ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 10 : PALI ROMAN Sutta Pitaka Vol 2 : Sutta. Tī. Ma.

                        Janavasabhasuttam
     [187]  Evamme  sutam  .  ekam  samayam  bhagava nadike 1- viharati
ginjakavasathe   .   tena   kho   pana   samayena  bhagava  parito  parito
janapadesu    paricarake    abbhatite   kalakate   upapattisu   byakaroti
kasikosalesu  vajjimallesu  cetivamsesu 2- kurupancalesu macchasurasenesu 3-
asu    amutra    upapanno    asu    amutra   upapanno   paropannasa
nadikiya   4-  paricaraka  abbhatita  kalakata  pancannam  orambhagiyanam
sannojananam   parikkhaya  opapatika  tattha  parinibbayino  anavattidhamma
tasma    loka    sadhika   navuti   nadikiya   paricaraka   abbhatita
kalakata    tinnam   sannojananam   parikkhaya   ragadosamohanam   tanutta
sakadagamino   sakideva   imam   lokam   agantva  dukkhassantam  karissanti
satirekani   pancasatani   nadikiya   paricaraka   abbhatita   kalakata
tinnam    sannojananam   parikkhaya   sotapanna   avinipatadhamma   niyata
sambodhiparayanati.
     [188]  Assosum  kho  nadikiya paricaraka bhagava kira parito parito
janapadesu    paricarake    abbhatite   kalakate   upapattisu   byakaroti
kasikosalesu  vajjimallesu  cetivamsesu  kurupancalesu  macchasurasenesu  asu
amutra   upapanno   asu   amutra   upapanno   paropannasa   nadikiya
paricaraka   abbhatita   kalakata   pancannam  orambhagiyanam  sannojananam
@Footnote: 1 Ma. natike. 2 Ma. cetiyavamsesu. ito param idisameva. 3 Ma. majjha ....
@ito param idisameva. 4 Ma. datikiya. ito param idisameva.
Parikkhaya   opapatika   tattha   parinibbayino   anavattidhamma   tasma
loka   sadhika   navuti   nadikiya   paricaraka   abbhatita   kalakata
tinnam   sannojananam   parikkhaya   ragadosamohanam  tanutta  sakadagamino
sakideva   imam   lokam   agantva   dukkhassantam   karissanti  satirekani
pancasatani    nadikiya    paricaraka    abbhatita    kalakata    tinnam
sannojananam parikkhaya sotapanna avinipatadhamma niyata sambodhiparayanati.
Tena    ca    nadikiya    paricaraka    attamana    ahesum   pamudita
pitisomanassajata bhagavato panhaveyyakaranam 1- sutva.
     [189]   Assosi   kho  ayasma  anando  bhagava  kira  parito
parito   janapadesu  paricarake  abbhatite  kalakate  upapattisu  byakaroti
kasikosalesu   vajjimallesu   cetivamsesu   kurupancalesu   macchasurasenesu
asu    amutra    upapanno    asu    amutra   upapanno   paropannasa
nadikiya   paricaraka   abbhatita   kalakata   pancannam   orambhagiyanam
sannojananam   parikkhaya  opapatika  tattha  parinibbayino  anavattidhamma
tasma    loka    sadhika   navuti   nadikiya   paricaraka   abbhatita
kalakata    tinnam   sannojananam   parikkhaya   ragadosamohanam   tanutta
sakadagamino   sakideva   imam   lokam   agantva  dukkhassantam  karissanti
satirekani   pancasatani   nadikiya   paricaraka   abbhatita   kalakata
tinnam    sannojananam   parikkhaya   sotapanna   avinipatadhamma   niyata
sambodhiparayanati   tena   ca   nadikiya   paricaraka  attamana  ahesum
@Footnote: 1 Ma. Yu. panhaveyyakaranam. ito param idisameva.
Pamudita pitisomanassajata bhagavato panhaveyyakaranam sutvati.
     {189.1}   Athakho  ayasmato  anandassa  etadahosi  ime  kho
panapi  ahesum  magadhika  1-  paricaraka  bahu  ceva rattannu ca abbhatita
kalakata    sunna    manne    angamagadha    magadhikehi   paricarakehi
abbhatitehi  kalakatehi  tena  kho  panapi  ahesum  buddhe  pasanna dhamme
pasanna  sanghe  pasanna  silesu  paripurikarino 2- te abbhatita kalakata
bhagavata   abyakata   tesampissa  sadhu  veyyakaranam  bahujano   pasideyya
tato  gaccheyya  sugatim  ayam  kho  panapi  ahosi  raja  magadho seniyo
bimbisaro  dhammiko  dhammaraja  hito  brahmanagahapatikanam  negamananceva
janapadananca apissudam manussa kittiyamanarupa viharanti
     {189.2}  evam  so  no dhammiko dhammaraja sukhapetva kalakato
evam   mayam  tassa  dhammikassa  dhammaranno  vijite  phasukam  3-  viharimhati
so  kho  panapi  ahosi  buddhe  pasanno  dhamme  pasanno sanghe pasanno
silesu   paripurikari   apissudam   manussa   evamahamsu  yava  maranakalapi
raja  magadho  seniyo  bimbisaro  bhagavantam  kittiyamanarupo  kalakatoti
so    abbhatito    kalakato   bhagavata   abyakato   tassapissa   sadhu
veyyakaranam  bahujano  pasideyya  tato  gaccheyya  sugatim  bhagavato  kho pana
sambodhi  magadhesu  yattha  kho  pana  bhagavato  sambodhi  magadhesu katham tatra
@Footnote: 1 magadhakatipi patho. 2 Ma. Yu. paripurakarino. ito param idisameva.
