ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)

                                 Ekadasamasanghadisesam
     [602]  Tena  samayena  buddho  bhagava  rajagahe  viharati veluvane
kalandakanivape   .   tena   kho  pana  samayena  devadatto  sanghabhedaya
parakkamati   cakkabhedaya   .   bhikkhu   evamahamsu  adhammavadi  devadatto
avinayavadi  devadatto  katham  hi  nama  devadatto sanghabhedaya parakkamissati
cakkabhedayati  .  evam  vutte  kokaliko  katamorakatissako khandadeviya
putto  samuddadatto  te  bhikkhu  etadavocum  ma ayasmanto evam avacuttha
dhammavadi   devadatto   vinayavadi   devadatto   amhakanca   devadatto
chandanca   rucinca   adaya  voharati  janati  no  bhasati  amhakampetam
khamatiti  .  ye  te bhikkhu appiccha .pe. Te ujjhayanti khiyanti vipacenti
katham  hi  nama  bhikkhu  devadattassa  sanghabhedaya  parakkamantassa  anuvattaka
bhavissanti   vaggavadakati   .   athakho   te   bhikkhu  bhagavato  etamattham
arocesum  .  athakho  bhagava  etasmim  nidane etasmim pakarane bhikkhusangham
sannipatapetva  bhikkhu  patipucchi  saccam  kira  bhikkhave  bhikkhu  devadattassa
sanghabhedaya    parakkamantassa    anuvattaka    vaggavadakati   .   saccam
bhagavati    .   vigarahi   buddho   bhagava   ananucchavikam   bhikkhave   tesam
moghapurisanam   .pe.  katham  hi  nama  te  bhikkhave moghapurisa devadattassa
sanghabhedaya     parakkamantassa    anuvattaka    bhavissanti    vaggavadaka
Netam    bhikkhave    appasannanam    va    pasadaya   .pe.   evanca
pana bhikkhave imam sikkhapadam uddiseyyatha
     {602.1}   tasseva  kho  pana  bhikkhussa  bhikkhu  honti  anuvattaka
vaggavadaka eko va dve va tayo va te evam vadeyyum ma ayasmanto
etam  bhikkhum  kinci  avacuttha  dhammavadi  ceso  bhikkhu vinayavadi ceso bhikkhu
amhakanceso   bhikkhu   chandanca  rucinca  adaya  voharati  janati  no
bhasati   amhakampetam  khamatiti  .  te  bhikkhu  bhikkhuhi  evamassu  vacaniya
ma  ayasmanto  evam  avacuttha  na  ceso  bhikkhu  dhammavadi  na  ceso
bhikkhu     vinayavadi    ma    ayasmantanampi    sanghabhedo    ruccittha
sametayasmantanam  sanghena  samaggo  hi  sangho  sammodamano avivadamano
ekuddeso   phasu  viharatiti  .  evanca  te  bhikkhu  bhikkhuhi  vuccamana
tatheva   pagganheyyum   te   bhikkhu   bhikkhuhi   yavatatiyam   samanubhasitabba
tassa  patinissaggaya  .  yavatatiyance  samanubhasiyamana  tam patinissajjeyyum
iccetam kusalam no ce patinissajjeyyum sanghadisesoti.
     [603]   Tasseva   kho  panati  tassa  sanghabhedakassa  bhikkhuno .
Bhikkhu   hontiti   anne   bhikkhu   honti   .   anuvattakati   yamditthiko
hoti  yamkhantiko  yamruciko  tepi  tamditthika  honti  tamkhantika  tamrucika .
Vaggavadakati   tassa   vannaya   pakkhaya  thita  honti  .  eko  va
dve   va  tayo  vati  eko  va  hoti  dve  va  tayo  va  te
evam   vadeyyum  ma  ayasmanto  etam  bhikkhum  kinci  avacuttha  dhammavadi
Ceso   bhikkhu   vinayavadi   ceso  bhikkhu  amhakanceso  bhikkhu  chandanca
rucinca adaya voharati janati no bhasati amhakampetam khamatiti.
     [604]  Te  bhikkhuti  ye  te  anuvattaka bhikkhu. Bhikkhuhiti annehi
bhikkhuhi  .  ye  passanti  ye  sunanti  tehi  vattabba  ma  ayasmanto
evam  avacuttha  na  ceso  bhikkhu  dhammavadi  na  ceso bhikkhu vinayavadi ma
ayasmantanampi    sanghabhedo    ruccittha    sametayasmantanam   sanghena
samaggo   hi   sangho   sammodamano   avivadamano   ekuddeso  phasu
viharatiti    .    dutiyampi   vattabba   tatiyampi   vattabba   .   sace
patinissajjanti    iccetam    kusalam   no   ce   patinissajjanti   apatti
dukkatassa   .   sutva   na   vadanti  apatti  dukkatassa  .  te  bhikkhu
sanghamajjhampi     akaddhitva    vattabba    ma    ayasmanto    evam
avacuttha   na   ceso  bhikkhu  dhammavadi  na  ceso  bhikkhu  vinayavadi  ma
ayasmantanampi    sanghabhedo    ruccittha    sametayasmantanam   sanghena
samaggo   hi   sangho   sammodamano   avivadamano   ekuddeso  phasu
viharatiti  .  dutiyampi  vattabba  tatiyampi  vattabba . Sace patinissajjanti
iccetam kusalam no ce patinissajjanti apatti dukkatassa.
     [605]   Te   bhikkhu   bhikkhuhi   samanubhasitabba  .  evanca  pana
bhikkhave   samanubhasitabba   .   byattena   bhikkhuna   patibalena   sangho
napetabbo
     {605.1}  sunatu  me  bhante  sangho  itthannamo ca itthannamo
ca   bhikkhu  itthannamassa  bhikkhuno  sanghabhedaya  parakkamantassa  anuvattaka
Vaggavadaka  .  te  tam  vatthum  nappatinissajjanti . Yadi sanghassa pattakallam
sangho    itthannamanca    itthannamanca    bhikkhu   samanubhaseyya   tassa
vatthussa patinissaggaya. Esa natti.
     {605.2}  Sunatu  me  bhante sangho itthannamo ca itthannamo ca
bhikkhu   itthannamassa   bhikkhuno   sanghabhedaya   parakkamantassa  anuvattaka
vaggavadaka  .  te  tam  vatthum  nappatinissajjanti  .  sangho itthannamanca
itthannamanca   bhikkhu   samanubhasati   tassa   vatthussa   patinissaggaya  .
Yassayasmato    khamati   itthannamassa   ca   itthannamassa   ca   bhikkhunam
samanubhasana    tassa    vatthussa   patinissaggaya   so   tunhassa   yassa
nakkhamati so bhaseyya.
     {605.3} Dutiyampi etamattham vadami .pe. Tatiyampi etamattham vadami.
Sunatu   me   bhante   sangho   itthannamo  ca  itthannamo  ca  bhikkhu
itthannamassa   bhikkhuno   sanghabhedaya   parakkamantassa   anuvattaka  vagga
vadaka   .   te  tam  vatthum  nappatinissajjanti  .  sangho  itthannamanca
itthannamanca   bhikkhu   samanubhasati   tassa   vatthussa   patinissaggaya  .
Yassayasmato    khamati   itthannamassa   ca   itthannamassa   ca   bhikkhunam
samanubhasana    tassa    vatthussa   patinissaggaya   so   tunhassa   yassa
nakkhamati so bhaseyya.
     {605.4}  Samanubhattha  sanghena  itthannamo ca itthannamo ca bhikkhu
tassa  vatthussa  patinissaggaya  .  khamati  sanghassa  tasma tunhi. Evametam
dharayamiti.
     [606]    Nattiya    dukkatam    dvihi   kammavacahi   thullaccaya
Kammavacapariyosane    apatti    sanghadisesassa    .    sanghadisesam
ajjhapajjantanam    nattiya    dukkatam   dvihi   kammavacahi   thullaccaya
patippassambhanti   .   dve   tayo   ekato   samanubhasitabba   taduttari
na samanubhasitabba. Sanghadisesoti .pe. Tenapi vuccati sanghadisesoti.
     [607]    Dhammakamme   dhammakammasanni   nappatinissajjanti   apatti
sanghadisesassa   .   dhammakamme   vematika   nappatinissajjanti   apatti
sanghadisesassa    .    dhammakamme    adhammakammasanni    nappatinissajjanti
apatti    sanghadisesassa    .   adhammakamme   dhammakammasanni   apatti
dukkatassa  .  adhammakamme  vematika  apatti  dukkatassa  .  adhammakamme
adhammakammasanni apatti dukkatassa.
     [608]   Anapatti  asamanubhasantanam  patinissajjantanam  ummattakanam
khittacittanam vedanattanam adikammikananti.
                              Ekadasamasanghadisesam nitthitam.
                                          -------------



             The Pali Tipitaka in Roman Character Volume 1 page 405-409. https://84000.org/tipitaka/read/roman_read.php?B=1&A=8011&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=8011&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=1&item=602&items=7              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=54              Study Atthakatha :- https://84000.org/tipitaka/attha/attha.php?b=1&i=600              The Pali Atthakatha in Thai :- https://84000.org/tipitaka/atthapali/read_th.php?B=2&A=2616              The Pali Atthakatha in Roman :- https://84000.org/tipitaka/atthapali/read_rm.php?B=2&A=2616              Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]