PaliRoman Vol.1

Ime kho panayasmanto terasa sanghadisesa dhamma uddesam agacchanti. Pathamasanghadisesam [301] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma seyyasako anabhirato brahmacariyam carati . so tena kiso hoti lukho dubbanno uppanduppandukajato dhamanisanthatagatto . addasa kho ayasma udayi ayasmantam seyyasakam kisam lukham dubbannam uppanduppandukajatam dhamanisanthatagattam disvana ayasmantam seyyasakam etadavoca kissa tvam avuso seyyasaka kiso lukho dubbanno uppanduppandukajato dhamanisanthatagatto kacci no tvam avuso seyyasaka anabhirato brahmacariyam carasiti . evamavusoti . tenahi tvam avuso seyyasaka yavadattham bhunja yavadattham supa yavadattham nahaya yavadattham bhunjitva yavadattham supitva yavadattham nahayitva yada te anabhirati uppajjati rago cittam anuddhamseti tada hatthena upakkamitva asucim mocehiti . kinnu kho avuso kappati evarupam katunti. Amavuso ahampi evarupam ^1- karomiti. {301.1} Athakho ayasma seyyasako yavadattham bhunji yavadattham supi yavadattham nahayi yavadattham bhunjitva yavadattham supitva yavadattham nahayitva yada anabhirati uppajjati rago cittam anuddhamseti tada hatthena upakkamitva asucim @Footnote: ¹ Yu. Ma. evam. Moceti ^1- . athakho ayasma seyyasako aparena samayena vannava ahosi pinindriyo pasannamukhavanno vippasannacchavivanno . athakho ayasmato seyyasakassa sahayaka bhikkhu ayasmantam seyyasakam etadavocum pubbe kho tvam avuso seyyasaka kiso ahosi lukho dubbanno uppanduppandukajato dhamanisanthatagatto sodani tvam etarahi vannava pinindriyo pasannamukhavanno vippasannacchavivanno kinnu kho tvam avuso seyyasaka bhesajjam karositi . na kho aham avuso bhesajjam karomi apicaham yavadattham bhunjami yavadattham supami yavadattham nahayami yavadattham bhunjitva yavadattham supitva yavadattham nahayitva yada me anabhirati uppajjati rago cittam anuddhamseti tada hatthena upakkamitva asucim mocemiti . kim pana tvam avuso seyyasaka yeneva hatthena saddhadeyyam bhunjasi teneva hatthena upakkamitva asucim mocesiti . evamavusoti . ye te bhikkhu appiccha .pe. te ujjhayanti khiyanti vipacenti katham hi nama ayasma seyyasako hatthena upakkamitva asucim mocessatiti. {301.2} Athakho te bhikkhu ayasmantam seyyasakam anekapariyayena vigarahitva bhagavato etamattham arocesum . athakho bhagava etasmim nidane etasmim pakarane bhikkhusangham sannipatapetva ayasmantam seyyasakam patipucchi saccam kira tvam seyyasaka hatthena upakkamitva asucim mocesiti. Saccam @Footnote: ¹ Yu. Ma. mocesi. Bhagavati . vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tvam moghapurisa hatthena upakkamitva asucim mocessasi nanu maya moghapurisa anekapariyayena viragaya dhammo desito no saragaya visamyogaya dhammo desito no samyogaya anupadanaya dhammo desito no saupadanaya tattha nama tvam moghapurisa maya viragaya dhamme desite saragaya cetessasi visamyogaya dhamme desite samyogaya cetessasi anupadanaya dhamme desite saupadanaya cetessasi nanu maya moghapurisa anekapariyayena ragaviragaya dhammo desito madanimmadanaya pipasavinayaya alayasamugghataya vattupacchedaya tanhakkhayaya viragaya nirodhaya nibbanaya dhammo desito nanu maya moghapurisa anekapariyayena kamanam pahanam akkhatam kamasannanam parinna akkhata kamapipasanam pativinayo akkhato kamavitakkanam samugghato akkhato kamaparilahanam vupasamo akkhato netam moghapurisa appasannanam va pasadaya pasannanam va bhiyyobhavaya athakhvetam moghapurisa appasannananceva appasadaya pasannananca ekaccanam annathattayati . athakho bhagava ayasmantam seyyasakam anekapariyayena vigarahitva dubbharataya dupposataya .pe. Evanca pana bhikkhave imam sikkhapadam uddiseyyatha {301.3} sancetanika sukkavisatthi sanghadisesoti. {301.4} Evancidam bhagavata bhikkhunam sikkhapadam pannattam hoti. [302] Tena kho pana samayena bhikkhu panitani bhojanani bhinjitva mutthassati asampajana niddam okkamanti . tesam mutthassatinam asampajananam niddam okkamantanam supinantena asuci muccati . Tesam kukkuccam ahosi bhagavata sikkhapadam pannattam sancetanika sukkavisatthi sanghadisesoti amhakanca supinantena asuci muccati ^1- atthi cettha cetana upalabbhati ^2- kacci nu kho mayam sanghadisesam apattim apannati . bhagavato etamattham arocesum . atthesa bhikkhave cetana sa ca kho abboharikati . athakho bhagava etasmim nidane etasmim pakarane dhammim katham katva bhikkhu amantesi .pe. Evanca pana bhikkhave imam sikkhapadam uddiseyyatha {302.1} sancetanika sukkavisatthi annatra supinanta sanghadisesoti. [303] Sancetanikati jananto sanjananto cecca abhivitaritva vitikkamo . sukkanti dasa sukkani nilam pitakam lohitakam odatam takkavannam dakavannam telavannam khiravannam dadhivannam sappivannam . Visatthiti thana ^3- cavana vuccati visatthiti . annatra supinantati thapetva supinantam . sanghadisesoti sangho va tassa apattiya parivasam deti mulaya patikassati manattam deti abbheti na sambahula na ekapuggalo tena vuccati sanghadisesoti . Tasseva apattinikayassa namakammam adhivacanam tenapi vuccati sanghadisesoti. @Footnote: ¹ Yu. mucci. ² Yu. Ma. labbhati. ³ Yu. Ma. thanato. [304] Ajjhattarupe moceti bahiddharupe moceti ajjhattabahiddharupe moceti akase katim kampento moceti ragupatthambhe moceti vaccupatthambhe moceti passavupatthambhe moceti vatupatthambhe moceti uccalingapanakadatthupatthambhe moceti arogyatthaya moceti sukhatthaya moceti bhesajjatthaya moceti danatthaya moceti punnatthaya moceti yannatthaya moceti saggatthaya moceti vijatthaya moceti vimamsatthaya moceti davatthaya moceti nilam moceti pitakam moceti lohitakam moceti odatam moceti takkavannam moceti dakavannam moceti telavannam moceti khiravannam moceti dadhivannam moceti sappivannam moceti. [305] Ajjhattarupeti ajjhattam upadinnarupe . bahiddharupeti bahiddha upadinne va anupadinne va . ajjhattabahiddharupeti tadubhaye . akase katim kampentoti akase vayamantassa angajatam kammaniyam hoti . ragupatthambheti ragena pilitassa angajatam kammaniyam hoti . vaccupatthambheti vaccena pilitassa angajatam kammaniyam hoti . Passavupatthambheti passavena pilitassa angajatam kammaniyam hoti . Vatupatthambheti vatena pilitassa angajatam kammaniyam hoti. Uccalinga- panakadatthupatthambheti uccalingapanakadatthena pilitassa angajatam kammaniyam hoti . arogyatthayati arogo bhavissamiti . Sukhatthayati sukham vedanam uppadessamiti . bhesajjatthayati bhesajjam bhavissatiti . Danatthayati danam dassamiti . punnatthayati punnam bhavissatiti . Yannatthayati yannam yajissamiti . saggatthayati saggam gamissamiti . Vijatthayati vijam bhavissatiti . vimamsatthayati vimamsissami ^1- nilam bhavissati pitakam bhavissati lohitakam bhavissati odatam bhavissati .pe. Sappivannam bhavissatiti. Davatthayati khiddadhippayo.

The Pali Tipitaka in Roman Character Volume 1 page 221-226. https://84000.org/tipitaka/read/roman_read.php?B=1&A=4348&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=4348&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=301&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=34 Study Atthakatha :- https://84000.org/tipitaka/attha/attha.php?b=1&i=301 The Pali Atthakatha in Thai :- https://84000.org/tipitaka/atthapali/read_th.php?B=2&A=1 The Pali Atthakatha in Roman :- https://84000.org/tipitaka/atthapali/read_rm.php?B=2&A=1 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1