ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
                       Dantabhumisuttam
     [388]  Evamme  sutam  ekam samayam bhagava rajagahe viharati veluvane
kalandakanivape   .   tena   kho   pana  samayena  aciravato  samanuddeso
aranne  1-  kutikayam  viharati. Atha kho jayaseno rajakumaro janghaviharam
anucankamamano     anuvicaramano     yena     aciravato    samanuddeso
tenupasankami   upasankamitva   aciravatena   samanuddesena   saddhim  sammodi
sammodaniyam katham saraniyam vitisaretva ekamantam nisidi.
     [389]   Ekamantam  nisinno  kho  jayaseno  rajakumaro  aciravatam
samanuddesam   etadavoca   sutam   metam   bho   aggivessana   idha   bhikkhu
appamatto     atapi    pahitatto    viharanto    phuseyya    cittassa
ekaggatanti   .  evametam  rajakumara  evametam  rajakumara  idha  bhikkhu
appamatto     atapi    pahitatto    viharanto    phuseyya    cittassa
ekaggatanti   .   sadhu   me  bhavam  aggivessano  yathasutam  yathapariyattam
dhammam desetuti.
     [390]  Na  kho  te  aham  rajakumara sakkomi yathasutam yathapariyattam
dhammam   dassetum   2-   ahancarahi  te  rajakumara  yathasutam  yathapariyattam
dhammam   deseyyam   tavanca   me   bhasitassa   attham   na  ajaneyyasi
so   mamassa   kilamatho   sa   mamassa  vihesati  .  desetu  me  bhavam
aggivessano    yathasutam    yathapariyattam   dhammam   appevanamaham   bhoto
@Footnote: 1 Po. Ma. Yu. arannakutikayam .  2 Po. Ma. Yu. desetum.
Aggivessanassa   bhasitassa   attham   ajaneyyanti   .   deseyyam  kho
te   aham   rajakumara   yathasutam   yathapariyattam   dhammam  sace  me  tvam
bhasitassa   attham   ajaneyyasi   iccetam   kusalam  no  ce  me  tvam
bhasitassa   attham   ajaneyyasi   yathasake  tittheyyasi  na  mam  tattha
uttarim   patipuccheyyasiti   .  desetu  me  bhavam  aggivessano  yathasutam
yathapariyattam    dhammam   sace   aham   bhoto   aggivessanassa   bhasitassa
attham    ajaneyyami    iccetam    kusalam   no   ce   aham   bhoto
aggivessanassa   bhasitassa   attham   ajanissami   yathasake  titthissami
naham tattha bhavantam aggivessanam uttarim patipucchissamiti.
     [391]  Atha  kho  aciravato  samanuddeso  jayasenassa rajakumarassa
yathasutam  yathapariyattam  dhammam  desesi . Evam vutte jayaseno rajakumaro
aciravatam    samanuddesam    etadavoca    atthanametam   bho   aggivessana
anavakaso    yam    bhikkhu   appamatto   atapi   pahitatto   viharanto
phuseyya   cittassa   ekaggatanti   .   atha  kho  jayaseno  rajakumaro
aciravatassa   samanuddesassa   atthanattanca   anavakasattanca   pavedetva
utthayasana  pakkami  .  atha  kho  aciravato  samanuddeso acirapakkante
jayasene  rajakumare  yena  bhagava  tenupasankami  upasankamitva  bhagavantam
abhivadetva   ekamantam   nisidi   .  ekamantam  nisinno  kho  aciravato
samanuddeso    yavatako    ahosi    jayasenena   rajakumarena   saddhim
kathasallapo tam sabbam bhagavato arocesi.
     [392]   Evam   vutte   bhagava  aciravatam  samanuddesam  etadavoca
tam    kutettha   aggivessana   labbha   yam   tam   nekkhammena   natabbam
nekkhammena   datthabbam   nekkhammena   pattabbam  nekkhammena  sacchikatabbam
tam  vata  jayaseno  rajakumaro  kamamajjhe  vasanto  kame  paribhunjanto
kamavitakkehi       khajjamano       kamaparilahena      paridayhamano
kamapariyesanaya   ussukko   nassati   va   dakkhati   va   sacchi   va
karissatiti netam thanam vijjati.
