บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[1416] Ekam samayam bhagava rajagahe viharati veluvane kalandakanivape . tena kho pana samayena dighavu upasako abadhiko hoti dukkhito balhagilano . atha kho dighavu upasako pitaram jotiyam 1- gahapatim amantesi ehi tvam gahapati yena bhagava tenupasankama upasankamitva mama vacanena bhagavato pade sirasa vanda dighavu bhante upasako abadhiko dukkhito balhagilano so bhagavato pade sirasa vandatiti . evanca vadehi sadhu kira bhante bhagava yena dighavussa upasakassa nivesanam tenupasankamatu anukampam upadayati . evam tatati kho jotiyo gahapati dighavussa upasakassa patissutva yena bhagava tenupasankami upasankamitva bhagavantam abhivadetva ekamantam nisidi. [1417] Ekamantam nisinno kho jotiyo gahapati bhagavantam etadavoca dighavu bhante upasako abadhiko [2]- dukkhito balhagilano @Footnote: 1 Si. Ma. Yu. jotikam. 2 Ma. Yu. hoti. So bhagavato pade sirasa vandati . evanca vadeti sadhu kira bhante bhagava yena dighavussa upasakassa nivesanam tenupasankamatu anukampam upadayati. Adhivasesi bhagava tunhibhavena. [1418] Atha kho bhagava nivasetva pattacivaramadaya yena dighavussa upasakassa nivesanam tenusankami upasankamitva pannatte asane nisidi . nisajja kho bhagava dighavum upasakam etadavoca kacci te dighavu khamaniyam kacci yapaniyam kacci dukkha vedana patikkamanti no abhikkamanti patikkamosanam pannayati no abhikkamoti . na me bhante khamaniyam na yapaniyam balha me dukkha vedana abhikkamanti no patikkamanti abhikkamosanam pannayati no patikkamoti. [1419] Tasma tiha te dighavu evam sikkhitabbam buddhe aveccappasadena samannagato bhavissami itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati . dhamme sanghe . ariyakantehi silehi samannagato bhavissami akkhandehi .pe. Samadhisamvattanikehiti 1-. Evanhi te dighavu sikkhitabbanti. [1420] Yanimani bhante bhagavata cattari sotapattiyangani desitani samvijjante te dhamma mayi ahanca tesu dhammesu sandissami . ahanhi bhante buddhe aveccappasadena samannagato @Footnote: 1 Ma. Yu. itisaddo na dissati. Itipi so bhagava .pe. sattha devamanussanam buddho bhagavati . Dhamme sanghe . ariyakantehi silehi samannagato akkhandehi .pe. samadhisamvattanikehiti . tasma tiha tvam dighavu imesu catusu sotapattiyangesu patitthaya cha vijjabhagiye dhamme uttarim bhaveyyasi. [1421] Idha tvam dighavu sabbasankharesu aniccanupassi viharahi anicce dukkhasanni dukkhe anattasanni pahanasanni viragasanni nirodhasanniti. Evanhi te dighavu sikkhitabbanti. [1422] Yeme bhante bhagavata cha vijjabhagiya dhamma desita samvijjante te dhamma mayi ahanca tesu dhammesu sandissami . Ahanhi bhante sabbasankharesu aniccanupassi viharami anicce dukkhasanni dukkhe anattasanni pahanasanni viragasanni nirodhasanni . Apica me bhante evam hoti ma hevayam jotiyo gahapati mamaccayena vighatam apajjiti . ma tvam tata dighavu etam manasakasi ingha tvam tata dighavu yadeva te bhagava aha tadeva sadhukam manasikarohiti. [1423] Atha kho bhagava dighavum upasakam imina ovadena ovaditva utthayasana pakkami . atha kho dighavu upasako acirapakkantassa bhagavato kalamakasi. [1424] Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam Nisinna kho te bhikkhu bhagavantam etadavocum yo so bhante dighavu nama upasako bhagavata sankhittena ovadena ovadito so kalakato tassa ka gati ko abhisamparayoti . pandito bhikkhave dighavu upasako ahosi 1- saccavadi 2- dhammassanudhammam na ca [3]- dhammadhikaranam vihesesi 4- . dighavu bhikkhave upasalo pancannam orambhagiyanam sannojananam parikkhaya opapatiko [5]- tattha parinibbayi anavattidhammo tasma lokati.The Pali Tipitaka in Roman Character Volume 19 page 430-433. http://84000.org/tipitaka/read/roman_item_s.php?book=19&item=1416&items=9&modeTY=2 Classified by [Item Number] :- http://84000.org/tipitaka/read/roman_item_s.php?book=19&item=1416&items=9&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=1416&items=9&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=1416&items=9&modeTY=2 Study Atthakatha :- http://84000.org/tipitaka/attha/attha.php?b=19&i=1416 The Pali Atthakatha in Thai :- http://84000.org/tipitaka/atthapali/read_th.php?B=13&A=7797 The Pali Atthakatha in Roman :- http://84000.org/tipitaka/atthapali/read_rm.php?B=13&A=7797 Contents of The Tipitaka Volume 19 http://84000.org/tipitaka/read/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]