paliTIPITAKA Volume 5 - Vinaya Pitaka 5

[81] Tena kho pana samayena vesali subhikkha hoti susassa sulabhapinda sukara unchena paggahena yapetum . athakho bhagavato rahogatassa patisallinassa evam cetaso parivitakko udapadi yani tani maya bhikkhunam anunnatani dubbhikkhe dussasse dullabhapinde antovuttham antopakkam samampakkam uggahitapatiggahitakam tato nihatam purebhattam patiggahitam vanattham pokkharattham ajjapi nu kho tani bhikkhu paribhunjantiti. {81.1} Athakho bhagava sayanhasamayam patisallana vutthito ayasmantam anandam amantesi yani tani ananda maya bhikkhunam anunnatani dubbhikkhe dussasse dullabhapinde antovuttham antopakkam samampakkam uggahitapatiggahitakam tato nihatam purebhattam patiggahitam vanattham pokkharattham ajjapi nu kho tani bhikkhu paribhunjantiti. Paribhunjanti bhagavati. {81.2} Athakho bhagava etasmim nidane etasmim pakarane dhammim katham katva bhikkhu amantesi yani tani bhikkhave maya bhikkhunam anunnatani dubbhikkhe dussasse dullabhapinde antovuttham antopakkam samampakkam uggahitapatiggahitakam tato nihatam purebhattam patiggahitam vanattham pokkharattham tanaham ajjatagge patikkhipami na bhikkhave antovuttham antopakkam samampakkam

--------------------------------------------------------------------------------------------- page109.

Uggahitapatiggahitakam paribhunjitabbam yo paribhunjeyya apatti dukkatassa . na ca bhikkhave tato nihatam purebhattam patiggahitam vanattham pokkharattham bhuttavina pavaritena anatirittam paribhunjitabbam yo paribhunjeyya yathadhammo karetabbo. [82] Tena kho pana samayena janapada manussa bahum lonampi telampi tandulampi khadaniyampi sakatesu aropetva baharamakotthake sakataparivattam karitva acchanti yada patipatim labhissama tada bhattam karissamati . maha ca megho uggato hoti . athakho te manussa yenayasma anando tenupasankamimsu upasankamitva ayasmantam anandam etadavocum idha bhante ananda bahum lonampi telampi tandulampi khadaniyampi sakatesu aropita titthanti maha ca megho uggato katham nu kho bhante ananda patipajjitabbanti. {82.1} Athakho ayasma anando bhagavato etamattham arocesi. Tenahi ananda sangho paccantimam viharam kappiyabhumim sammannitva tattha vasetu yam sangho akankhati viharam va addhayogam va pasadam va hammiyam va guham va . evanca pana bhikkhave sammannitabbo. Byattena bhikkhuna patibalena sangho napetabbo {82.2} sunatu me bhante sangho yadi sanghassa pattakallam sangho itthannamam viharam kappiyabhumim sammanneyya. Esa natti. {82.3} Sunatu me bhante sangho sangho itthannamam viharam kappiyabhumim

--------------------------------------------------------------------------------------------- page110.

Sammannati . yassayasmato khamati itthannamassa viharassa kappiyabhumiya sammati so tunhassa yassa nakkhamati so bhaseyya . Sammato sanghena itthannamo viharo kappiyabhumi . khamati sanghassa tasma tunhi. Evametam dharayamiti. {82.4} Tena kho pana samayena manussa tattheva sammatikaya ^1- kappiyabhumiya yaguyo pacanti bhattani pacanti supani sappadenti mamsani kottenti katthani phalenti uccasaddam mahasaddam karonti . Assosi kho bhagava rattiya paccusasamayam paccutthaya uccasaddam mahasaddam kakoravasaddam sutvana ayasmantam anandam amantesi kinnu kho so ananda uccasaddo mahasaddo kakoravasaddoti . Etarahi bhante manussa tattheva sammatikaya ^2- kappiyabhumiya yaguyo pacanti bhattani pacanti supani sampadenti mamsani kottenti katthani phalenti so eso bhagava uccasaddo mahasaddo kakoravasaddoti . athakho bhagava etasmim nidane etasmim pakarane dhammim katham katva bhikkhu amantesi na bhikkhave sammatika ^3- kappiyabhumi paribhunjitabba yo paribhunjeyya apatti dukkatassa anujanami bhikkhave tisso kappiyabhumiyo ussavanantikam gonisadikam gahapatikanti. {82.5} Tena kho pana samayena ayasma yasojo gilano hoti. Tassatthaya bhesajjani ahariyanti . tani bhikkhu bahi vasenti ^4-. @Footnote: ¹ Po. sammataya. Si. Ma. Yu. sammutiya. ³ Po. sammata. Si. sammutika. @Ma. Yu. sammuti. ⁴ Ma. va thapenti. Yu. thapenti.

--------------------------------------------------------------------------------------------- page111.

Ukkapindakapi khadanti corapi haranti . bhagavato etamattham arocesum . anujanami bhikkhave sammatikam ^1- kappiyabhumim paribhunjitum. Anujanami bhikkhave catasso kappiyabhumiyo ussavanantikam gonisadikam gahapatikam sammatikanti.

The Pali Tipitaka in Roman Character Volume 5 page 108-111. http://84000.org/tipitaka/read/roman_item_s.php?book=5&item=81&items=2&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=5&item=81&items=2&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=81&items=2&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=81&items=2&pagebreak=1&modeTY=2 Study Atthakatha :- http://84000.org/tipitaka/attha/attha.php?b=5&i=81 The Pali Atthakatha in Thai :- http://84000.org/tipitaka/atthapali/read_th.php?B=3&A=4045 The Pali Atthakatha in Roman :- http://84000.org/tipitaka/atthapali/read_rm.php?B=3&A=4045 Contents of The Tipitaka Volume 5 http://84000.org/tipitaka/read/?index_5