     [393]    Seyyathapissu   aggivessana   dve   hatthidamma   va
assadamma   va  godamma  va  sudanta  suvinita  .  dve  hatthidamma
va   assadamma   va   godamma   va  adantava  avinita  .  tam  kim
mannasi   aggivessana   ye   te   dve   hatthidamma   va  assadamma
va   godamma  va  sudanta  suvinita  api  nu  te  danta  dantakaranam
gaccheyyum dantava dantabhumim sampapuneyyunti. Evam bhante.
     {393.1}   Ye  panete  dve  hatthidamma  va  assadamma  va
godamma  va  adanta  avinita  api nu te adantava dantakaranam gaccheyyum
adantava   dantabhumim   sampapuneyyum   seyyathapi   te  dve  hatthidamma
va   assadamma  va  godamma  va  sudanta  suvinitati  .  no  hetam
bhante   .   evameva   kho  aggivessana  yam  tam  nekkhammena  natabbam
nekkhammena   datthabbam   nekkhammena   pattabbam  nekkhammena  sacchikatabbam
tam    vata    jayaseno    rajakumaro    kamamajjhe   vasanto   kame
Paribhunjanto       kamavitakkehi       khajjamano       kamaparilahena
paridayhamano    kamapariyesanaya    ussukko    nassati    va   dakkhati
va sacchi va karissatiti netam thanam vijjati.
     [394]   Seyyathapi   aggivessana   gamassa   va  nigamassa  va
avidure   mahapabbato   .  tamenam  dve  sahayaka  tamha  gama  va
nigama  va  nikkhamitva  hatthavilanghakena  yena so pabbato tenupasankameyyum
upasankamitva   eko   sahayako   hetthapabbatapade  tittheyya  eko
sahayako    uparipabbatam   aroheyya   .   tamenam   hetthapabbatapade
thito    sahayako    uparipabbate    thitam    sahayakam    evam   vadeyya
yam    samma    kim    tvam    passasi    uparipabbate   thitoti   .   so
evam    vadeyya    passami    kho   aham   samma   uparipabbate   thito
aramaramaneyyakam           vanaramaneyyakam           bhumiramaneyyakam
pokkharaniramaneyyakanti.
     {394.1}  So  evam  vadeyya  atthanam  kho etam samma anavakaso
yam    tvam    uparipabbate    thito    passeyyasi    aramaramaneyyakam
vanaramaneyyakam      bhumiramaneyyakam      pokkharaniramaneyyakanti     .
Tamenam   uparipabbate   thito   sahayo   hetthimapabbatapadam   orohitva
tam   sahayakam   bahaya   gahetva   uparipabbatam   aropetva   muhuttam
assasetva   evam   vadeyya   yam  samma  kim  tvam  passasi  uparipabbate
thitoti   .   so  evam  vadeyya  passami  kho  aham  samma  uparipabbate
thito       aramaramaneyyakam      vanaramaneyyakam      bhumiramaneyyakam
Pokkharaniramaneyyakanti.
     {394.2}  So evam vadeyya idaneva kho te samma bhasitam mayam evam
ajanama  atthanam  kho  etam  samma  anavakaso yam tvam uparipabbate thito
passeyyasi     aramaramaneyyakam     vanaramaneyyakam    bhumiramaneyyakam
pokkharaniramaneyyakanti   .   idaneva  ca  pana  te  bhasitam  mayam  evam
ajanama  passami  kho  aham  samma  uparipabbate thito aramaramaneyyakam
vanaramaneyyakam bhumiramaneyyakam pokkharaniramaneyyakanti.
     {394.3}  So  evam  vadeyya  tatha  hi panaham samma imina mahata
pabbatena   avuto  1-  dittheyyam  naddasanti  .  evameva  kho  ato
mahantatarena   kho   aggivessana  avijjakkhandhena  jayaseno  rajakumaro
avuto   nivuto  ovuto  pariyonaddho  .  so  vata  yantam  nekkhammena
natabbam    nekkhammena   datthabbam   nekkhammena   pattabbam   nekkhammena
sacchikatabbam  tam  vata  jayaseno  rajakumaro  kamamajjhe  vasanto  kame
paribhunjanto   kamavitakkehi   khajjamano   kamaparilahena   paridayhamano
kamapariyesanaya   ussukko   nassati   va   dakkhati   va   sacchi   va
karissatiti  netam  thanam  vijjatiti  .  sace  kho  tam aggivessana jayasenassa
rajakumarassa    ima    dve    upama    patibhaseyyum   anacchariyante
jayaseno    rajakumaro   pasideyya   pasanno   ca   te   pasannakaram
kareyyati   .   kuto   pana   mam   bhante   jayasenassa   rajakumarassa
ima   dve   upama   patibhasissanti   anacchariya   pubbe  assutapubba
@Footnote: 1 Yu. avato.
Seyyathapi bhagavantanti.
     [395]   Seyyathapi   aggivessana  raja  khattiyo  muddhavasitto
nagavanikam   amantesi   ehi   tvam   samma   nagavanika   ranno   nagam
abhiruhitva    nagavanam    pavisitva   arannanagam   atipassitva   ranno
nagassa   givayam   upanibandhahiti   .   evam  devati  kho  aggivessana
nagavaniko    ranno    khattiyassa   muddhavasittassa   patissutva   ranno
nagam    abhiruhitva    nagavanam    pavisitva   arannanagam   atipassitva
ranno    nagassa   givayam   upanibandhati   .   tamenam   ranno   nago
abbhokasam   niharati   .   ettavata   kho   aggivessana   arannako
nago   abbhokasagato   hoti  .  ettha  1-  gedha  hi  aggivessana
arannaka   naga   yadidam   nagavanam   .   tamenam   nagavaniko  ranno
khattiyassa   muddhavasittassa   arocesi   abbhokasagato   kho  te  2-
deva   arannako   nagoti   .  tamenam  raja  khattiyo  muddhavasitto
hatthidamakam   amantesi   ehi   tvam   samma   hatthidamaka  arannakam  nagam
damayahi    arannakananceva   silanam   abhinimmadanaya   arannakananceva
sarasankappanam    abhinimmadanaya    arannakananceva   darathakilamathaparilahanam
abhinimmadanaya        gamante       abhiramapanaya       manussakantesu
silesu samadapanayati.
     {395.1}   Evam   devati  kho  aggivessana  hatthidamako  ranno
khattiyassa     muddhavasittassa    patissutva    mahantam    thambham    pathaviyam
nikkhanitva      arannakassa      nagassa      givayam      upanibandhati
@Footnote: 1 Si. Yu. etagedha .  2 Ma. Yu. teti na dissati.
Arannakananceva      silanam      abhinimmadanaya      arannakananceva
sarasankappanam      abhinimmadanaya      arannakananceva     darathakilamatha-
parilahanam    abhinimmadanaya    gamante   abhiramapanaya   manussakantesu
silesu  samadapanaya  .  tamenam  hatthidamako ya sa vaca nela kannasukha
pemaniya   hadayangama   pori   bahujanakanta   bahujanamanapa   tatharupahi
vacahi   samudacarati   .   yato   kho  aggivessana  arannako  nago
hatthidamakassa   ya   sa  vaca  nela  kannasukha  pemaniya  hadayangama
pori   bahujanakanta   bahujanamanapa  tatharupahi  vacahi  samudacariyamano
sussusati    sotam    odahati   anna   cittam   upatthapeti   .   tamenam
hatthidamako    uttarim    tinaghasodakam    anuppavecchati   .   yato   kho
aggivessana    [1]-   arannako   nago   hatthidamakassa   tinaghasodakam
patigganhati  .  tatra  hatthidamakassa  evam  hoti  jivissati  khodani [2]-
arannako   nagoti   .   tamenam   hatthidamako  uttarim  karanam  kareti
adissa 3- bho nikkhipa bhoti.
     {395.2}   Yato   kho  aggivessana  ranno  nago  hatthidamakassa
adananikkhepe  vacanakaro  hoti  ovadapatikaroti  .  tamenam  hatthidamako
uttarim   karanam   kareti   abhikkama  bho  patikkama  bhoti  .  yato  kho
aggivessana   ranno   nago   hatthidamakassa   abhikkamapatikkame  vacanakaro
hoti  ovadapatikaroti  .  tamenam  hatthidamako uttarim karanam kareti utthaha
bho  nipajja  4-  bhoti . Yato kho aggivessana ranno nago hatthidamakassa
@Footnote: 1 Yu. ranno .  2 Si. Yu. ranno .  3 Po. Ma. adiya .  4 Ma. Yu. nisida.
Utthananipajjaya   1-   vacanakaro   hoti   ovadapatikaroti   .  tamenam
hatthidamako   uttarim   anenjam   nama  karanam  kareti  mahantassa  phalakam
sondaya   upanibandhati   tomarahattho   ca   puriso   uparigivaya  nisinno
hoti   samantato   ca   tomarahattha  purisa  parivaretva  thita  honti
hatthidamako   ca   digham   tomarayatthim   gahetva   purato  thito  hoti .
So   anenjakaranam   kariyamano   neva   purime  pade  copeti  na
pacchime   pade   copeti   na   purimam   kayam   copeti   na   pacchimam
kayam   copeti   na   sisam   copeti   na   kanne  copeti  na  dante
copeti   na   nanguttham   copeti   na   sondam  copeti  .  so  hoti
ranno    nago   khamo   sattippaharanam   asippaharanam   usuppaharanam
parasattuppaharanam         bheripandavasankhadindimaninnadasaddanam        2-
sabbavankadosanihataninnitakasavo  rajaraho  rajabhoggo  ranno  angantve
sankham gacchati.
     [396]  Evameva  kho  aggivessana  idha tathagato loke uppajjati
araham     sammasambuddho     vijjacaranasampanno     sugato     lokavidu
anuttaro    purisadammasarathi    sattha    devamanussanam   buddho   bhagava
so   imam   lokam   sadevakam   samarakam   sabrahmakam  sassamanabrahmanim  pajam
sadevamanussam   sayam   abhinna   sacchikatva  pavedeti  so  dhammam  deseti
adikalyanam    majjhekalyanam    pariyosanakalyanam    sattham    sabyanjanam
kevalaparipunnam   parisuddham   brahmacariyam   pakaseti   .   tam  dhammam  sunati
@Footnote: 1 Ma. Yu. utthananisajjaya .  2 Yu. bheripanavasankhatinavaninnadasaddanam.
Gahapati   va  gahapatiputto  va  annatarasmim  va  kule  pacchajato  1-
so  tam  dhammam  sutva  tathagate saddham patilabhati. So tena saddhapatilabhena
samannagato    iti    patisancikkhati    sambadho   gharavaso   rajapatho
abbhokaso     pabbajja     nayidam     sukaram    agaram    ajjhavasata
ekantaparipunnam     ekantaparisuddham     sankhalikhitam     brahmacariyam    caritum
yannunaham   kesamassum   oharetva   kasayani  vatthani  acchadetva
agarasma anagariyam pabbajeyyanti.
     {396.1}  So  aparena  samayena appam va bhogakkhandham pahaya mahantam
va   bhogakkhandham   pahaya   appam  va  natiparivattam  pahaya  mahantam  va
natiparivattam    pahaya   kesamassum   oharetva   kasayani   vatthani
acchadetva   agarasma   anagariyam  pabbaji  2-  .  ettavata  kho
aggivessana   ariyasavako   abbhokasagato  hoti  .  ettha  gedha  hi
aggivessana   devamanussa   yadidam   pancakamaguna   .  tamenam  tathagato
uttarim   vineti   ehi   tvam   bhikkhu  silava  hohi  patimokkhasamvarasamvuto
viharahi    acaragocarasampanno    anumattesu    vajjesu    bhayadassavi
samadaya sikkhassu sikkhapadesuti.
