ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
     [224]   20   Ekam   samayam  bhagava  savatthiyam  viharati  jetavane
anathapindikassa  arame  .  athakho  anathapindiko  gahapati  yena  bhagava
tenupasankami   upasankamitva   bhagavantam  abhivadetva  ekamantam  nisidi .
Ekamantam nisinnam kho anathapindikam gahapatim bhagava etadavoca
     {224.1}  api  nu  te  gahapati  kule  danam diyyatiti. Diyyati me
bhante   kule   danam  tanca  kho  lukham  kanajakam  bilangadutiyanti  .  lukham
vapi  gahapati  danam  deti  panitam  va  tanca  asakkaccam  deti apacittim 1-
katva  deti  asahattha  deti  apaviddham  deti  anagamanaditthiko deti yattha
yattha  tassa  tassa  danassa  vipako  nibbattati  na  ularaya bhattabhogaya
cittam   namati   na   ularaya   vatthabhogaya   cittam  namati  na  ularaya
yanabhogaya   cittam   namati   na   ularesu  pancasu  kamagunesu  bhogaya
cittam  namati  yepissa  te  honti  puttati  va  darati va dasati va
pessati  va  kammakarati  va  tepi  na  sussusanti  na  sotam  odahanti
na  anna  cittam  upatthapenti  tam  kissa  hetu evancetam 2- gahapati hoti
asakkaccakatanam kammanam vipako
     {224.2}  lukham  vapi gahapati danam deti panitam va tanca sakkaccam deti
pacittim  katva  deti  sahattha  deti  anapaviddham  deti agamanaditthiko deti
yattha  yattha  tassa  tassa  danassa  vipako nibbattati ularaya bhattabhogaya
cittam  namati  ularaya  vatthabhogaya  cittam namati ularaya yanabhogaya cittam
namati  ularesu  pancasu  kamagunesu  bhogaya cittam namati yepissa te honti
@Footnote: 1 Ma. acittikatva .   2 Ma. evam hetam.
Puttati  va  darati  va  dasati  va  pessati  va  kammakarati va
tepi    sussusanti   sotam   odahanti   anna   cittam   upatthahanti   tam
kissa hetu evancetam gahapati hoti sakkaccakatanam kammanam vipako.
     {224.3}  Bhutapubbam  gahapati  velamo  nama  brahmano ahosi so
evarupam   danam   adasi  mahadanam  caturasiti  suvannapatisahassani  adasi
rupiyapurani   caturasiti   rupiyapatisahassani  adasi  suvannapurani  caturasiti
kamsapatisahassani   adasi   hirannapurani   caturasiti  hatthisahassani  adasi
sovannalankarani      sovannaddhajani     hemajalapaticchannani     1-
caturasiti   rathasahassani   adasi   sihacammaparivarani  byagghacammaparivarani
dipicammaparivarani        pandukambalaparivarani        sovannalankarani
sovannaddhajani      hemajalapaticchannani     caturasiti     dhenusahassani
adasi   dukulasanthanani   2-   kamsupadharanani   caturasiti   kannasahassani
adasi    amuttamanikundalayo    caturasiti    pallankasahassani    adasi
gonakatthatani    patikatthatani    patalikatthatani    kadalimigapavarapaccattharanani
sauttaracchadani    ubhatolohitakupadhanani    caturasiti    vatthakotisahassani
adasi    khomasukhumanam    koseyyasukhumanam   kappasikasukhumanam   ko   pana
vado   annassa   panassa   khajjassa   bhojanassa   lepanassa   seyyassa
najjo manne visandanti
     {224.4}  siya  kho  pana  te  gahapati  evamassa anno nuna tena
samayena  velamo  brahmano  ahosi  so  tam  danam  adasi mahadananti
na   kho   panetam  gahapati  evam  datthabbam  aham  tena  samayena  velamo
@Footnote: 1 Si. Yu. hemajalasanchannani .   2 Ma. dukulasandhanani. Yu. dukulasanthanani.
