ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)

                                  Dasamasanghadisesam
     [592]  Tena  samayena  buddho  bhagava  rajagahe  viharati veluvane
kalandakanivape  .  athakho  devadatto  yena  kokaliko  katamorakatissako
khandadeviya     putto     samuddadatto    tenupasankami    upasankamitva
kokalikam   katamorakatissakam   khandadeviya   puttam   samuddadattam  etadavoca
etha  mayam  avuso  samanassa  gotamassa  sanghabhedam karissama cakkabhedanti.
Evam    vutte    kokaliko    devadattam    etadavoca   samano   kho
avuso   gotamo   mahiddhiko  mahanubhavo  katham  mayam  samanassa  gotamassa
sanghabhedam   karissama  cakkabhedanti  .  etha  mayam  avuso  samanam  gotamam
upasankamitva   panca  vatthuni  yacissama  bhagava  bhante  anekapariyayena
appicchassa   santutthassa   sallekhassa   dhutassa   pasadikassa  appaccayassa
viriyarambhassa   vannavadi   imani  bhante  panca  vatthuni  anekapariyayena
appicchataya  santutthataya  1-  sallekhaya  dhutaya  2-  pasadikaya  3-
viriyarambhaya   samvattanti  sadhu  bhante  bhikkhu  yavajivam  arannaka  assu
yo   gamantam   osareyya   vajjam   nam   phuseyya  yavajivam  pindapatika
assu   yo   nimantanam  sadiyeyya  vajjam  nam  phuseyya  yavajivam  pamsukulika
assu    yo   gahapaticivaram   sadiyeyya   vajjam   nam   phuseyya   yavajivam
rukkhamulika   assu   yo  channam  upagaccheyya  vajjam  nam  phuseyya  yavajivam
@Footnote: 1 Yu. Ma. santutthiya. 2 Yu. Ma. dhuttaya. 3 Yu. Ma. pasadikataya.
Macchamamsam   na   khadeyyum   yo  macchamamsam  khadeyya  vajjam  nam  phuseyyati
imani   samano   gotamo   nanujanissati   te   mayam   imehi   pancahi
vatthuhi   janam   sannapessamati   .   sakka   kho   avuso   imehi
pancahi   vatthuhi  samanassa  gotamassa  sanghabhedam  1-  katum  cakkabhedam  2-
lukhappasanna hi avuso manussati.
     [593]   Athakho   devadatto  sapariso  yena  bhagava  tenupasankami
upasankamitva   bhagavantam   abhivadetva   ekamantam  nisidimsu  .  ekamantam
nisinno  kho  devadatto  bhagavantam etadavoca bhagava bhante anekapariyayena
appicchassa   santutthassa   sallekhassa   dhutassa   pasadikassa  appaccayassa
viriyarambhassa   vannavadi   imani  bhante  panca  vatthuni  anekapariyayena
appicchataya     santutthataya     sallekhaya     dhutaya     pasadikaya
appaccayaya     viriyarambhaya     samvattanti    sadhu    bhante    bhikkhu
yavajivam   arannaka  assu  yo  gamantam  osareyya  vajjam  nam  phuseyya
yavajivam   pindapatika   assu   yo   nimantanam   sadiyeyya   vajjam   nam
phuseyya   yavajivam   pamsukulika   assu  yo  gahapaticivaram  sadiyeyya  vajjam
nam   phuseyya   yavajivam  rukkhamulika  assu  yo  channam  upagaccheyya  vajjam
nam   phuseyya   yavajivam   macchamamsam  na  khadeyyum  yo  macchamamsam  khadeyya
vajjam   nam   phuseyyati   .   alam   devadatta   yo  icchati  arannako
hotu   yo   icchati   gamante  viharatu  yo  icchati  pindapatiko  hotu
@Footnote: 1 Yu. Ma. sanghabhedo. 2 Yu. Ma. cakkabhedo.
Yo   icchati   nimantanam   sadiyatu   yo   icchati   pamsukuliko  hotu  yo
icchati    gahapaticivaram    sadiyatu    atthamase   kho   maya   devadatta
rukkhamulasenasanam     anunnatam     tikotiparisuddham     macchamamsam     adittham
assutam aparisankitanti.
     [594]   Athakho   devadatto   na   bhagava  imani  panca  vatthuni
anujanatiti    hattho    udaggo    sapariso    utthayasana   bhagavantam
abhivadetva  padakkhinam  katva  pakkami  .  athakho devadatto sapariso 1-
rajagaham   pavisitva   pancahi   vatthuhi   janam   sannapesi   mayam  avuso
samanam   gotamam   upasankamitva   panca   vatthuni  yacimha  bhagava  bhante
anekapariyayena   appicchassa  santutthassa  sallekhassa  dhutassa  pasadikassa
appaccayassa     viriyarambhassa    vannavadi    imani    bhante    panca
vatthuni   anekapariyayena   appicchataya   santutthataya  sallekhaya  dhutaya
pasadikaya    appaccayaya    viriyarambhaya   samvattanti   sadhu   bhante
bhikkhu   yavajivam   arannaka   assu  yo  gamantam  osareyya  vajjam  nam
phuseyya    yavajivam    pindapatika   assu   yo   nimantanam   sadiyeyya
vajjam    nam    phuseyya   yavajivam   pamsukulika   assu   yo   gahapaticivaram
sadiyeyya   vajjam   nam   phuseyya  yavajivam  rukkhamulika  assu  yo  channam
upagaccheyya   vajjam   nam   phuseyya  yavajivam  macchamamsam  na  khadeyyum  yo
macchamamsam   khadeyya   vajjam   nam   phuseyyati   imani   samano  gotamo
@Footnote: 1 Yu. Ma. potthakesu ayam patho na hoti.
Nanujanati te mayam imehi pancahi vatthuhi samadaya vattamati.
     [595]  Tattha  ye  te  manussa  assaddha  appasanna dubbuddhino
te   evamahamsu   ime  kho  samana  sakyaputtiya  dhuta  sallekhavuttino
samano   pana   gotamo   bahulliko  bahullaya  cetetiti  .  ye  pana
te   manussa   saddha   pasanna   pandita  buddhimanto  te  ujjhayanti
khiyanti   vipacenti   katham   hi   nama  devadatto  bhagavato  sanghabhedaya
parakkamissati   cakkabhedayati   .   assosum  kho  bhikkhu  tesam  manussanam
ujjhayantanam   khiyantanam   vipacentanam   .  ye  te  bhikkhu  appiccha
.pe.   te   ujjhayanti  khiyanti  vipacenti  katham  hi  nama  devadatto
sanghabhedaya parakkamissati cakkabhedayati.
     {595.1}  Athakho  te  bhikkhu bhagavato etamattham arocesum. Athakho
bhagava   etasmim  nidane  etasmim  pakarane  bhikkhusangham  sannipatapetva
devadattam   patipucchi   saccam   kira  tvam  devadatta  sanghabhedaya  parakkamasi
cakkabhedayati  .  saccam  bhagavati  .  vigarahi  buddho  bhagava  ananucchavikam
moghapurisa  .pe.  katham  hi  nama  tvam  moghapurisa  sanghabhedaya parakkamissasi
cakkabhedaya   netam   moghapurisa   appasannanam   va   pasadaya   .pe.
Evanca pana bhikkhave imam sikkhapadam uddiseyyatha
     {595.2}    yo    pana   bhikkhu   samaggassa   sanghassa   bhedaya
parakkameyya    bhedanasamvattanikam    va    adhikaranam    samadaya   paggayha
tittheyya   so   bhikkhu   bhikkhuhi   evamassa   vacaniyo   ma   ayasma
samaggassa      sanghassa      bhedaya      parakkami      bhedanasamvattanikam
Va   adhikaranam   samadaya   paggayha   atthasi   sametayasma   sanghena
samaggo   hi   sangho   sammodamano   avivadamano   ekuddeso  phasu
viharatiti  .  evanca  so  bhikkhu  bhikkhuhi  vuccamano  tatheva  pagganheyya
so   bhikkhu   bhikkhuhi   yavatatiyam  samanubhasitabbo  tassa  patinissaggaya .
Yavatatiyance    samanubhasiyamano   tam   patinissajjeyya   iccetam   kusalam
no ce patinissajjeyya sanghadisesoti.
     [596]  Yo  panati  yo  yadiso  .pe. Bhikkhuti .pe. Ayam imasmim
atthe   adhippeto   bhikkhuti   .  samaggo  nama  sangho  samanasamvasako
samanasimaya  thito  .  bhedaya  parakkameyyati  katham  ime  nana  assu
vina  assu  vagga  assuti  pakkham  pariyesati  ganam bandhati. Bhedanasamvattanikam
va   adhikarananti   attharasabhedakaravatthuni   .   samadayati  adaya .
Paggayhati dipeyya. Tittheyyati nappatinissajjeyya.
     [597]   So   bhikkhuti  yo  so  sanghabhedako  bhikkhu  .  bhikkhuhiti
annehi   bhikkhuhi   .   ye  passanti  ye  sunanti  tehi  vattabbo  ma
ayasma   samaggassa   sanghassa   bhedaya   parakkami  bhedanasamvattanikam  va
adhikaranam   samadaya   paggayha   atthasi  sametayasma  sanghena  samaggo
hi   sangho   sammodamano  avivadamano  ekuddeso  phasu  viharatiti .
