paliTIPITAKA Volume 19 - Sutta Pitaka 11

[803] Savatthinidanam . sato bhikkhave bhikkhu vihareyya sampajano ayam vo amhakam anusasani . kathanca bhikkhave bhikkhu sato hoti . Idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . vedanasu citte dhammesu dhammanupassi viharati atapi sampajano satima vineyya loke abhijjhadomanassam. Evam kho bhikkhave bhikkhu sato hoti.

--------------------------------------------------------------------------------------------- page242.

[804] Kathanca bhikkhave bhikkhu sampajano hoti . idha bhikkhave bhikkhuno vidita vedana uppajjanti vidita upatthahanti vidita abbhattham gacchanti . vidita vitakka uppajjanti vidita upatthahanti vidita abbhattham gacchanti . vidita panna ^1- uppajjanti vidita upatthahanti vidita abbhattham gacchanti . evam kho bhikkhave bhikkhu sampajano hoti . sato bhikkhave bhikkhu vihareyya sampajano ayam vo amhakam anusasaniti. [805] Savatthinidanam . cattarome bhikkhave satipatthana . Katame cattaro . idha bhikkhave bhikkhu kaye kayanussi viharati atapi sampajano satima vineyya loke abhijjhadomanassam. Vedanasu citte dhammesu dhammanupassi viharati atapi sampajano satima vineyya loke abhijjhadomanassam . ime kho bhikkhave cattaro satipatthana . imesam kho bhikkhave catunnam satipatthananam bhavitatta bahulikatatta dvinnam phalanam annataram phalam patikankham dittheva dhamme anna sati va upadisese anagamitati. [806] Cattarome bhikkhave satipatthana . katame cattaro. Idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . tassa kaye kayanupassino viharato yo kayasmim chando so pahiyyati chandassa pahanaya ^2- amatam sacchikatam hoti. @Footnote: ¹ Ma. Yu. sanna. ² Ma. pahana. evamupari.

--------------------------------------------------------------------------------------------- page243.

[807] Vedanasu vedananupassi viharati atapi sampajano satima vineyya loke abhijjhadomanassam . tassa vedanasu vedananupassino viharato yo vedanasu chando so pahiyyati chandassa pahanaya amatam sacchikatam hoti. [808] Citte cittanupassi viharati atapi sampajano satima vineyya loke abhijjhadomanassam . tassa citte cittanupassino viharato yo cittasmim chando so pahiyyati chandassa pahanaya amatam sacchikatam hoti. [809] Dhammesu dhammanupassi viharati atapi sampajano satima vineyya loke abhijjhadomanassam . tassa dhammesu dhammanupassino viharato yo dhammesu chando so pahiyyati chandassa pahanaya amatam sacchikatam hotiti. [810] Cattarome bhikkhave satipatthana . katame cattaro. Idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . tassa kaye kayanupassino viharato kayo parinnato hoti kayassa parinnatatta amatam sacchikatam hoti. [811] Vedanasu vedananupassi viharati atapi sampajano satima vineyya loke abhijjhadomanassam . tassa vedanasu vedananupassino viharato vedana parinnata hoti vedananam

--------------------------------------------------------------------------------------------- page244.

Parinnatatta amatam sacchikatam hoti. [812] Citte cittanupassi viharati atapi sampajano satima vineyya loke abhijjhadomanassam . tassa citte cittanupassino viharato cittam parinnatam hoti cittassa parinnatatta amatam sacchikatam hoti. [813] Dhammesu dhammanupassi viharati atapi sampajano satima vineyya loke abhijjhadomanassam . tassa dhammesu dhammanupassino viharato dhamma parinnata honti dhammanam parinnatatta amatam sacchikatam hotiti. [814] Catunnam bhikkhave satipatthananam bhavanam desissami tam sunatha . katama bhikkhave catunnam satipatthananam bhavana . idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . vedanasu citte dhammesu dhammanupassi viharati atapi sampajano satima vineyya loke abhijjhadomanassam . Ayam kho bhikkhave catunnam satipatthananam bhavanati. [815] Satipatthananca vo bhikkhave desissami satipatthanabhavananca satipatthanabhavanagamininca patipadam tam sunatha . katamanca bhikkhave satipatthanam . idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . vedanasu citte dhammesu dhammanupassi viharati

--------------------------------------------------------------------------------------------- page245.

Atapi sampajano satima vineyya loke abhijjhadomanassam . Idam vuccati bhikkhave satipatthanam. [816] Katama ca bhikkhave satipatthanabhavana . idha bhikkhave bhikkhu samudayadhammanupassi kayasmim viharati vayadhammanupassi kayasmim viharati samudayavayadhammanupassi kayasmim viharati atapi sampajano satima vineyya loke abhijjhadomanassam . samudayadhammanupassi vedanasu viharati vayadhammanupassi vedanasu viharati samudayavayadhammanupassi vedanasu viharati . tatha citte . dhammesu viharati atapi sampajano satima vineyya loke abhijjhadomanassam . ayam vuccati bhikkhave satipatthanabhavana. [817] Katama ca bhikkhave satipatthanabhavanagamini patipada . Ayameva ariyo atthangiko maggo . seyyathidam . sammaditthi sammasankappo sammavaca sammakammanto sammaajivo sammavayamo sammasati sammasamadhi . ayam vuccati bhikkhave satipatthanabhavanagamini patipadati. Ananussutavaggo catuttho. Tassuddanam ananussutam virago ca viraddho bhavana sato annam chandam parinnaya bhavana vibhangena te dasati ^1-. ----------- @Footnote: ¹ Ma. ananussutam virago viraddho bhavanasati @ anna chandam parinnaya bhavana vibhangena cati.

The Pali Tipitaka in Roman Character Volume 19 page 241-245. http://84000.org/tipitaka/read/roman_item_s.php?book=19&item=803&items=15&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=19&item=803&items=15&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=19&item=803&items=15&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=19&item=803&items=15&pagebreak=1&modeTY=2 Study Atthakatha :- http://84000.org/tipitaka/attha/attha.php?b=19&i=803 Contents of The Tipitaka Volume 19 http://84000.org/tipitaka/read/?index_19