paliTIPITAKA Volume 6 - Vinaya Pitaka 6

[446] Tena kho pana samayena annataro bhikkhu dve sanghadisesa apattiyo apanno hoti dvemasapaticchannayo . tassa etadahosi aham kho dve sanghadisesa apattiyo apajjim dvemasapaticchannayo yannunaham sangham ekissa apattiya dvemasapaticchannaya dvemasaparivasam yaceyyanti . so sangham ekissa apattiya dvemasapaticchannaya dvemasaparivasam yaci . tassa sangho ekissa apattiya dvemasapaticchannaya dvemasaparivasam adasi . tassa Parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham ekissa apattiya dvemasapaticchannaya dvemasaparivasam yaceyyanti soham sangham ekissa apattiya devamasapaticchannaya dvemasaparivasam yacim tassa me sangho ekissa apattiya dvemasapaticchannaya dvemasaparivasam adasi tassa me parivasantassa lajjidhammo okkami yannunaham sangham itarissapi apattiya dvemasapaticchannaya dvemasaparivasam yaceyyanti. {446.1} So bhikkhunam arocesi aham avuso dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham ekissa apattiya dvemasapaticchannaya dvemasaparivasam yaceyyanti soham sangham ekissa apattiya dvemasapaticchannaya dvemasaparivasam yacim tassa me sangho ekissa apattiya dvemasapaticchannaya dvemasaparivasam adasi tassa me parivasantassa lajjidhammo okkami aham kho dve sanghadisesa apattiyo apajjim dvemasapaticchannayo tassa me etadahosi aham kho dve sanghadisesa apattiyo apajjim dvemasapaticchannayo yannunaham sangham ekissa apattiya dvemasapaticchannaya Dvemasaparivasam yaceyyanti soham sangham ekissa apattiya dvemasapaticchannaya dvemasaparivasam yacim tassa me sangho ekissa apattiya dvemasapaticchannaya dvemasaparivasam adasi tassa me parivasantassa lajjidhammo okkami yannunaham sangham itarissapi apattiya dvemasapaticchannaya dvemasaparivasam yaceyyanti katham nu kho maya patipajjitabbanti . te bhikkhu bhagavato etamattham arocesum . tenahi bhikkhave sangho tassa bhikkhuno itarissapi apattiya dvemasapaticchannaya dvemasaparivasam detu.

The Pali Tipitaka in Roman Character Volume 6 page 222-224. http://84000.org/tipitaka/read/roman_item_s.php?book=6&item=446&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=6&item=446&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=6&item=446&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=6&item=446&items=1&modeTY=2 Study Atthakatha :- http://84000.org/tipitaka/attha/attha.php?b=6&i=446 Contents of The Tipitaka Volume 6 http://84000.org/tipitaka/read/?index_6