paliTIPITAKA Volume 22 - Sutta Pitaka 14

page72.

Dutiyapannasako nivaranavaggo pathamo [51] Ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. {51.1} Bhagava etadavoca pancime bhikkhave avarana nivarana cetaso ajjharuha pannaya dubbalikarana katame panca kamacchando bhikkhave avarano nivarano cetaso ajjharuho pannaya dubbalikarano byapado ^1- bhikkhave avarano nivarano cetaso ajjharuho pannaya dubbalikarano thinamiddham ^2- bhikkhave avaranam nivaranam cetaso ajjharuham pannaya dubbalikaranam uddhaccakukkuccam bhikkhave avaranam nivaranam cetaso ajjharuham pannaya dubbalikaranam vicikiccha bhikkhave avarana nivarana cetaso ajjharuha pannaya dubbalikarana . ime kho bhikkhave panca avarana nivarana cetaso ajjharuha pannaya dubbalikarana {51.2} so vata bhikkhave bhikkhu ime panca avarane nivarane cetaso ajjharuhe pannaya dubbalikarane appahaya abalaya pannaya dubbalaya attattham va nassati parattham va nassati ubhayattham va nassati uttarim va manussadhamma alamariyananadassanavisesam sacchikarissatiti netam thanam vijjati seyyathapi bhikkhave nadi pabbateyya durangama sighasota haraharini tassa @Footnote: ¹ Yu. vyapado . ² Ma. sabbattha varesu thinamiddham.

--------------------------------------------------------------------------------------------- page73.

Puriso ubhato nangalamukhani vivareyya evam hi so bhikkhave majjhe nadiya soto vikkhitto visato byadinno neva ^1- durangamo assa na sighasoto na harahari ^2- evameva kho bhikkhave so vata bhikkhu ime panca avarane nivarane cetaso ajjharuhe pannaya dubbalikarane appahaya abalaya pannaya dubbalaya attattham va nassati parattham va nassati ubhayattham va nassati uttarim va manussadhamma alamariyananadassanavisesam sacchikarissatiti netam thanam vijjati {51.3} so vata bhikkhave bhikkhu ime panca avarane nivarane cetaso ajjharuhe pannaya dubbalikarane pahaya balavatiya pannaya attattham va nassati parattham va nassati ubhayattham va nassati uttarim va manussadhamma alamariyananadassanavisesam sacchikarissatiti thanametam vijjati seyyathapi bhikkhave nadi pabbateyya durangama sighasota haraharini tassa puriso ubhato nangalamukhani pidaheyya evam hi so bhikkhave majjhe nadiya soto avikkhitto avisato abyadinno durangamo ceva assa sighasoto ca harahari ^2- ca evameva kho bhikkhave so vata bhikkhu ime panca avarane nivarane cetaso ajjharuhe pannaya dubbalikarane pahaya balavatiya pannaya attattham va nassati parattham va nassati ubhayattham va nassati uttarim va manussadhamma alamariyananadassanavisesam sacchikarissatiti thanametam vijjatiti. @Footnote: ¹ Po. Yu. na ceva . ² Ma. haraharini.

The Pali Tipitaka in Roman Character Volume 22 page 72-73. http://84000.org/tipitaka/read/roman_item_s.php?book=22&item=51&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=22&item=51&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=51&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=51&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=22&i=51 The Pali Atthakatha in Thai :- http://84000.org/tipitaka/atthapali/read_th.php?B=16&A=623 The Pali Atthakatha in Roman :- http://84000.org/tipitaka/atthapali/read_rm.php?B=16&A=623 Contents of The Tipitaka Volume 22 http://84000.org/tipitaka/read/?index_22