paliTIPITAKA Volume 2 - Vinaya Pitaka 2

Catutthasikkhapadam [284] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu upasake padaso dhammam vacenti . upasaka bhikkhusu agarava appatissa asabhagavuttika viharanti . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu upasake padaso dhammam vacessanti upasaka bhikkhusu agarava appatissa asabhagavuttika viharantiti . athakho te bhikkhu bhagavato etamattham arocesum .pe. saccam kira tumhe bhikkhave upasake padaso dhammam vacetha upasaka bhikkhusu agarava appatissa asabhagavuttika viharantiti . saccam bhagavati . vigarahi buddho bhagava katham hi nama tumhe moghapurisa upasake padaso dhammam vacessatha upasaka bhikkhusu agarava appatissa asabhagavuttika viharanti netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha yo pana bhikkhu anupasampannam padaso dhammam vaceyya pacittiyanti. [285] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . anupasampanno nama bhikkhunca bhikkhuninca thapetva avaseso anupasampanno nama. [286] Padaso nama ^1- padam anupadam anvakkharam anubyanjanam. Padam nama ekato patthapetva ekato osapenti . anupadam nama patekkam patthapetva ekato osapenti . anvakkharam nama rupam aniccanti vuccamano ruti ^2- opateti . anubyanjanam nama rupam aniccanti vuccamano vedana aniccati saddam nicchareti . Yanca padam yanca anupadam yanca anvakkharam yanca anubyanjanam sabbametam padaso dhammo ^3- nama . dhammo nama buddhabhasito savakabhasito isibhasito devatabhasito atthupasanhito dhammupasanhito . vaceyyati padena vaceti pade pade apatti pacittiyassa . akkharaya vaceti akkharakkharaya apatti pacittiyassa. [287] Anupasampanne anupasampannasanni padaso dhammam vaceti apatti pacittiyassa . anupasampanne vematiko padaso dhammam vaceti apatti pacittiyassa . anupasampanne upasampannasanni padaso dhammam vaceti apatti pacittiyassa . upasampanne anupasampannasanni apatti dukkatassa . upasampanne vematiko apatti dukkatassa. Upasampanne upasampannasanni anapatti. [288] Anapatti ekato uddisapento ekato sajjhayam @Footnote: ¹ Yu. idam pathadvayam na dissati . ² Ma. runti . ³ atirekapathena bhavitabbam. @Ma. ayam patho natthi. Karonto yebhuyyena pagunam gantham bhanantam opateti osarentam opateti ummattakassa adikammikassati. Catutthasikkhapadam nitthitam. -------

The Pali Tipitaka in Roman Character Volume 2 page 191-193. http://84000.org/tipitaka/read/roman_item_s.php?book=2&item=284&items=5&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=284&items=5&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=284&items=5&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=284&items=5&modeTY=2 Study Atthakatha :- http://84000.org/tipitaka/attha/attha.php?b=2&i=284 The Pali Atthakatha in Thai :- http://84000.org/tipitaka/atthapali/read_th.php?B=2&A=6112 The Pali Atthakatha in Roman :- http://84000.org/tipitaka/atthapali/read_rm.php?B=2&A=6112 Contents of The Tipitaka Volume 2 http://84000.org/tipitaka/read/?index_2