paliTIPITAKA Volume 7 - Vinaya Pitaka 7

[241] Tena kho pana samayena anathapindiko gahapati rajagahakassa setthissa bhaginipatiko hoti . athakho anathapindiko gahapati rajagaham agamasi kenacideva karaniyena. [242] Tena kho pana samayena rajagahakena setthina svatanaya buddhappamukho sangho nimantito hoti . athakho rajagahako setthi dase ca kammakare ca anapesi tenahi bhane kalasseva utthaya yaguyo pacatha bhattani pacatha supani sampadetha uttaribhangani sampadethati. [243] Athakho anathapindikassa gahapatissa etadahosi pubbe @Footnote: ¹ Ma. Yu. anunnatam kim ananunnatam. ² Ma. pathamabhanavaro nitthito. ito param @idisameva yojetabbam. Khvayam gahapati mayi agate sabbakiccani nikkhipitva mamanneva saddhim patisammodi sodanayam vikkhittarupo dase ca kammakare ca anapesi ^1- tenahi bhane kalasseva utthaya yaguyo pacatha bhattani pacatha supani sampadetha uttaribhangani sampadethati kinnu kho imassa gahapatissa avaho va bhavissati vivaho va bhavissati mahayanno va paccupatthito raja va magadho seniyo bimbisaro nimantito svatanaya saddhim balanikayenati ^2-. [244] Athakho rajagahako setthi dase ca kammakare ca anapetva yena anathapindiko gahapati tenupasankami upasankamitva anathapindikena gahapatina saddhim patisammoditva ekamantam nisidi . ekamantam nisinnam kho rajagahakam setthim anathapindiko gahapati etadavoca pubbe kho tvam gahapati mayi agate sabbakiccani nikkhipitva mamanneva saddhim patisammodasi sodani tvam vikkhittarupo dase ca kammakare ca anapesi tenahi bhane kalasseva utthaya yaguyo pacatha bhattani pacatha supani sampadetha uttaribhangani sampadethati kinnu kho te gahapati avaho va bhavissati vivaho va bhavissati mahayanno va paccupatthito raja va magadho seniyo bimbisaro nimantito svatanaya saddhim balanikayenati ^2- . na me kho ^3- gahapati @Footnote: ¹ Yu. anapeti. ² Ma. Yu. balakayenati. ³ Ma. Yu. khosaddo na dissati. Avaho va ^1- bhavissati napi ^2- vivaho va ^1- bhavissati napi ^2- raja magadho seniyo bimbisaro nimantito svatanaya saddhim balanikayena ^3- apica me mahayanno paccupatthito svatanaya buddhappamukho sangho nimantitoti . buddhoti tvam gahapati vadesiti . Buddhotaham ^4- gahapati vadamiti . buddhoti tvam gahapati vadesiti . Buddhotaham ^4- gahapati vadamiti . buddhoti tvam gahapati vadesiti . Buddhotaham ^4- gahapati vadamiti . ghosopi kho eso gahapati dullabho lokasmim yadidam buddhoti ^5- . sakka nu kho gahapati imam kalam tam bhagavantam dassanaya upasankamitum arahantam sammasambuddhanti . Akalo kho gahapati imam kalam tam bhagavantam dassanaya upasankamitum arahantam sammasambuddham svedani tvam kalena tam bhagavantam dassanaya upasankamissasi arahantam sammasambuddhanti. [245] Athakho anathapindiko gahapati svedanaham kalena tam bhagavantam dassanaya upasankamissami arahantam sammasambuddhanti buddhagataya satiya nipajji ^6- rattiya sudam tikkhattum utthasi pabhatam mannamano . athakho anathapindiko gahapati yena sitavanadvaram ^7- tenupasankami . amanussa dvaram vivarimsu . athakho anathapindikassa gahapatissa nagaramha nikkhamantassa aloko antaradhayi . @Footnote: ¹ Ma. Yu. vasaddo sabbattha na dissati. ² Ma. Yu. napi. ³ Ma. Yu. balakayena. @⁴ Ma. buddhotyaham. ⁵ Ma. Yu. yadidam buddho buddhoti. ⁶ Ma. Yu. nipajjitva. @⁷ Ma. sivagadvaram. Andhakaro