ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā
     [223]   16  Ekam  samayam  ayasma  anando  vesaliyam  viharati
veluvagamake  .  tena  kho  pana  samayena dasamo 1- gahapati atthakanagaro
pataliputtam   anuppatto   hoti   kenacideva   karaniyena   athakho  dasamo
gahapati   atthakanagaro   yena   kukkutaramo   yena   annataro   bhikkhu
tenupasankami   upasankamitva   tam  bhikkhum  etadavoca  kaham  nu  kho  bhante
ayasma   anando   etarahi   viharati   dassanakama   hi  mayam  bhante
ayasmantam  anandanti  .  eso  gahapati  ayasma  anando  vesaliyam
viharati veluvagamaketi.
     {223.1}   Athakho   dasamo   gahapati   atthakanagaro  pataliputte
tam   karaniyam  tiretva  yena  vesaliveluvagamako  yenayasma  anando
tenupasankami   upasankamitva  ayasmantam  anandam  abhivadetva  ekamantam
nisidi   ekamantam  nisinno  kho  dasamo  gahapati  atthakanagaro  ayasmantam
anandam  etadavoca  atthi  nu  kho  bhante  ananda tena bhagavata janata
passata   arahata   sammasambuddhena   ekadhammo   sammadakkhato   yattha
@Footnote: 1 Po. asamo. sabbattha idisameva.
Bhikkhuno   appamattassa   atapino   pahitattassa   viharato  avimuttam  va
cittam   vimuccati   aparikkhina  va  asava  parikkhayam  gacchanti  ananuppattam
va   anuttaram  yogakkhemam  anupapunatiti  .  atthi  [1]-  gahapati  tena
bhagavata    janata    passata   arahata   sammasambuddhena   ekadhammo
sammadakkhato    yattha   bhikkhuno   appamattassa   atapino   pahitattassa
viharato  avimuttam  va  cittam  vimuccati  aparikkhina  va  asava  parikkhayam
gacchanti ananuppattam va anuttaram yogakkhemam anupapunatiti.
     {223.2}  Katamo  pana bhante ananda tena bhagavata janata passata
arahata   sammasambuddhena   ekadhammo   sammadakkhato   yattha   bhikkhuno
appamattassa  atapino  pahitattassa  viharato  avimuttam  va  cittam vimuccati
aparikkhina   va   asava   parikkhayam  gacchanti  ananuppattam  va  anuttaram
yogakkhemam   anupapunatiti   .   idha   gahapati  bhikkhu  vivicceva  kamehi
vivicca   akusalehi   dhammehi   savitakkam   savicaram  vivekajam  pitisukham  pathamam
jhanam   upasampajja   viharati  so  iti  patisancikkhati  idam  2-  kho  pathamam
jhanam    abhisankhatam    abhisancetayitam   yam   kho   pana   kinci   abhisankhatam
abhisancetayitam   tadaniccam   nirodhadhammanti   pajanati   so   tattha   thito
asavanam   khayam   papunati  no  ce  asavanam  khayam  papunati  teneva
dhammaragena   taya   dhammanandiya   pancannam   orambhagiyanam  samyojananam
parikkhaya  opapatiko  hoti  tattha parinibbayi anavattidhammo tasma loka
ayam  3-  kho gahapati tena bhagavata janata passata arahata sammasambuddhena
@Footnote: 1 Ma. khosaddo dissati. 2 Ma. Yu. idampi. 3 Ma. Yu. ayampi.
Ekadhammo    sammadakkhato   yattha   bhikkhuno   appamattassa   atapino
pahitattassa   viharato   avimuttam   va   cittam   vimuccati  aparikkhina  va
asava    parikkhayam   gacchanti   ananuppattam   va   anuttaram   yogakkhemam
anupapunati.
     Puna   caparam   gahapati   bhikkhu   vitakkavicaranam   vupasama   ajjhattam
sampasadanam   cetaso   ekodibhavam   avitakkam   avicaram  samadhijam  pitisukham
dutiyam   jhanam  ...  tatiyam  jhanam  ...  catuttham  jhanam  upasampajja  viharati
so    iti    patisancikkhati    idampi   kho   catuttham   jhanam   abhisankhatam
abhisancetayitam   yam   kho   pana   kinci  abhisankhatam  abhisancetayitam  tadaniccam
nirodhadhammanti   pajanati   so   tattha   thito  asavanam  khayam  papunati
no   ce   asavanam   khayam   papunati   teneva   dhammaragena   taya
dhammanandiya     pancannam     orambhagiyanam     samyojananam    parikkhaya
opapatiko   hoti   tattha   parinibbayi  anavattidhammo  tasma  loka
ayampi    kho   gahapati   tena   bhagavata   janata   passata   arahata
sammasambuddhena     ekadhammo     sammadakkhato     yattha     bhikkhuno
appamattassa   atapino   pahitattassa   viharato   avimuttam   va   cittam
vimuccati   aparikkhina   va   asava  parikkhayam  gacchanti  ananuppattam  va
anuttaram yogakkhemam anupapunati.
     {223.3}   Puna   caparam   gahapati  bhikkhu  mettasahagatena  cetasa
ekam  disam  pharitva  viharati  tatha  dutiyam  tatha  tatiyam  tatha  catuttham  iti
Uddhamadho   tiriyam  sabbadhi  sabbattataya  sabbavantam  lokam  mettasahagatena
cetasa   vipulena   mahaggatena   appamanena   averena   abyapajjhena
pharitva   viharati  so  iti  patisancikkhati  ayampi  kho  mettacetovimutti
abhisankhata  abhisancetayita  yam  [1]-  pana  kinci  abhisankhatam abhisancetayitam
tadaniccam   nirodhadhammanti   pajanati   so   tattha   thito  asavanam  khayam
papunati   no   ce   asavanam   khayam  papunati  teneva  dhammaragena
taya    dhammanandiya   pancannam   orambhagiyanam   samyojananam   parikkhaya
opapatiko   hoti   tattha   parinibbayi   anavattidhammo  tasma  loka
ayampi    kho   gahapati   tena   bhagavata   janata   passata   arahata
sammasambuddhena     ekadhammo     sammadakkhato     yattha     bhikkhuno
appamattassa   atapino   pahitattassa   viharato   avimuttam   va   cittam
vimuccati   aparikkhina   va   asava  parikkhayam  gacchanti  ananuppattam  va
anuttaram yogakkhemam anupapunati.
     {223.4}  Puna  ca  param  gahapati  bhikkhu karunasahagatena cetasa ...
Muditasahagatena   cetasa   ...   upekkhasahagatena  cetasa  ekam  disam
pharitva   viharati  tatha  dutiyam  tatha  tatiyam  tatha  catuttham  iti  uddhamadho
tiriyam   sabbadhi  sabbattataya  sabbavantam  lokam  upekkhasahagatena  cetasa
vipulena   mahaggatena   appamanena   averena   abyapajjhena   pharitva
viharati  so  iti  patisancikkhati  ayampi  kho upekkhacetovimutti abhisankhata
abhisancetayita   yam   kho   pana  kinci  abhisankhatam  abhisancetayitam  tadaniccam
@Footnote: 1 sabbavaresu khosaddo dissati.
Nirodhadhammanti   pajanati   so   tattha   thito  asavanam  khayam  papunati
no  ce  asavanam  khayam  papunati  teneva dhammaragena taya dhammanandiya
pancannam   orambhagiyanam  samyojananam  parikkhaya  opapatiko  hoti  tattha
parinibbayi   anavattidhammo   tasma   loka  ayampi  kho  gahapati  tena
bhagavata    janata    passata   arahata   sammasambuddhena   ekadhammo
sammadakkhato    yattha   bhikkhuno   appamattassa   atapino   pahitattassa
viharato  avimuttam  va  cittam  vimuccati  aparikkhina  va  asava  parikkhayam
gacchanti ananuppattam va anuttaram yogakkhemam anupapunati.
     {223.5}  Puna  caparam  gahapati  bhikkhu  sabbaso rupasannanam samatikkama
patighasannanam     atthangama    nanattasannanam    amanasikara    ananto
akasoti    akasanancayatanam    upasampajja    viharati    so    iti
patisancikkhati    ayampi    kho    akasanancayatanasamapatti   abhisankhata
abhisancetayita   yam   kho   pana  kinci  abhisankhatam  abhisancetayitam  tadaniccam
nirodhadhammanti   pajanati   so   tattha   thito  asavanam  khayam  papunati
no  ce  asavanam  khayam  papunati  teneva dhammaragena taya dhammanandiya
pancannam    orambhagiyanam   samyojananam   parikkhaya   opapatiko   hoti
tattha   parinibbayi   anavattidhammo   tasma  loka  ayampi  kho  gahapati
tena   bhagavata   janata  passata  arahata  sammasambuddhena  ekadhammo
sammadakkhato    yattha   bhikkhuno   appamattassa   atapino   pahitattassa
viharato  avimuttam  va cittam vimuccati aparikkhina va asava parikkhayam gacchanti
Ananuppattam va anuttaram yogakkhemam anupapunati.
     {223.6}   Puna  caparam  gahapati  bhikkhu  sabbaso  akasanancayatanam
samatikkamma     anantam     vinnananti     vinnanancayatanam    upasampajja
viharati     sabbaso    vinnanancayatanam    samatikkamma    natthi    kinciti
akincannayatanam     upasampajja    viharati    so    iti    patisancikkhati
ayampi    kho    akincannayatanasamapatti    abhisankhata   abhisancetayita
yam   kho   pana   kinci   abhisankhatam  abhisancetayitam  tadaniccam  nirodhadhammanti
pajanati  so  tattha  thito  asavanam  khayam  papunati  no  ce asavanam
khayam   papunati   teneva   dhammaragena   taya   dhammanandiya   pancannam
orambhagiyanam    samyojananam    parikkhaya    opapatiko   hoti   tattha
parinibbayi    anavattidhammo    tasma   loka   ayampi   kho   gahapati
tena   bhagavata   janata  passata  arahata  sammasambuddhena  ekadhammo
sammadakkhato    yattha   bhikkhuno   appamattassa   atapino   pahitattassa
viharato  avimuttam  va  cittam  vimuccati  aparikkhina  va  asava  parikkhayam
gacchanti ananuppattam va anuttaram yogakkhemam anupapunatiti.
     {223.7}  Evam  vutte  dasamo  gahapati  atthakanagaro  ayasmantam
anandam   etadavoca   seyyathapi  bhante  ananda  puriso  ekam  nidhimukham
gavesanto  sakideva ekadasa nidhimukhani adhigaccheyya evameva kho aham bhante
ekam  amatadvaram  gavesanto  sakideva  ekadasannam  amatadvaranam  alattham
savanaya   seyyathapi  bhante  purisassa  agaram  ekadasadvaram  so  tasmim
Agare  aditte  ekamekena  1-  dvarena  sakkuneyya attanam sotthim
katum    evameva   kho  aham  bhante  imesam  ekadasannam  amatadvaranam
ekamekena   1-   amatadvarena   sakkunissami   attanam  sotthim  katum
ime  hi  nama  bhante  annatitthiya  acariyassa  acariyadhanam pariyesissanti
kim  panaham  ayasmato  anandassa  pujam  karissamiti  athakho  dasamo gahapati
atthakanagaro   vesalikanca   pataliputtakanca  bhikkhusangham  sannipatapetva
panitena    khadaniyena   bhojaniyena   sahattha   santappesi   sampavaresi
ekamekanca    bhikkhum    paccekadussayugena    acchadesi    ayasmantanca
anandam ticivarena ayasmato ca anandassa pancasatam viharam karapesiti.



             The Pali Tipitaka in Roman Character Volume 24 page 371-377. http://84000.org/tipitaka/read/roman_item_s.php?book=24&item=223&items=1&modeTY=2&mode=bracket              Classified by content :- http://84000.org/tipitaka/read/roman_item_s.php?book=24&item=223&items=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=223&items=1&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=223&items=1&modeTY=2&mode=bracket              Study Atthakatha :- http://84000.org/tipitaka/attha/attha.php?b=24&i=223              The Pali Atthakatha in Thai :- http://84000.org/tipitaka/atthapali/read_th.php?B=16&A=8642              The Pali Atthakatha in Roman :- http://84000.org/tipitaka/atthapali/read_rm.php?B=16&A=8642              Contents of The Tipitaka Volume 24 http://84000.org/tipitaka/read/?index_24

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :