatthum me atthi tenapaham jivissamiti vadati
vinnapeti . hirannam me atthi tenapaham jivissamiti vadati
vinnapeti . suvannam me atthi tenapaham jivissamiti vadati
vinnapeti . sippam me atthi tenapaham jivissamiti vadati
vinnapeti . evampi bhikkhave dubbalyavikammanceva hoti sikkha
ca appaccakkhata.
{30.7} Athava pana ukkanthito anabhirato samanna
cavitukamo bhikkhubhavam attiyamano harayamano jigucchamano gihibhavam
patthayamano .pe. asakyaputtiyabhavam patthayamano dukkaranti
vadati vinnapeti . na sukaranti vadati vinnapeti . duccaranti
vadati vinnapeti . na sucaranti vadati vinnapeti . na ussahamiti
vadati vinnapeti . na visahamiti vadati vinnapeti . na ramamiti
@Footnote: 1 tena cahantipi patho.
Vadati vinnapeti . nabhiramamiti vadati vinnapeti . evampi kho
bhikkhave dubbalyavikammanceva hoti sikkha ca appaccakkhata.
[31] Kathanca bhikkhave dubbalyavikammanceva hoti sikkha ca
paccakkhata . idha bhikkhave bhikkhu ukkanthito anabhirato samanna
cavitukamo bhikkhubhavam attiyamano harayamano jigucchamano gihibhavam
patthayamano .pe. asakyaputtiyabhavam patthayamano buddham paccakkhamiti
vadati vinnapeti . evampi bhikkhave dubbalyavikammanceva hoti sikkha
ca paccakkhata.
{31.1} Athava pana ukkanthito anabhirato samanna cavitukamo
bhikkhubhavam attiyamano harayamano jigucchamano gihibhavam patthayamano
.pe. asakyaputtiyabhavam patthayamano dhammam paccakkhamiti vadati vinnapeti.
Sangham paccakkhamiti vadati vinnapeti. Sikkham paccakkhamiti vadati vinnapeti.
Vinayam paccakkhamiti vadati vinnapeti . patimokkham paccakkhamiti vadati
vinnapeti . uddesam paccakkhamiti vadati vinnapeti . upajjhayam
paccakkhamiti vadati vinnapeti . acariyam paccakkhamiti vadati
vinnapeti . saddhiviharikam paccakkhamiti vadati vinnapeti .
Antevasikam paccakkhamiti vadati vinnapeti . samanupajjhayakam
paccakkhamiti vadati vinnapeti . samanacariyakam paccakkhamiti
vadati vinnapeti . sabrahmacarim paccakkhamiti vadati vinnapeti
.pe. gihiti mam dharehiti vadati vinnapeti . upasakoti mam
Dharehiti vadati vinnapeti . aramikoti mam dharehiti vadati
vinnapeti . samaneroti mam dharehiti vadati vinnapeti .
Titthiyoti mam dharehiti vadati vinnapeti . titthiyasavakoti mam
dharehiti vadati vinnapeti . assamanoti mam dharehiti vadati
vinnapeti . asakyaputtiyoti mam dharehiti vadati vinnapeti .
Evampi bhikkhave dubbalyavikammanceva hoti sikkha ca paccakkhata.
{31.2} Athava pana ukkanthito anabhirato samanna cavitukamo bhikkhubhavam
attiyamano harayamano jigucchamano gihibhavam patthayamano .pe.
Asakyaputtiyabhavam patthayamano alam me buddhenati vadati vinnapeti
.pe. alam me sabrahmacarihiti vadati vinnapeti . evampi
bhikkhave .pe. athava pana .pe. kinnu me buddhenati vadati
vinnapeti .pe. kinnu me sabrahmacarihiti vadati vinnapeti .
Evampi .pe. athava pana .pe. na mamattho buddhenati vadati
vinnapeti .pe. na mamattho sabrahmacarihiti vadati vinnapeti .
Evampi .pe. athava pana .pe. sumuttaham buddhenati vadati
vinnapeti .pe. sumuttaham sabrahmacarihiti vadati vinnapeti .