Dutiyampi   vattabbo   tatiyampi  vattabbo  .  sace  patinissajjati  iccetam
kusalam   no   ce   patinissajjati   apatti   dukkatassa   .   sutva  na
Vadanti   apatti   dukkatassa   .   so   bhikkhu  sanghamajjhampi  akaddhitva
vattabbo   ma   ayasma  samaggassa  sanghassa  bhedaya  parakkami  bhedana
samvattanikam   va   adhikaranam   samadaya   paggayha   atthasi  sametayasma
sanghena  samaggo  hi  sangho  sammodamano  avivadamano ekuddeso phasu
viharatiti  .  dutiyampi  vattabbo  tatiyampi  vattabbo  .  sace patinissajjati
iccetam kusalam no ce patinissajjati apatti dukkatassa.
     [598]   So   bhikkhu   samanubhasitabbo  .  evanca  pana  bhikkhave
samanubhasitabbo. Byattena bhikkhuna patibalena sangho napetabbo
     {598.1}   sunatu   me  bhante  sangho  ayam  itthannamo  bhikkhu
samaggassa  sanghassa  bhedaya  parakkamati  .  so  tam vatthum nappatinissajjati.
Yadi    sanghassa   pattakallam   sangho   itthannamam   bhikkhum   samanubhaseyya
tassa vatthussa patinissaggaya. Esa natti.
     {598.2}  Sunatu  me bhante sangho ayam itthannamo bhikkhu samaggassa
sanghassa  bhedaya  parakkamati  .  so  tam  vatthum  nappatinissajjati . Sangho
itthannamam    bhikkhum    samanubhasati   tassa   vatthussa   patinissaggaya  .
Yassayasmato    khamati    itthannamassa    bhikkhuno   samanubhasana   tassa
vatthussa patinissaggaya so tunhassa yassa nakkhamati so bhaseyya.
     {598.3} Dutiyampi etamattham vadami .pe. Tatiyampi etamattham vadami.
Sunatu   me  bhante  sangho  ayam  itthannamo  bhikkhu  samaggassa  sanghassa
bhedaya   parakkamati   .   so   tam   vatthum   nappatinissajjati  .  sangho
itthannamam    bhikkhum    samanubhasati   tassa   vatthussa   patinissaggaya  .
Yassayasmato    khamati    itthannamassa    bhikkhuno   samanubhasana   tassa
vatthussa patinissaggaya so tunhassa yassa nakkhamati so bhaseyya.
     {598.4}  Samanubhattho  sanghena  itthannamo  bhikkhu  tassa  vatthussa
patinissaggaya. Khamati sanghassa tasma tunhi. Evametam dharayamiti.
     [599]    Nattiya    dukkatam    dvihi   kammavacahi   thullaccaya
kammavacapariyosane apatti sanghadisesassa. Sanghadisesam ajjhapajjantassa
nattiya   dukkatam   dvihi   kammavacahi   thullaccaya   patippassambhanti .
Sanghadisesoti .pe. Tenapi vuccati sanghadisesoti.
     [600]    Dhammakamme    dhammakammasanni   nappatinissajjati   apatti
sanghadisesassa    .   dhammakamme   vematiko   nappatinissajjati   apatti
sanghadisesassa     .    dhammakamme    adhammakammasanni    nappatinissajjati
apatti    sanghadisesassa    .   adhammakamme   dhammakammasanni   apatti
dukkatassa  .  adhammakamme  vematiko  apatti  dukkatassa  .  adhammakamme
adhammakammasanni apatti dukkatassa.
     [601]  Anapatti  asamanubhasantassa patinissajjantassa ummattakassa 1-
adikammikassati.
                               Dasamasanghadisesam nitthitam.
                                         --------------
@Footnote: 1 ito param yuropiyapotthakeyeva khittacittassa vedanattassati dissati.



             The Pali Tipitaka in Roman Character Volume 1 page 398-404. https://84000.org/tipitaka/read/roman_read.php?B=1&A=7872&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=7872&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=1&item=592&items=10              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=53              Study Atthakatha :- https://84000.org/tipitaka/attha/attha.php?b=1&i=590              The Pali Atthakatha in Thai :- https://84000.org/tipitaka/atthapali/read_th.php?B=2&A=2371              The Pali Atthakatha in Roman :- https://84000.org/tipitaka/atthapali/read_rm.php?B=2&A=2371              Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]