     {396.2}   Yato   kho   aggivessana  ariyasavako  silava  hoti
patimokkhasamvarasamvuto     viharati     acaragocarasampanno     anumattesu
vajjesu  bhayadassavi  samadaya  sikkhati  sikkhapadesu  .  tamenam  tathagato
uttarim  vineti  ehi  tvam  bhikkhu  indriyesu  guttadvaro  hohi  cakkhuna
rupam   disvana   ma   nimittaggahi   .pe.   so  ime  panca  nivarane
@Footnote: 1 Ma. paccajato .  2 Po. Ma. Yu. pabbajati.
Pahaya   cetaso  upakkilese  pannaya  dubbalikarane  kaye  kayanupassi
viharati  atapi  sampajano  satima  vineyya  loke  abhijjhadomanassam .
Vedanasu    .pe.    citte    ...   dhammesu   dhammanupassi   viharati
atapi sampajano satima vineyya loke abhijjhadomanassam.
     [397]  Seyyathapi  aggivessana  hatthidamako  mahantam  thambham  pathaviyam
nikkhanitva   arannakassa   nagassa  givayam  upanibandhati  arannakananceva
silanam  abhinimmadanaya  arannakananceva  sarasankappanam  1-  abhinimmadanaya
arannakananceva     darathakilamathaparilahanam     abhinimmadanaya    gamante
abhiramapanaya     manussakantesu     silesu     samadapanaya    evameva
kho    aggivessana    ariyasavakassa    ime    cattaro   satipatthana
cetaso  upanibandha  nama  honti  gehasitananceva  silanam  abhinimmadanaya
gehasitananceva     sarasankappanam     abhinimmadanaya     gehasitananceva
darathakilamathaparilahanam       abhinimmadanaya       nayassa       adhigamaya
nibbanassa sacchikiriyaya.
     [398]  Tamenam  tathagato  uttarim  vineti  ehi  tvam  bhikkhu kaye
kayanupassi   viharahi   ma   ca   kayupasanhitam   vitakkam   vitakkesi .
Vedanasu   ...   citte  ...  dhammesu  dhammanupassi  viharahi  ma  ca
dhammupasanhitam   vitakkam   vitakkesiti   .   so   vitakkavicaranam   vupasama
ajjhattam    sampasadanam    cetaso    ekodibhavam    avitakkam    avicaram
samadhijam   pitisukham   dutiyam   jhanam   .pe.   tatiyam   jhanam   ...  catuttham
@Footnote: 1 Yu. sankappanam.
Jhanam upasampajja viharati.
     [399]  So  evam  samahite citte parisuddhe pariyodate anangane
vigatupakkilese     mudubhute     kammaniye     thite     anenjappatte
pubbenivasanussatinanaya   cittam   abhininnameti   .   so   anekavihitam
pubbenivasam   anussarati   seyyathidam   ekampi   jatim   dvepi   jatiyo
.pe. Iti sakaram sauddesam anekavihitam pubbenivasam anussarati.
     [400]  So  evam  samahite citte parisuddhe pariyodate anangane
vigatupakkilese   mudubhute   kammaniye   thite   anenjappatte   sattanam
cutupapatananaya    cittam   abhininnameti   .   so   dibbena   cakkhuna
visuddhena   atikkantamanusakena   satte   passati  cavamane  upapajjamane
hine   panite  suvanne  dubbanne  sugate  duggate  .pe.  yathakammupage
satte pajanati.
     [401]  So  evam  samahite citte parisuddhe pariyodate anangane
vigatupakkilese   mudubhute   kammaniye   thite   anenjappatte  asavanam
khayananaya   cittam   abhininnameti   .   so   idam   dukkhanti   yathabhutam
pajanati   ayam   dukkhasamudayoti   yathabhutam   pajanati  ayam  dukkhanirodhoti
yathabhutam    pajanati    ayam    dukkhanirodhagamini    patipadati    yathabhutam
pajanati   .   ime  asavati  yathabhutam  pajanati  ayam  asavasamudayoti
yathabhutam     pajanati    ayam    asavanirodhoti    yathabhutam    pajanati
ayam     asavanirodhagamini     patipadati     yathabhutam    pajanati   .
