Saññojanasampayuttadukakusalattikaṃ
paṭiccavāro
[1242] Saññojanavippayuttaṃ kusalaṃ dhammaṃ paṭicca saññojanavippayutto
kusalo dhammo uppajjati hetupaccayā:.
[1243] Hetuyā ekaṃ ārammaṇe ekaṃ avigate ekaṃ.
Sahajātavārepi pañhāvārepi sabbattha ekaṃ.
---------
Paṭiccavāro
[1244] Saññojanasampayuttaṃ akusalaṃ dhammaṃ paṭicca saññojanasampayutto
akusalo dhammo uppajjati hetupaccayā:.
[1245] Saññojanasampayuttaṃ akusalaṃ dhammaṃ paṭicca saññojanasampayutto
Akusalo dhammo uppajjati ārammaṇapaccayā:.
[1246] Hetuyā tīṇi ārammaṇe pañca adhipatiyā ekaṃ
avigate pañca.
[1247] Saññojanasampayuttaṃ akusalaṃ dhammaṃ paṭicca saññojanasampayutto
akusalo dhammo uppajjati nahetupaccayā: vicikicchāsahagate
khandhe paṭicca vicikicchāsahagato moho.
[1248] Nahetuyā dve naadhipatiyā pañca napurejāte
pañca .pe. Nakamme tīṇi .pe. Navippayutte pañca.
Pañhāvāro
[1249] Saññojanasampayutto akusalo dhammo
saññojanasampayuttassa akusalassa dhammassa hetupaccayena paccayo: .
Saññojanavippayutto akusalo dhammo saññojanavippayuttassa
akusalassa dhammassa hetupaccayena paccayo:.
[1250] Hetuyā dve ārammaṇe nava saññojanasampayutto
akusalo dhammo saññojanasampayuttassa akusalassa dhammassa
adhipatipaccayena paccayo: adhipatiyā ekaṃ anantare nava .pe.
Sahajāte pañca .pe. upanissaye nava āsevane nava kamme
tīṇi .pe. Magge tīṇi sampayutte pañca atthiyā pañca.
-----------
Paṭiccavāro
[1251] Saññojanavippayuttaṃ abyākataṃ dhammaṃ paṭicca
saññojanavippayutto abyākato dhammo uppajjati hetupaccayā:.
[1252] Hetuyā ekaṃ ārammaṇe ekaṃ avigate ekaṃ.
Sahajātavārepi pañhāvārepi sabbattha ekaṃ.
Saññojanasampayuttadukakusalattikaṃ niṭṭhitaṃ.
-----------
The Pali Tipitaka in Roman Character Volume 44 page 205-207.
http://84000.org/tipitaka/read/roman_item_s.php?book=44&item=1242&items=11
Classified by [Item Number] :-
http://84000.org/tipitaka/read/roman_item_s.php?book=44&item=1242&items=11&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=44&item=1242&items=11
Compare with The Royal Version of Thai Tipitaka :-
http://84000.org/tipitaka/read/byitem_s.php?book=44&item=1242&items=11
Study Atthakatha :-
http://84000.org/tipitaka/attha/attha.php?b=44&i=1242
Contents of The Tipitaka Volume 44
http://84000.org/tipitaka/read/?index_44
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