@3 Ma. Yu. phasu.
Bhagava    magadhike   paricarake   abbhatite   kalakate   upapattisu   na
byakareyya   bhagava   ce   kho   pana  magadhike  paricarake  abbhatite
kalakate   upapattisu  na  byakareyya  ninnamana  1-  tenassu  magadhika
paricaraka    yena    kho   panassu   ninnamana   magadhika   paricaraka
kathante bhagava na byakareyyati.
     {189.3}   Idamayasma  anando  magadhike  paricarake  arabbha
eko  raho  anuvicintetva  rattiya  paccusasamayam  paccutthaya yena bhagava
tenupasankami   upasankamitva   bhagavantam  abhivadetva  ekamantam  nisidi .
Ekamantam  nisinno  kho  ayasma  anando  bhagavantam etadavoca sutam metam
bhante  bhagava  kira  parito  parito janapadesu paricarake abbhatite kalakate
upapattisu  byakaroti  kasikosalesu  vajjimallesu  cetivamsesu kurupancalesu
macchasurasenesu  asu  amutra  upapanno  asu  amutra upapanno paropannasa
nadikiya   paricaraka   abbhatita   kalakata   pancannam   orambhagiyanam
sannojananam   parikkhaya  opapatika  tattha  parinibbayino  anavattidhamma
tasma  loka  sadhika  navuti nadikiya paricaraka abbhatita kalakata tinnam
sannojananam  parikkhaya  ragadosamohanam  tanutta sakadagamino sakideva imam
lokam    agantva    dukkhassantam   karissanti   satirekani   pancasatani
nadikiya   paricaraka  abbhatita  kalakata  tinnam  sannojananam  parikkhaya
@Footnote: 1 Si. Yu. dinamana. Ma. dinamana. ito param idisameva.
Sotapanna    avinipatadhamma    niyata   sambodhiparayanati   tena   ca
nadikiya   paricaraka   attamana   ahesum   pamudita   pitisomanassajata
bhagavato    panhaveyyakaranam    sutva    ime   kho   panapi   bhante
ahesum   magadhika   paricaraka   bahu   ceva   rattannu   ca   abbhatita
kalakata    sunna    manne    angamagadha    magadhikehi   paricarakehi
abbhatitehi   kalakatehi   tena   kho   panapi   bhante   ahesum  buddhe
pasanna    dhamme   pasanna   sanghe   pasanna   silesu   paripurikarino
te    abbhatita    kalakata   bhagavata   abyakata   tesampissa   sadhu
veyyakaranam bahujano pasideyya tato gaccheyya sugatim
     {189.4}  ayam  kho  panapi  bhante  ahosi raja magadho seniyo
bimbisaro     dhammiko     dhammaraja     hito     brahmanagahapatikanam
negamananceva    janapadananca    apissudam    manussa    kittiyamanarupa
viharanti   evam   no   so  dhammiko  dhammaraja  sukhapetva  kalakato
evam   mayam   tassa   dhammikassa   dhammaranno   vijite  phasukam  viharimhati
so  kho  panapi  bhante  ahosi  buddhe  pasanno  dhamme  pasanno sanghe
pasanno    silesu   paripurikari   apissudam   manussa   evamahamsu   yava
maranakalapi  raja  magadho  seniyo  bimbisaro  bhagavantam kittiyamanarupo
kalakatoti   so   abbhatito   kalakato   bhagavata  abyakato  tassapissa
sadhu    veyyakaranam    bahujano    pasideyya   tato   gaccheyya   sugatim
bhagavato    kho    pana    bhante    sambodhi    magadhesu   yattha   kho
Pana   bhante   bhagavato  sambodhi  magadhesu  katham  tatra  bhagava  magadhike
paricarake   abbhatite   kalakate   upapattisu   na   byakareyya  bhagava
ce   kho   pana   bhante   magadhike   paricarake   abbhatite  kalakate
upapattisu   na   byakareyya   ninnamana   tenassu  magadhika  paricaraka
yena   kho   panassu   ninnamana  magadhika  paricaraka  katham  te  bhagava
na   byakareyyati   .   idamayasma   anando  magadhike  paricarake
arabbha   bhagavato   sammukha   parikatham   katva   utthayasana   bhagavantam
abhivadetva padakkhinam katva pakkami.
     [190]   Athakho   bhagava   acirapakkante   ayasmante  anande
pubbanhasamayam    nivasetva    pattacivaram    adaya    nadikam   pindaya
pavisi    nadike   pindaya   caritva   pacchabhattam   pindapatapatikkanto
pade   pakkhaletva   ginjakavasatham   pavisitva   magadhike   paricarake
arabbha  atthikatva  1-  manasikatva  sabbam  2-  cetaso  samannaharitva
pannatte    asane    nisidi    gatim   nesam   janissami   abhisamparayam
yamgatika   te   bhavanto   yamabhisamparayati   .   addasa   kho  bhagava
magadhike  paricarake  yamgatika  te  bhavanto  yamabhisamparaya 3-. Athakho
bhagava   sayanhasamayam   patisallana   vutthito   ginjakavasatha  nikkhamitva
viharacchayayam pannatte asane nisidi.
