paliTIPITAKA Volume 20 - Sutta Pitaka 12

[581] 142 Tayo ca bhikkhave assasadasse ^1- desessami tayo ca purisasadasse ^2- tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . Bhagava etadavoca katame ca bhikkhave tayo assasadassa idha bhikkhave ekacco assasadasso javasampanno hoti na vannasampanno na arohaparinahasampanno idha pana bhikkhave ekacco assasadasso javasampanno ca hoti vannasampanno ca na arohaparinahasampanno idha pana bhikkhave ekacco assasadasso javasampanno ca hoti vannasampanno ca arohaparinahasampanno ca {581.1} ime kho bhikkhave tayo assasadassa katame ca bhikkhave tayo purisasadassa idha bhikkhave ekacco purisasadasso javasampanno hoti na vannasampanno na arohaparinahasampanno idha pana bhikkhave ekacco purisasadasso javasampanno ca hoti vannasampanno ca na arohaparinahasampanno idha pana @Footnote: ^1-2 Ma. assaparasse purisaparasse. ito param idisameva. Bhikkhave ekacco purisasadasso javasampanno ca hoti vannasampanno ca arohaparinahasampanno ca {581.2} kathanca bhikkhave purisasadasso javasampanno hoti na vannasampanno na arohaparinahasampanno idha bhikkhave bhikkhu pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka idamassa javasmim vadami abhidhamme kho pana abhivinaye panham puttho samsadeti no vissajjeti idamassa na vannasmim vadami na kho pana labhi hoti civarapindapatasenasanagilanapaccayabhesajjaparikkharanam idamassa na arohaparinahasmim vadami evam kho bhikkhave purisasadasso javasampanno hoti na vannasampanno na arohaparinahasampanno {581.3} kathanca bhikkhave purisasadasso javasampanno ca hoti vannasampanno ca na arohaparinahasampanno idha bhikkhave bhikkhu pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka idamassa javasmim vadami abhidhamme kho pana abhivinaye panham puttho vissajjeti no samsadeti idamassa vannasmim vadami na kho pana labhi hoti civarapindapatasenasanagilanapaccayabhesajjaparikkharanam idamassa na arohaparinahasmim vadami evam kho bhikkhave purisasadasso javasampanno ca hoti vannasampanno ca na arohaparinahasampanno {581.4} kathanca bhikkhave purisasadasso javasampanno ca hoti vannasampanno ca arohaparinahasampanno ca idha Bhikkhave bhikkhu pancannam orambhagiyanam sannojananam parikkhaya opapatiko hoti tattha parinibbayi anavattidhammo tasma loka idamassa javasmim vadami abhidhamme kho pana abhivinaye panham puttho vissajjeti no samsadeti idamassa vannasmim vadami labhi kho pana hoti civarapindapatasenasanagilanapaccayabhesajjaparikkharanam idamassa arohaparinahasmim vadami evam kho bhikkhave purisasadasso javasampanno ca hoti vannasampanno ca arohaparinahasampanno ca ime kho bhikkhave tayo purisasadassati.

The Pali Tipitaka in Roman Character Volume 20 page 372-374. http://84000.org/tipitaka/read/roman_item_s.php?book=20&item=581&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=20&item=581&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=20&item=581&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=20&item=581&items=1&modeTY=2 Study Atthakatha :- http://84000.org/tipitaka/attha/attha.php?b=20&i=581 The Pali Atthakatha in Thai :- http://84000.org/tipitaka/atthapali/read_th.php?B=15&A=6337 The Pali Atthakatha in Roman :- http://84000.org/tipitaka/atthapali/read_rm.php?B=15&A=6337 Contents of The Tipitaka Volume 20 http://84000.org/tipitaka/read/?index_20