Evampi bhikkhave dubbalyavikammanceva hoti sikkha ca paccakkhata.
{31.3} Yani va panannanipi atthi buddhavevacanani va dhammavevacanani
va sanghavevacanani va sikkhavevacanani va vinayavevacanani va
patimokkhavevacanani va uddesavevacanani va upajjhayavevacanani
Va acariyavevacanani va saddhiviharikavevacanani va antevasikavevacanani
va samanupajjhayakavevacanani va samanacariyakavevacanani va
sabrahmacarivevacanani va gihivevacanani va upasakavevacanani va
aramikavevacanani va samaneravevacanani va titthiyavevacanani va
titthiyasavakavevacanani va assamanavevacanani va asakyaputtiyavevacanani
va tehi akarehi tehi lingehi tehi nimittehi vadati vinnapeti.
Evampi kho bhikkhave dubbalyavikammanceva hoti sikkha ca paccakkhata.
[32] Kathanca bhikkhave appaccakkhata hoti sikkha. Idha bhikkhave
bhikkhuna 1- yehi akarehi yehi lingehi yehi nimittehi sikkha
paccakkhata hoti tehi akarehi tehi lingehi tehi nimittehi
ummattako sikkham paccakkhati . appaccakkhata hoti sikkha .
Ummattakassa santike sikkham paccakkhati . appaccakkhata hoti
sikkha . khittacitto sikkham paccakkhati . appaccakkhata hoti
sikkha . khittacittassa santike sikkham paccakkhati . appaccakkhata
hoti sikkha . vedanatto sikkham paccakkhati . appaccakkhata hoti
sikkha . vedanattassa santike sikkham paccakkhati . appaccakkhata
hoti sikkha . devataya santike sikkham paccakkhati . Appaccakkhata
hoti sikkha . tiracchanagatassa santike sikkham paccakkhati .
@Footnote: 1 yuropiyamarammapotthakesvayam patho na dissati.
Appaccakkhata hoti sikkha . ariyakena milakkhakassa santike sikkham
paccakkhati . so ce 1- na pativijanati appaccakkhata hoti sikkha.
Milakkhakena ariyakassa santike sikkham paccakkhati . so ce na
pativijanati appaccakkhata hoti sikkha . ariyakena ariyakassa
santike sikkham paccakkhati . so ce na pativijanati appaccakkhata
hoti sikkha . milakkhakena milakkhakassa santike sikkham paccakkhati .
So ce na pativijanati appaccakkhata hoti sikkha . davaya
sikkham paccakkhati . appaccakkhata hoti sikkha . ravaya sikkham
paccakkhati . appaccakkhata hoti sikkha . Asavetukamo saveti.
Appaccakkhata hoti sikkha . Savetukamo na saveti. Appaccakkhata
hoti sikkha . avinnussa saveti . appaccakkhata hoti sikkha.
Vinnussa na saveti . appaccakkhata hoti sikkha. Sabbaso va pana
na saveti. Appaccakkhata hoti sikkha. Evam kho bhikkhave appaccakkhata
hoti sikkha.
[33] Methunadhammo nama yo so asaddhammo gamadhammo vasaladhammo
dutthullam odakantikam rahassam dvayam dvayasamapatti eso methunadhammo nama.
[34] Patisevati nama yo nimittena nimittam angajatena angajatam
antamaso tilaphalamattampi paveseti eso patisevati nama.
@Footnote: 1 payato so cati likhitam.
[35] Antamaso tiracchanagatayapiti tiracchanagatitthiyapi methunam
dhammam patisevitva assamano hoti asakyaputtiyo pageva manussitthiya
tena vuccati antamaso tiracchanagatayapiti.
[36] Parajiko hotiti seyyathapi nama puriso sisacchinno
abhabbo tena sarirabandhanena jivitum evameva bhikkhu methunam dhammam
patisevitva assamano hoti asakyaputtiyo tena vuccati parajiko hotiti.
[37] Asamvasoti samvaso nama ekakammam ekuddeso samasikkhata
eso samvaso nama so tena saddhim natthi tena vuccati asamvasoti.
[38] Tisso itthiyo manussitthi amanussitthi tiracchanagatitthi .
Tayo ubhatobyanjanaka manussaubhatobyanjanako amanussaubhatobyanjanako
tiracchanagataubhatobyanjanako . tayo pandaka manussapandako
amanussapandako tiracchanagatapandako . tayo purisa manussapuriso
amanussapuriso tiracchanagatapuriso.
{38.1} Manussitthiya tayo magge methunam dhammam patisevantassa
apatti parajikassa vaccamagge passavamagge mukhe . amanussitthiya
.pe. tiracchanagatitthiya tayo magge methunam dhammam patisevantassa apatti
parajikassa vaccamagge passavamagge mukhe . manussaubhatobyanjanakassa
.pe. amanussaubhatobyanjanakassa .pe. tiracchanagataubhatobyanjanakassa
Tayo magge methunam dhammam patisevantassa apatti parajikassa
vaccamagge passavamagge mukhe . manussapandakassa dve magge
methunam dhammam patisevantassa apatti parajikassa vaccamagge mukhe .
Amanussapandakassa .pe. tiracchanagatapandakassa .pe. amanussapurisassa
.pe. tiracchanagatapurisassa dve magge methunam dhammam patisevantassa
apatti parajikassa vaccamagge mukhe.
[39] Bhikkhussa sevanacittam upatthite manussitthiya vaccamaggam
angajatam pavesentassa apatti parajikassa . bhikkhussa sevanacittam
upatthite manussitthiya passavamaggam angajatam pavesentassa apatti
parajikassa . bhikkhussa sevanacittam upatthite manussitthiya mukham
angajatam pavesentassa apatti parajikassa . bhikkhussa sevanacittam
upatthite amanussitthiya .pe. tiracchanagatitthiya manussaubhatobyanjanakassa
amanussaubhatobyanjanakassa tiracchanagataubhatobyanjanakassa vaccamaggam
passavamaggam mukham angajatam pavesentassa apatti parajikassa. Bhikkhussa
sevanacittam upatthite manussapandakassa vaccamaggam .pe. mukham angajatam
pavesentassa apatti parajikassa . bhikkhussa sevanacittam upatthite
amanussapandakassa .pe. tiracchanagatapandakassa manussapurisassa
amanussapurisassa tiracchanagatapurisassa vaccamaggam mukham angajatam pavesentassa
apatti parajikassa.
[40] Bhikkhupaccatthika manussitthim bhikkhussa santike anetva
Vaccamaggena angajatam abhinisidenti . so ce pavesanam sadiyati pavittham
sadiyati thitam sadiyati uddharanam sadiyati apatti parajikassa .
Bhikkhupaccatthika manussitthim bhikkhussa santike anetva vaccamaggena
angajatam abhinisidenti . so ce pavesanam na sadiyati pavittham
sadiyati thitam sadiyati uddharanam sadiyati apatti parajikassa .
Bhikkhupaccatthika manussitthim bhikkhussa santike anetva vaccamaggena
angajatam abhinisidenti . so ce pavesanam na sadiyati pavittham na
sadiyati thitam sadiyati uddharanam sadiyati apatti parajikassa .
Bhikkhupaccatthika manussitthim bhikkhussa santike anetva vaccamaggena
angajatam abhinisidenti . so ce pavesanam na sadiyati pavittham na
sadiyati thitam na sadiyati uddharanam sadiyati apatti parajikassa .
Bhikkhupaccatthika manussitthim bhikkhussa santike anetva vaccamaggena
angajatam abhinisidenti . so ce pavesanam na sadiyati pavittham
na sadiyati thitam na sadiyati uddharanam na sadiyati anapatti.
{40.1} Bhikkhupaccatthika manussitthim bhikkhussa santike anetva
passavamaggena .pe. mukhena angajatam abhinisidenti . So ce pavesanam
sadiyati pavittham sadiyati thitam sadiyati uddharanam sadiyati apatti parajikassa
.pe. Na sadiyati anapatti.