paturahosi . bhayam chambhitattam lomahamso udapadi . Tato va nivattitukamo ahosi. [246] Athakho sivako yakkho antarahito saddamanussavesi satam hatthi satam assa satam assatariratha satam kanna sahassani amuttamanikundala ^1- ekassa padavitiharassa kalam nagghanti solasim ^2-. Abhikkama gahapati abhikkama gahapati abhikkantante seyyo no patikkantanti. [247] Athakho anathapindikassa gahapatissa andhakaro antaradhayi . aloko paturahosi . yam ahosi bhayam chambhitattam lomahamso so patippassambhi . dutiyampi kho .pe. tatiyampi kho anathapindikassa gahapatissa aloko antaradhayi . andhakaro paturahosi . bhayam chambhitattam lomahamso udapadi . tato va puna nivattitukamo ahosi . tatiyampi kho sivako yakkho antarahito saddamanussavesi satam hatthi satam assa satam assatariratha satam kanna sahassani amuttamanikundala ^1- ekassa padavitiharassa kalam nagghanti solasim ^2-. Abhikkama gahapati abhikkama gahapati abhikkantante seyyo no patikkantanti . tatiyampi kho anathapindikassa gahapatissa andhakaro @Footnote: ¹ Ma. amukkamanikundala. ² Ma. solasinti. Antaradhayi . aloko paturahosi . yam ahosi bhayam chambhitattam lomahamso so patippassambhi . athakho anathapindiko gahapati yena sitavanam tenupasankami. [248] Tena kho pana samayena bhagava rattiya paccusasamayam paccutthaya ajjhokase cankamati . addasa kho bhagava tam ^1- anathapindikam gahapatim durato va agacchantam disvana cankama orohitva pannatte asane nisidi . nisajja kho bhagava anathapindikam gahapatim etadavoca ehi sudattati . athakho anathapindiko gahapati namena mam bhagava alapatiti hattho udaggo yena bhagava tenupasankami upasankamitva bhagavato padesu sirasa nipatitva bhagavantam etadavoca kacci bhante bhagava sukham sayitthati. [249] Sabbada ve sukham seti brahmano parinibbuto yo na limpati kamesu sitibhuto nirupadhi. Sabba asattiyo chetva vineyya hadaye daram upasanto sukham seti santim pappuyya ^2- cetasoti. [250] Athakho bhagava anathapindikassa gahapatissa anupubbikatham kathesi . seyyathidam . danakatham silakatham saggakatham kamanam adinavam okaram sankilesam nekkhamme anisamsam pakasesi . @Footnote: ¹ Ma. Yu. ayam tamsaddo na dissati. ² Yu. appuyya. Yada bhagava annasi anathapindikam gahapatim kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi dukkham samudayam nirodham maggam . seyyathapi nama suddham vattham apagatakalakam sammadeva rajanam patigganheyya evameva anathapindikassa gahapatissa tasmimyeva asane virajam vitamalam dhammacakkhum udapadi yankinci samudayadhammam sabbantam nirodhadhammanti.

The Pali Tipitaka in Roman Character Volume 7 page 102-107. http://84000.org/tipitaka/read/roman_item_s.php?book=7&item=241&items=10&modeTY=2 Classified by [Item Number] :- http://84000.org/tipitaka/read/roman_item_s.php?book=7&item=241&items=10&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=241&items=10&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=241&items=10&modeTY=2 Study Atthakatha :- http://84000.org/tipitaka/attha/attha.php?b=7&i=241 The Pali Atthakatha in Thai :- http://84000.org/tipitaka/atthapali/read_th.php?B=3&A=7362 The Pali Atthakatha in Roman :- http://84000.org/tipitaka/atthapali/read_rm.php?B=3&A=7362 Contents of The Tipitaka Volume 7 http://84000.org/tipitaka/read/?index_7