[700] Pucchami tam adiccabandhunti pucchati tisso puccha
aditthajotana puccha ditthasamsandana puccha vimaticchedana puccha.
Katama aditthajotana puccha . pakatiya lakkhanam anatam
hoti adittham atulitam atiritam avibhutam avibhavitam tassa nanaya
dassanaya tulanaya tiranaya vibhavanaya panham pucchati ayam
aditthajotana puccha.
{700.2} Katama ditthasamsandana puccha . pakatiya lakkhanam
natam hoti dittham tulitam tiritam vibhutam vibhavitam annehi panditehi
saddhim samsandanatthaya panham pucchati ayam ditthasamsandana puccha.
Katama vimaticchedana puccha . pakatiya samsayapakkhanno 1- hoti
vimatipakkhanno dvelhakajato evam nu kho na nu kho kinnu kho katham nu
khoti so vimaticchedanatthaya panham pucchati ayam vimaticchedana puccha.
Ima tisso puccha.
{700.4} Aparapi tisso puccha manussapuccha amanussapuccha
nimmitapuccha.
@Footnote: 1 Ma. samsayapakkhando. Yu. .. pakkhanto.
Katama manussapuccha . manussa buddham bhagavantam upasankamitva
panham pucchanti bhikkhu pucchanti bhikkhuniyo pucchanti upasaka pucchanti
upasikayo pucchanti rajano pucchanti khattiya pucchanti brahmana
pucchanti vessa pucchanti sudda pucchanti gahattha pucchanti pabbajita
pucchanti ayam manussapuccha.
{700.6} Katama amanussapuccha . amanussa buddham bhagavantam
upasankamitva panham pucchanti naga pucchanti supanna pucchanti
yakkha pucchanti asura pucchanti gandhabba pucchanti maharajano
pucchanti inda pucchanti brahmano pucchanti devatayo pucchanti
ayam amanussapuccha.
{700.7} Katama nimmitapuccha . yam bhagava rupam abhinimminati
manomayam sabbangapaccangam ahinindriyam [1]- so nimmito buddham bhagavantam
upasankamitva panham pucchati bhagava [2]- visajjeti ayam nimmitapuccha.
Ima tisso puccha.
Aparapi tisso puccha attatthapuccha paratthapuccha ubhayatthapuccha.
Aparapi tisso puccha ditthadhammikatthapuccha samparayikatthapuccha
paramatthapuccha.
{700.8} Aparapi tisso puccha anavajjatthapuccha nikkilesatthapuccha
vodanatthapuccha.
@Footnote: 1 Ma. tam. 2 Ma. Yu. tassa.
Aparapi tisso puccha atitapuccha anagatapuccha paccuppannapuccha.
Aparapi tisso puccha ajjhattapuccha bahiddhapuccha ajjhatta-
bahiddhapuccha.
{700.9} Aparapi tisso puccha kusalapuccha akusalapuccha
abyakatapuccha.
Aparapi tisso puccha khandhapuccha dhatupuccha ayatanapuccha
aparapi tisso puccha satipatthanapuccha sammappadhanapuccha
iddhippadapuccha.
{700.10} Aparapi tisso puccha indriyapuccha balapuccha
bojjhangapuccha.
Aparapi tisso puccha maggapuccha phalapuccha nibbanapuccha.
Pucchami tanti tam pucchami tam yacami tam ajjhesami tam pasademi
tam kathayassu meti pucchami tam.
Adiccabandhunti adicco vuccati suriyo. Suriyo gotamo gottena
bhagavapi gotamo gottena . bhagava suriyassa gottanatako gottabandhu
tasma buddho adiccabandhuti. Pucchami tam adiccabandhum.
The Pali Tipitaka in Roman Character Volume 29 page 409-411.
http://84000.org/tipitaka/read/roman_item_s.php?book=29&item=700&items=1&modeTY=2&mode=bracket
Classified by content :-
http://84000.org/tipitaka/read/roman_item_s.php?book=29&item=700&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=29&item=700&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=29&item=700&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=29&i=700
The Pali Atthakatha in Thai :-
http://84000.org/tipitaka/atthapali/read_th.php?B=45&A=8634
The Pali Atthakatha in Roman :-
http://84000.org/tipitaka/atthapali/read_rm.php?B=45&A=8634
Contents of The Tipitaka Volume 29
http://84000.org/tipitaka/read/?index_29
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
