ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
                      Dasamam samiddhisuttam
     [44]   Evamme   sutam   ekam   samayam  bhagava  rajagahe  viharati
tapodarame   .  atha  kho  ayasma  samiddhi  rattiya  paccusasamayam  1-
paccutthaya   yena   tapoda   tenupasankami   gattani  parisincitum  tapode
gattani    parisincitva   paccuttaritva   ekacivaro   atthasi   gattani
sukkhapayamano 2-.
     [45]   Atha   kho   annatara   devata   abhikkantaya   rattiya
abhikkantavanna    kevalakappam   tapodam   obhasetva   yena   ayasma
samiddhi    tenupasankami    upasankamitva    vehasam    thita   ayasmantam
samiddhim gathaya ajjhabhasi
          abhutva bhikkhasi bhikkhu             na hi bhutvana bhikkhasi
          bhutvana bhikkhu bhikkhassu          ma tam kalo upaccagati.
@Footnote: 1 paccusasamayetipi patho .  2 Ma. pubbapayamano.
     [46] Kalam voham na janami         channo kalo na dissati
              tasma abhutva bhikkhami      ma mam kalo upaccagati.
     [47]   Atha   kho  sa  devata  pathaviyam  patitthahitva  ayasmantam
samiddhim  etadavoca  daharo  tvam  bhikkhu  pabbajito  susu  kalakeso bhadrena
yobbanena    samannagato    pathamena    vayasa   anikkilitavi   kamesu
bhunja bhikkhu manusake kame ma sanditthikam hitva kalikam anudhaviti.
     [48]   Na  khvaham  avuso  sanditthikam  hitva  kalikam  anudhavami
kalikanca   khvaham   avuso   hitva   sanditthikam   anudhavami   kalika
hi   avuso   kama  vutta  bhagavata  bahudukkha  bahupayasa  adinavo
ettha   bhiyyo   1-   sanditthiko   ayam  dhammo  akaliko  ehipassiko
opanayiko paccattam veditabbo vinnuhiti.
     [49]   Kathanca  bhikkhu  kalika  kama  vutta  bhagavata  bahudukkha
bahupayasa   adinavo   ettha   bhiyyo   katham  sanditthiko  ayam  dhammo
akaliko ehipassiko opanayiko paccattam veditabbo vinnuhiti.
     [50]   Aham   kho  avuso  navo  acirapabbajito  adhunagato  imam
dhammavinayam   na   taham   sakkomi  vittharena  acikkhitum  ayam  so  bhagava
araham   sammasambuddho   rajagahe   viharati   tapodarame   tam  bhagavantam
upasankamitva  etamattham  puccha  2-  yatha  te  bhagava  byakaroti  tatha
nam   dhareyyasiti   .   na   kho   bhikkhu  sukaro  so  bhagava  amhehi
@Footnote: 1 bhiyotipi patho. 2 Si. puccheyyasi.
Upasankamitum    annahi   mahesakkhahi   devatahi   parivuto   sace   kho
tvam   bhikkhu   tam   bhagavantam   upasankamitva  etamattham  puccheyyasi  mayampi
agaccheyyama   dhammassavanayati   1-  .  evamavusoti  kho  ayasma
samiddhi   tassa   devataya  patissunitva  2-  yena  bhagava  tenupasankami
upasankamitva bhagavantam abhivadetva ekamantam nisidi.
     [51]  Ekamantam  nisinno  kho  ayasma samiddhi bhagavantam etadavoca
idhaham    bhante    rattiya   paccusasamayam   paccutthaya   yena   tapoda
tenupasankamim    gattani    parisincitum    tapode   gattani   parisincitva
paccuttaritva   ekacivaro   atthasim   gattani  sukkhapayamano  atha  kho
bhante    annatara    devata   abhikkantaya   rattiya   abhikkantavanna
kevalakappam      tapodam      obhasetva     yenaham     tenupasankami
upasankamitva vehasam thita imaya gathaya ajjhabhasi
          abhutva bhikkhasi bhikkhu             na hi bhutvana bhikkhasi
          bhutvana bhikkhu bhikkhassu          ma tam kalo upaccagati.
Evam vutte aham bhante tam devatam gathaya ajjhabhasim 3-
          kalam voham na janami             channo kalo na dissati
          tasma abhutva bhikkhami         ma mam kalo upaccagati.
     {51.1} Atha kho bhante sa devata pathaviyam patitthahitva mam etadavoca
@Footnote: 1 dhammasavanayatitipi patho .  2 Yu. patissutva. 3 Ma. Yu. paccabhasim.
Daharo   tvam   bhikkhu   pabbajito   susu   kalakeso  bhadrena  yobbanena
samannagato    pathamena   vayasa   anikkilitavi   kamesu   bhunja   bhikkhu
manusake   kame   ma   sanditthikam  hitva  kalikam  anudhaviti  .  evam
vuttaham   bhante   tam  devatam  etadavocam  na  khvaham  avuso  sanditthikam
hitva   kalikam  anudhavami  kalikanca  khvaham  avuso  hitva  sanditthikam
anudhavami   kalika   hi   avuso   kama  vutta  bhagavata  bahudukkha
bahupayasa    adinavo    ettha   bhiyyo   sanditthiko   ayam   dhammo
akaliko ehipassiko opanayiko paccattam veditabbo vinnuhiti.
     {51.2}  Evam  vutte bhante sa devata mam etadavoca kathanca bhikkhu
kalika   kama   vutta   bhagavata   lahudukkha   bahupayasa  adinavo
ettha   bhiyyo   katham   sanditthiko   ayam  dhammo  akaliko  ehipassiko
opanayiko   paccattam   veditabbo   vinnuhiti   .  evam  vuttaham  bhante
tam    devatam   etadavocam   aham   kho   avuso   navo   acirapabbajito
adhunagato   imam   dhammavinayam   na   taham  sakkomi  vittharena  acikkhitum
ayam   so  bhagava  araham  sammasambuddho  rajagahe  viharati  tapodarame
tam    bhagavantam   upasankamitva   etamattham   puccha   yatha   te   bhagava
byakaroti tatha nam dhareyyasiti.
     {51.3} Evam vutte bhante sa devata mam etadavoca na kho bhikkhu sukaro
so  bhagava  amhehi  upasankamitum  annahi  mahesakkhahi  devatahi parivuto
sace  kho  tvam  bhikkhu  tam bhagavantam upasankamitva etamattham puccheyyasi mayampi
Agaccheyyama   dhammassavanayati   .   sace   bhante  tassa  devataya
saccam  vacanam  idheva  sa  devata  avidureti  .  evam vutte sa devata
ayasmantam    samiddhim   etadavoca   puccha   bhikkhu   puccha   bhikkhu   yamaham
anuppattati 1-.
     [52] Atha kho bhagava tam devatam gathahi ajjhabhasi
          akkheyyasannino satta        akkheyyasmim patitthita
          akkheyyamaparinnaya              yogamayanti maccuno
          akkheyyanca parinnaya          akkhataram na mannati
          tanhi tassa na hotiti                yena nam vajja na tassa atthi 2-
              sace vijanasi vadehi yakkhati 3-.
Na  khvaham  bhante  imassa  bhagavata  sankhittena  bhasitassa vittharena attham
ajanami   sadhu   me   bhante   bhagava  tatha  bhasatu  yathaham  imassa
bhagavata sankhittena bhasitassa vittharena attham ajaneyyanti 4-.
     [53] Samo visesi udava 5- nihino
                   yo mannati so vivadetha tena
                   tisu vidhasu avikampamano
                   samo visesiti na tassa hoti
                   sace vijanasi vadehi yakkhati 6-.
@Footnote: 1 Yu. anuppattoti. 2 Si. na tassa atthiti pathattayam  na dissati. 3-6 yakkhiti.
@4 Ma. Yu. janeyyanti. 5 Yu. atha va.
Imassapi  khvaham  bhante  bhagavata  sankhittena  bhasitassa  vittharena  attham
na   ajanami  sadhu  me  bhante  bhagava  tatha  bhasatu  yathaham  imassa
bhagavata sankhittena bhasitassa vittharena attham ajaneyyanti.
     [54] Pahasi sankham 1- na vimanamaga 2-
                   acchejji tanham idha namarupe
                    tam chinnagantham anigham nirasam
                   pariyesamana najjhagamum
                   deva manussa idha va huram va
                   saggesu va sabbanivesanesu
                   sace vijanasi vadehi yakkhati.
     [55]  Imassa  khvaham  bhante  bhagavata  sankhittena  bhasitassa evam
vittharena attham ajanami
                   papam na kayira vacasa manasa
                    kayena va kincana sabbaloke
                    kame pahaya satima sampajano
                    dukkham na sevetha anatthasanhitanti.
                    Nandanavaggo dutiyo.
@Footnote: 1 Si. sangam. 2 Ma. Yu. na vimanamajjhaga.
                                 Tassuddanam
          nandana nandati ceva           natthiputtasamena ca
          khattiyo sakamano ca            niddatandi ca dukkaram
          hiri kutika navamo                dasamo vutto samiddhinati.
                     ------------



             The Pali Tipitaka in Roman Character Volume 15 page 12-18. http://84000.org/tipitaka/read/roman_item_s.php?book=15&item=44&items=12&modeTY=2              Classified by [Item Number] :- http://84000.org/tipitaka/read/roman_item_s.php?book=15&item=44&items=12&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=44&items=12&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=44&items=12&modeTY=2              Study Atthakatha :- http://84000.org/tipitaka/attha/attha.php?b=15&i=44              The Pali Atthakatha in Thai :- http://84000.org/tipitaka/atthapali/read_th.php?B=11&A=1000              The Pali Atthakatha in Roman :- http://84000.org/tipitaka/atthapali/read_rm.php?B=11&A=1000              Contents of The Tipitaka Volume 15 http://84000.org/tipitaka/read/?index_15

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :