บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā
[166] Athakho janussoni brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho janussoni brahmano bhagavantam etadavoca mayamassu bho gotama brahmana nama danani dema saddhani karoma idam danam petanam natisalohitanam upakappatu idam danam peta natisalohita paribhunjantuti kacci tam bho gotama danam petanam natisalohitanam upakappati kacci te peta natisalohita tam danam paribhunjantiti . thane kho brahmana upakappati no atthaneti. {166.1} Katamam [2]- bho gotama thanam katamam atthananti . Idha brahmana ekacco panatipati hoti adinnadayi hoti kamesu micchacari hoti musavadi hoti pisunavaco hoti pharusavaco hoti samphappalapi hoti abhijjhalu hoti byapannacitto hoti @Footnote: 1 Ma. Yu. sugatiyoti. hotiti patho natthi. 2 Ma. pana. Yu. katamanca pana. Micchaditthiko hoti so kayassa bheda parammarana nirayam upapajjati yo nerayikanam sattanam aharo tena so tattha yapeti tena so tattha titthati idam 1- kho brahmana atthanam yattha thitassa tam danam na upakappati {166.2} idha pana brahmana ekacco panatipati hoti .pe. micchaditthiko hoti so kayassa bheda parammarana tiracchanayonim upapajjati yo tiracchanayonikanam sattanam aharo tena so tattha yapeti tena so tattha titthati idampi kho brahmana atthanam yattha thitassa tam danam na upakappati idha 2- brahmana ekacco panatipata pativirato hoti adinnadana pativirato hoti kamesu micchacara pativirato hoti musavada pativirato hoti pisunaya vacaya pativirato hoti pharusaya vacaya pativirato hoti samphappalapa pativirato hoti anabhijjhalu hoti abyapannacitto hoti sammaditthiko hoti so kayassa bheda parammarana manussanam sahabyatam upapajjati yo manussanam aharo tena so tattha yapeti tena so tattha titthati idampi kho brahmana atthanam yattha thitassa tam danam na upakappati {166.3} idha pana brahmana ekacco panatipata pativirato hoti .pe. sammaditthiko hoti so kayassa bheda parammarana devanam sahabyatam upapajjati yo devanam aharo tena so tattha yapeti tena so tattha titthati idampi kho brahmana atthanam yattha thitassa @Footnote: 1 Po. Ma. Yu. idampi kho. 2 Ma. Yu. idha pana. Tam danam na upakappati {166.4} idha brahmana ekacco panatipati hoti .pe. Micchaditthiko hoti so kayassa bheda parammarana pittivisayam upapajjati yo pittivisayikanam 1- sattanam aharo tena so tattha yapeti tena so tattha titthati yam va panassa ito anuppavecchanti mittamacca 2- va natisalohita va tena so tattha yapeti tena so tattha titthati idampi kho brahmana thanam yattha thitassa tam danam upakappatiti. {166.5} Sace pana bho gotama so peto natisalohito tam thanam anupapanno hoti ko tam danam paribhunjatiti . annepissa brahmana peta natisalohita tam thanam upapanna honti te tam danam paribhunjantiti . sace pana bho gotama soceva peto natisalohito tam thanam anupapanno hoti annepissa peta natisalohita 3- tam thanam anupapanna honti ko tam danam paribhunjatiti. {166.6} Atthanam kho etam brahmana anavakaso yantam thanam vivittam assa imina dighena addhuna yadidam petehi natisalohitehi apica brahmana dayakopi anipphaloti . atthanepi bhavam gotamo parikappam vadatiti . atthanepi kho aham brahmana parikappam vadami idha brahmana ekacco panatipati hoti adinnadayi hoti kamesu micchacari hoti musavadi hoti pisunavaco hoti pharusavaco hoti samphappalapi hoti abhijjhalu hoti byapannacitto hoti micchaditthiko hoti so data hoti samanassa va brahmanassa va annam panam @Footnote: 1 Ma. Yu. pettivisayikanam. 2 Po. Yu. mitta va amacca va. 3 Ma. nati @salohita peta. Vattham yanam malagandham 1- vilepanam seyyavasatham padipeyyam so kayassa bheda parammarana hatthinam sahabyatam upapajjati so tattha labhi hoti annassa panassa malananalankarassa {166.7} yam kho brahmana idha panatipati adinnadayi kamesu micchacari musavadi pisunavaco pharusavaco samphappalapi abhijjhalu byapannacitto micchaditthiko tena so kayassa bheda parammarana hatthinam sahabyatam upapajjati yanca kho so data hoti samanassa va brahmanassa va annam panam vattham yanam malagandham vilepanam seyyavasatham padipeyyam tena so tattha labhi hoti annassa panassa malananalankarassa {166.8} idha pana brahmana ekacco panatipati hoti adinnadayi hoti kamesu micchacari hoti musavadi hoti pisunavaco hoti pharusavaco hoti samphappalapi hoti abhijjhalu hoti byapannacitto hoti micchaditthiko hoti so data hoti samanassa va brahmanassa va annam panam vattham yanam malagandham vilepanam seyyavasatham padipeyyam so kayassa bheda parammarana assanam sahabyatam upapajjati ... Gunnam sahabyatam upapajjati ... kukkuranam sahabyatam upapajjati so tattha labhi hoti annassa panassa malananalankarassa {166.9} yam kho brahmana idha panatipati adinnadayi kamesu micchacari musavadi pisunavaco pharusavaco samphappalapi abhijjhalu byapannacitto micchaditthiko tena so kayassa bheda parammarana kukkuranam sahabyatam upapajjati yanca @Footnote: 1 Po. Ma. Yu. malagandhavilepanam seyyavasathapadipeyyam. Kho so data hoti samanassa va brahmanassa va annam panam vattham yanam malagandham vilepanam seyyavasatham padipeyyam tena so tattha labhi hoti annassa panassa malananalankarassa {166.10} idha brahmana ekacco panatipata pativirato hoti adinnadana pativirato hoti kamesu micchacara pativirato hoti musavada pativirato hoti pisunaya vacaya pativirato hoti pharusaya vacaya pativirato hoti samphappalapa pativirato hoti anabhijjhalu hoti abyapannacitto hoti sammaditthiko hoti so data hoti samanassa va brahmanassa va annam panam vattham yanam malagandham vilepanam seyyavasatham padipeyyam so kayassa bheda parammarana manussanam sahabyatam upapajjati so tattha labhi hoti manusakanam pancannam kamagunanam {166.11} yam kho brahmana idha panatipata pativirato hoti adinnadana pativirato hoti kamesu micchacara pativirato hoti musavada pativirato hoti pisunaya vacaya pativirato hoti pharusaya vacaya pativirato hoti samphappalapa pativirato hoti anabhijjhalu hoti abyapannacitto hoti sammaditthiko hoti tena so kayassa bheda parammarana manussanam sahabyatam upapajjati yanca kho so data hoti samanassa va brahmanassa va annam panam vattham yanam malagandham vilepanam seyyavasatham padipeyyam tena so tattha labhi hoti manusakanam pancannam kamagunanam idha pana Brahmana ekacco panatipata pativirato hoti .pe. sammaditthiko hoti so data hoti samanassa va brahmanassa va annam panam vattham yanam malagandham vilepanam seyyavasatham padipeyyam so kayassa bheda parammarana devanam sahabyatam upapajjati so tattha labhi hoti dibbanam pancannam kamagunanam {166.12} yam kho brahmana idha panatipata pativirato hoti .pe. sammaditthiko hoti tena so kayassa bheda parammarana devanam sahabyatam upapajjati yanca kho so data hoti samanassa va brahmanassa va annam panam vattham yanam malagandham vilepanam seyyavasatham padipeyyam tena so tattha labhi hoti dibbanam pancannam kamagunanam apica brahmana dayakopi anipphaloti. {166.13} Acchariyam bho gotama abbhutam bho gotama yavancidam bho gotama alameva danani datum alam saddhani katum yatra hi nama dayakopi anipphaloti . evametam brahmana evametam brahmana dayakopi brahmana anipphaloti . abhikkantam bho gotama .pe. upasakam mam bhavam gotamo dharetu ajjatagge panupetam saranam gatanti. Janussonivaggo dutiyo. -----------The Pali Tipitaka in Roman Character Volume 24 page 290-295. http://84000.org/tipitaka/read/roman_item_s.php?book=24&item=166&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=24&item=166&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=166&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=166&items=1&modeTY=2 Study Atthakatha :- http://84000.org/tipitaka/attha/attha.php?b=24&i=166 The Pali Atthakatha in Thai :- http://84000.org/tipitaka/atthapali/read_th.php?B=16&A=8482 The Pali Atthakatha in Roman :- http://84000.org/tipitaka/atthapali/read_rm.php?B=16&A=8482 Contents of The Tipitaka Volume 24 http://84000.org/tipitaka/read/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]