Tatiyo dutthatthakasuttaniddeso
[70] Vadanti ve dutthamanapi eke
annepi 1- ve saccamana vadanti
vadanca jatam muni no upeti
tasma muni natthi khilo kuhinci.
[71] Vadanti ve dutthamanapi eketi te titthiya dutthamana
padutthamana viruddhamana pativiruddhamana ahatamana paccahatamana
aghatitamana paccaghatitamana vadanti upavadanti bhagavantanca
bhikkhusanghanca abhutenati vadanti ve dutthamanapi eke.
[72] Annepi 1- ve saccamana vadantiti ye tesam titthiyanam
saddahanta okappenta adhimuccanta saccamana saccasannino
bhutamana bhutasannino tathamana tathasannino yathavamana yathavasannino
aviparitamana aviparitasannino vadanti upavadanti bhagavantanca
bhikkhusanghanca abhutenati annepi 1- ve saccamana vadanti.
[73] Vadanca jatam muni no upetiti so vado jato hoti
sanjato nibbatto abhinibbatto patubhuto parato ghoso
akkoso upavado bhagavato ca bhikkhusanghassa ca abhutenati
vadanca jatam . muni no upetiti muniti monam vuccati nanam
ya panna pajanana .pe. amoho dhammavicayo sammaditthi
@Footnote: 1 Ma. atopi.
Tena nanena samannagato muni monappatto .pe. sangajalamaticca
so muniti . yo vadam upeti so dvihi karanehi vadam upeti. Karako
karakataya vadam upeti . athava vuccamano upavadiyamano kuppati
byapajjati patitthiyati kopanca dosanca appaccayanca patukaroti
akarakomhiti . yo vadam upeti so imehi dvihi karanehi vadam upeti.
Muni dvihi karanehi vadam na upeti . akarako akarakataya vadam na
upeti . athava vuccamano upavadiyamano na kuppati na byapajjati
na patitthiyati na kopanca dosanca appaccayanca patukaroti
akarakomhiti . muni imehi dvihi karanehi vadam na upeti na
upagacchati na ganhati na paramasati na abhinivisatiti vadanca jatam
muni no upeti.
[74] Tasma muni natthi khilo kuhinciti tasmati tasma tamkarana
tamhetu tappaccaya tamnidana munino ahatacittata khilajatatapi
natthi . pancapi cetokhila natthi tayopi khila natthi ragakhilo dosakhilo
mohakhilo natthi na santi na samvijjati nupalabbhati pahino samucchinno
vupasanto patippassaddho abhabbuppattiko nanaggina daddho .
Kuhinciti kuhinci kimhici katthaci ajjhattam va bahiddha va ajjhattabahiddha
vati tasma muni natthi khilo kuhinci. Tenaha bhagava
Vadanti ve dutthamanapi eke
annepi ve saccamana vadanti
vadanca jatam muni no upeti
tasma muni natthi khilo kuhinciti.
[75] Sakanhi ditthim kathamaccayeyya
chandanunito ruciya nivittho
sayam samattani pakubbamano
yatha hi janeyya tatha vadeyya.
[76] Sakanhi ditthim kathamaccayeyyati ye 1- te titthiya sundarim
paribbajikam hantva samananam sakyaputtiyanam avannam pakasayitva
evam etam labham yasam sakkarasammanam paccaharissamati evamditthika
evamkhantika evamrucika evamladdhika evamajjhasaya evamadhippaya
te nasakkhimsu sakam ditthim sakam khantim sakam rucim sakam laddhim sakam ajjhasayam
sakam adhippayam atikkamitum . athakho sveva ayaso te paccagatoti
evampi sakanhi ditthim kathamaccayeyya . athava sassato loko idameva
saccam moghamannanti yo so evamvado so sakam ditthim sakam khantim sakam rucim
sakam laddhim sakam ajjhasayam sakam adhippayam katham accayeyya atikkameyya
samatikkameyya vitivatteyya . tam kissa hetu . tassa sa ditthi tatha
samatta samadinna gahita paramattha abhinivittha ajjhosita adhimuttati
@Footnote: 1 Po. Ma. yam te.
Evampi sakanhi ditthim kathamaccayeyya . asassato loko antava
loko anantava loko tam jivam tam sariram annam jivam annam sariram hoti
tathagato parammarana na hoti tathagato parammarana hoti ca na ca
hoti tathagato parammarana neva hoti na na hoti tathagato parammarana
idameva saccam moghamannanti yo so evamvado so sakam ditthim sakam
khantim sakam rucim sakam laddhim sakam ajjhasayam sakam adhippayam katham accayeyya
atikkameyya samatikkameyya vitivatteyya . tam kissa hetu . tassa
sa ditthi tatha samatta samadinna gahita paramattha abhinivittha
ajjhosita adhimuttati evampi sakanhi ditthim kathamaccayeyya.
