บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
[286] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhuniyo tiroratthe sasankasammate sappatibhaye asatthika carikam caranti . Dhutta dusenti . ya ta bhikkhuniyo appiccha .pe. Ta ujjhayanti Khiyanti vipacenti katham hi nama bhikkhuniyo tiroratthe sasankasammate sappatibhaye asatthika carikam carissantiti .pe. saccam kira bhikkhave bhikkhuniyo tiroratthe sasankasammate sappatibhaye asatthika carikam carantiti. Saccam bhagavati. {286.1} Vigarahi buddho bhagava katham hi nama bhikkhave bhikkhuniyo tiroratthe sasankasammate sappatibhaye asatthika carikam carissanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {286.2} ya pana bhikkhuni tiroratthe sasankasammate sappatibhaye asatthika carikam careyya pacittiyanti. [287] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . tirorattheti yassa vijite viharati tam thapetva annassa ratthe . sasankam nama tasmim magge coranam nivitthokaso dissati bhuttokaso dissati thitokaso dissati nisinnokaso dissati nipannokaso dissati . Sappatibhayam nama tasmim magge corehi manussa hata dissanti vilutta dissanti akotita dissanti . asatthika nama vina satthena . carikam careyyati kukkutasampate game gamantare gamantare apatti pacittiyassa . agamake aranne addhayojane addhayojane apatti pacittiyassa. [288] Anapatti satthena saha gacchati kheme appatibhaye Gacchati apadasu ummattikaya adikammikayati. -------- Tuvattavaggassa navamasikkhapadamThe Pali Tipitaka in Roman Character Volume 3 page 160-162. http://84000.org/tipitaka/read/roman_item_s.php?book=3&item=286&items=3&modeTY=2&mode=bracket Classified by content :- http://84000.org/tipitaka/read/roman_item_s.php?book=3&item=286&items=3&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=286&items=3&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=286&items=3&modeTY=2&mode=bracket Study Atthakatha :- http://84000.org/tipitaka/attha/attha.php?b=3&i=286 Contents of The Tipitaka Volume 3 http://84000.org/tipitaka/read/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]