paliTIPITAKA Volume 20 - Sutta Pitaka 12

[503] 64 Ekam samayam bhagava kosalesu carikam caramano mahata bhikkhusanghena saddhim yena venagapuram nama kosalanam brahmanagamo tadavasari . assosum kho venagapurika brahmanagahapatika samano @Footnote: ¹ Ma. Yu. bhayaniti . ² Po. Ma. ca. Khalu bho gotamo sakyaputto sakyakula pabbajito venagapuram anuppatto tam kho pana bhavantam gotamam evam kalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ^1- so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. {503.1} Athakho venagapurika brahmanagahapatika yena bhagava tenupasankamimsu upasankamitva appekacce bhagavantam abhivadetva ekamantam nisidimsu appekacce bhagavata saddhim sammodimsu sammodaniyam katham saraniyam vitisaretva ekamantam nisidimsu appekacce yena bhagava tenanjalimpanametva ekamantam nisidimsu appekacce namagottam savetva ekamantam nisidimsu appekacce tunhibhuta ekamantam nisidimsu ekamantam nisinno kho venagapuriko vacchagotto brahmano bhagavantam etadavoca acchariyam bho gotama abbhutam bho gotama yavancidam bhoto gotamassa vippasannani indriyani parisuddho chavivanno pariyodato seyyathapi bho gotama saradam badarapandum parisuddham hoti pariyodatam evameva bhoto gotamassa vippasannani indriyani @Footnote: ¹ Po. Ma. bhagavati. Parisuddho chavivanno pariyodato seyyathapi bho gotama talapakkam sampati bandhana pamuttam parisuddham hoti pariyodatam evameva bhoto gotamassa vippasannani indriyani parisuddho chavivanno pariyodato seyyathapi bho gotama nekkham jambonadam dakkhakammaraputtasuparikammakatam kusalasampahattham ^1- pandukambale nikkhittam bhasate ca tapate ca virocati ca evameva bhoto gotamassa vippasannani indriyani parisuddho chavivanno pariyodato yani nuna ^2- tani bho gotama uccasayanamahasayanani seyyathidam asandi pallanko gonako cittika ^3- patika patalika tulika vikatika uddhalomi ekantalomi katthissam koseyyam kuttakam hatthattharam assattharam rathattharam ajinappaveni kadasimigapavarapaccattharanam sauttaracchadam ubhatolohitakupadhanam evarupanam nuna bhavam gotamo uccasayanamahasayananam nikamalabhi akicchalabhi akasiralabhiti. {503.2} Yani kho pana tani brahmana uccasayanamahasayanani seyyathidam asandi ... ubhatolohitakupadhanam dullabhani tani pabbajitanam laddhani ca ^4- na kappanti tini kho imani brahmana uccasayanamahasayanani yesaham etarahi nikamalabhi akicchalabhi akasiralabhi katamani tini dibbam uccasayanamahasayanam brahmam uccasayanamahasayanam ariyam uccasayanamahasayanam imani kho brahmana tini uccasayanamahasayanani yesaham etarahi nikamalabhi akicchalabhi akasiralabhiti. @Footnote: ¹ Ma. ukkamukhe sukusalasampahattham . ² Ma. ayam patho natthi. ³ Po. Yu. @cittaka. Ma. cittako. ⁴ Po. Ma. ca pana. {503.3} Katamam pana tam bho gotama dibbam uccasayanamahasayanam yassa bhavam gotamo etarahi nikamalabhi akicchalabhi akasiralabhiti . Idhaham brahmana yam gamam va nigamam va upanissaya viharami so pubbanhasamayam nivasetva pattacivaramadaya tameva gamam va nigamam va pindaya pavisami so pacchabhattam pindapatapatikkanto vanantamyeva ^1- pacarayami ^2- so yadeva tattha honti tinani va pannani va tani ekajjham sangharitva nisidami pallankam abhujitva ujum kayam panidhaya parimukham satim upatthapetva {503.4} so vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharami vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharami pitiya ca viraga upekkhako ca viharami sato ca sampajano sukhanca kayena patisamvedemi yantam ariya acikkhanti upekkhako satima sukhavihariti tatiyam jhanam upasampajja viharami sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharami so ce aham brahmana evambhuto cankamami dibbo me eso tasmim samaye cankamo hoti so ce aham brahmana evambhuto titthami dibbam me etam tasmim samaye thanam hoti so ce aham brahmana evambhuto nisidami dibbam me etam tasmim @Footnote: ¹ Ma. vanantayeva pavisami. ito param idisameva. ² Po. patarayami. ito param @ idisameva. Samaye asanam hoti so ce aham brahmana