[77] Chandanunito ruciya nivitthoti chandanunitoti sakaya
ditthiya sakaya khantiya sakaya ruciya sakaya laddhiya yayati
niyyati vuyhati samhariyati . yatha hatthiyanena va rathayanena va
assayanena va goyanena va ajayanena va mendakayanena va
otthayanena va kharayanena va yayati niyyati vuyhati samhariyati
evameva sakaya ditthiya sakaya khantiya sakaya ruciya sakaya
laddhiya yayati niyyati vuyhati samhariyatiti chandanunito . ruciya
nivitthoti sakaya ditthiya sakaya khantiya sakaya ruciya sakaya
laddhiya nivittho patitthito allino upagato ajjhosito
Adhimuttoti chandanunito ruciya nivittho.
[78] Sayam samattani pakubbamanoti sayam samattam karoti paripunnam
karoti anomam karoti aggam settham visettham pamokkham uttamam pavaram karoti
ayam sattha sabbannuti sayam samattam karoti paripunnam karoti anomam
karoti aggam settham visettham pamokkham uttamam pavaram karoti ayam dhammo
svakkhato ayam gano supatipanno ayam ditthi bhaddika ayam patipada
supannatta ayam maggo niyyanikoti sayam samattam karoti paripunnam
karoti anomam karoti aggam settham visettham pamokkham uttamam pavaram
karoti janeti sanjaneti nibbatteti abhinibbattetiti sayam samattani
pakubbamano.
[79] Yatha hi janeyya tatha vadeyyati yatha janeyya tatha
vadeyya katheyya bhaneyya dipeyya vohareyya . sassato loko
idameva saccam moghamannanti yatha janeyya tatha vadeyya katheyya
bhaneyya dipeyya vohareyya . asassato loko .pe. neva hoti na
na hoti tathagato parammarana idameva saccam moghamannanti yatha
janeyya tatha vadeyya katheyya bhaneyya dipeyya vohareyyati yatha
hi janeyya tatha vadeyya. Tenaha bhagava
sakanhi ditthim kathamaccayeyya
chandanunito ruciya nivittho
Sayam samattani pakubbamano
yatha hi janeyya tatha vadeyyati.
[80] Yo attano silavatani jantu
ananuputtho ca 1- paresa pava 2-
anariyadhammam kusala tamahu
yo atumanam sayameva pava.
[81] Yo attano silavatani jantuti yoti yo yadiso yathayutto
yathavihito yathapakaro yanthanappatto yamdhammasamannagato
khattiyo va brahmano va vesso va suddo va gahattho va
pabbajito va devo va manusso va . silavataniti atthi silanceva
vattanca 3- atthi vattam 4- na silam.
{81.1} Katamam silanceva vattanca . idha bhikkhu silava hoti
patimokkhasamvarasamvuto viharati acaragocarasampanno anumattesu
vajjesu bhayadassavi samadaya sikkhati sikkhapadesu yo tattha samyamo
samvaro avitikkamo idam silam . yam samadanam tam vattam. Samvaratthena silam
samadanatthena vattam idam vuccati silanceva vattanca.
{81.2} Katamam vattam na silam . attha dhutangani arannikangam
pindapatikangam pamsukulikangam tecivarikangam sapadanacarikangam
khalupacchabhattikangam nesajjikangam yathasanthatikangam idam vuccati vattam na
@Footnote: 1 Ma. va.. 2 Po. Ma. pava. ito param idisameva. 3-4 Po. Ma. vatanca.
@sabbattha idisameva.
Silam . viriyasamadanampi vuccati vattam na silam. Kamam taco ca naharu 1-
ca atthi ca avasussatu 2- sarire upasussatu mamsalohitam yantam purisathamena
purisabalena purisaviriyena purisaparakkamena pattabbam na tam apapunitva
viriyassa santhanam bhavissatiti cittam pagganhati padahati evarupampi
viriyasamadanam [3]- vuccati vattam na silam.
{81.3} Na tavaham imam pallankam bhindissami yava me na anupadaya
asavehi cittam vimuccissatiti cittam pagganhati padahati evarupampi
viriyasamadanam vuccati vattam na silam.
Nasissam na pivissami viharato na nikkhamim
napi passam nipatessam tanhasalle anuhateti
{81.4} cittam pagganhati padahati evarupampi viriyasamadanam
vuccati vattam na silam . na tavaham imamha asana vutthahissami
cankama orohissami vihara nikkhamissami addhayoga nikkhamissami
pasada nikkhamissami hammiya nikkhamissami guhaya nikkhamissami
lena nikkhamissami kutiya nikkhamissami kutagara nikkhamissami
atta nikkhamissami mala nikkhamissami uddanda 4- nikkhamissami
upatthanasalaya nikkhamissami mandapa nikkhamissami rukkhamula
nikkhamissami yava me na anupadaya asavehi cittam vimuccissatiti
cittam pagganhati padahati evarupampi viriyasamadanam
vuccati vattam na silam . imasminneva pubbanhasamayam
@Footnote: 1 Po. Ma. Yu. naharu. 2 Ma. avasissatu. 3 Po. Ma. idam. 4 Po. Yu.
@uddanha.
Ariyadhammam aharissami samaharissami adhigacchissami phusayissami
sacchikarissamiti cittam pagganhati padahati evarupampi
viriyasamadanam vuccati vattam na silam . imasminneva majjhantikasamayam
sayanhasamayam purebhattam pacchabhattam purimayamam majjhimayamam
pacchimayamam kale junhe vasse hemante gimhe purime vayokhandhe
majjhime vayokhandhe pacchime vayokhandhe ariyadhammam aharissami
samaharissami adhigacchissami phusayissami sacchikarissamiti cittam
pagganhati padahati evarupampi viriyasamadanam vuccati vattam na silam.
{81.5} Jantuti satto naro manavo poso puggalo jivo jatu
jantu indagu manujoti yo attano silavatani jantu.
[82] Ananuputtho ca paresa pavati paresanti paresam khattiyanam
brahmananam vessanam suddanam gahatthanam pabbajitanam devanam
manussanam . ananuputthoti aputtho apucchito anayacito anajjhesito
appasadito . pavati attano silam va vattam va silavattam va pavadati.
Ahamasmi silasampannoti va vattasampannoti va silavattasampannoti
va jatiya va gottena va kolaputtikena va vannapokkharataya va
dhanena va ajjhenena va kammayatanena va sippayatanena va vijjatthanena
va sutena va patibhanena va annatarannatarena va vatthuna
uccakula pabbajitoti va mahakula pabbajitoti va mahabhogakula
Pabbajitoti va ularabhogakula pabbajitoti va nato yasassi
gahatthanam pabbajitananti va labhimhi civarapindapatasenasana-
gilanapaccayabhesajjaparikkharananti va suttantikoti va vinayadharoti
va dhammakathikoti va arannikoti va pindapatikoti va pamsukulikoti
va tecivarikoti va sapadanacarikoti va khalupacchabhattikoti va
nesajjikoti va yathasanthatikoti va pathamassa jhanassa labhiti va
dutiyassa jhanassa labhiti va tatiyassa jhanassa labhiti va catutthassa
jhanassa labhiti va akasanancayatanasamapattiya labhiti va
vinnanancayatanasamapattiya labhiti va akincannayatana-
samapattiya labhiti va nevasannanasannayatanasamapattiya
labhiti va pavadati katheti bhanati dipayati voharatiti ananuputtho ca
paresa pava.
[83] Anariyadhammam kusala tamahuti kusalati ye te khandhakusala
dhatukusala ayatanakusala paticcasamuppadakusala satipatthanakusala
sammappadhanakusala iddhippadakusala indriyakusala balakusala
bojjhangakusala maggakusala phalakusala nibbanakusala te kusala
evamahamsu anariyanam eso dhammo neso dhammo ariyanam balanam
eso dhammo neso dhammo panditanam asappurisanam eso dhammo
neso dhammo sappurisananti evamahamsu evam kathenti evam bhananti
evam dipayanti evam voharantiti anariyadhammam kusala tamahu.
[84] Yo atumanam sayameva pavati atuma vuccati atta.
Sayameva pavati sayameva attanam pavadati ahamasmi silasampannoti
va vattasampannoti va silavattasampannoti va jatiya va
gottena va kolaputtikena va vannapokkharataya va dhanena va
ajjhenena va kammayatanena va sippayatanena va vijjatthanena
va sutena va patibhanena va annatarannatarena va vatthuna
uccakula pabbajitoti va mahakula pabbajitoti va mahabhogakula
pabbajitoti va ularabhogakula pabbajitoti va nato yasassi
gahatthanam 1- pabbajitananti va labhimhi civarapindapatasenasana-
gilanapaccayabhesajjaparikkharananti va suttantikoti va
vinayadharoti va dhammakathikoti va arannikoti va pindapatikoti
va pamsukulikoti va tecivarikoti va sapadanacarikoti khalupaccha-
bhattikoti va nesajjikoti va yathasanthatikoti va pathamassa jhanassa
labhiti va dutiyassa jhanassa labhiti va tatiyassa jhanassa labhiti
va catutthassa jhanassa labhiti va akasanancayatanasamapattiya
labhiti va vinnanancayatanasamapattiya labhiti va
akincannayatanasamapattiya labhiti va nevasannanasannayatana-
samapattiya labhiti va pavadati katheti bhanati dipayati voharatiti
yo atumanam sayameva pava . tenaha bhagava
@Footnote: 1 Ma. Yu. sagahatthapabbajitananti.
Yo attano silavatani jantu
ananuputtho ca paresa pava
anariyadhammam kusala tamahu
yo atumanam sayameva pavati.
[85] Santo ca bhikkhu abhinibbutatto
itihanti silesu akatthamano
tamariyadhammam kusala vadanti
yassussada natthi kuhinci loke.
[86] Santo ca bhikkhu abhinibbutattoti santoti ragassa santatta
santo dosassa santatta santo mohassa santatta 1- santo
kodhassa upanahassa makkhassa palasassa issaya macchariyassa
mayaya satheyyassa thambhassa sarambhassa manassa atimanassa
madassa pamadassa sabbakilesanam sabbaduccaritanam sabbadarathanam
sabbaparilahanam sabbasantapanam sabbakusalabhisankharanam
santatta samitatta vupasamitatta vijjhatatta nibbutatta vigatatta
patippassaddhatta santo vupasanto nibbuto patippassaddhoti
santo . bhikkhuti sattannam dhammanam bhinnatta bhikkhu . sakkayaditthi
bhinna hoti vicikiccha bhinna hoti silabbataparamaso bhinno hoti
rago bhinno hoti doso bhinno hoti moho bhinno hoti mano bhinno
@Footnote: 1 Po. Ma. samitatta.
Hoti . bhinnassa honti papaka akusala dhamma sankilesika
ponobbhavika sadara dukkhavipaka ayatim jatijaramaraniya.
Pajjena katena attana (sabhiyati bhagava)
parinibbanagato vitinnakankho
vibhavanca bhavanca vippahaya
vusitava khinapunabbhavoti 1-.
Santo ca bhikkhu . abhinibbutattoti ragassa nibbapitatta dosassa
nibbapitatta mohassa nibbapitatta abhinibbutatto kodhassa
upanahassa makkhassa palasassa issaya macchariyassa mayaya
satheyyassa thambhassa sarambhassa manassa atimanassa madassa
pamadassa sabbakilesanam sabbaduccaritanam sabbadarathanam
sabbaparilahanam sabbasantapanam sabbakusalabhisankharanam
nibbapitatta abhinibbutattoti santo ca bhikkhu abhinibbutatto.
[87] Itihanti silesu akatthamanoti itihanti padasandhi padasamsaggo
padaparipuri akkharasamavayo byanjanasilitthata padanupubbatametam 2-
itihanti . silesu akatthamanoti idhekacco katthi hoti vikatthi. So katthati
vikatthati ahamasmi silasampannoti va vattasampannoti va silavattasampannoti
va jatiya va gottena va kolaputtikena va vannapokkharataya va
.pe. nevasannanasannayatanasamapattiya labhiti va katthati vikatthati.
@Footnote: 1 Po. Ma. vusitava khinapunabbhavo sa bhikkhuti. 2 Ma. padanupubbatapetam.
Evam na katthati na vikatthati katthana arato virato pativirato nikkhanto
nissattho vippamutto visannutto vimariyadikatena cetasa viharatiti
itihanti silesu akatthamano.
[88] Tamariyadhammam kusala vadantiti kusalati ye te khandhakusala
dhatukusala ayatanakusala paticcasamuppadakusala satipatthanakusala
sammappadhanakusala iddhippadakusala indriyakusala balakusala
bojjhangakusala maggakusala phalakusala nibbanakusala te kusala
evam vadanti ariyanam eso dhammo neso dhammo anariyanam panditanam
eso dhammo neso dhammo balanam sappurisanam eso dhammo neso
dhammo asappurisananti evam vadanti [1]- evam kathenti evam bhananti
evam dipayanti evam voharantiti tamariyadhammam kusala vadanti.
[89] Yassussada natthi kuhinci loketi yassati arahato
khinasavassa . ussadati sattussada ragussado dosussado
mohussado manussado ditthussado kilesussado kammussado .
Yassime ussada natthi na santi na samvijjanti nupalabbhanti pahina
samucchinna vupasanta patippassaddha abhabbuppattika nanaggina
daddha . kuhinciti kuhinci kimhici katthaci ajjhattam va bahiddha
va ajjhattabahiddha va . loketi apayaloke manussaloke
devaloke khandhaloke dhatuloke ayatanaloketi yassussada natthi
@Footnote: 1 Ma. ariyanam.
Kuhinci loke. Tenaha bhagava
santo ca bhikkhu abhinibbutatto
itihanti silesu akatthamano
tamariyadhammam kusala vadanti
yassussada natthi kuhinci loketi.
[90] Pakappita sankhata yassa dhamma
purakkhata santi avivadata 1-
yadattani passati anisamsam
tannissito kuppapaticcasantim.
[91] Pakappita sankhata yassa dhammati pakappanati dve pakappana
tanhapakappana ca ditthipakappana ca .pe. ayam tanhapakappana
.pe. ayam ditthipakappana . sankhatati sankhata visankhata abhisankhata
santhapitatipi sankhata . athava anicca sankhata paticcasamuppanna
khayadhamma vayadhamma viragadhamma nirodhadhammatipi sankhata . yassati
ditthigatikassa . dhamma vuccanti dvasatthi ditthigataniti pakappita
sankhata yassa dhamma.
[92] Purakkhata santi avivadatati 2- purekkharati dve
purekkhara tanhapurekkharo ca ditthipurekkharo ca .pe. ayam
tanhapurekkharo .pe. ayam ditthipurekkharo . tassa tanha-
purekkharo appahino ditthipurekkharo appatinissattho tassa
@Footnote: 1 katthaci santimavevadatati dissati. 2 Po. avevadata.
Tanhapurekkharassa appahinatta tassa ditthipurekkharassa
appatinissatthatta so tanham va ditthim va purato katva carati
tanhadhajo tanhaketu tanhadhipateyyo ditthiddhajo ditthiketu
ditthadhipateyyo tanhaya va ditthiya va parivarito caratiti purakkhata.
Santiti santi samvijjanti [1]- upalabbhanti . Avivadatati avivadata 2-
avodata aparisuddha sankilittha sankilesikati purakkhata santi
avivadata.
[93] Yadattani passati anisamsanti yadattaniti yam attani .
Atta vuccati ditthigatam . attano ditthiya dve anisamse passati
ditthadhammikanca anisamsam samparayikanca anisamsam.
{93.1} Katamo ditthiya ditthadhammiko anisamso . yamditthiko
sattha hoti tamditthika savaka honti . tamditthikam sattharam savaka
sakkaronti garukaronti manenti pujenti apacitim karonti labhanti
ca tatonidanam civarapindapatasenasanagilanapaccayabhesajjaparikkharam
ayam ditthiya ditthadhammiko anisamso.
{93.2} Katamo ditthiya samparayiko anisamso. Ayam ditthi alam
nagattaya va supannattaya va yakkhattaya va asurattaya va
gandhabbattaya va maharajattaya va indattaya va brahmattaya
va devattaya va ayam ditthi alam suddhiya visuddhiya parisuddhiya
muttiya vimuttiya parimuttiya imaya ditthiya sujjhanti visujjhanti
@Footnote: 1 Po. Ma. atthi. 2 Po. Ma. avevadata.
Parisujjhanti muccanti vimuccanti parimuccanti imaya ditthiya
sujjhissami visujjhissami parisujjhissami muccissami vimuccissami
parimuccissamiti ayatim phalapatikankhi hoti ayam ditthiya
samparayiko anisamso.
{93.3} Attano ditthiya ime dve anisamse passati dakkhati
oloketi nijjhayati upaparikkhatiti yadattani passati anisamsam.
[94] Tannissito kuppapaticcasantinti tisso santiyo accantasanti
tadangasanti sammatisanti.
{94.1} Katama accantasanti . Accantasanti vuccati amatam nibbanam
yo so sabbasankharasamatho sabbupadhipatinissaggo tanhakkhayo virago
nirodho nibbanam ayam accantasanti.
{94.2} Katama tadangasanti . pathamam jhanam samapannassa nivarana
santa honti . dutiyam jhanam samapannassa vitakkavicara santa
honti . tatiyam jhanam samapannassa piti santa hoti . catuttham
jhanam samapannassa sukhadukkha santa honti . akasanancayatanam
samapannassa rupasanna patighasanna nanattasanna santa honti .
Vinnanancayatanam samapannassa akasanancayatanasanna santa
hoti . akincannayatanam samapannassa vinnanancayatanasanna
santa hoti . nevasannanasannayatanam samapannassa
akincannayatanasanna santa hoti. Ayam tadangasanti.
{94.3} Katama sammatisanti 1- . Sammatisanti vuccanti dvasatthi
ditthigatani ditthisantiyo . apica sammatisanti imasmim [2]- adhippeta
santiti.
{94.4} Tannissito kuppapaticcasantinti kuppasantim pakuppasantim
eritasantim sameritasantim calitasantim ghattitasantim kappitasantim pakappitasantim
aniccam sankhatam paticcasamuppannam khayadhammam vayadhammam viragadhammam nirodhadhammam
santim nissito [3]- allino upagato 4- ajjhosito adhimuttoti
tannissito kuppapaticcasantim. Tenaha bhagava
pakappita sankhata yassa dhamma
purakkhata santi avivadata
yadattani passati anisamsam
tannissito kuppapaticcasantinti.
[95] Ditthinivesa na hi svativatta
dhammesu niccheyya samuggahitam
tasma naro tesu nivesanesu
nirassati adiyaticca 5- dhammam.
[96] Ditthinivesa na hi svativattati ditthinivesati sassato
loko idameva saccam moghamannanti abhinivesapparamaso
ditthinivesanam asassato loko antava loko anantava
loko tam jivam tam sariram annam jivam annam sariram hoti tathagato
@Footnote: 1 Po. Ma. sammutisanti. sabbattha idisameva. 2 Ma. Yu. atthe.
@3 Ma. asito Yu. asito. 4 Ma. upagato. 5 Ma. adiyati ca.
Parammarana na hoti tathagato parammarana hoti ca na ca hoti
tathagato parammarana neva hoti na na hoti tathagato parammarana
idameva saccam moghamannanti abhinivesapparamaso ditthinivesananti
ditthinivesa . na hi svativattati [1]- durativatta duttara duppatara
dussamatikkama dubbitivattati ditthinivesa na hi svativatta.
[97] Dhammesu niccheyya samuggahitanti dhammesuti dvasatthiditthigatesu.
Niccheyyati nicchinitva vinicchinitva vicinitva pavicinitva tulayitva
tirayitva vibhavayitva vibhutam katva [2]- odhiggaho vilaggaho
varaggaho kotthasaggaho uccayaggaho samuccayaggaho
idam saccam taccham tatham bhutam yathavam aviparitanti gahitam paramattham
abhinivittham ajjhositam adhimuttanti dhammesu niccheyya samuggahitam.
[98] Tasma naro tesu nivesanesuti tasmati tasma tamkarana
tamhetu tampaccaya tamnidana . naroti satto naro manavo poso
puggalo jivo jatu jantu indagu manujo . tesu nivesanesuti tesu
ditthinivesanesuti tasma naro tesu nivesanesu.
[99] Nirassati adiyaticca dhammanti nirassatiti dvihi karanehi
nirassati paravicchindanaya va nirassati anabhisambhunanto va
nirassati.
{99.1} Katham paravicchindanaya nirassati . paro vicchindati so
sattha na sabbannu dhammo na svakkhato gano na supatipanno
@Footnote: 1 Po. Ma. ditthinivesa na hi svativatta. 2 Ma. Yu. samuggahitanti nivesanesu.
Ditthi na bhaddika patipada na supannatta maggo na niyyaniko
natthettha suddhi va visuddhi va parisuddhi va mutti va vimutti
va parimutti va na tattha sujjhanti va visujjhanti va parisujjhanti
va muccanti va vimuccanti va parimuccanti va hina nihina omaka
lamaka jatukka 1- parittati . evam paro vicchindati . evam
vicchindiyamano sattharam nirassati dhammakkhanam nirassati ganam
nirassati ditthim nirassati patipadam nirassati maggam nirassati . evam
paravicchindanaya nirassati.
{99.2} Katham anabhisambhunanto nirassati . silam anabhisambhunanto
silam nirassati vattam anabhisambhunanto vattam nirassati silavattam 2-
anabhisambhunanto silavattam nirassati. Evam anabhisambhunanto nirassati.
{99.3} Adiyaticca dhammanti sattharam ganhati dhammakkhanam ganhati
ganam ganhati ditthim ganhati patipadam ganhati maggam ganhati
paramasati abhinivisatiti nirassati adiyaticca dhammam. Tenaha bhagava
ditthinivesa na hi svativatta
dhammesu niccheyya samuggahitam
tasma naro tesu nivesanesu
nirassati adiyaticca dhammanti.
[100] Dhonassa hi natthi kuhinci loke
pakappita ditthi bhavabhavesu
@Footnote: 1 Ma. chatukka. 2 Ma. silabbatam. sabbattha idisameva.
Mayanca mananca pahaya dhono
sa kena gaccheyya anupayo so.
[101] Dhonassa hi natthi kuhinci loke pakappita ditthi
bhavabhavesuti dhonoti dhona vuccati panna ya panna
pajanana vicayo pavicayo dhammavicayo sallakkhana upalakkhana
paccupalakkhana pandiccam kosallam nepunnam vebhabya cinta
upaparikkha bhuri medha parinayika vipassana sampajannam patodo
panna pannindriyam pannabalam pannasattham pannapasado
pannaaloko pannaobhaso pannapajjoto pannaratanam
amoho dhammavicayo sammaditthi. Kimkarana dhona vuccati panna.
{101.1} Taya pannaya kayaduccaritam dhutanca dhotanca sandhotanca
niddhotanca . vaciduccaritam dhutanca dhotanca sandhotanca niddhotanca .
Manoduccaritam dhutanca dhotanca sandhotanca niddhotanca . rago
dhuto ca dhoto ca sandhoto ca niddhoto ca. Doso moho kodho upanaho
makkho palaso issa macchariyam maya satheyyam thambho sarambho mano
atimano mado pamado sabbe kilesa sabbe duccarita sabbe daratha
sabbe parilaha sabbe santapa sabbakusalabhisankhara dhuta ca dhota
ca sandhota ca niddhota ca. Tamkarana dhona vuccati panna.
{101.2} Athava sammaditthiya micchaditthi dhuta ca
Dhota ca sandhota ca niddhota ca . sammasankappena miccha
sankappo dhuto ca dhoto ca sandhoto ca niddhoto ca. Sammavacaya
micchavaca dhuta ca . sammakammantena micchakammanto dhuto ca .
Sammaajivena micchaajivo dhuto ca . Sammavayamena micchavayamo
dhuto ca . sammasatiya micchasati dhuta ca. Sammasamadhina micchasamadhi
dhuto ca . sammananena micchananam dhutanca . sammavimuttiya
micchavimutti dhuta ca dhota ca sandhota ca niddhota ca.
{101.3} Athava ariyena atthangikena maggena sabbe kilesa
sabbe duccarita sabbe daratha sabbe parilaha sabbe santapa
sabbakusalabhisankhara dhuta ca dhota ca sandhota ca niddhota ca.
