ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)
     [538]  Tena kho pana samayena ayasma udayi 3- ovadam thapetva
@Footnote: 1 Yu. uposatho. 2 Ma. Yu. vupasantam hotiti. 3 Ma. udayi.

--------------------------------------------------------------------------------------------- page339.

Carikam pakkami . bhikkhuniyo ujjhayanti khiyanti vipacenti katham hi nama ayyo udayi ovadam thapetva carikam pakkamissatiti .pe. Bhagavato etamattham arocesum .pe. na bhikkhave ovadam thapetva carikam pakkamitabbam 1- yo pakkameyya apatti dukkatassati. [539] Tena kho pana samayena bhikkhu 2- bala abyatta ovadam thapenti .pe. bhagavato etamattham arocesum .pe. na bhikkhave balena abyattena ovado thapetabbo yo thapeyya apatti dukkatassati. [540] Tena kho pana samayena bhikkhu avatthusmim akarane ovadam thapenti .pe. bhagavato etamattham arocesum .pe. Na bhikkhave avatthusmim akarane ovado thapetabbo yo thapeyya apatti dukkatassati. [541] Tena kho pana samayena bhikkhu ovadam thapetva vinicchayam na denti . bhagavato etamattham arocesum . na bhikkhave ovadam thapetva vinicchayo na databbo yo na dadeyya apatti dukkatassati. [542] Tena kho pana samayena bhikkhuniyo ovadam na gacchanti. Bhagavato etamattham arocesum . na bhikkhave bhikkhuniya ovado @Footnote: 1 Ma. Yu. carika pakkamitabba. 2 Ma. Yu. bhikkhuti patho natthi.

--------------------------------------------------------------------------------------------- page340.

Na gantabbo ya na gaccheyya yathadhammo karetabboti. [543] Tena kho pana samayena sabbo bhikkhunisangho ovadam gacchati . manussa ujjhayanti khiyanti vipacenti jayayo ima imesam jariyo ima imesam idani ime imahi saddhim abhiramissantiti . bhagavato etamattham arocesum . na bhikkhave sabbena bhikkhunisanghena ovado gantabbo gaccheyya ce apatti dukkatassa anujanami bhikkhave catuhi pancahi bhikkhunihi ovadam gantunti. [544] Tena kho pana samayena catasso panca bhikkhuniyo ovadam gacchanti . manussa tatheva ujjhayanti khiyanti vipacenti jayayo ima imesam jariyo ima imesam idani ime imahi saddhim abhiramissantiti. Bhagavato etamattham arocesum. {544.1} Na bhikkhave catuhi pancahi bhikkhunihi ovado gantabbo gaccheyyum ce 1- apatti dukkatassa anujanami bhikkhave dvihi tihi bhikkhunihi 2- ovadam gantum. Ekam bhikkhum upasankamitva ekamsam uttarasangam karitva pade vanditva ukkutikam nisiditva anjalim paggahetva evamassa vacaniyo bhikkhunisangho ayya bhikkhusanghassa pade vandati ovadupasankamananca yacati labhatu kira ayya bhikkhunisangho ovadupasankamananti . tena bhikkhuna patimokkhuddesako upasankamitva evamassa vacaniyo bhikkhunisangho bhante bhikkhusanghassa pade vandati @Footnote: 1 Yu. gaccheyyunceva. 2 Ma. dve tisso bhikkhuniyo. Yu. dve tisso @bhikkhunihi.

--------------------------------------------------------------------------------------------- page341.