Brahmano   ahosim   aham   tam  danam  adasim  mahadanam  tasmim  kho  pana
gahapati   dane   na   koci   dakkhineyyo  ahosi  na  tam  koci  dakkhinam
visodheti   yam   gahapati   velamo   brahmano  danam  adasi  mahadanam
yo   cekam  ditthisampannam  bhojeyya  idam  tato  mahapphalataram  yo  ca  satam
ditthisampannanam   bhojeyya   yo   cekam   sakadagamim   bhojeyya  .pe.
Yo   ca   satam   sakadagaminam  bhojeyya  yo  cekam  anagamim  bhojeyya
yo   ca  satam  anagaminam  bhojeyya  yo  cekam  arahantam  bhojeyya  yo
ca   satam   arahantanam  bhojeyya  yo  cekam  paccekabuddham  bhojeyya  yo
ca  satam  paccekabuddhanam  bhojeyya  yo  ca  tathagatam arahantam sammasambuddham
bhojeyya   yo   ca  buddhappamukham  bhikkhusangham  bhojeyya  yo  ca  catuddisam
sangham   uddissa   viharam   karapeyya   yo   ca  pasannacitto  buddhanca
dhammanca   sanghanca   saranam   gaccheyya  yo  ca  pasannacitto  sikkhapadani
samadiyeyya    panatipata    veramani   1-   adinnadana   veramani
kamesu    micchacara    veramani   musavada   veramani   surameraya-
majjapamadatthana   veramani   yo   ca   antamaso  gadduhanamattampi  2-
mettacittam    bhaveyya    idam    tato    mahapphalataram    yanca   gahapati
velamo    brahmano    danam    adasi    mahadanam    yo    cekam
ditthisampannam    bhojeyya    yo   ca   satam   ditthisampannanam   bhojeyya
yo   cekam   sakadagamim  bhojeyya  yo  ca  satam  sakadagaminam  bhojeyya
@Footnote: 1 Ma. veramanim. evamuparipi .  2 Si. gandhuhanamattampi. Ma. gandhohanamattampi.
@evamuparipi.
Yo   cekam   anagamim   bhojeyya   yo  ca  satam  anagaminam  bhojeyya
yo   cekam   arahantam   bhojeyya   yo   ca  satam  arahantanam  bhojeyya
yo   cekam   paccekabuddham   bhojeyya   yo   ca   satam   paccekabuddhanam
bhojeyya    yo    ca    tathagatam   arahantam   sammasambuddham   bhojeyya
yo   ca   buddhappamukham   bhikkhusangham   bhojeyya   yo  ca  catuddisam  sangham
uddissa    viharam    karapeyya    yo    ca   pasannacitto   buddhanca
dhammanca   sanghanca   saranam   gaccheyya  yo  ca  pasannacitto  sikkhapadani
samadiyeyya   panatipata   veramani  .pe.  suramerayamajjapamadatthana
veramani     yo     ca     antamaso     gadduhanamattampi    mettacittam
bhaveyya    yo    ca    accharasanghatamattampi   aniccasannam   bhaveyya
idam tato mahapphalataranti.
                    Sihanadavaggo dutiyo.
                        Tassuddanam
       vuttho 1- saupadiseso ca         kotthitena samiddhina
       gandasanna kule satta 2-      devata velamena cati.
                     -------------
                    Sattavasavaggo tatiyo



             The Pali Tipitaka in Roman Character Volume 23 page 405-408. http://84000.org/tipitaka/read/roman_item_s.php?book=23&item=224&items=1&modeTY=2&mode=bracket              Classified by content :- http://84000.org/tipitaka/read/roman_item_s.php?book=23&item=224&items=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=224&items=1&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=224&items=1&modeTY=2&mode=bracket              Study Atthakatha :- http://84000.org/tipitaka/attha/attha.php?b=23&i=224              The Pali Atthakatha in Thai :- http://84000.org/tipitaka/atthapali/read_th.php?B=16&A=6671              The Pali Atthakatha in Roman :- http://84000.org/tipitaka/atthapali/read_rm.php?B=16&A=6671              Contents of The Tipitaka Volume 23 http://84000.org/tipitaka/read/?index_23

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :