บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.
[468] Atha kho ayasma anuruddho yena bhagava tenupasankami .pe. ekamantam nisinno kho ayasma anuruddho bhagavantam etadavoca idhaham bhante matugamam passami dibbena cakkhuna visuddhena atikkantamanusakena kayassa bheda param marana apayam duggatim vinipatam nirayam upapajjantam . katihi nu kho bhante dhammehi samannagato matugamo kayassa bheda param marana apayam duggatim vinipatam nirayam upapajjatiti. [469] Pancahi kho anuruddha dhammehi samannagato matugamo kayassa bheda param marana apayam duggatim vinipatam nirayam upapajjati. Katamehi pancahi . assaddho ca hoti ahiriko ca hoti anottappi ca hoti kodhano ca hoti duppanno ca hoti . imehi kho anuruddha pancahi dhammehi samannagato matugamo kayassa bheda param marana apayam duggatim vinipatam nirayam upapajjatiti. Pancamam. [470] Pancahi anuruddha dhammehi samannagato matugamo kayassa bheda param marana apayam duggatim vinipatam nirayam upapajjati . Katamehi pancahi . assaddho ca hoti ahiriko ca hoti anottappi ca hoti opanahi ca hoti duppanno ca hoti . Imehi kho anuruddha pancahi dhammehi samannagato matugamo kayassa bheda param marana apayam duggatim vinipatam nirayam upapajjatiti. Chattham. [471] Pancahi anuruddha dhammehi samannagato matugamo kayassa bheda param marana apayam duggatim vinipatam nirayam upapajjati . katamehi pancahi . assaddho ca hoti ahiriko ca hoti anottappi ca hoti issuki ca hoti duppanno ca hoti . imehi kho anuruddha pancahi dhammehi samannagato matugamo kayassa bheda param marana apayam duggatim vinipatam nirayam upapajjatiti. Sattamam. [472] Pancahi anuruddha dhammehi samannagato matugamo kayassa bheda param marana apayam duggatim vinipatam nirayam upapajjati . katamehi pancahi . assaddho ca hoti ahiriko ca hoti anottappi ca hoti macchari ca hoti duppanno ca hoti . Imehi kho anuruddha pancahi dhammehi samannagato matugamo kayassa .pe. Apayam duggatim vinipatam nirayam upapajjatiti. Atthamam. [473] Pancahi anuruddha dhammehi samannagato matugamo .pe. Apayam duggatim vinipatam nirayam upapajjati . katamehi pancahi . Assaddho ca hoti ahiriko ca hoti anottappi ca hoti aticari ca hoti duppanno ca hoti . imehi kho anuruddha pancahi dhammehi samannagato matugamo .pe. Upapajjatiti. Navamam. [474] Pancahi anuruddha dhammehi samannagato matugamo kayassa .pe. nirayam upapajjati . katamehi pancahi . assaddho ca hoti ahiriko ca hoti anottappi ca hoti dussilo ca hoti duppanno ca hoti . imehi kho anuruddha pancahi dhammehi samannagato matugamo kayassa .pe. nirayam upapajjatiti. Dasamam. [475] Pancahi anuruddha dhammehi samannagato matugamo .pe. Nirayam upapajjati . katamehi pancahi . assaddho ca hoti ahiriko ca hoti anottappi ca hoti appassuto ca hoti duppanno ca hoti . imehi kho anuruddha pancahi dhammehi samannagato matugamo .pe. Nirayam upapajjatiti. Ekadasamam. [476] Pancahi anuruddha dhammehi samannagato matugamo .pe. Nirayam upapajjati . katamehi pancahi . assaddho ca hoti ahiriko ca hoti anottappi ca hoti kusito ca hoti duppanno ca hoti . imehi kho anuruddha pancahi dhammehi samannagato Matugamo kayassa .pe. apayam duggatim vinipatam nirayam upapajjatiti. Dvadasamam. [477] Pancahi anuruddha dhammehi samannagato matugamo kayassa .pe. nirayam upapajjati . katamehi pancahi . assaddho ca hoti ahiriko ca hoti anottappi ca hoti mutthassati ca hoti duppanno ca hoti . imehi kho anuruddha pancahi dhammehi samannagato matugamo kayassa .pe. Nirayam upapajjatiti. Terasamam. [478] Pancahi anuruddha dhammehi samannagato matugamo kayassa .pe. nirayam upapajjati . katamehi pancahi . panatipati ca hoti adinnadayi ca hoti kamesu micchacari ca hoti musavadi ca hoti suramerayamajjapamadatthayi ca hoti . imehi kho anuruddha pancahi dhammehi samannagato matugamo kayassa bheda param marana apayam duggatim vinipatam nirayam upapajjatiti . Cuddasamam. Peyyalavaggo dutiyo.The Pali Tipitaka in Roman Character Volume 18 page 298-301. http://84000.org/tipitaka/read/roman_item_s.php?book=18&item=468&items=11&modeTY=2 Classified by [Item Number] :- http://84000.org/tipitaka/read/roman_item_s.php?book=18&item=468&items=11&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=468&items=11&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=468&items=11&modeTY=2 Study Atthakatha :- http://84000.org/tipitaka/attha/attha.php?b=18&i=468 Contents of The Tipitaka Volume 18 http://84000.org/tipitaka/read/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]