     [191]   Athakho   ayasma  anando  yena  bhagava  tenupasankami
upasankamitva   bhagavantam   abhivadetva   ekamantam   nisidi  .  ekamantam
@Footnote: 1 atthimkatva. 2 sabbacetaso. ito param idisameva. 3 Ma. yamabhisamparayati.
Nisinno  kho  ayasma  anando  bhagavantam  etadavoca upasantapatisso 1-
bhante     bhagava     bhatiriva    bhagavato    mukhavanno    vippasannatta
indriyanam  santena  nunajja  bhante  bhagava  viharena  vihasiti . Yadeva
kho   me  tvam  ananda  magadhike  paricarake  arabbha  sammukha  parikatham
katva   utthayasana   pakkanto   tadevaham  nadike  pindaya  caritva
pacchabhattam    pindapatapatikkanto    pade   pakkhaletva   ginjakavasatham
pavisitva    magadhike    paricarake   arabbha   atthikatva   manasikatva
sabbam   cetaso   samannaharitva   pannatte   asane  nisidim  gatim  nesam
janissami    abhisamparayam    yamgatika   te   bhavanto   yamabhisamparayati
addasam   kho  aham  ananda  magadhike  paricarake  yamgatika  te  bhavanto
yamabhisamparaya
     {191.1}   athakho   ananda  antarahito  yakkho  saddamanussavesi
janavasabho   aham   bhagava   janavasabho   aham   sugatati   abhijanasi   no
tvam   ananda   ito   pubbe   evarupam   namadheyyam   sutam  2-  yadidam
janavasabhoti   .   na   kho   aham   bhante   abhijanami   ito   pubbe
evarupam   namadheyyam   sutam   3-   yadidam  janavasabhoti  apica  me  bhante
lomani    hatthani    janavasabhoti    namadheyyam   sutva   tassa   mayham
bhante   etadahosi   na   hi   nuna  4-  so  orako  yakkho  bhavissati
yadidam  5-  evarupam  namadheyyam  supannattam  6- yadidam janavasabhoti. Antara
kho   ananda   saddassa   patubhavo  ularavanno  me  yakkho  sammukhe
@Footnote: 1 Si. Yu. upasantappadisso. Ma. upasantapadisso. 2-3 Yu. sutva.
@4 Si. naha nuna. 5 Yu. yassidam. 6 Yu. ayam patho natthi.
Paturahosi    dutiyampi    saddamanussavesi    bimbisaro    aham   bhagava
bimbisaro   aham   sugata   idam   sattamam   kho  aham  bhante  vessavanassa
maharajassa    sahabyatam    upapajjami    so   ito   cuto   manussesu
raja bhavitum pahomi 1-
     [192] Ito satta tato satta       samsarami 2- catuddasa
           nivasamabhijanami                  yattha me vusitam pure.
     {192.1}  Digharattam  kho  aham bhante avinipato avinipatam sanjanami
asa  ca  pana  me  santitthati  sakadagamitayati. Acchariyamidam ayasmato
janavasabhassa    yakkhassa    abbhutamidam    ayasmato   janavasabhassa   yakkhassa
digharattam kho aham bhante avinipato avinipatam sanjanamiti pavedesi 3- asa
ca  pana  me  santitthati  sakadagamitayati  pavedesi kutonidanam panayasma
janavasabho  yakkho  evarupam  ularavisesadhigamam  sanjanatiti  .  na annatra
bhagava  tava  sasana  na  annatra  sugata  tava  sasana yadagge aham bhante
bhagavati  ekantato  4-  abhippasanno tadagge aham bhante digharattam avinipato
avinipatam   sanjanami   asa   ca  pana  me  santitthati  sakadagamitaya
idhaham  bhante  vessavanena  maharajena  pesito  virulhakassa maharajassa
santike    kenacideva    karaniyena    addasam    bhagavantam   antaramagge
@Footnote: 1 Si. tato cuto manussa raja amanussa raja divi homi. Ma. Yu. so tato
@cuto manussaraja bhavitum pahomi. 2 Ma. Yu. samsarani. 3 Ma. Yu. ca vadesi.
@ito param idisameva. 4 Si. Yu. ekantagato. Ma. ekantigato.
Ginjakavasatham    pavisitva   magadhike   paricarake   arabbha   atthikatva
manasikatva    sabbam    cetaso    samannaharitva   nisinnam   gatim   nesam
janissami    abhisamparayam    yamgatika   te   bhavanto   yamabhisamparayati
anacchariyam   kho   panetam   bhante   yam   vessavanassa  maharajassa  tassam
parisayam    bhasato    sammukha    patiggahitam    yamgatika   te   bhavanto
yamabhisamparayati    tassa    mayham    bhante    etadahosi    bhagavantanca
dakkhami  idanca  bhagavato  arocessamiti  ime  kho  me  bhante  dve
paccaya bhagavantam dassanaya upasankamitum
     {192.2}   purimani   bhante   divasani   purimatarani  tadahuposathe
pannarase    vassupanayikaya    punnamaya    rattiya    kevalakappa   ca
deva   tavatimsa   sudhammayam   sabhayam   sannisinna   honti  sannipatita
mahati  ca  dibbaparisa  samantato  nisinna  honti cattaro ca maharajano
catuddisa   nisinna   honti   puratthimaya   disaya  dhatarattho  maharaja
pacchimabhimukho  nisinno  hoti  devehi  1-  purakkhatva  dakkhinaya  disaya
virulhako   maharaja  uttarabhimukho  nisinno  hoti  devehi  purakkhatva
pacchimaya   disaya   virupakkho  maharaja  puratthimabhimukho  nisinno  hoti
devehi  purakkhatva  uttaraya  disaya  vessavano maharaja dakkhinabhimukho
nisinno hoti devehi purakkhatva yada bhante kevalakappa ca deva tavatimsa
sudhammayam   sabhayam   nisinna   honti   sannipatita  mahati  ca  dibbaparisa
samantato   nisinna   honti   cattaro   ca   maharajano   catuddisa
@Footnote: 1 Ma. Yu. deve purakkhatva. ito param idisameva.
Nisinna   honti   idam   nesam   hoti   asanasmim  atha  paccha  amhakam
asanam   hoti   ye   te   bhante  deva  bhagavati  brahmacariyam  caritva
adhunupapanna   tavatimsakayam   te   anne  deve  ativirocenti  vannena
ceva  yasasa  ca  tena  sudam  bhante  deva  tavatimsa  attamana  honti
pamudita    pitisomanassajata   dibba   vata   bho   kaya   paripurenti
hayanti   asurakayati   athakho   bhante   sakko  devanamindo  devanam
tavatimsanam sampasadam viditva imahi gathahi anumodi
     [193] Modanti vata bho deva       tavatimsa sahindaka
           tathagatam namassanta          dhammassa ca sudhammatam.
           Nave 2- va deve passanta   vannavante yasassino 3-
           sugatasmim brahmacariyam          caritvana idhagate.
           Te anne atirocanti        vannena yasasayuna
           savaka bhuripannassa          visesupagata idha.
           Idam disvana nandanti         tavatimsa sahindaka
           tathagatam namassanta          dhammassa ca sudhammatanti.
     [194]   Tena  sudam  bhante  deva  tavatimsa  bhiyyoso  mattaya
attamana    honti    pamudita   pitisomanassajata   dibba   vata   bho
kaya   paripurenti   hayanti   asurakayati   athakho  bhante  yenatthena
deva   tavatimsa   sudhammayam   sabhayam   sannisinna   honti  sannipatita
tam  attham  cintayitva  tam  attham  mantayitva  vuttavacanapi  tam 4- cattaro
@Footnote: 1 Ma. Yu. atirocanti. 2 Ma. nave deve ca passanta. 3 Ma. yasassine.
@ito param idisameva. 4 Ma. vuttavacanapitam.
Maharajano  tasmim  atthe  honti  paccanusitthavacanapi  1-  tam  cattaro
maharajano   tasmim   atthe   honti   sakesu  sakesu  asanesu  thita
avipakkanta.
           Te vuttavakya rajano     patiggayhanusasanim
           vippasannamana santa         atthamsu samhi asaneti.
     [195]   Athakho   bhante   uttaraya   disaya  ularo  aloko
sanjayi    obhaso   paturahosi   atikkammeva   devanam   devanubhavam
atha  2-  bhante  sakko  devanamindo  deve  tavatimse amantesi yatha
kho    marisa    nimitta   dissanti   aloko   sanjayati   obhaso
patubhavati    brahma    patubhavissati    brahmuno    hetam    pubbanimittam
patubhavaya yadidam aloko sanjayati obhaso patubhavatiti.
           Yatha nimitta dissanti        brahma patubhavissati
           brahmuno hetam pubbanimittam 3-  obhaso vipulo mahati.
     [196]  Atha  bhante  deva  tavatimsa yathasakesu asanesu  nisidimsu
obhasametam    nassama   yam   vipako   bhavissati   sacchikatva   va   nam
gamissamati    .    cattaropi   maharajano   yathasakesu   asanesu
nisidimsu    obhasametam    nassama   yam   vipako   bhavissati   sacchikatva
va   nam   gamissamati  .  idam  sutva  deva  4-  tavatimsa  ekagga
samapajjimsu     obhasametam     nassama     yam     vipako    bhavissati
sacchikatva   va   nam   gamissamati   yada  bhante  brahma  sanankumaro
@Footnote: 1 Ma. paccanusitthavacanapitam. 2 Ma. athakho. 3 Ma. Yu. nimittam. 4 Ma. ayam
@patho natthi.