{40.2} Bhikkhupaccatthika manussitthim jagarantim suttam mattam
ummattam pamattam matam akkhayitam matam yebhuyyena akkhayitam
.pe. apatti parajikassa . matam yebhuyyena khayitam bhikkhussa
Santike anetva vaccamaggena passavamaggena mukhena angajatam
abhinisidenti . so ce pavesanam sadiyati pavittham sadiyati thitam sadiyati
uddharanam sadiyati apatti thullaccayassa .pe. Na sadiyati anapatti.
{40.3} Bhikkhupaccatthika amanussitthim .pe. Tiracchanagatitthim manussa-
ubhatobyanjanakam amanussaubhatobyanjanakam tiracchanagataubhatobyanjanakam
bhikkhussa santike anetva vaccamaggena passavamaggena mukhena angajatam
abhinisidenti . So ce pavesanam sadiyati pavittham sadiyati thitam sadiyati uddharanam
sadiyati apatti parajikassa .pe. Na sadiyati anapatti.
{40.4} Bhikkhupaccatthika tiracchanagataubhatobyanjanakam jagarantam
suttam mattam ummattam pamattam matam akkhayitam matam yebhuyyena akkhayitam .pe.
Apatti parajikassa .pe. Matam yebhuyyena khayitam bhikkhussa santike anetva
vaccamaggena passavamaggena mukhena angajatam abhinisidenti. So ce pavesanam
sadiyati pavittham sadiyati thitam sadiyati uddharanam sadiyati apatti thullaccayassa
.pe. Na sadiyati anapatti.
{40.5} Bhikkhupaccatthika manussapandakam .pe. amanussapandakam
tiracchanagatapandakam bhikkhussa santike anetva vaccamaggena .pe. Mukhena
angajatam abhinisidenti. So ce pavesanam sadiyati pavittham sadiyati thitam sadiyati
uddharanam sadiyati apatti parajikassa .pe. na sadiyati anapatti.
Bhikkhupaccatthika tiracchanagatapandakam jagarantam suttam mattam pamattam ummattam matam
Akkhayitam matam yebhuyyena akkhayitam .pe. apatti parajikassa .pe.
Matam yebhuyyena khayitam bhikkhussa santike anetva vaccamaggena .pe.
Mukhena angajatam abhinisidenti . so ce pavesanam sadiyati pavittham
sadiyati thitam sadiyati uddharanam sadiyati apatti thullaccayassa .pe.
Na sadiyati anapatti.
{40.6} Bhikkhupaccatthika manussapurisam .pe. amanussapurisam .pe.
Tiracchanagatapurisam bhikkhussa santike anetva vaccamaggena .pe. Mukhena
angajatam abhinisidenti. So ce pavesanam sadiyati pavittham sadiyati thitam sadiyati
uddharanam sadiyati apatti parajikassa .pe. Na sadiyati anapatti.
{40.7} Bhikkhupaccatthika tiracchanagatapurisam jagarantam suttam mattam
ummattam pamattam matam akkhayitam matam yebhuyyena akkhayitam .pe. Apatti
parajikassa .pe. matam yebhuyyena khayitam bhikkhussa santike anetva
vaccamaggena .pe. Mukhena angajatam abhinisidenti. So ce pavesanam sadiyati
pavittham sadiyati thitam sadiyati uddharanam sadiyati apatti thullaccayassa .pe.
Na sadiyati anapatti.
The Pali Tipitaka in Roman Character Volume 1 page 1-56.
http://84000.org/tipitaka/read/roman_item_s.php?book=1&item=1&items=40&modeTY=2
Classified by [Item Number] :-
http://84000.org/tipitaka/read/roman_item_s.php?book=1&item=1&items=40&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=1&item=1&items=40&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=1&item=1&items=40&modeTY=2
Study Atthakatha :-
http://84000.org/tipitaka/attha/attha.php?b=1&i=1
The Pali Atthakatha in Thai :-
http://84000.org/tipitaka/atthapali/read_th.php?B=1&A=1
The Pali Atthakatha in Roman :-
http://84000.org/tipitaka/atthapali/read_rm.php?B=1&A=1
Contents of The Tipitaka Volume 1
http://84000.org/tipitaka/read/?index_1
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