Tassa   evam   janato   evam   passato   kamasavapi   cittam  vimuccati
bhavasavapi   cittam   vimuccati   avijjasavapi   cittam   vimuccati  vimuttasmim
vimuttamiti    nanam    hoti    khina    jati   vusitam   brahmacariyam   katam
karaniyam naparam itthattayati pajanati.
     [402]   So   bhikkhu  khamo  sitassa  unhassa  jighacchaya  pipasaya
damsamakasavatatapasirimsapasamphassanam     duruttanam    duragatanam    vacanapathanam
uppannanam   saririkanam   vedananam   dukkhanam   tippanam  kharanam  katukanam
asatanam    amanapanam    panaharanam    adhivasikajatiko    hoti   .
Sabbaragadosamohanihata  ninnitakasavo  ahuneyyo  pahuneyyo dakkhineyyo
anjalikaraniyo anuttaram punnakkhettam lokassa.
     [403]   Mahallako   cepi   aggivessana  ranno  nago  adanto
avinito    kalam    karoti    adantamaranam    mahallako   ranno   nago
mato  1-  kalakatotveva  sankham  gacchati  .  majjhimo  cepi  aggivessana
ranno  nago  ...  daharo  cepi  aggivessana  ranno  nago  adanto
avinito   kalam   karoti   adantamaranam   daharo   ranno   nago   mato
kalakatotveva   sankham   gacchati   evameva   kho   aggivessana   thero
cepi   bhikkhu   akhinasavo   kalam   karoti   adantamaranam   thero   bhikkhu
mato   kalakatotveva   sankham   gacchati   .  majjhimo  cepi  aggivessana
bhikkhu   ...   navo  cepi  aggivessana  bhikkhu  akhinasavo  kalam  karoti
adantamaranam navo bhikkhu mato kalakatotveva sankham gacchati.
@Footnote: 1 Ma. Yu. matoti na dissati.
     [404]   Mahallako   cepi   aggivessana  ranno  nago  sudanto
suvinito    kalam    karoti    dantamaranam    mahallako    ranno   nago
mato   kalakatotveva   sankham   gacchati   .  majjhimo  cepi  aggivessana
ranno  nago  ...  daharo  cepi  aggivessana  ranno  nago  sudanto
suvinito    kalam   karoti   dantamaranam   daharo   ranno   nago   mato
kalakatotveva   sankham   gacchati   evameva   kho   aggivessana   thero
cepi    bhikkhu    khinasavo   kalam   karoti   dantamaranam   thero   bhikkhu
mato   kalakatotveva   sankham   gacchati   .  majjhimo  cepi  aggivessana
bhikkhu   ...   navo   cepi  aggivessana  bhikkhu  khinasavo  kalam  karoti
dantamaranam navo bhikkhu mato kalakatotveva sankham gacchatiti.
     Idamavoca   bhagava   attamano   aciravato   samanuddeso   bhagavato
bhasitam abhinanditi.
                 Dantabhumisuttam nitthitam pancamam.
                       --------



             The Pali Tipitaka in Roman Character Volume 14 page 260-272. http://84000.org/tipitaka/read/roman_item_s.php?book=14&item=388&items=17&modeTY=2              Classified by [Item Number] :- http://84000.org/tipitaka/read/roman_item_s.php?book=14&item=388&items=17&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=14&item=388&items=17&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=14&item=388&items=17&modeTY=2              Study Atthakatha :- http://84000.org/tipitaka/attha/attha.php?b=14&i=388              The Pali Atthakatha in Thai :- http://84000.org/tipitaka/atthapali/read_th.php?B=10&A=3634              The Pali Atthakatha in Roman :- http://84000.org/tipitaka/atthapali/read_rm.php?B=10&A=3634              Contents of The Tipitaka Volume 14 http://84000.org/tipitaka/read/?index_14

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :