Solasamo siddhatthabuddhavamso
[17] |17.1| Dhammadassissa aparena siddhattho lokanayako 4-
nihantvana 5- tamam sabbam suriyo abbhuggato yatha.
|17.2| Sopi patvana sambodhim santarento sadevakam
abhivassi dhammameghena nibbapento sadevakam.
|17.3| Tassapi atulatejassa ahesum abhisamaya tayo
kotisatasahassanam pathamabhisamayo ahu.
|17.4| Punaparam bhimaratthe yada 6- ahani dundubhim
tada navutikotinam dutiyabhisamayo ahu.
|17.5| Yada buddho dhammam desesi vebhare so naruttamo 7-
tada navutikotinam tatiyabhisamayo ahu.
|17.6| Sannipata tayo asum siddhatthassa 8- mahesino
khinasavanam vimalanam santacittana tadinam.
@Footnote: 1 Yu. virocayi. 2 Ma. salaramamhi. 3 Ma. tatthevassa thupavaro. 4 Po.
@Ma. Yu. - nama nayako. 5 Ma. nihinitva. Yu. niharitva. 6 Yu. yadi ahani
@duddabhim. 7 Ma. puruttame. 8 Ma. Yu. tasmimpi dvipaduttame.
|17.7| Kotisatanam navutiya 1- asitiyapica kotinam
ete asum tayo thana vimalanam samagame.
|17.8| Ahantena samayena mangalo nama tapaso
uggatejo duppasaho abhinnabalasamahito.
|17.9| Jambuto phalamahatva 2- siddhatthassa adasaham
patiggahetvana sambuddho idam vacanamabravi.
|17.10| Passatha imam tapasam jatilam uggatapanam
catunavuti ito kappe ayam buddho bhavissati.
|17.11| Ahu kapilavhaya ramma nikkhamitva tathagato
padhanam padahitvana katva dukkarakarikam.
|17.12| Ajapalarukkhamulasmim nisiditva tathagato
tattha payasam paggayha neranjaramupehiti.
|17.13| Neranjaraya tiramhi payasam adi so jino
patiyattavaramaggena bodhimulamhi ehiti.
|17.14| Tato padakkhinam katva bodhimandam anuttaram
assattharukkhamulamhi bujjhissati mahayaso.
|17.15| Imassa janika mata maya nama bhavissati
pita suddhodano nama ayam hessati gotamo.
|17.16| Kolito upatisso ca agga hessanti savaka
anasava vitaraga santacitta samahita
anando namupatthako upatthissatimam jinam.
@Footnote: 1 Po. Ma. Yu. navutinam. 2 Po. phalasamahantva. Ma. phalamanetva.
|17.17| Khema uppalavanna ca agga hessanti savika
anasava vitaraga santacitta samahita.
|17.18| Bodhi tassa bhagavato assatthoti pavuccati
citto ca hatthalavako agga hessantupatthaka.
|17.19| Nandamata ca uttara agga hessantupatthika
ayu vassasatam tassa gotamassa yasassino.
|17.20| Idam sutvana vacanam asamassa mahesino
amodita naramaru buddhavijankuro ayam.
|17.21| Ukkutthisadda vattanti apphotenti sahanti ca
katanjali namassanti dasasahassi sadevaka.
|17.22| Yadimassa lokanathassa virajjhissama sasanam
anagatamhi addhane hessama sammukha imam.
|17.23| Yatha manussa nadim taranta patitittham virajjhiya
hetthatittham gahetvana uttaranti mahanadim.
|17.24| Evameva mayam sabbe yadi muncamimam jinam
anagatamhi addhane hessama sammukha imam.
|17.25| Tassapi vacanam sutva bhiyyo cittam pasadayim
uttarim vattamadhitthasim dasaparamipuriya.
|17.26| Vebharam nama nagaram udeno nama khattiyo
suphassa nama janika siddhatthassa mahesino.
|17.27| Dasavassasahassani agaram ajjhavasi so
kokasuppalakokanuda 1- tayo pasadamuttama.
|17.28| Tisolasasahassani nariyo samalankata
sumana 2- nama sa nari anupamo nama atrajo.
|17.29| Nimitte caturo disva sivikayabhinikkhami
anunadasamasani padhanam padahi jino.
|17.30| Brahmuna yacito santo siddhattho lokanayako
vattacakko mahaviro migadaye naruttamo.
|17.31| Sambalo ca sumitto ca ahesum aggasavaka
revato namupatthako siddhatthassa mahesino.
|17.32| Sivala ca surama ca ahesum aggasavika
bodhi tassa bhagavato kannikaroti 3- vuccati.
|17.33| Suppiyo ca sambuddho ca ahesum aggupatthaka
ramma ceva suramma ca ahesum aggupatthika.
|17.34| So buddho satthiratanam ahosi nabhamuggato
kancanagghikasankaso dasasahassi virocati.
|17.35| Sopi buddho asamasamo atulo appatipuggalo
vassasatasahassani loke atthasi cakkhuma.
|17.36| Vipulappabham 4- dassayitva pupphapetvana savake
vilasetva varasamapattiya 5- nibbuto so sasavako.
@Footnote: 1 Ma. -- kokanada. 2 Ma. somanassa. 3 Ma. Yu. kanikaroti.
@4 Yu. vimalam puppham. 5 Ma. samapatya. Yu. -- ca samapattiya.
|17.37| Siddhattho munivaro buddho anomaramamhi nibbuto
tattheva tassa thupavaro catuyojanamuggatoti.
Siddhatthabuddhavamso solasamo.
The Pali Tipitaka in Roman Character Volume 33 page 503-507.
http://84000.org/tipitaka/read/roman_item_s.php?book=33&item=197&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=33&item=197&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=197&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=197&items=1&modeTY=2
Study Atthakatha :-
http://84000.org/tipitaka/attha/attha.php?b=33&i=197
The Pali Atthakatha in Thai :-
http://84000.org/tipitaka/atthapali/read_th.php?B=51&A=7158
The Pali Atthakatha in Roman :-
http://84000.org/tipitaka/atthapali/read_rm.php?B=51&A=7158
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
