paliTIPITAKA Volume 44 - Abhidhamma Pitaka 11

Ganthadukakusalattikaṃ paṭiccavāro [1286] Noganthaṃ kusalaṃ dhammaṃ paṭicca nogantho kusalo dhammo uppajjati hetupaccayā:. [1287] Hetuyā ekaṃ ārammaṇe ekaṃ avigate ekaṃ. Sahajātavārepi pañhāvārepi sabbattha ekaṃ. --------- Paṭiccavāro [1288] Ganthaṃ akusalaṃ dhammaṃ paṭicca gantho akusalo dhammo uppajjati hetupaccayā: ganthaṃ akusalaṃ dhammaṃ paṭicca nogantho akusalo dhammo uppajjati hetupaccayā: ganthaṃ akusalaṃ dhammaṃ paṭicca gantho akusalo ca no gantho akusalo ca dhammā uppajjanti hetupaccayā: . noganthaṃ akusalaṃ dhammaṃ paṭicca nogantho akusalo dhammo uppajjati hetupaccayā:. [1289] Hetuyā nava ārammaṇe nava avigate nava.

--------------------------------------------------------------------------------------------- page214.

[1290] Nahetuyā ekaṃ naadhipatiyā nava napurejāte nava napacchājāte nava naāsevane nava nakamme tīṇi navipāke nava navippayutte nava. Sahajātavāropi .pe. Sampayuttavāropi paṭiccavārasadisā vitthāretabbā. Pañhāvāro [1291] Gantho akusalo dhammo ganthassa akusalassa dhammassa hetupaccayena paccayo:. [1292] Hetuyā nava ārammaṇe nava adhipatiyā nava avigate nava. [1293] Nahetuyā nava naārammaṇe nava. [1294] Hetupaccayā naārammaṇe nava. [1295] Nahetupaccayā ārammaṇe nava. Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ evaṃ gaṇetabbaṃ. --------- Paṭiccavāro [1296] Noganthaṃ abyākataṃ dhammaṃ paṭicca nogantho abyākato dhammo uppajjati hetupaccayā:.

--------------------------------------------------------------------------------------------- page215.

[1297] Hetuyā ekaṃ avigate ekaṃ. Sahajātavārepi pañhāvārepi sabbattha ekaṃ. Ganthadukakusalattikaṃ niṭṭhitaṃ. -------------

The Pali Tipitaka in Roman Character Volume 44 page 213-215. http://84000.org/tipitaka/read/roman_item_s.php?book=44&item=1286&items=12&pagebreak=1 Classified by [Item Number] :- http://84000.org/tipitaka/read/roman_item_s.php?book=44&item=1286&items=12&pagebreak=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=44&item=1286&items=12&pagebreak=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=44&item=1286&items=12&pagebreak=1 Study Atthakatha :- http://84000.org/tipitaka/attha/attha.php?b=44&i=1286 Contents of The Tipitaka Volume 44 http://84000.org/tipitaka/read/?index_44