Devanam    tavatimsanam   patubhavati   olarikam   attabhavam   abhinimminitva
patubhavati     yo     kho    pana    bhante    brahmuno    pakativanno
anabhisambhavaniyo     so    devanam    tavatimsanam    cakkhupathasmim    yada
bhante   brahma   sanankumaro   devanam   tavatimsanam   patubhavati   so
anne   deve   atirocati   vannena   ceva   yasasa   ca   seyyathapi
bhante    sovannaviggaho   manusam   viggaham   atirocati   evameva   kho
bhante   yada   brahma   sanankumaro   devanam   tavatimsanam  patubhavati
so   anne   deve   atirocati   vannena   ceva   yasasa   ca  yada
bhante   brahma   sanankumaro   devanam   tavatimsanam   patubhavati    na
tassam  parisayam  koci  devo  abhivadeti  va  paccuttheti  va  asanena
va   nimanteti   sabbe   va   tunhibhuta   panjalika  pallanke  nisidanti
yassadani   devassa   icchissati   brahma   sanankumaro   tassa  devassa
pallanke nisidissati 1-
     {196.1}  yassa  kho  pana  bhante  devassa  brahma  sanankumaro
pallanke   nisidati   ularam  so  labhati  devo  vedapatilabham  ularam  so
labhati   devo   somanassapatilabham   seyyathapi   bhante   raja  khattiyo
muddhavasitto  adhunavasitto  2-  rajjena  ularam  so  labhati vedapatilabham
ularam  so  labhati  somanassapatilabham  evameva  kho  bhante  yassa devassa
brahma   sanankumaro   pallanke   nisidati   ularam   so  labhati  devo
vedapatilabham     ularam     so     labhati    devo    somanassapatilabham
@Footnote: 1 Ma. Yu. nisidissatiti. 2 adhunabhisittotipi patho.
Atha   bhante   brahma   sanankumaro  olarikam  attabhavam  abhinimminitva
kumaravanno   1-  hutva  pancasikho  devanam  tavatimsanam  paturahosi so
vehasam   abbhuggantva   akase   antalikkhe   pallankena   nisidi .
Seyyathapi   bhante   balava   puriso  supaccatthate  va  pallanke  same
va   bhumibhage   pallankena   nisideyya  evameva  kho  bhante  brahma
sanankumaro  vehasam  abbhuggantva  akase  antalikkhe  pallanke  2-
nisiditva devanam tavatimsanam sampasadam viditva imahi gathahi anumodi
     [197] Modanti vata bho deva      tavatimsa sahindaka
           tathagatam namassanta             dhammassa ca sudhammatam.
           Nave va deve passanta          vannavante yasassino
           sugatamhi brahmacariyam             caritvana idhagate.
           Te anne atirocanti           vannena yasasayuna
           savaka bhuripannassa           visesupagata idha.
           Idam disvana nandanti            tavatimsa sahindaka
           tathagatam namassanta             dhammassa ca sudhammatanti.
     [198]  Idamattham  bhante  brahma  sanankumaro abhasittha. Idamattham
bhante   brahmuno   sanankumarassa   bhasato   atthangasamannagato   saro
hoti   vissattho   ca   vinneyyo   ca   manju   ca  savaniyo  ca  bindu
ca  avisari  ca  gambhiro  ca  ninnadi  ca  .  yathaparisam  kho  pana bhante
brahma   sanankumaro   sarena   ca   vinnapeti   na   cassa   bahiddha
@Footnote: 1 Ma. Yu. kumaravanni. 2 Ma. Yu. pallankena.
Parisaya    ghoso    niccharati   .   yassa   kho   pana   bhante   evam
atthangasamannagato saro hoti so vuccati brahmassaroti.
     {198.1}  Athakho  bhante  brahma sanankumaro tettimse attabhave
abhinimminitva   devanam   tavatimsanam   1-   paccekapallanke   nisiditva
deve  tavatimse  amantesi  tam  kim  mannanti  bhonto  deva  tavatimsa
yavanceso    2-    bhagava    bahujanahitaya    patipanno   bahujanasukhaya
lokanukampaya  atthaya  hitaya  sukhaya  devamanussanam  .  ye  hi  keci
bhonto   3-  buddham  saranam  gata  dhammam  saranam  gata  sangham  saranam  gata
silesu   paripurikarino   te   kayassa  bheda  param  marana  appekacce
parinimmitavasavattinam     devanam     sahabyatam    upapajjanti    appekacce
nimmanaratinam    devanam    sahabyatam   upapajjanti   appekacce   tusitanam
devanam   sahabyatam   upapajjanti   appekacce  yamanam  devanam  sahabyatam
upapajjanti    appekacce   tavatimsanam   devanam   sahabyatam   upapajjanti
appekacce   catummaharajikanam   devanam   sahabyatam   upapajjanti   ye
sabbanihinam kayam paripurenti te gandhabbakayam paripurentiti.
     [199]  Idamattham  bhante  brahma  sanankumaro  abhasittha  4- .
Idamattham   bhante   brahmuno   sanankumarassa  bhasato  ghosoyeva  deva
mannanti yvayam mama pallanke svayam eko ca 5- bhasatiti.
           Ekasmim bhasamanasmim       sabbe bhasanti nimmita
           ekasmim tunhimasine       sabbe tunhi bhavanti te.
@Footnote: 1 Ma. Yu. paccekapallankesu pallankena. ito param idisameva. 2 Ma. yavanca so.
@Yu. yava ca so. 3 Ma. Yu. bho. 4 Ma. bhasittha. 5 Ma. Yu. ekova. ito
@param idisameva.
           Tadassu deva mannanti     tavatimsa sahindaka
           yvayam mama pallankasmim      svayam eko ca bhasatiti.
     [200]  Athakho  bhante  brahma  sanankumaro  ekattena  attanam
upasamharati   ekattena   attanam   upasamharitva   sakkassa  devanamindassa
pallanke nisiditva deve tavatimse amantesi
     {200.1}   tam   kim   mannanti   bhonto  deva  tavatimsa  yava
supannattapime    1-    tena   bhagavata   janata   passata   arahata
sammasambuddhena    cattaro    iddhipada   2-   iddhibahulikataya   3-
iddhivisevitaya   4-  iddhivikubbanataya  katame  cattaro  idha  bho  bhikkhu
chandasamadhipadhanasankharasamannagatam           iddhipadam          bhaveti
viriyasamadhipadhanasankharasamannagatam   iddhipadam   bhaveti   cittasamadhipadhana-
sankharasamannagatam   iddhipadam  bhaveti  vimamsasamadhipadhanasankharasamannagatam
iddhipadam  bhaveti  ime  kho  bho  tena bhagavata janata passata arahata
sammasambuddhena    cattaro    iddhipada    pannatta   iddhibahulikataya
iddhivisevitaya iddhivikubbanataya
     {200.2}  yepi  5- hi keci bho atitamaddhanam samana va brahmana
va   anekavihitam   iddhividham  paccanubhosum  sabbe  te  imesanneva  catunnam
iddhipadanam  bhavitatta  bahulikatatta  yepi 6- hi keci bho anagatamaddhanam
samana   va   brahmana   va   anekavihitam   iddhividham   paccanubhossanti
@Footnote: 1 Ma. supannattacime. Yu. supannattavime. ito param idisameva.
@2 Ma. supannatta. ito param idisameva. 3 iddhipahutayati pathena bhavitabbam.
@4 iddhiasevitayati va iddhivisatayati va patho. Ma. Yu. iddhivisavitaya.
@ito param idisameva. 5 Ma. Yu. yehi. 6 Yu. yehipi.
Sabbe   te   imesanneva  catunnam  iddhipadanam  bhavitatta  bahulikatatta
yepi   hi  keci  bho  etarahi  samana  va  brahmana  va  anekavihitam
iddhividham   paccanubhonti   sabbe   te   imesanneva  catunnam  iddhipadanam
bhavitatta   bahulikatatta   passanti   no   bhonto   deva   tavatimsa
mamapimam   1-  evarupam  iddhanubhavanti  .  evam  mahabrahmeti  .  ahampi
kho   bho   imesamyeva   catunnam   iddhipadanam   bhavitatta  bahulikatatta
evammahiddhiko evammahanubhavoti.
     [201]  Idamattham  bhante  brahma  sanankumaro abhasittha. Idamattham
bhante   brahma   sanankumaro   bhasitva  deve  tavatimse  amantesi
tam    kim    mannanti    bhonto   deva   tavatimsa   yavancidam   tena
bhagavata     janata    passata    arahata    sammasambuddhena    tayo
okasadhigama anubuddha sukhassadhigamaya. Katame tayo.
     [202]   Idha   bho  ekacco  samsattho  viharati  kamehi  samsattho
akusalehi   dhammehi   .   so   aparena   samayena   ariyadhammam   sunati
yoniso   manasikaroti   dhammanudhammam   patipajjati   .  so  ariyadhammassavanam
agamma   yoniso   manasikaram   dhammanudhammam   2-   patipajjati  asamsattho
viharati   kamehi   asamsattho   akusalehi   dhammehi  .  tassa  asamsatthassa
kamehi    asamsatthassa    akusalehi    dhammehi   uppajjati   sukham   sukha
bhiyyo  somanassam  .  seyyathapi  bho  pamuda  3-  pamojjam 4- jayetha
@Footnote: 1 Si. Yu. mamapi nam. Ma. mamapimam. 2 Ma. Yu. dhammanudhammappatipattim.
@3 Yu. muda pamujjam. ito param idisameva. 4 pamujjantiti va patho.
Evameva   kho  bho  asamsatthassa  kamehi  asamsatthassa  akusalehi  dhammehi
uppajjati   sukham   sukha   bhiyyo   somanassam   .   ayam  kho  bho  tena
bhagavata    janata    passata    arahata    sammasambuddhena    pathamo
okasadhigamo anubuddho sukhassadhigamaya.
     [203]   Puna   caparam  bho  idhekaccassa  olarika  kayasankhara
appatippassaddha    honti    olarika   vacisankhara   appatippassaddha
honti   olarika   cittasankhara   appatippassaddha   honti   .  so
aparena   samayena   ariyadhammam   sunati  yoniso  manasikaroti  dhammanudhammam
patipajjati    .   tassa   ariyadhammassavanam   agamma   yoniso   manasikaram
dhammanudhammam     patipajjantassa     1-     olarika     kayasankhara
patippassambhanti    olarika   vacisankhara   patippassambhanti   olarika
cittasankhara   patippassambhanti   .   tassa   olarikanam  kayasankharanam
patippassaddhiya   olarikanam   vacisankharanam  patippassaddhiya  olarikanam
cittasankharanam    patippassaddhiya    uppajjati    sukham    sukha    bhiyyo
somanassam   .   seyyathapi   bho   pamuda  pamojjam  jayetha  evameva
kho   bho   olarikanam   kayasankharanam   patippassaddhiya   olarikanam
vacisankharanam      patippassaddhiya      olarikanam      cittasankharanam
patippassaddhiya   uppajjati   sukham   sukha  bhiyyo  somanassam  .  ayam  kho
bho    tena   bhagavata   janata   passata   arahata   sammasambuddhena
dutiyo okasadhigamo anubuddho sukhassadhigamaya.
@Footnote: 1 Ma. Yu. dhamma ... patipattim.
     [204]   Puna   caparam   bho   idhekacco   idam  kusalanti  yathabhutam
nappajanati   idam   akusalanti   yathabhutam   nappajanati   idam  savajjanti
yathabhutam    nappajanati    idam    anavajjanti    yathabhutam    nappajanati
idam    sevitabbanti    yathabhutam    nappajanati   idam   na   sevitabbanti
yathabhutam    nappajanati    idam    hinanti   yathabhutam   nappajanati   idam
panitanti     yathabhutam     nappajanati     idam     kanhasukkasappatibhaganti
yathabhutam nappajanati.
     {204.1}   So   aparena   samayena   ariyadhammam  sunati  yoniso
manasikaroti   dhammanudhammam   patipajjati   .   so  ariyadhammassavanam  agamma
yoniso   manasikaram   dhammanudhammam  patipajjati  1-  idam  kusalanti  yathabhutam
pajanati   idam   akusalanti  yathabhutam  pajanati  idam  savajjanti  yathabhutam
pajanati    idam   anavajjanti   yathabhutam   pajanati   idam   sevitabbanti
yathabhutam      pajanati      idam      na     sevitabbanti     yathabhutam
pajanati   idam   hinanti   yathabhutam   pajanati   idam   panitanti  yathabhutam
pajanati   idam   kanhasukkasappatibhaganti   yathabhutam   pajanati   .  tassa
evam janato evam passato avijja pahiyati vijja uppajjati.
     {204.2}    Tassa    avijjaviraga    vijjuppada    uppajjati
sukham  sukha  bhiyyo  somanassam  .  seyyathapi  bho pamuda pamojjam jayetha
evameva  kho  bho  avijjaviraga  vijjuppada uppajjati sukham sukha bhiyyo
somanassam   .  ayam  kho  bho  tena  bhagavata  janata  passata  arahata
sammasambuddhena   tatiyo   okasadhigamo   anubuddho  sukhassadhigamaya .
@Footnote: 1 Ma. Yu. dhamma ... patipattim.
Ime  kho  bho  tena  bhagavata  janata  passata arahata sammasambuddhena
tayo okasadhigama anubuddha sukhassadhigamayati.
     [205]   Idamattham   bhante   brahma   sanankumaro  abhasittha .
Idamattham   bhante   brahma   sanankumaro   bhasitva   deve  tavatimse
amantesi    tam    kim   mannanti   bhonto   deva   tavatimsa   yava
supannattapime  tena  bhagavata  janata  passata  arahata sammasambuddhena
cattaro     satipatthana     kusalassadhigamaya     katame     cattaro
idha    bho   bhikkhu   ajjhattam   kaye   kayanupassi   viharati   atapi
sampajano   satima   vineyya   loke  abhijjhadomanassam  ajjhattam  kaye
kayanupassi viharanto tattha samma samadhiyati samma vippasidati.
     {205.1}   So   tattha  sammasamahito  sammavippasanno  bahiddha
parakaye  nanadassanam  abhinibbatteti  .  ajjhattam  vedanasu  vedananupassi
viharati   atapi   sampajano   satima  vineyya  loke  abhijjhadomanassam
ajjhattam   vedanasu   vedananupassi   viharanto   tattha  samma  samadhiyati
samma   vippasidati   .   so   tattha   sammasamahito   sammavippasanno
bahiddha   paravedanasu   nanadassanam   abhinibbatteti   .  ajjhattam  citte
cittanupassi   viharati   atapi   sampajano   satima   vineyya   loke
abhijjhadomanassam    ajjhattam    citte    cittanupassi   viharanto   tattha
samma   samadhiyati   samma   vippasidati   .   so  tattha  sammasamahito
sammavippasanno    bahiddha   paracitte   nanadassanam   abhinibbatteti  .
Ajjhattam   dhammesu   dhammanupassi   viharati   atapi   sampajano  satima
vineyya    loke    abhijjhadomanassam   ajjhattam   dhammesu   dhammanupassi
viharanto    tattha    samma   samadhiyati   samma   vippasidati   .   so
tattha     sammasamahito     sammavippasanno     bahiddha    paradhammesu
nanadassanam   abhinibbatteti   .  ime  kho  bho  tena  bhagavata  janata
passata   arahata   sammasambuddhena   cattaro   satipatthana  pannatta
kusalassadhigamayati.
     [206]   Idamattham   bhante   brahma   sanankumaro  abhasittha .
Idamattham   bhante   brahma   sanankumaro   bhasitva   deve  tavatimse
amantesi    tam    kim   mannanti   bhonto   deva   tavatimsa   yava
supannattapime     tena     bhagavata    janata    passata    arahata
sammasambuddhena   satta   samadhiparikkhara  sammasamadhissa  bhavanaya  1-
sammasamadhissa   paripuriya   katame   satta   sammaditthi  sammasankappo
sammavaca      sammakammanto      sammaajivo      sammavayamo
sammasati.
     {206.1}  Ya  kho  bho  imehi  sattahangehi  cittassa ekaggata
parikkhata    ayam    vuccati    bho    ariyo    sammasamadhi   saupaniso
itipi    saparikkharo    itipi    sammaditthissa    bho    sammasankappo
pahoti     sammasankappassa     sammavaca     pahoti    sammavacassa
sammakammanto     pahoti    sammakammantassa    sammaajivo    pahoti
sammaajivassa    sammavayamo    pahoti   sammavayamassa   sammasati
@Footnote: 1 Ma. paribhavanaya.
Pahoti      sammasatissa     sammasamadhi     pahoti     sammasamadhissa
sammananam     pahoti     sammananassa    sammavimutti    pahoti   .
Yanhi    tam    bho    sammavadamano   vadeyya   svakkhato   bhagavata
dhammo    sanditthiko    akaliko    ehipassiko   opanayiko   paccattam
veditabbo   vinnuhiti   1-   aparuta  te  2-  amatassa  dvarati .
Idameva    tam    sammasambuddhe    aveccappasadena   samannagatam   3-
sammavadamano  vadeyya  svakkhato  hi  [4]- bhagavata dhammo sanditthiko
akaliko    ehipassiko    opanayiko    paccattam   veditabbo   vinnuhi
aparuta te amatassa dvarati.
     {206.2}  Ye  hi  keci  bho buddhe aveccappasadena samannagata
dhamme    aveccappasadena    samannagata    sanghe   aveccappasadena
samannagata  ariyakantehi  silehi  samannagata  .  ye  cime opapatika
dhamme   vinita   satirekani   catuvisatisatasahassani  magadhika  paricaraka
abbhatita    kalakata    tinnam    sannojananam   parikkhaya   sotapanna
avinipatadhamma  niyata  sambodhiparayana  .  atthi  cevettha sakadagamino
athayam  5-  itara  paja  punnabhagati mama 6- no sankhatum [7]- sakkomi
musavadassa ottappanti.
     [207]   Idamattham   bhante   brahma   sanankumaro  abhasittha .
Idamattham    bhante    brahmuno    sanankumarassa   bhasato   vessavanassa
maharajassa   evam   cetaso   parivitakko   udapadi  acchariyam  vata  bho
@Footnote: 1 Ma. vinnuhi. 2 Ma. Yu. ayam patho natthi. ito param idisameva. 3 Ma. Yu.
@sammasambuddhe - samannagatanti ime patha natthi. 4 Ma. Yu. bho. 5 Ma. atthayam.
@6 Ma. Yu. me mano. 7 Ma. Yu. nopi.
Abbhutam    vata    bho   evarupopi   nama   ularo   sattha   bhavissati
evarupam    ularam    dhammakkhanam    evarupa    ulara   visesadhigama
pannayissantiti   .   atha   bhante   brahma   sanankumaro  vessavanassa
maharajassa    cetasa   cetoparivitakkamannaya   vessavanam   maharajanam
etadavoca   tam   kim   mannati   bhavam   vessavano   maharaja   atitampi
addhanam   evarupo  ularo  sattha  ahosi  evarupam  ularam  dhammakkhanam
evarupa    ulara    visesadhigama   pannayimsu   anagatampi   addhanam
evarupo    ularo   sattha   bhavissati   evarupam   ularam   dhammakkhanam
evarupa ulara visesadhigama pannayissantiti.
     [208]  Idamattham  bhante  brahma  sanankumaro  devanam tavatimsanam
abhasi   .   idamattham   vessavano   maharaja  brahmuno  sanankumarassa
devanam   tavatimsanam   bhasato   sammukha   sutam  sammukha  patiggahitam  1-
sayam  parisayam  2-  arocesi  .  idamattham  janavasabho yakkho vessavanassa
maharajassa  sayam  parisayam  bhasato  sammukha  sutam  sammukha patiggahitam 3-
bhagavato   arocesi   .  idamattham  bhagava  janavasabhassa  yakkhassa  sammukha
sutva    sammukha    patiggahetva    samanca    abhinnaya   ayasmato
anandassa     arocesi     .     idamattham    ayasma    anando
bhagavato   sammukha   sutva   sammukha   patiggahetva  arocesi  bhikkhunam
@Footnote: 1 Si. Yu. sutva sammukha patiggahetva. 2 Si. Yu. saparisayam. Ma. sayam parisayam.
@3 Si. Yu. sutva sammukha patiggahetva.
Bhikkhuninam   upasakanam   upasikanam   .   tayidam   brahmacariyam   iddhanceva
phitanca    vittharikam    1-    bahujannam    puthubhutam   yava   devamanussehi
suppakasitanti.
                  Janavasabhasuttam nitthitam pancamam.
                     -------------
@Footnote: 1 Yu. vittharitam.



             The Pali Tipitaka in Roman Character Volume 10 page 229-251. https://84000.org/tipitaka/read/roman_read.php?B=10&A=4838&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=10&A=4838&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=10&item=187&items=22              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=10&siri=5              Study Atthakatha :- https://84000.org/tipitaka/attha/attha.php?b=10&i=187              The Pali Atthakatha in Thai :- https://84000.org/tipitaka/atthapali/read_th.php?B=5&A=6396              The Pali Atthakatha in Roman :- https://84000.org/tipitaka/atthapali/read_rm.php?B=5&A=6396              Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]