evambhuto seyyam kappemi dibbam me etam tasmim samaye uccasayanamahasayanam hoti idam kho tam ^1- brahmana dibbam uccasayanamahasayanam yassaham etarahi nikamalabhi akicchalabhi akasiralabhiti. {503.5} Acchariyam bho gotama abbhutam bho gotama ko canno evarupassa dibbassa uccasayanamahasayanassa nikamalabhi bhavissati akicchalabhi akasiralabhi annatra bhota gotamena katamam pana tam bho gotama brahmam uccasayanamahasayanam yassa bhavam gotamo etarahi nikamalabhi akicchalabhi akasiralabhiti. {503.6} Idhaham brahmana yam gamam va nigamam va upanissaya viharami so pubbanhasamayam nivasetva pattacivaramadaya tameva gamam va nigamam va pindaya pavisami so pacchabhattam pindapatapatikkanto vanantamyeva pacarayami so yadeva tattha honti tinani va pannani va tani ekajjham sangharitva nisidami pallankam abhujitva ujum kayam panidhaya parimukham satim upatthapetva so mettasahagatena cetasa ekam disam pharitva viharami tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharami karunasahagatena cetasa ... muditasahagatena cetasa ... upekkhasahagatena cetasa ekam disam pharitva viharami tatha dutiyam tatha tatiyam tatha catuttham iti uddhamadho tiriyam sabbadhi @Footnote: ¹ Ma. ayam patho natthi. Sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharami so ce aham brahmana evambhuto cankamami brahma me eso tasmim samaye cankamo hoti so ce aham brahmana evambhuto titthami ... Nisidami ... seyyam kappemi brahmam me etam tasmim samaye uccasayanamahasayanam hoti idam kho tam brahmana brahmam uccasayanamahasayanam yassaham etarahi nikamalabhi akicchalabhi akasiralabhiti. {503.7} Acchariyam bho gotama abbhutam bho gotama ko canno evarupassa brahmassa uccasayanamahasayanassa nikamalabhi bhavissati akicchalabhi akasiralabhi annatra bhota gotamena katamam pana tam bho gotama ariyam uccasayanamahasayanam yassa bhavam gotamo etarahi nikamalabhi akicchalabhi akasiralabhiti . idhaham brahmana yam gamam va nigamam va upanissaya viharami so pubbanhasamayam nivasetva pattacivaramadaya tameva gamam va nigamam va pindaya pavisami so pacchabhattam pindapatapatikkanto vanantamyeva pacarayami so yadeva tattha honti tinani va pannani va tani ekajjham sangharitva nisidami pallankam abhujitva ujum kayam panidhaya parimukham satim upatthapetva so evam pajanami rago me pahino ucchinnamulo talavatthukato anabhavangato ayatim anuppadadhammo doso me pahino ucchinnamulo talavatthukato anabhavangato ayatim anuppadadhammo moho me pahino ucchinnamulo talavatthukato Anabhavangato ayatim anuppadadhammo so ce aham brahmana evambhuto cankamami ariyo me eso tasmim samaye cankamo hoti so ce aham brahmana evambhuto titthami ... nisidami ... Seyyam kappemi ariyam me etam tasmim samaye uccasayanamahasayanam hoti idam kho tam brahmana ariyam uccasayanamahasayanam yassaham etarahi nikamalabhi akicchalabhi akasiralabhiti. {503.8} Acchariyam bho gotama abbhutam bho gotama ko canno evarupassa ariyassa uccasayanamahasayanassa nikamalabhi bhavissati akicchalabhi akasiralabhi annatra bhota gotamena abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evamevam ^[1]- bhota gotamena anekapariyayena dhammo pakasito ete mayam bhavantam gotamam saranam gacchama dhammanca bhikkhusanghanca upasake no bhavam gotamo dharetu ajjatagge panupete saranam gateti.

The Pali Tipitaka in Roman Character Volume 20 page 231-237. http://84000.org/tipitaka/read/roman_item_s.php?book=20&item=503&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=20&item=503&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=20&item=503&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=20&item=503&items=1&modeTY=2 Study Atthakatha :- http://84000.org/tipitaka/attha/attha.php?b=20&i=503 The Pali Atthakatha in Thai :- http://84000.org/tipitaka/atthapali/read_th.php?B=15&A=4248 The Pali Atthakatha in Roman :- http://84000.org/tipitaka/atthapali/read_rm.php?B=15&A=4248 Contents of The Tipitaka Volume 20 http://84000.org/tipitaka/read/?index_20