paliTIPITAKA Volume 43 - Abhidhamma Pitaka 10

Saṃsaṭṭhavāro [95] Cetasikaṃ dhammaṃ saṃsaṭṭho cetasiko dhammo uppajjati hetupaccayā: cetasikaṃ ekaṃ khandhaṃ saṃsaṭṭhā dve khandhā dve khandhe ... Paṭisandhi . cetasikaṃ dhammaṃ saṃsaṭṭho acetasiko dhammo uppajjati hetupaccayā: cetasike khandhe saṃsaṭṭhaṃ cittaṃ paṭisandhi . cetasikaṃ dhammaṃ saṃsaṭṭho cetasiko ca acetasiko ca dhammā uppajjanti hetupaccayā: cetasikaṃ ekaṃ khandhaṃ saṃsaṭṭhā dve khandhā cittañca dve khandhe ... paṭisandhi . acetasikaṃ dhammaṃ saṃsaṭṭho cetasiko dhammo uppajjati hetupaccayā: cittaṃ saṃsaṭṭhā sampayuttakā khandhā paṭisandhi . cetasikañca acetasikañca dhammaṃ saṃsaṭṭho cetasiko dhammo uppajjati hetupaccayā: cetasikaṃ ekaṃ khandhañca cittañca saṃsaṭṭhā dve khandhā dve khandhe ... Paṭisandhi saṅkhittaṃ. [96] Hetuyā pañca ārammaṇe pañca adhipatiyā pañca sabbattha pañca avigate pañca. [97] Cetasikaṃ dhammaṃ saṃsaṭṭho cetasiko dhammo uppajjati nahetupaccayā: evaṃ pañcapi pañhā kātabbā tīsuyeva moho. Saṅkhittaṃ. [98] Nahetuyā pañca naadhipatiyā pañca napurejāte pañca napacchājāte pañca naāsevane pañca nakamme tīṇi navipāke pañca najhāne pañca namagge pañca navippayutte pañca . Evaṃ itare dve gaṇanāpi sampayuttavāropi kātabbā.

The Pali Tipitaka in Roman Character Volume 43 page 52-53. http://84000.org/tipitaka/read/roman_item_s.php?book=43&item=95&items=4 Classified by [Item Number] :- http://84000.org/tipitaka/read/roman_item_s.php?book=43&item=95&items=4&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=43&item=95&items=4 Compare with The Royal Version of Thai Tipitaka :- http://84000.org/tipitaka/read/byitem_s.php?book=43&item=95&items=4 Study Atthakatha :- http://84000.org/tipitaka/attha/attha.php?b=43&i=95 Contents of The Tipitaka Volume 43 http://84000.org/tipitaka/read/?index_43