Navamam vanavacchattherapadanam (549)
[139] |139.251| Imamhi bhaddake kappe brahmabandhu mahayaso
kassapo nama namena uppajji vadatam varo.
|139.252| Tadaham pabbajitvana tassa buddhassa sasane
yavajivam caritvana brahmacaram 1- tato cuto.
|139.253| Tena kammena sukatena cetanapanidhihi ca
jahitva manusam deham tavatimsam aganchaham.
|139.254| Tato cuto arannamhi kapoto asaham tahim
vasate gunasampanno bhikkhu jhanarato sada.
|139.255| Mettacitto karuniko sada pamuditanano
upekkhako mahaviro appamannasu kovido.
|139.256| Vinivaranasankappo sabbasattahitasayo
vissattho na cirenasim tasmim sugatasavake.
|139.257| Upecca padamulamhi nisinnassa tadassame
kadaci amisam 2- deti dhammam desesi cekada.
@Footnote: 1 Ma. brahmacaram. Yu. brahmaceram. 2 Ma. samisam.
|139.258| Tada vipulapemena upasitva jinatrajam
tato cuto gato saggam pavaso sagharam yatha.
|139.259| Sagga cuto manussesu nibbatto punnakammuna
agaram chaddayitvana pabbajim bahuso aham.
|139.260| Samano tapaso dijo 1- paribbajo tathevaham
hutva vasim arannamhi anekasatayo 2- aham.
|139.261| Pacchime ca bhave dani ramme kapilavatthave
vacchagotto dijo tassa jayaya ahamokkamim.
|139.262| Matu me dohalo asi tirokucchigatassa me
jayamanasamipamhi vanavasaya nicchayo.
|139.263| Tato me ajani mata ramaniye vanantare
gabbhato nikkhamantam mam kasayena patiggahum.
|139.264| Tato kumaro siddhattho jato sakyakuladdhajo
tassa mitto piyo asim samvissattho sumaniyo 3-.
|139.265| Sattasarehi nikkhante 4- ohaya vipulam yasam
ahampi pabbajitvana himavantam upagamim.
|139.266| Vanalayam bhavaniyam kassapam dhutavadakam 5-
disva sutva jinuppadam upesim narasarathim.
|139.267| So me dhammam adesesi sabbattham sampakasayam
tatoham pabbajitvana vanameva punokkamam 6-.
@Footnote: 1 Ma. Yu. vippo. 2 Ma. Yu. anekasataso. 3 Yu. sumanigo.
@4 Ma. nikkhanto. 5 Ma. dhutavadikam. 6 Ma. punagamam. Yu. punagamim.
|139.268| Tatthappamatto viharam chalabhinna apassayim
aho suladdhalabhomhi sumittenanukampito.
|139.269| Kilesa jhapita mayham bhava sabbe samuhata
nagova bandhanam chetva viharami anasavo.
|139.270| Svagatam vata me asi buddhasetthassa santike
tisso vijja anuppatta katam buddhassa sasanam.
|139.271| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma vanavaccho thero ima gathayo abhasitthati.
Vanavacchattherassa apadanam samattam.
The Pali Tipitaka in Roman Character Volume 33 page 246-248.
http://84000.org/tipitaka/read/roman_item_s.php?book=33&item=139&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=33&item=139&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=139&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=139&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=139
The Pali Atthakatha in Thai :-
http://84000.org/tipitaka/atthapali/read_th.php?B=50&A=7106
The Pali Atthakatha in Roman :-
http://84000.org/tipitaka/atthapali/read_rm.php?B=50&A=7106
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
