บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.
[96] Atha kho annataro bhikkhu .pe. atthi nu kho bhante eko dhammo yassa pahana bhikkhuno avijja pahiyyati vijja uppajjatiti . atthi kho bhikkhu eko dhammo yassa pahana bhikkhuno avijja pahiyyati vijja uppajjatiti . katamo pana bhante eko dhammo yassa pahana bhikkhuno avijja pahiyyati vijja uppajjatiti . avijja kho bhikkhu eko dhammo yassa pahana bhikkhuno avijja pahiyyati vijja uppajjatiti. {96.1} Katham pana bhante janato katham passato bhikkhuno avijja pahiyyati vijja uppajjatiti . idha bhikkhu bhikkhuno sutam hoti sabbe dhamma nalam abhinivesayati . evancetam bhikkhu bhikkhuno sutam hoti sabbe dhamma nalam abhinivesayati . so sabbam dhammam abhijanati sabbam dhammam abhinnaya sabbam dhammam parijanati sabbam dhammam parinnaya sabbanimittani annato passati cakkhum annato @Footnote: 1 Yu. uppajjatiti. Passati rupe cakkhuvinnanam cakkhusamphassam yampidam cakkhusamphassapaccaya uppajjati vedayitam sukham va dukkham va adukkhamasukham va tampi annato passati .pe. manam annato passati dhamme manovinnanam manosamphassam yampidam manosamphassapaccaya uppajjati vedayitam sukham va dukkham va adukkhamasukham va tampi annato passati . evam kho bhikkhu janato evam passato bhikkhuno avijja pahiyyati vijja uppajjatiti. Sattamam.The Pali Tipitaka in Roman Character Volume 18 page 62-63. http://84000.org/tipitaka/read/roman_item_s.php?book=18&item=96&items=1&modeTY=2&mode=bracket Classified by content :- http://84000.org/tipitaka/read/roman_item_s.php?book=18&item=96&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=18&item=96&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=18&item=96&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=18&i=96 The Pali Atthakatha in Thai :- http://84000.org/tipitaka/atthapali/read_th.php?B=13&A=396 The Pali Atthakatha in Roman :- http://84000.org/tipitaka/atthapali/read_rm.php?B=13&A=396 Contents of The Tipitaka Volume 18 http://84000.org/tipitaka/read/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]