Araha imehi dhoneyyehi dhammehi upeto samupeto upagato samupagato
upapanno samupapanno samannagato tasma araha dhono. So dhutarago
dhutapapo dhutakileso dhutaparilahoti dhono . kuhinciti kuhinci kimhici
katthaci ajjhattam va bahiddha va ajjhattabahiddha va.
{101.4} Loketi apayaloke .pe. Ayatanaloke. Pakappanati 1-
dve pakappana tanhapakappana ca ditthipakappana ca .pe. ayam
tanhapakappana .pe. ayam ditthipakappana . bhavabhavesuti bhavabhave
kammabhave punabbhave kamabhave kammabhave kamabhave punabbhave
rupabhave kammabhave rupabhave punabbhave arupabhave kammabhave arupabhave
@Footnote: 1 Ma. pakappitati.
Punabbhave punappunam 1- bhave punappunam gatiya punappunam upapattiya
punappunam patisandhiya punappunam attabhavabhinibbattiya . dhonassa
hi natthi kuhinci loke pakappita ditthi bhavabhavesuti dhonassa
kuhinci loke bhavabhavesu ca kappita pakappita abhisankhata
santhapita ditthi natthi na santi na samvijjanti nupalabbhanti pahina
samucchinna vupasanta patippassaddha abhabbuppattika nanaggina
daddhati dhonassa hi natthi kuhinci loke pakappita ditthi bhavabhavesu.
[102] Mayanca mananca pahaya dhonoti maya vuccati vancanika
cariya . idhekacco kayena duccaritam caritva vacaya duccaritam caritva
manasa duccaritam caritva tassa paticchadanahetu papikam iccham panidahati
ma mam jannati icchati ma mam jannati sankappeti ma mam jannati
vacam bhasati ma mam jannati kayena parakkamati. Ya evarupa maya
mayavita accasara vancana nikati nikirana pariharana guhana
pariguhana chadana paricchadana anuttanikammam anavikammam vocchadana
papakiriya ayam vuccati maya.
{102.1} Manoti ekavidhena mano ya cittassa unnati .
Duvidhena mano attukkamsanamano paravambhanamano . tividhena mano
seyyohamasmiti mano sadisohamasmiti mano hinohamasmiti mano .
@Footnote: 1 Po. Ma. punappuna. sabbattha idisameva.
Catubbidhena mano labhena manam janeti yasena manam janeti pasamsaya
manam janeti sukhena manam janeti . pancavidhena mano labhimhi
manapikanam rupananti manam janeti labhimhi manapikanam saddanam
gandhanam rasanam photthabbananti manam janeti . chabbidhena mano
cakkhusampadaya manam janeti sotasampadaya manam janeti ghanasampadaya
jivhasampadaya kayasampadaya manosampadaya manam janeti .
Sattavidhena mano mano atimano manatimano omano
adhimano asmimano micchamano.
{102.2} Atthavidhena mano labhena manam janeti alabhena omanam
janeti yasena manam janeti ayasena omanam janeti pasamsaya manam janeti
nindaya omanam janeti sukhena manam janeti dukkhena omanam janeti.
Navavidhena mano seyyassa seyyohamasmiti mano seyyassa sadisohamasmiti
mano seyyassa hinohamasmiti mano sadisassa seyyohamasmiti mano
sadisassa sadisohamasmiti mano sadisassa hinohamasmiti mano hinassa
seyyohamasmiti mano hinassa sadisohamasmiti mano hinassa
hinohamasmiti mano . dasavidhena mano idhekacco manam janeti jatiya
va gottena va kolaputtikena 1- va vannapokkharataya va dhanena va
ajjhenena va kammayatanena va sippayatanena va vijjatthanena
va sutena va patibhanena va annatarannatarena va vatthuna .
@Footnote: 1 Ma. kolaputtiyena.
Yo evarupo mano mannana mannitattam unnati unnamo 1-
dhajo sampaggaho ketukamyata cittassa ayam vuccati mano.
{102.3} Mayanca mananca pahaya dhonoti [2]- mayanca mananca
pahaya pajahitva vinoditva byantikaritva anabhavangametvati
mayanca mananca pahaya dhono.
[103] Sa kena gaccheyya anupayo soti upayoti 3- dve
upaya tanhupayo ca ditthupayo ca .pe. ayam tanhupayo .pe.
Ayam ditthupayo . tassa tanhupayo pahino ditthupayo patinissattho
tanhupayassa pahinatta ditthupayassa patinissatthatta anupayo .
So 4- kena ragena gaccheyya kena dosena gaccheyya kena mohena
gaccheyya kena manena gaccheyya kaya ditthiya gaccheyya kena
uddhaccena gaccheyya kaya vicikicchaya gaccheyya kehi anusayehi
gaccheyya rattoti va dutthoti va mulhoti va vinibandhoti 5- va
paramatthoti va vikkhepagatoti va anitthangatoti va thamagatoti va.
{103.1} Te abhisankhara pahina abhisankharanam pahinatta gatiyo
kena gaccheyya nerayikoti va tiracchanayonikoti va pittivisayikoti
va manussoti va devoti va rupiti va arupiti va sanniti va asanniti
va nevasanninasanniti va . so hetu natthi paccayo natthi karanam
natthi yena gaccheyyati sa kena gaccheyya anupayo so. Tenaha bhagava
@Footnote: 1 Ma. unnamo. 2 Ma. dhono. 3 Ma. upayati. sabbattha idisameva.
@4 Po. Ma. puggalo. 5 Po. Ma. vinibaddhoti.
Dhonassa hi natthi kuhinci loke
pakappita ditthi bhavabhavesu
mayanca mananca pahaya dhono
sa kena gaccheyya anupayo soti.
[104] Upayo hi dhammesu upeti vadam
anupayam kena katham vadeyya
attam 1- nirattam na hi tassa atthi
adhosi so ditthimidheva sabbam.
[105] Upayo hi dhammesu upeti vadanti upayoti dve upaya
tanhupayo ca ditthupayo ca .pe. ayam tanhupayo .pe. Ayam ditthupayo.
Tassa tanhupayo appahino ditthupayo appatinissattho tanhupayassa
appahinatta ditthupayassa appatinissatthatta dhammesu vadam upeti
rattoti va dutthoti va mulhoti va vinibandhoti va paramatthoti va
vikkhepagatoti va anitthangatoti va thamagatoti va. Te abhisankhara
appahina abhisankharanam appahinatta gatiya vadam upeti nerayikoti
va tiracchanayonikoti va pittivisayikoti va manussoti va devoti va
rupiti va arupiti va sanniti va asanniti va nevasanninasanniti
va vadam upeti upagacchati ganhati paramasati abhinivisatiti upayo hi
dhammesu upeti vadam.
@Footnote: 1 Ma. atta niratta.
[106] Anupayam kena katham vadeyyati upayoti dve upaya
tanhupayo ca ditthupayo ca .pe. ayam tanhupayo .pe. ayam
ditthupayo . tassa tanhupayo pahino ditthupayo patinissattho
tanhupayassa pahinatta ditthupayassa patinissatthatta anupayam [1]- kena
ragena vadeyya kena dosena vadeyya kena mohena vadeyya
kena manena vadeyya kaya ditthiya vadeyya kena uddhaccena
vadeyya kaya vicikicchaya vadeyya kehi anusayehi vadeyya rattoti
va dutthoti va mulhoti va vinibandhoti va paramatthoti
va vikkhepagatoti va anitthangatoti va thamagatoti va .
Te abhisankhara pahina abhisankharanam pahinatta gatiyo kena
vadeyya nerayikoti va .pe. nevasanninasanniti va . so
hetu natthi paccayo natthi karanam natthi yena vadeyya katheyya
bhaneyya dipayeyya vohareyyati anupayam kena katham vadeyya.
[107] Attam nirattam na hi tassa atthiti attati sassataditthi 2-
natthi nirattati ucchedaditthi natthi attati gahitam natthi nirattati
muncitabbam natthi . yassatthi gahitam tassatthi muncitabbam yassatthi
muncitabbam tassatthi gahitam . gahanamuncanam 3- samatikkanto araha
vuddhiparihanim vitivatto . so vutthavaso cinnacarano .pe.
Natthi tassa punabbhavoti attam nirattam na hi tassa atthi.
[108] Adhosi so ditthimidheva sabbanti tassa dvasatthi
@Footnote: 1 Ma. puggalam. 2 Ma. attanuditthi. 3 Ma. gahanam muncana.
Ditthigatani pahinani samucchinnani vupasantani patippassaddhani
abhabbuppattikani nanaggina daddhani . so sabbam ditthigatam
idheva adhosi dhuni sandhuni niddhuni pajahi vinodesi byantiakasi
anabhavangamesiti adhosi so ditthimidheva sabbam. Tenaha bhagava
upayo hi dhammesu upeti vadam
anupayam kena katham vadeyya
attam nirattam na hi tassa atthi
adhosi so ditthimidheva sabbanti.
Tatiyo dutthatthakasuttaniddeso nitthito.
---------------
The Pali Tipitaka in Roman Character Volume 29 page 72-98.
http://84000.org/tipitaka/read/roman_item_s.php?book=29&item=70&items=39&modeTY=2
Classified by [Item Number] :-
http://84000.org/tipitaka/read/roman_item_s.php?book=29&item=70&items=39&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=29&item=70&items=39&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=29&item=70&items=39&modeTY=2
Study Atthakatha :-
http://84000.org/tipitaka/attha/attha.php?b=29&i=70
The Pali Atthakatha in Thai :-
http://84000.org/tipitaka/atthapali/read_th.php?B=45&A=4345
The Pali Atthakatha in Roman :-
http://84000.org/tipitaka/atthapali/read_rm.php?B=45&A=4345
Contents of The Tipitaka Volume 29
http://84000.org/tipitaka/read/?index_29
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
