ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
     [65]   Athakho   bhagava  andhakavinde  yathabhirantam  viharitva  yena
rajagaham  tena  carikam  pakkami  mahata  bhikkhusanghena  saddhim  addhaterasehi
bhikkhusatehi  .  tena  kho  pana  samayena  velattho 1- kaccano rajagaha
andhakavindam    addhanamaggapatipanno    hoti    pancamattehi    sakatasatehi
sabbeheva  gulakumbhapurehi  .  addasa  2-  kho  bhagava  velattham kaccanam
durato   va  agacchantam  disvana  magga  okkamma  annatarasmim  rukkhamule
nisidi.
     {65.1}   Athakho  velattho  kaccano  yena  bhagava  tenupasankami
upasankamitva    bhagavantam    abhivadetva    ekamantam    atthasi   .
Ekamantam    thito    kho   velattho   kaccano   bhagavantam   etadavoca
icchamaham     bhante    ekamekassa    bhikkhuno    ekamekam    gulakumbham
datunti       .       tenahi      tvam      kaccana      ekamyeva
@Footnote: 1 Si. Ma. Yu. belattho. 2 Ma. Yu. addasa.

--------------------------------------------------------------------------------------------- page83.

Gulakumbham aharati . evam bhanteti kho velattho kaccano bhagavato patissunitva ekamyeva gulakumbham adaya yena bhagava tenupasankami upasankamitva bhagavantam etadavoca ahato 1- bhante gulakumbho kathaham bhante patipajjamiti . tenahi tvam kaccana bhikkhunam gulam dehiti . evam bhanteti kho velattho kaccano bhagavato patissunitva bhikkhunam gulam datva bhagavantam etadavoca dinno bhante bhikkhunam gulo bahu cayam gulo avasittho kathaham bhante patipajjamiti . tenahi tvam kaccana bhikkhunam gulam yavadattham dehiti . evam bhanteti kho velattho kaccano bhagavato patissunitva bhikkhunam gulam yavadattham datva bhagavantam etadavoca dinno bhante bhikkhunam gulo yavadattho bahu cayam gulo avasittho kathaham bhante patipajjamiti . tenahi tvam kaccana bhikkhu gulehi santappehiti . evam bhanteti kho velattho kaccano bhagavato patissunitva bhikkhu gulehi santappesi . ekacce bhikkhu pattepi puresum parissavananipi thavikayopi puresum. {65.2} Athakho velattho kaccano bhikkhu gulehi santappetva bhagavantam etadavoca santappita bhante bhikkhu gulehi bahu cayam gulo avasittho kathaham bhante patipajjamiti . tenahi tvam kaccana vighasadanam gulam dehiti . evam bhanteti kho velattho kaccano bhagavato patissunitva vighasadanam gulam datva bhagavantam etadavoca dinno @Footnote: 1 Po. Ma. abhato.

--------------------------------------------------------------------------------------------- page84.

Bhante vighasadanam gulo bahu cayam gulo avasittho kathaham bhante patipajjamiti . tenahi tvam kaccana vighasadanam gulam yavadattham dehiti . evam bhanteti kho velattho kaccano bhagavato patissunitva vighasadanam gulam 1- yavadattham datva bhagavantam etadavoca dinno bhante vighasadanam gulo yavadattho bahu cayam gulo avasittho kathaham bhante patipajjamiti . tenahi tvam kaccana vighasade gulehi santappehiti . evam bhanteti kho velattho kaccano bhagavato patissunitva vighasade gulehi santappesi . ekacce vighasada kolambepi 2- ghatepi puresum pitakanipi ucchangepi puresum. {65.3} Athakho velattho kaccano vighasade gulehi santappetva bhagavantam etadavoca santappita bhante vighasada gulehi bahu cayam gulo avasittho kathaham bhante patipajjamiti . nahantam kaccana passami sadevake loke samarake sabrahmake sassamanabrahmaniya pajaya sadevamanussaya yassa so 3- gulo paribhutto sammaparinamam gaccheyya annatra tathagatassa va tathagatasavakassa va tenahi tvam kaccana tam gulam apaharite va chaddehi appanake va udake opilapehiti . evam bhanteti kho velattho kaccano bhagavato patissunitva tam gulam appanake udake opilapesi . Athakho so gulo udake pakkhitto ciccitayati citicitayati @Footnote: 1 Ma. Yu. gulanti patho yavadatthanti pathassa pacchimo. 2 Po. Ma. kolumbepi. @3 Si. yasseso.

--------------------------------------------------------------------------------------------- page85.

Sandhupayati sampadhupayati seyyathapi nama phalo divasam santatto udake pakkhitto ciccitayati citicitayati sandhupayati sampadhupayati evameva so gulo udake pakkhitto ciccitayati citicitayati sandhupayati sampadhupayati . athakho velattho kaccano samviggo lomahatthajato yena bhagava tenupasankami upasankamitva bhagavantam abhivadetva ekamantam nisidi. {65.4} Ekamantam nisinnassa kho velatthassa kaccanassa bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi . Yada bhagava annasi velattham kaccanam kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva velatthassa kaccanassa tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti. {65.5} Athakho velattho kaccano ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthu sasane bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va

--------------------------------------------------------------------------------------------- page86.

Telappajjotam dhareyya cakkhumanto rupani dakkhantiti 1- evamevam bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca upasakam mam bhagava dharetu ajjatagge panupetam saranam gatanti.


             The Pali Tipitaka in Roman Character Volume 5 page 82-86. http://84000.org/tipitaka/read/roman_item_s.php?book=5&item=65&items=1&pagebreak=1&modeTY=2              Classified by [Item Number] :- http://84000.org/tipitaka/read/roman_item_s.php?book=5&item=65&items=1&pagebreak=1&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=65&items=1&pagebreak=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=65&items=1&pagebreak=1&modeTY=2              Study Atthakatha :- http://84000.org/tipitaka/attha/attha.php?b=5&i=65              Contents of The Tipitaka Volume 5 http://84000.org/tipitaka/read/?index_5

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :