paliTIPITAKA Volume 12 - Sutta Pitaka 4

[289] Evamme sutam ekam samayam bhagava savatthiyam viharati jetavane anathapindikassa arame . tena kho pana samayena ayasma kumarakassapo andhavane viharati . atha kho annatara devata abhikkantaya rattiya abhikkantavanna kevalakappam andhavanam obhasetva yenayasma kumarakassapo tenupasankami upasankamitva ekamantam atthasi . ekamantam thita kho sa devata ayasmantam kumarakassapam etadavoca bhikkhu bhikkhu ayam vammiko rattim dhumayati ^1- diva pajjalati brahmano evamaha abhikkhana sumedha sattham adayati. {289.1} Abhikkhananto sumedho sattham adaya addasa palingam ^2- palinga bhanteti ^3- . brahmano evamaha ukkhipa palingam abhikkhana sumedha sattham adayati . abhikkhananto sumedho sattham adaya addasa uddhumayikam uddhumayika bhanteti . brahmano evamaha ukkhipa uddhumayikam abhikkhana sumedha sattham adayati . abhikkhananto sumedho sattham adaya addasa dvidhapatham dvidhapatho bhanteti . Brahmano evamaha ukkhipa dvidhapatham abhikkhana sumedha sattham adayati. {289.2} Abhikkhananto sumedho sattham adaya addasa pankavaram ^4- pankavaro bhanteti . ^[5]- ukkhipa pankavaram abhikkhana sumedha sattham adayati . abhikkhananto sumedho sattham adaya addasa kummam @Footnote: ¹ Si. dhupayati. ² Si. Yu. palangim. ³ Ma. Yu. bhadanteti. sabbattha idisameva. @⁴ Si. Ma. Yu. cangavaram. ⁵ brahmano evamahati ime patha nattha bhaveyyum.

--------------------------------------------------------------------------------------------- page283.

Kummo bhanteti . brahmano evamaha ukkhipa kummam abhikkhana sumedha sattham adayati . abhikkhananto sumedho sattham adaya addasa asisunam asisuna bhanteti . brahmano evamaha ukkhipa asisunam abhikkhana sumedha sattham adayati . abhikkhananto sumedho sattham adaya addasa mamsapesim mamsapesi bhanteti . brahmano evamaha ukkhipa mamsapesim abhikkhana sumedha sattham adayati. {289.3} Abhikkhananto sumedho sattham adaya addasa nagam nago bhanteti . brahmano evamaha titthatu nago ma nagam ghattesi namo karohi nagassati . ime kho tvam bhikkhu pannarasam panhe bhagavantam upasankamitva puccheyyasi yatha te bhagava byakaroti tatha nam dhareyyasi . nahantam bhikkhu passami sadevake loke samarake sabrahmake sassamanabrahmaniya pajaya sadevamanussaya yo imesam panhanam veyyakaranena cittam aradheyya annatra tathagatena va tathagatasavakena va ito va pana sutvati . Idamavoca sa devata idam vatva tattheva antaradhayi. [290] Atha kho ayasma kumarakassapo tassa rattiya accayena yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma kumarakassapo bhagavantam etadavoca imam bhante rattim annatara devata abhikkantaya rattiya abhikkantavanna kevalakappam andhavanam

--------------------------------------------------------------------------------------------- page284.

Obhasetva yenaham tenupasankami upasankamitva ekamantam atthasi . Ekamantam thita kho bhante sa devata mam etadavoca bhikkhu bhikkhu ayam vammiko rattim dhumayati diva pajjalati brahmano evamaha abhikkhana sumedha sattham adayati . abhikkhananto sumedho sattham adaya addasa palingam palinga bhanteti . brahmano evamaha ukkhipa palingam abhikkhana sumedha sattham adayati . abhikkhananto sumedho sattham adaya addasa uddhumayikam uddhumayika bhanteti .pe. addasa nagam nago bhanteti . brahmano evamaha titthatu nago ma nagam ghattesi namo karohi nagassati. {290.1} Ime kho tvam bhikkhu pannarasa panhe bhagavantam upasankamitva puccheyyasi yatha te bhagava byakaroti tatha nam dhareyyasi . nahantam bhikkhu passami sadevake loke samarake sabrahmake sassamanabrahmaniya pajaya sadevamanussaya yo imesam panhanam veyyakaranena cittam aradheyya annatra tathagatena va tathagatasavakena va ito va pana sutvati . idamavoca bhante sa devata idam vatva tattheva antaradhayi . ko nu kho bhante vammiko ka rattim dhumayana ka diva pajjalana ko brahmano ko sumedho kim sattham ka abhikkhana ^1- ka palingi ka uddhumayika ko dvidhapatho kim pankavaram ko kummo ka @Footnote: ¹ Yu. kim abhikkhanam.

--------------------------------------------------------------------------------------------- page285.

Asisuna ka mamsapesi ko nagoti. [291] Vammikoti kho bhikkhu imassetam catummahabhutikassa kayassa adhivacanam matapettikasambhavassa odanakummasupacayassa aniccucchadanaparimaddanabhedanaviddhamsanadhammassa . ka rattim dhumayanati yam kho bhikkhu diva kammante arabbha rattim anuvitakketi anuvicareti ayam rattim dhumayana . ka diva pajjalanati yam kho bhikkhu rattim anuvitakketva anuvicaretva diva kammante payojeti kayena vacaya ayam diva pajjalana . brahmanoti kho bhikkhu tathagatassetam adhivacanam arahato sammasambuddhassa . sumedhoti kho bhikkhu sekhassetam bhikkhuno adhivacanam. Satthanti kho bhikkhu ariyayetam pannaya adhivacanam. {291.1} Abhikkhanati kho bhikkhu viriyarambhassetam adhivacanam. Palingiti kho bhikkhu avijjayetam adhivacanam . ukkhipa palingam pajaha avijjam abhikkhana sumedha sattham adayati ayametassa attho . uddhumayikati kho bhikkhu kodhupayasassetam adhivacanam . ukkhipa uddhumayikam pajaha kodhupayasam abhikkhana sumedha sattham adayati ayametassa attho . Dvidhapathoti kho bhikkhu vicikicchayetam adhivacanam . ukkhipa dvidhapatham pajaha vicikiccham abhikkhana sumedha sattham adayati ayametassa attho . Pankavaranti kho bhikkhu pancannetam nivarananam adhivacanam kamachandanivaranassa byapadanivaranassa thinamiddhanivaranassa uddhaccakukkuccanivaranassa vicikicchanivaranaya . ukkhipa pankavaram pajaha panca

--------------------------------------------------------------------------------------------- page286.

Nivarane abhikkhana sumedha sattham adayati ayametassa attho . Kummoti kho bhikkhu pancannetam upadanakkhandhanam adhivacanam seyyathidam rupupadanakkhandhassa vedanupadanakkhandhassa sannupadanakkhandhassa sankharupadanakkhandhassa vinnanupadanakkhandhassa . ukkhipa kummam pajaha pancupadanakkhandhe abhikkhana sumedha sattham adayati ayametassa attho . asisunati kho bhikkhu pancannetam kamagunanam adhivacanam cakkhuvinneyyanam rupanam itthanam kantanam manapanam piyarupanam kamupasanhitanam rajaniyanam sotavinneyyanam saddanam ... Ghanavinneyyanam gandhanam ... jivhavinneyyanam rasanam ... Kayavinneyyanam photthabbanam itthanam kantanam manapanam piyarupanam kamupasanhitanam rajaniyanam. {291.2} Ukkhipa asisunam pajaha panca kamagune abhikkhana sumedha sattham adayati ayametassa attho . mamsapesiti kho bhikkhu nandiragassetam adhivacanam . ukkhipa mamsapesim pajaha nandiragam abhikkhana sumedha sattham adayati ayametassa attho . nagoti kho bhikkhu khinasavassetam bhikkhuno adhivacanam . titthatu nago ma nagam ghattesi namo karohi nagassati ayametassa atthoti. Idamavoca bhagava attamano ayasma kumarakassapo bhagavato bhasitam abhinanditi. Vammikasuttam nitthitam tatiyam. --------

--------------------------------------------------------------------------------------------- page287.

Rathavinitasuttam

The Pali Tipitaka in Roman Character Volume 12 page 282-287. http://84000.org/tipitaka/read/roman_item_s.php?book=12&item=289&items=3&pagebreak=1&modeTY=2&mode=bracket Classified by content :- http://84000.org/tipitaka/read/roman_item_s.php?book=12&item=289&items=3&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=12&item=289&items=3&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=12&item=289&items=3&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=12&i=289 The Pali Atthakatha in Thai :- http://84000.org/tipitaka/atthapali/read_th.php?B=8&A=694 The Pali Atthakatha in Roman :- http://84000.org/tipitaka/atthapali/read_rm.php?B=8&A=694 Contents of The Tipitaka Volume 12 http://84000.org/tipitaka/read/?index_12