Ovadupasankamananca yacati labhatu kira bhante bhikkhunisangho ovadupasankamananti . patimokkhuddesakena vattabbo atthi koci bhikkhu bhikkhunovadako sammatoti . sace hoti koci bhikkhu bhikkhunovadako sammato patimokkhuddesakena vattabbo itthannamo bhikkhu bhikkhunovadako sammato tam bhikkhunisangho upasankamatuti . sace na hoti koci bhikkhu bhikkhunovadako sammato patimokkhuddesakena vattabbo ko ayasma ussahati bhikkhuniyo ovaditunti . sace koci ussahati bhikkhuniyo ovaditum so ca hoti atthahangehi samannagato sammannitva vattabbo itthannamo bhikkhu bhikkhunovadako sammato tam bhikkhunisangho upasankamatuti . sace na koci ussahati bhikkhuniyo ovaditum patimokkhuddesakena vattabbo natthi koci bhikkhu bhikkhunovadako sammato pasadikena bhikkhunisangho sampadetuti. [545] Tena kho pana samayena bhikkhu ovadam na ganhanti .pe. Bhagavato etamattham arocesum .pe. na bhikkhave ovado na gahetabbo yo na ganheyya apatti dukkatassati. [546] Tena kho pana samayena annataro bhikkhu balo hoti . tam bhikkhuniyo upasankamitva etadavocum ovadam ayya ganhahiti . ahamhi bhagini balo kathaham ovadam ganhamiti .

--------------------------------------------------------------------------------------------- page342.

Ganhahayya ovadam evam hi bhagavata pannattam bhikkhuhi bhikkhuninam ovado gahetabboti . bhagavato etamattham arocesum . Anujanami bhikkhave thapetva balam avasesehi ovadam gahetunti. [547] Tena kho pana samayena annataro bhikkhu gilano hoti . tam bhikkhuniyo upasankamitva etadavocum ovadam ayya ganhahiti . ahamhi bhagini gilano kathaham ovadam ganhamiti . Ganhahayya ovadam evam hi bhagavata pannattam thapetva balam avasesehi ovado gahetabboti . bhagavato etamattham arocesum . anujanami bhikkhave thapetva balam thapetva gilanam avasesehi ovadam gahetunti. [548] Tena kho pana samayena annataro bhikkhu gamiko hoti . tam bhikkhuniyo upasankamitva etadavocum ovadam ayya ganhahiti . ahamhi bhagini gamiko kathaham ovadam ganhamiti . Ganhahayya ovadam evam hi bhagavata pannattam thapetva balam thapetva gilanam avasesehi ovado gahetabboti . bhagavato etamattham arocesum .pe. anujanami bhikkhave thapetva balam thapetva gilanam thapetva gamikam avasesehi ovadam gahetunti. [549] Tena kho pana samayena annataro bhikkhu aranne viharati . tam bhikkhuniyo upasankamitva etadavocum ovadam ayya ganhahiti . aham hi bhagini aranne viharami kathaham

--------------------------------------------------------------------------------------------- page343.

Ovadam ganhamiti . ganhahayya ovadam evam hi bhagavata pannattam thapetva balam thapetva gilanam thapetva gamikam avasesehi ovado gahetabboti . bhagavato etamattham arocesum . Anujanami bhikkhave arannakena bhikkhuna ovadam gahetum sanketanca katum atra patiharissamiti. [550] Tena kho pana samayena bhikkhu ovadam gahetva na arocenti. Bhagavato etamattham arocesum .pe. Na bhikkhave ovado na arocetabbo yo na aroceyya apatti dukkatassati. [551] Tena kho pana samayena bhikkhu ovadam gahetva na paccaharanti .pe. Bhagavato etamattham arocesum. Na bhikkhave ovado na paccaharitabbo yo na paccahareyya apatti dukkatassati. [552] Tena kho pana samayena bhikkhuniyo sanketam na gacchanti. Bhagavato etamattham arocesum . na bhikkhave bhikkhuniya sanketam na gantabbam ya na gaccheyya apatti dukkatassati.


             The Pali Tipitaka in Roman Character Volume 7 page 338-343. http://84000.org/tipitaka/read/roman_item_s.php?book=7&item=538&items=15&pagebreak=1&modeTY=2&mode=bracket              Classified by content :- http://84000.org/tipitaka/read/roman_item_s.php?book=7&item=538&items=15&pagebreak=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=538&items=15&pagebreak=1&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=538&items=15&pagebreak=1&modeTY=2&mode=bracket              Study Atthakatha :- http://84000.org/tipitaka/attha/attha.php?b=7&i=538              Contents of The Tipitaka Volume 7 http://84000.org/tipitaka/read/?index_7

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :