บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Cakkavattisuttam [33] Evamme sutam . ekam samayam bhagava magadhesu viharati matulayam . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum . bhagava etadavoca attadipa bhikkhave viharatha attasarana anannasarana dhammadipa dhammasarana anannasarana . kathanca pana bhikkhave bhikkhu attadipo viharati attasarano anannasarano dhammadipo dhammasarano anannasarano . Idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam . vedanasu vedananupassi . Citte cittanupassi . dhammesu dhammanupassi viharati atapi sampajano satima vineyya loke abhijjhadomanassam . evam kho bhikkhave bhikkhu attadipo viharati attasarano anannasarano dhammadipo dhammasarano anannasarano . gocare bhikkhave caratha sake pettike visaye . gocare bhikkhave caratam sake pettike visaye na lacchati maro otaram na lacchati maro arammanam . kusalanam bhikkhave dhammanam samadanahetu evamidam punnam pavaddhati. [34] Bhutapubbam bhikkhave raja dalhanemi nama ahosi cakkavatti dhammiko dhammaraja caturanto vijitavi janapadatthavariyappatto sattaratanasamannagato . tassimani satta ratanani ahesum seyyathidam Cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam . parosahassam kho panassa putta ahesum sura virangarupa parasenappamaddana . so imam pathavim sagarapariyantam adandena asatthena dhammena samena abhivijiya ajjhavasi. {34.1} Athakho bhikkhave raja dalhanemi bahunnam vassanam bahunnam vassasatanam bahunnam vassasahassanam accayena annataram purisam amantesi yada tvam ambho purisa passeyyasi dibbam cakkaratanam osakkitam thana cutam atha me aroceyyasiti . evam devati kho bhikkhave so puriso ranno dalhanemissa paccassosi . addasa kho bhikkhave so puriso bahunnam vassanam bahunnam vassasatanam bahunnam vassasahassanam accayena dibbam cakkaratanam osakkitam thana cutam disvana 1- yena raja dalhanemi tenupasankami upasankamitva rajanam dalhanemim etadavoca yagghe deva janeyyasi dibbante cakkaratanam osakkitam thana cutanti. {34.2} Athakho bhikkhave raja dalhanemi jetthaputtam kumaram amantetva etadavoca dibbam kira me tata kumara cakkaratanam osakkitam thana cutam sutam kho panetam 2- yassa ranno cakkavattissa dibbam cakkaratanam osakkati thana cavati nadani tena ranna ciram jivitabbam hotiti bhutta kho pana me manusaka kama samayodani me dibbe 3- kame pariyesitum ehi tvam tata kumara imam samuddapariyantam pathavim patipajja aham pana kesamassum oharetva kasayani vatthani @Footnote: 1 Yu. disva . 2 Ma. Yu. panametam . 3 Yu. samayo dibbe. Acchadetva agarasma anagariyam pabbajissamiti . athakho bhikkhave raja dalhanemi jetthaputtam kumaram sadhukam rajje samanusasetva 1- kesamassum oharetva kasayani vatthani acchadetva agarasma anagariyam pabbaji . sattaham pabbajite kho pana bhikkhave rajisimhi dibbam cakkaratanam antaradhayi. [35] Athakho bhikkhave annataro puriso yena raja khattiyo muddhavasitto 2- tenupasankami upasankamitva rajanam khattiyam muddhavasittam etadavoca yagghe deva janeyyasi dibbam cakkaratanam antarahitanti . athakho bhikkhave raja khattiyo muddhavasitto dibbe cakkaratane antarahite anattamano ahosi anattamanatanca patisamvedesi . so yena [3]- rajisi tenupasankami upasankamitva rajisim etadavoca yagghe deva janeyyasi dibbam cakkaratanam antarahitanti. {35.1} Evam vutte bhikkhave rajisi rajanam khattiyam muddhavasittam etadavoca ma kho tvam tata dibbe cakkaratane antarahite anattamano ahosi [4]- anattamanatanca patisamvedesi na hi te tata dibbam cakkaratanam pettikam dayajjam ingha tvam tata ariye cakkavattivatte vattahi thanam kho panetam vijjati yante ariye cakkavattivatte vattamane 5- tadahuposathe pannarase sisanhatassa 6- uposathikassa uparipasadavaragatassa dibbam cakkaratanam patubhavissati sahassaram sanemikam sanabhikam sabbakaraparipuranti . katamam panetam deva ariyam @Footnote: 1 Ma. Yu. samanusasitva . 2 Ma. sabbavaresu muddhabhisitto . 3 Yu. ca. @4 Ma. ma . 5 Ma. Yu. vattamanassa . 6 Ma. sisam nhatassa. Yu. sisam nahatassa. Cakkavattivattanti . tenahi tvam tata dhammamyeva nissaya dhammam sakkaronto dhammam garukaronto dhammam manento dhammam pujento dhammam apacayamano dhammaddhajo dhammaketu dhammadhipateyyo dhammikam rakkhavaranaguttim samvidahassu antojanasmim balakayasmim khattiyesu anuyantesu 1- brahmanagahapatikesu negamajanapadesu samanabrahmanesu migapakkhisu ma va 2- te tata vijite adhammakaro pavattittha ye ca te tata vijite adhana [3]- tesanca dhanam anuppadajjeyyasi 4- ye ca te tata vijite samanabrahmana madappamada pativirata khantisoracce nivittha ekamattanam damenti ekamattanam samenti ekamattanam parinibbapenti te kalena kalam upasankamitva paripuccheyyasi paripanheyyasi 5- kim bhante kusalam kim bhante 6- akusalam kim savajjam kim anavajjam kim sevitabbam kim na sevitabbam kim me kariyamanam 7- digharattam ahitaya dukkhaya assa kim va pana me kariyamanam 7- digharattam hitaya sukhaya assati tesam sutva yam akusalam tam abhinivajjeyyasi yam kusalam tam samadaya vatteyyasi idam kho tata tam ariyam cakkavattivattanti. {35.2} Evam devati kho bhikkhave raja khattiyo muddhavasitto rajisissa patissutva ariye cakkavattivatte vattati 8- . tassa ariye cakkavattivatte vattamanassa tadahuposathe pannarase sisanhatassa uposathikassa uparipasadavaragatassa dibbam cakkaratanam paturahosi sahassaram sanemikam sanabhikam sabbakaraparipuram . @Footnote: 1 Yu. anuyuttesu . 2 Ma. Yu. ca . 3 Ma. Yu. assu . 4 Ma. dhanamanuppadeyyasi. @5 Ma. pariganheyyasi. Yu. ayam patho na dissati . 6 Ma. Yu. ayam na dissati. @7 Ma. kariyamanam. Yu. kayiramanam . 8 Ma. Yu. vatti. Disva 1- ranno khattiyassa muddhavasittassa etadahosi sutam kho pana metam yassa ranno khattiyassa muddhavasittassa tadahuposathe pannarase sisanhatassa uposathikassa uparipasadavaragatassa dibbam cakkaratanam patubhavati sahassaram sanemikam sanabhikam sabbakaraparipuram so hoti raja cakkavattiti assam nu kho aham raja cakkavattiti. [36] Athakho bhikkhave raja khattiyo muddhavasitto utthayasana ekamsam uttarasangam karitva vamena hatthena bhingaram gahetva dakkhinena hatthena cakkaratanam abbhukkiri pavattatu bhavam cakkaratanam abhivijinatu bhavam cakkaratananti. {36.1} Athakho tam bhikkhave cakkaratanam puratthimam disam pavatti 2-. Anvadeva raja cakkavatti saddhim caturanginiya senaya . Yasmim kho pana bhikkhave padese cakkaratanam patitthasi tattha raja cakkavatti vasam upagacchi 3- saddhim caturanginiya senaya . ye kho pana bhikkhave puratthimaya disaya patirajano te rajanam cakkavattim upasankamitva evamahamsu ehi kho maharaja svagatam 4- maharaja sakante maharaja anusasa maharajati . raja cakkavatti evamaha pano na hantabbo adinnam nadatabbam kamesu miccha na caritabba musa na bhasitabba majjam na patabbam yathabhuttanca bhunjathati . @Footnote: 1 Ma. disvana . 2 pavattatitipi patho . 3 upaganchiti va patho . 4 Ma. svagatam @te. Yu. sagatam. Ye kho pana bhikkhave puratthimaya disaya patirajano te ranno cakkavattissa anuyanta ahesum. {36.2} Athakho tam bhikkhave cakkaratanam puratthimam samuddam ajjhogahetva 1- paccuttaritva dakkhinam samuddam ajjhogahetva paccuttaritva pacchimam 2- disam pavatti . anvadeva raja cakkavatti saddhim caturanginiya senaya. Yasmim kho pana bhikkhave padese [3]- cakkaratanam patitthasi tattha raja cakkavatti vasam upagacchi saddhim caturanginiya senaya . ye kho pana bhikkhave pacchimaya disaya patirajano te rajanam cakkavattim upasankamitva evamahamsu ehi kho maharaja svagatam maharaja sakante maharaja anusasa maharajati . raja cakkavatti evamaha pano na hantabbo adinnam nadatabbam kamesu miccha na caritabba musa na bhasitabba majjam na patabbam yathabhuttanca bhunjathati . ye kho pana bhikkhave pacchimaya disaya patirajano te ranno cakkavattissa anuyanta ahesum. {36.3} Athakho tam bhikkhave cakkaratanam pacchimam samuddam ajjhogahetva paccuttaritva uttaram disam pavatti . anvadeva raja cakkavatti saddhim caturanginiya senaya . yasmim kho pana bhikkhave padese [3]- cakkaratanam patitthasi tattha raja cakkavatti vasam upagacchi saddhim caturanginiya senaya . ye kho pana bhikkhave uttaraya disaya patirajano te rajanam cakkavattim upasankamitva evamahamsu ehi kho maharaja svagatam @Footnote: 1 Ma. ajjhogahetva . 2 Ma. Yu. samuddam ... pacchimanti ime patha natthi. @3 Ma. dibbam. Maharaja sakante maharaja anusasa maharajati . raja cakkavatti evamaha pano na hantabbo adinnam nadatabbam kamesu miccha na caritabba musa na bhasitabba majjam na patabbam yathabhuttanca bhunjathati . ye kho pana bhikkhave uttaraya disaya patirajano te ranno cakkavattissa anuyanta ahesum. {36.4} Athakho tam bhikkhave cakkaratanam samuddapariyantam pathavim abhivijinitva tameva rajadhanim paccuggantva 1- ranno cakkavattissa antepuradvare atthakaranapamukhe akkhahatam manne atthasi ranno cakkavattissa antepuram upasobhayamanam. [37] Dutiyopi kho bhikkhave raja cakkavatti . tatiyopi kho bhikkhave raja cakkavatti . catutthopi kho bhikkhave raja cakkavatti . pancamopi kho bhikkhave raja cakkavatti . chatthopi kho bhikkhave raja cakkavatti . sattamopi kho bhikkhave raja cakkavatti bahunnam vassanam bahunnam vassasatanam bahunnam vassasahassanam accayena annataram purisam amantesi yada kho 2- tvam ambho purisa passeyyasi dibbam cakkaratanam osakkitam thana cutam atha me aroceyyasiti . Evam devati kho bhikkhave so puriso ranno cakkavattissa paccassosi . addasa kho bhikkhave so puriso bahunnam vassanam bahunnam vassasatanam bahunnam vassasahassanam accayena dibbam cakkaratanam @Footnote: 1 Ma. Yu. paccagantva . 2 Ma. khosaddo na dissati. Osakkitam thana cutam disva 1- yena raja cakkavatti tenupasankami upasankamitva rajanam cakkavattim etadavoca yagghe deva janeyyasi dibbante cakkaratanam osakkitam thana cutanti. {37.1} Athakho bhikkhave raja cakkavatti jetthaputtam kumaram amantetva 2- etadavoca dibbam kira me tata kumara cakkaratanam osakkitam thana cutam sukham kho pana metam yassa ranno cakkavattissa dibbam cakkaratanam osakkati thana cavati nadani tena ranna ciram jivitabbam hotiti bhutta pana me manusaka kama samayodani me dibbe 3- kame pariyesitum ehi tvam tata kumara imam samuddapariyantam pathavim patipajja aham pana kesamassum oharetva kasayani vatthani acchadetva agarasma anagariyam pabbajissamiti. {37.2} Athakho bhikkhave raja cakkavatti jetthaputtam kumaram sadhukam rajje samanusasetva kesamassum oharetva kasayani vatthani acchadetva agarasma anagariyam pabbaji . sattaham pabbajite kho pana bhikkhave rajisimhi dibbam cakkaratanam antaradhayi. [38] Athakho bhikkhave annataro puriso .pe. antarahitanti . Athakho bhikkhave raja khattiyo muddhavasitto dibbe cakkaratane antarahite anattamano ahosi anattamanatanca patisamvedesi no ca kho rajisim upasankamitva ariyam cakkavattivattam pucchi . so samateneva sudam janapadam pasasati tassa samatena janapadam pasasato @Footnote: 1 Ma. disvana . 2 Ma. Yu. amantapetva . 3 Yu. samayo dibbe. Na pubbenaparam janapada paccanti yatha tam pubbakanam rajunam ariye cakkavattivatte vattamananam. {38.1} Athakho bhikkhave amacca parisajja ganakamahamatta anikattha dovarika mantassajivino sannipatitva rajanam khattiyam muddhavasittam [1]- etadavocum na kho te deva samatena sudam 2- janapadam pasasato pubbenaparam janapada paccanti yatha tam pubbakanam rajunam ariye cakkavattivatte vattamananam samvijjanti kho te deva vijite amacca parisajja ganakamahamatta anikattha dovarika mantassajivino mayanceva anne ca ye mayam ariyam cakkavattivattam dharema ingha tvam deva amhe ariyam cakkavattivattam puccha tassa te mayam ariyam cakkavattivattam puttha byakarissamati. [39] Athakho bhikkhave raja khattiyo muddhavasitto amacce parisajje ganakamahamatte anikatthe dovarike mantassajivino sannipatetva ariyam cakkavattivattam pucchi . tassa te ariyam cakkavattivattam puttha byakarimsu . tesam sutva dhammikanhi kho rakkhavaranaguttim samvidahi no ca kho adhananam dhanamanuppadasi . Adhananam dhane nanuppadiyamane 3- daliddiyam 4- vepullam agamasi. Daliddiye vepullam gate annataro puriso paresam adinnam theyyasankhatam adiyi . tamenam aggahesum gahetva ranno khattiyassa muddhavasittassa dassesum ayam deva puriso paresam adinnam theyyasankhatam adiyiti . evam vutte bhikkhave raja khattiyo @Footnote: 1 Yu. upasankamitva . 2 Yu. ayam na dissati . 3 Ma. Yu. ananuppadiyamane. @4 Yu. sabbavaresu daliddiyam. Muddhavasitto tam purisam etadavoca saccam kira tvam ambho purisa paresam adinnam theyyasankhatam adiyasiti 1- . saccam devati. Kimkaranati. Na hi deva jivamiti . athakho bhikkhave raja khattiyo muddhavasitto tassa purisassa dhanamanuppadasi imina tvam ambho purisa dhanena attana ca jivahi matapitaro ca posehi puttadaranca posehi kammante [2]- payojehi samanesu brahmanesu 3- uddhaggikam dakkhinam patitthapehi sovaggikam sukhavipakam saggasamvattanikanti . evam devati kho bhikkhave so puriso ranno khattiyassa muddhavasittassa paccassosi. {39.1} Annataropi kho bhikkhave puriso paresam adinnam theyyasankhatam adiyi . tamenam aggahesum gahetva ranno khattiyassa muddhavasittassa dassesum ayam deva puriso paresam adinnam theyyasankhatam adiyiti. Evam vutte bhikkhave raja khattiyo muddhavasitto tam 4- purisam etadavoca saccam kira tvam ambho purisa paresam adinnam theyyasankhatam adiyasiti. Saccam devati. Kimkaranati. Na hi deva jivamiti. {39.2} Athakho bhikkhave raja khattiyo muddhavasitto tassa purisassa dhanamanuppadasi imina tvam ambho purisa dhanena attana ca jivahi 5- matapitaro ca posehi puttadaranca posehi kammante [2]- payojehi samanesu brahmanesu 3- uddhaggikam dakkhinam patitthapehi sovaggikam sukhavipakam saggasamvattanikanti . evam devati kho bhikkhave so 6- puriso ranno khattiyassa muddhavasittassa @Footnote: 1 Ma. Yu. adiyiti . 2 Ma. Yu. ca . 3 Ma. samanabrahmanesu . 4 Yu. ayam @na dissati . 5 Yu. upajivahi . 6 Yu. kho so bhikkhave. Paccassosi . assosum kho bhikkhave manussa ye kira bho paresam adinnam theyyasankhatam adiyanti tesam raja anuppadetiti 1- . sutvana tesam etadahosi yannuna mayampi paresam adinnam theyyasankhatam adiyeyyamati. [40] Athakho bhikkhave annataro puriso paresam adinnam theyyasankhatam adiyi . tamenam aggahesum gahetva ranno khattiyassa muddhavasittassa dassesum ayam deva puriso paresam adinnam theyyasankhatam adiyiti . Evam vutte bhikkhave raja khattiyo muddhavasitto tam purisam etadavoca saccam kira tvam ambho purisa paresam adinnam theyyasankhatam adiyasiti. Saccam devati . kimkaranati . na hi deva jivamiti. Athakho bhikkhave ranno khattiyassa muddhavasittassa etadahosi sace kho aham yo yo paresam adinnam theyyasankhatam adiyissati tassa tassa dhanamanuppadassami 2- evamidam adinnadanam pavaddhissati yannunaham imam purisam sunisedham nisedheyyam mulaghaccham kareyyam sisamassa chindeyyanti. {40.1} Athakho bhikkhave raja khattiyo muddhavasitto purise anapesi tenahi bhane imam purisam dalhaya rajjuya pacchabahum galhabandhanam bandhitva khuramundam karitva kharassarena panavena rathiyaya rathiyam 3- singhatakena singhatakam parinetva dakkhinena dvarena nikkhamitva dakkhinato nagarassa sunisedham nisedhetha mulaghaccham karotha sisamassa chindathati . evam @Footnote: 1 Ma. Yu. dhanamanuppadesiti . 2 Yu. dhanamanuppadami . 3 Ma. rathikaya rathikam. Devati kho bhikkhave te purisa ranno khattiyassa muddhavasittassa patissutva tam purisam dalhaya rajjuya pacchabahum galhabandhanam bandhitva khuramundam karitva kharassarena panavena rathiyaya rathiyam singhatakena singhatakam parinetva dakkhinena dvarena nikkhamitva dakkhinato nagarassa sunisedham nisedhesum mulaghaccham akamsu sisamassa chindimsu. [41] Assosum kho bhikkhave manussa ye kira bho paresam adinnam theyyasankhatam adiyanti te raja sunisedham nisedheti mulaghaccham karoti sisani tesam chindatiti . sutvana tesam etadahosi yannuna mayampi tinhani satthani karapeyyama 1- tinhani satthani karapetva yesam adinnam theyyasankhatam adiyissama te sunisedham nisedhessama mulaghaccham karissama sisani nesam chindissamati . Te tinhani satthani karapesum tinhani satthani karapetva gamaghatampi upakkamimsu katum nigamaghatampi upakkamimsu katum nagaraghatampi upakkamimsu katum panthaduhanampi upakkamimsu katum . yesam te 2- adinnam theyyasankhatam adiyanti te sunisedham nisedhenti mulaghaccham karonti sisani nesam chindanti. [42] Iti kho bhikkhave adhananam dhane nanuppadiyamane 3- daliddiyam vepullamagamasi daliddiye vepullam gate 4- adinnadanam vepullamagamasi adinnadane vepullam gate sattham vepullamagamasi @Footnote: 1 Ma. karapessama . 2 Yu. te yesam . 3 Ma. Yu. ananuppadiyamane. @4 Yu. sabbavaresu vepullagate. Satthe vepullam gate panatipato vepullamagamasi panatipate vepullam gate musavado vepullamagamasi musavade vepullam gate tesam sattanam ayupi parihayi vannopi parihayi tesam ayunapi parihayamananam vannenapi parihayamananam asitivassasahassayukanam *- manussanam cattarisavassasahassayuka putta ahesum cattarisavassa- sahassayukesu bhikkhave manussesu annataro puriso paresam adinnam theyyasankhatam adiyi . tamenam aggahesum gahetva ranno khattiyassa muddhavasittassa dassesum ayam deva puriso paresam adinnam theyyasankhatam adiyiti . evam vutte bhikkhave raja khattiyo muddhavasitto tam purisam etadavoca saccam kira tvam ambho purisa paresam adinnam theyyasankhatam adiyasiti. Na hi devati sampajanamusa 1- bhasi. [43] Iti kho bhikkhave adhananam dhane nanuppadiyamane daliddiyam vepullamagamasi daliddiye vepullam gate adinnadanam vepullamagamasi adinnadane vepullam gate sattham vepullamagamasi satthe vepullam gate panatipato vepullamagamasi panatipate vepullam gate musavado vepullamagamasi musavade vepullam gate tesam sattanam ayupi parihayi vannopi parihayi tesam 2- ayunapi parihayamananam vannenapi parihayamananam cattarisavassasahassayukanam manussanam visativassasahassayuka putta ahesum visativassasahassayukesu @Footnote: 1 Yu. avaca sampajanamusa . 2 Yu. ayam na dissati. @* mikarkr khagoe asitivassasahasusayukanam peDna asitivassasahassayukanam Bhikkhave manussesu annataro puriso paresam adinnam theyyasankhatam adiyi . tamenam annataro puriso ranno khattiyassa muddhavasittassa arocesi itthannamo deva puriso paresam adinnam theyyasankhatam adiyatiti pesunnamakasi. [44] Iti kho bhikkhave adhananam dhane nanuppadiyamane daliddiyam vepullamagamasi daliddiye vepullam gate .pe. Pisuna vaca vepullamagamasi pisunaya vacaya vepullam gataya tesam sattanam ayupi parihayi vannopi parihayi tesam ayunapi parihayamananam vannenapi parihayamananam visativassasahassayukanam manussanam dasavassasahassayuka putta ahesum dasavassasahassayukesu bhikkhave manussesu ekidam satta vannavanta 1- honti ekidam satta dubbanna tattha ye te satta dubbanna te vannavante satte abhijjhayanta paresam daresu carittam apajjimsu. [45] Iti kho bhikkhave adhananam dhane nanuppadiyamane daliddiyam vepullamagamasi daliddiye vepullam gate adinnadanam vepullamagamasi adinnadane vepullam gate . sankhittam . kamesu micchacaro vepullamagamasi kamesu micchacare vepullam gate tesam sattanam ayupi parihayi vannopi parihayi tesam ayunapi parihayamananam vannenapi parihayamananam dasavassasahassayukanam manussanam pancavassasahassayuka putta ahesum pancavassasahassayukesu @Footnote: 1 Ma. Yu. vannavanto. Bhikkhave manussesu dve dhamma vepullamagamimsu 1- pharusa ca 2- vaca samphappalapo ca dvisu dhammesu vepullam gatesu tesam sattanam ayupi parihayi vannopi parihayi tesam ayunapi parihayamananam vannenapi parihayamananam pancavassasahassayukanam manussanam appekacce addhateyyavassasahassayuka appekacce dvevassasahassayuka putta ahesum addhateyyavassasahassayukesu bhikkhave manussesu abhijjhabyapada vepullamagamimsu abhijjhabyapadesu vepullam gatesu 3- tesam sattanam ayupi parihayi vannopi parihayi tesam ayunapi parihayamananam vannenapi parihayamananam addhateyya- vassasahassayukanam manussanam vassasahassayuka putta ahesum {45.1} vassasahassayukesu bhikkhave manussesu micchaditthi vepullamagamasi micchaditthiya vepullam gataya tesam sattanam ayupi parihayi vannopi parihayi tesam ayunapi parihayamananam vannenapi parihayamananam vassasahassayukanam manussanam pancavassasatayuka putta ahesum pancavassasatayukesu bhikkhave manussesu tayo dhamma vepullamagamamsu adhammarago visamalobho micchadhammo tisu dhammesu vepullam gatesu tesam sattanam ayupi parihayi vannopi parihayi tesam ayunapi parihayamananam vannenapi parihayamananam pancavassasatayukanam manussanam appekacce addhateyyavassasatayuka appekacce dvevassasatayuka putta ahesum addhateyyavassasatayukesu @Footnote: 1 Ma. Yu. vepullamagamamsu . 2 Yu. casaddo na dissati . 3 Yu. abhijjhavyapado @vepullamagamasi abhijjhavyapade vepullagate. Bhikkhave manussesu ime dhamma vepullamagamamsu amatteyyata apetteyyata asamannata abrahmannata nakulejetthapacayita 1-. {45.2} Iti kho bhikkhave adhananam dhane nanuppadiyamane daliddiyam vepullamagamasi daliddiye vepullam gate adinnadanam vepullamagamasi adinnadane vepullam gate sattham vepullamagamasi satthe vepullam gate panatipato vepullamagamasi panatipate vepullam gate musavado vepullamagamasi musavade vepullam gate pisuna vaca vepullamagamasi pisunaya vacaya vepullam gataya kamesu micchacaro vepullamagamasi kamesu micchacare vepullam gate dve dhamma vepullamagamamsu pharusa ca vaca samphappalapo ca dvisu dhammesu vepullam gatesu abhijjhabyapada vepullamagamamsu abhijjhabyapadesu vepullam gatesu micchaditthi vepullamagamasi micchaditthiya vepullam gataya tayo dhamma vepullamagamamsu adhammarago visamalobho micchadhammo tisu dhammesu vepullam gatesu ime dhamma vepullamagamamsu amatteyyata apetteyyata asamannata abrahmannata nakulejetthapacayita imesu dhammesu vepullam gatesu tesam sattanam ayupi parihayi vannopi parihayi tesam ayunapi parihayamananam vannenapi parihayamananam addhateyyavassasatayukanam manussanam vassasatayuka putta ahesum. @Footnote: 1 nakulejetthapacayikati va patho. [46] Bhavissati bhikkhave so samayo yam imesam manussanam dasavassayuka putta bhavissanti dasavassayukesu bhikkhave manussesu pancavassika kumarika alampateyya 1- bhavissanti dasavassayukesu bhikkhave manussesu imani rasani antaradhayissanti seyyathidam sappi navanitam telam madhu phanitam lonam dasavassayukesu bhikkhave manussesu kudrusako 2- aggabhojanam 3- bhavissati seyyathapi bhikkhave etarahi salimamsodano aggabhojanam {46.1} evameva kho bhikkhave dasavassayukesu manussesu kudrusako aggabhojanam bhavissati dasavassayukesu bhikkhave manussesu dasa kusalakammapatha sabbena sabbam antaradhayissanti dasa akusalakammapatha ativiya dippissanti 4- dasavassayukesu bhikkhave manussesu kusalantipi na bhavissati kuto pana kusalassa karako dasavassayukesu bhikkhave manussesu ye te bhavissanti amatteyya apetteyya asamanna abrahmanna nakulejetthapacayino te puja 5- ca bhavissanti pasamsa ca seyyathapi bhikkhave etarahi matteyya 6- petteyya samanna brahmanna kulejetthapacayino te 7- puja ca pasamsa ca {46.2} evameva kho bhikkhave dasavassayukesu manussesu ye te bhavissanti amatteyya apetteyya asamanna abrahmanna nakulejetthapacayino te puja ca bhavissanti pasamsa ca dasavassayukesu bhikkhave manussesu na bhavissati @Footnote: 1 Yu. alamapateyya . 2 Ma. kudrusako . 3 Ma. Yu. aggam bhojananam. @4 Ma. atibyadippissanti . 5 Ma. Yu. pujja . 6 Yu. metteyya . 7 Ma. ayam @na dissati. Matati va matucchati va pitati va pitucchati va 1- matulaniti va acariyabhariyati va garunam darati va sambhedam loko gamissati yatha ajelaka kukkuta sukara sona sigala dasavassayukesu bhikkhave manussesu tesam sattanam annamannamhi tibbo aghato paccupatthito bhavissati tibbo byapado tibbo manopadoso tibbam vadhakacittam matupi puttamhi . Puttassapi matari . pitupi puttamhi . puttassapi pitari . bhatupi 2- bhaginiya . bhaginiya bhatari tibbo aghato paccupatthito bhavissati tibbo byapado tibbo manopadoso tibbam vadhakacittam seyyathapi bhikkhave magavikassa migam disva tibbo aghato paccupatthito hoti tibbo byapado tibbo manopadoso tibbam vadhakacittam {46.3} evameva kho bhikkhave dasavassayukesu manussesu tesam sattanam annamannamhi tibbo aghato paccupatthito bhavissati tibbo byapado tibbo manopadoso tibbam vadhakacittam matupi puttamhi . puttassapi matari . pitupi puttamhi . puttassapi pitari . bhatupi 2- bhaginiya . bhaginiyapi bhatari tibbo aghato paccupatthito bhavissati tibbo byapado tibbo manopadoso tibbam vadhakacittam. [47] Dasavassayukesu bhikkhave manussesu sattaham satthantarakappo bhavissati te annamannam 3- migasannam patilabhissanti tesam @Footnote: 1 Ma. Yu. pitati va pitucchati vati na dissati . 2 Yu. bhatupi bhatari. @3 Ma. annamannasmi. Tinhani satthani hatthesu patubhavissanti te tinhena satthena esa migoti 1- annamannam jivita voropissanti. {47.1} Athakho tesam bhikkhave sattanam ekaccanam evam bhavissati ma ca mayam kanci 2- ma ca amhe koci yannuna mayam tinagahanam va vanagahanam va rukkhagahanam va nadividuggam va pabbatavisamam va pavisitva vanamulaphalahara yapeyyamati . te tinagahanam va 3- vanagahanam va rukkhagahanam va 3- nadividuggam va 3- pabbatavisamam va 3- pavisitva sattaham vanamulaphalahara yapessanti 4- . te tassa sattahassa accayena tinagahana vanagahana rukkhagahana nadividugga pabbatavisama nikkhamitva annamannam alingitva sabhasu gayissanti samassasissanti dittha bho satta jivasi tvam dittha bho satta jivasiti. {47.2} Athakho tesam bhikkhave sattanam evam bhavissati mayam kho akusalanam dhammanam samadanahetu evarupam 5- ayatam natikkhayam patta yannuna mayam kusalam kareyyama kim kusalam kareyyama yannuna mayam panatipata virameyyama idam kusalam dhammam samadaya vatteyyamati . te panatipata viramissanti idam kusalam dhammam samadaya vattissanti te kusalanam dhammanam samadanahetu ayunapi vaddhissanti vannenapi vaddhissanti tesam ayunapi vaddhamananam vannenapi vaddhamananam dasavassayukanam manussanam visativassayuka putta bhavissanti. {47.3} Athakho tesam bhikkhave sattanam evam bhavissati mayam kho kusalanam @Footnote: 1 Yu. amenditam . 2 Ma. kinci . 3 Yu. vasaddo na dissati. @4 Yu. yapeyyanti . 5 Yu. ayam na dissati. Dhammanam samadanahetu ayunapi vaddhama vannenapi vaddhama yannuna mayam bhiyyoso mattaya kusalam kareyyama kim kusalam kareyyama 1- yannuna mayam adinnadana virameyyama kamesu micchacara virameyyama musavada virameyyama pisunaya vacaya virameyyama pharusaya vacaya virameyyama samphappalapa virameyyama abhijjham pajaheyyama byapadam pajaheyyama micchaditthim pajaheyyama tayo dhamme pajaheyyama adhammaragam visamalobham micchadhammam yannuna mayam matteyya assama petteyya samanna brahmanna kule jetthapacayino idam kusalam dhammam samadaya vatteyyamati. {47.4} Te matteyya bhavissanti petteyya samanna brahmanna kule jetthapacayino idam kusalam dhammam samadaya vattissanti tesam 2- kusalanam dhammanam samadanahetu ayunapi vaddhissanti vannenapi vaddhissanti tesam ayunapi vaddhamananam vannenapi vaddhamananam visativassayukanam manussanam cattalisavassayuka putta bhavissanti . cattalisavassayukanam manussanam asitivassayuka putta bhavissanti . asitivassayukanam manussanam satthivassasatayuka putta bhavissanti . satthivassasatayukanam manussanam visatitivassasatayuka putta bhavissanti . visatitivassasatayukanam manussanam cattalisachavassasatayuka putta bhavissanti . cattalisa- chavassasatayukanam manussanam dvevassasahassayuka putta bhavissanti . Dvevassasahassayukanam manussanam cattarivassasahassayuka @Footnote: 1 Ma. Yu. ki kusalam kareyyamati na dissati . 2 Ma. Yu. te. Putta bhavissanti . cattarivassasahassayukanam manussanam atthavassasahassayuka putta bhavissanti . atthavassasahassayukanam manussanam visativassasahassayuka putta bhavissanti . visativassa- sahassayukanam manussanam cattalisavassasahassayuka putta bhavissanti . cattalisavassasahassayukanam manussanam asitivassa- sahassayuka putta bhavissanti. [48] Asitivassasahassayukesu bhikkhave manussesu pancavassasatika kumarika alampateyya bhavissanti . asitivassasahassayukesu bhikkhave manussesu tayo abadha bhavissanti iccha anasanam jara . Asitivassasahassayukesu bhikkhave manussesu ayam jambudipo iddho ceva bhavissati phito ca kukkutasampatita 1- gamanigamarajadhaniyo . Asitivassasahassayukesu bhikkhave manussesu ayam jambudipo avici manne phuto bhavissati manussehi seyyathapi nalavanam va saravanam va 2-. {48.1} Asitivassasahassayukesu bhikkhave manussesu ayam baranasi ketumati nama rajadhani bhavissati iddha ceva phita ca bahujana ca akinnamanussa ca subhikkha ca . asitivassasahassayukesu bhikkhave manussesu imasmim jambudipe caturasitinagarasahassani bhavissanti ketumati- rajadhanipamukhani . asitivassasahassayukesu bhikkhave manussesu ketumati- rajadhaniya sankho nama raja uppajjissati cakkavatti dhammiko dhammaraja @Footnote: 1 Ma. Yu. kukkutasampadika . 2 Ma. Yu. saravanam va. Caturanto vijitavi janapadatthavariyappatto sattaratanasamannagato . Tassimani satta ratanani bhavissanti seyyathidam cakkaratanam hatthiratanam assaratanam maniratanam itthiratanam gahapatiratanam parinayakaratanameva sattamam . parosahassam kho panassa putta bhavissanti sura virangarupa parasenappamaddana . so imam pathavim sagarapariyantam adandena asatthena dhammena abhivijiya ajjhavasissati. {48.2} Asitivassasahassayukesu bhikkhave manussesu metteyyo nama bhagava loke uppajjissati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava seyyathapahametarahi loke uppanno araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava. {48.3} So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedessati seyyathapahametarahi imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedemi . so dhammam desessati adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakasessati seyyathapahametarahi dhammam desemi adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakasemi . so anekasahassam Bhikkhusangham pariharissati seyyathapaham etarahi anekasatam bhikkhusangham pariharami. {48.4} Athakho bhikkhave sankho nama raja yo so 1- yupo ranna mahapanadena karapito tam yupam ussapetva ajjhavasitva [2]- vissajjitva samanabrahmanakapanaddhikavanibbakayacakanam danam datva metteyyassa bhagavato arahato sammasambuddhassa santike kesamassum oharetva kasayani vatthani acchadetva agarasma anagariyam pabbajissati . so evam pabbajito samano eko vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja viharissati. [49] Attadipa bhikkhave viharatha attasarana anannasarana dhammadipa dhammasarana anannasarana . kathanca bhikkhave bhikkhu attadipo viharati attasarano anannasarano dhammadipo dhammasarano anannasarano . idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam vedanasu vedananupassi viharati atapi sampajano satima vineyya loke abhijjhadomanassam citte cittanupassi viharati atapi sampajano satima vineyya loke abhijjhadomanassam dhammesu dhammanupassi viharati atapi sampajano satima vineyya loke abhijjhadomanassam . @Footnote: 1 Yu. yenassa . 2 Ma. tam datva. Yu. daditva. Evam kho bhikkhave bhikkhu attadipo viharati attasarano anannasarano dhammadipo dhammasarano anannasarano. [50] Gocare bhikkhave caratha sake pettike visaye. Gocare bhikkhave caranta sake pettike visaye ayunapi vaddhissatha vannenapi vaddhissatha sukhenapi vaddhissatha bhogenapi vaddhissatha balenapi vaddhissatha. {50.1} Kinca bhikkhave bhikkhuno ayusmim . idha bhikkhave bhikkhu chandasamadhipadhanasankharasamannagatam iddhipadam bhaveti viriyasamadhipadhana ... Cittasamadhipadhana ... vimamsasamadhipadhanasankharasamannagatam iddhipadam bhaveti so imesam catunnam iddhipadanam bhavitatta bahulikatatta akankhamano kappam va tittheyya kappavasesam va . Idam kho bhikkhave bhikkhuno ayusmim. {50.2} Kinca bhikkhave bhikkhuno vannasmim. Idha bhikkhave bhikkhu silava hoti patimokkhasamvarasamvuto viharati acaragocarasampanno anumattesu vajjesu bhayadassavi samadaya sikkhati sikkhapadesu . idam kho bhikkhave bhikkhuno vannasmim. {50.3} Kinca bhikkhave bhikkhuno sukhasmim. Idha bhikkhave bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasama .pe. Dutiyam jhanam . tatiyam jhanam . catuttham jhanam upasampajja viharati . Idam kho bhikkhave bhikkhuno sukhasmim. {50.4} Kinca bhikkhave bhikkhuno bhogasmim . idha bhikkhave bhikkhu mettasahagatena cetasa ekam disam Pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati . karunasahagatena cetasa . Muditasahagatena cetasa . upekkhasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati . idam kho bhikkhave bhikkhuno bhogasmim. {50.5} Kinca bhikkhave bhikkhuno balasmim . idha bhikkhave bhikkhu asavanam khaya anasavancetovimuttim pannavimuttim ditthe va dhamme sayam abhinna sacchikatva upasampajja viharati . idam kho bhikkhave bhikkhuno balasmim . naham bhikkhave annam ekabalampi samanupassami evam 1- duppasaham yathayidam bhikkhave marabalam kusalanam bhikkhave dhammanam samadanahetu evamidam punnam pavaddhatiti . idamavoca bhagava . attamana te bhikkhu bhagavato bhasitam abhinandunti. Cakkavattisuttam nitthitam tatiyam 2-. ------------------- @Footnote: 1 Ma. yam evam . 2 Yu. cakkavattisihanadasuttantam tatiyam.The Pali Tipitaka in Roman Character Volume 11 page 62-86. https://84000.org/tipitaka/read/roman_read.php?B=11&A=1264&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=11&A=1264&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=11&item=33&items=18 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=11&siri=3 Study Atthakatha :- https://84000.org/tipitaka/attha/attha.php?b=11&i=33 The Pali Atthakatha in Thai :- https://84000.org/tipitaka/atthapali/read_th.php?B=6&A=727 The Pali Atthakatha in Roman :- https://84000.org/tipitaka/atthapali/read_rm.php?B=6&A=727 Contents of The Tipitaka Volume 11 https://84000.org/tipitaka/read/?index_11 https://84000.org/tipitaka/english/?index_11
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]