PaliRoman Vol.11

Aggannasuttam [51] Evamme sutam . ekam samayam bhagava savatthiyam viharati pubbarame migaramatupasade . tena kho pana samayena vasetthabharadvaja bhikkhusu parivasanti bhikkhubhavam akankhamana . Athakho bhagava sayanhasamayam patisallana vutthito pasada orohitva pasadapacchayayam abbhokase cankamati. {51.1} Addasa kho vasettho bhagavantam sayanhasamayam patisallana vutthitam pasada orohitva pasadapacchayayam abbhokase cankamantam disvana bharadvajam amantesi ayam avuso bharadvaja bhagava sayanhasamayam patisallana vutthito pasada orohitva pasadapacchayayam abbhokase cankamati ayamavuso bharadvaja yena bhagava tenupasankamissama appevanama labheyyama bhagavato sammukha ^1- dhammim katham savanayati . evamavusoti kho bharadvajo vasetthassa paccassosi. {51.2} Athakho vasetthabharadvaja yena bhagava tenupasankamimsu upasankamitva bhagavantam abhivadetva bhagavantam cankamantam anucankamimsu . athakho bhagava vasettham amantesi tumhe khvattha vasettha ^2- brahmanajacca brahmanakulina brahmanakula agarasma anagariyam pabbajita kacci vo vasettha ^3- brahmana na akkosanti na paribhasantiti . taggha no bhante brahmana akkosanti paribhasanti attarupaya @Footnote: ¹ Ma. Yu. santika . 2-3 Ma. Yu. vasettha. Paribhasaya paripunnaya no aparipunnayati . yathakatham pana vo vasettha brahmana akkosanti paribhasanti attarupaya paribhasaya paripunnaya no aparipunnayati . brahmana bhante evamahamsu brahmano va settho vanno hina anne vanna brahmano va sukko vanno kanha anne vanna brahmana va sujjhanti no abrahmana brahmana ^1- brahmuno putta orasa mukhato jata brahmaja brahmanimmita brahmadayada te tumhe settham vannam hitva hinamatthavannam ajjhupagata yadidam mundake samanake ibbhe kanhe bandhupada pacceti ^2- tayidam na sadhu tayidam nappatirupam yam tumhe settham vannam hitva hinamatthavannam ajjhupagata yadidam mundake samanake ibbhe kanhe bandhupada pacceti . evam kho no bhante brahmana akkosanti paribhasanti attarupaya paribhasaya paripunnaya no aparipunnayati. {51.3} Taggha vo vasettha brahmana poranam asaranta evamahamsu brahmano va settho vanno hina anne vanna brahmano va sukko vanno kanha anne vanna brahmana va sujjhanti no abrahmana brahmana ^1- brahmuno putta orasa mukhato jata brahmaja brahmanimmita brahmadayadati . dissanti kho pana vasettha brahmananam brahmaniyo utuniyopi gabbhiniyopi vijayamanapi payamanapi te ca brahmana yonija va samana @Footnote: ¹ Ma. Yu. brahmana va. evamupari . ² Ma. Yu. bandhupadapacce. Evamahamsu brahmano va settho vanno .pe. brahmadayadati . Te ca ^1- brahmananceva abbhacikkhanti musa ca bhasanti bahunca apunnam pasavanti. [52] Cattarome vasettha vanna khattiya brahmana vessa sudda . khattiyopi kho vasettha idhekacco panatipati hoti adinnadayi kamesu micchacari musavadi pisunavaco ^2- pharusavaco samphappalapi abhijjhalu byapannacitto micchaditthi . Iti kho vasettha yeme dhamma akusala akusalasankhata savajja savajjasankhata asevitabba asevitabbasankhata nalamariya nalamariyasankhata kanha kanhavipaka vinnugarahita . khattiyepi te idhekacce sandissanti . Brahmanopi kho vasettha .pe. Vessopi kho vasettha .pe. suddopi kho vasettha idhekacco panatipati hoti adinnadayi .pe. micchaditthi . iti kho vasettha yeme dhamma akusala akusalasankhata .pe. kanha kanhavipaka vinnugarahita suddepi te idhekacce sandissanti. [53] Khattiyopi kho vasettha idhekacco panatipata pativirato hoti adinnadana pativirato kamesu micchacara pativirato musavada pativirato pisunaya vacaya pativirato pharusaya vacaya pativirato samphappalapa pativirato anabhijjhalu abyapannacitto sammaditthi . iti kho vasettha yeme dhamma kusala kusalasankhata @Footnote: ¹ Ma. Yu. casaddo na dissati . ² Yu. pisunavaco pharusavaco. Anavajja anavajjasankhata sevitabba sevitabbasankhata alamariya alamariyasankhata sukka sukkavipaka vinnupasattha . khattiyepi te idhekacce sandissanti . brahmanopi kho vasettha . vessopi kho vasettha . suddopi kho vasettha idhekacco panatipata pativirato hoti .pe. anabhijjhalu abyapannacitto sammaditthi . Iti kho vasettha yeme dhamma kusala kusalasankhata anavajja anavajjasankhata sevitabba sevitabbasankhata alamariya alamariyasankhata sukka sukkavipaka vinnupasattha . suddepi te idhekacce sandissanti. {53.1} Imesu kho vasettha catusu vannesu evam ubhayabyokinnesu ^1- vattamanesu kanhasukkesu dhammesu vinnuvigarahitesu ceva vinnupasatthesu ca yadettha brahmana evamahamsu brahmano va settho vanno hina anne vanna brahmano va sukko vanno kanha anne vanna brahmana va sujjhanti no abrahmana brahmana brahmuno putta orasa mukhato jata brahmaja brahmanimmita brahmadayadati . Tantesam vinnu nanujananti . tam kissa hetu . imesam hi vasettha catunnam vannanam yo hoti bhikkhu araham khinasavo vusitava katakaraniyo ohitabharo anuppattasadattho parikkhinakavasannojano sammadanna- vimutto so nesam aggamakkhayati dhammeneva no adhammena. Dhammo hi vasettha settho janetasmim ditthe ceva dhamme abhisamparayanca . @Footnote: ¹ Ma. Yu. ubhayaokinnesu. Tadaminapetam vasettha pariyayena veditabbam yatha dhammo ^1- settho janetasmim ditthe ceva dhamme abhisamparayanca. [54] Janati kho vasettha raja pasenadi kosalo samano gotamo anuttaro ^2- sakyakula pabbajitoti . sakya kho pana vasettha ranno pasenadissa kosalassa anantara ^3- anuyanta bhavanti . karonti kho vasettha sakya ranne pasenadimhi kosale nipaccakaram abhivadanam paccutthanam anjalikammam samicikammam . iti kho vasettha yam karonti sakya ranne pasenadimhi kosale nipaccakaram abhivadanam paccutthanam anjalikammam samicikammam karoti tam raja pasenadi kosalo tathagate nipaccakaram abhivadanam paccutthanam anjalikammam samicikammam nanu sujato samano gotamo dujjatohamasmi balava samano gotamo dubbalohamasmi pasadiko samano gotamo dubbannohamasmi mahesakkho samano gotamo appesakkhohamasmiti athakho nam dhammamyeva sakkaronto dhammam garukaronto dhammam manento dhammam pujento dhammam apacayamano . evam raja pasenadi kosalo tathagate nipaccakaram karoti abhivadanam paccutthanam anjalikammam samicikammam . imina ^4- kho evam ^5- vasettha pariyayena veditabbam yatha dhammo settho janetasmim ditthe ceva dhamme abhisamparayanca. [55] Tumhe khvattha vasettha nanajacca nananama nanagotta nanakula agarasma anagariyam pabbajita ke tumheti @Footnote: ¹ Ma. dhammo va . ² Ma. anantara . ³ Ma. Yu. ayam patho na dissati. @⁴ Ma. iminapi . ⁵ Ma. Yu. etam vasettha. Puttha samana samana sakyaputtiyamhati patijanathati ^1- . yassa kho panassa vasettha tathagate saddha nivittha mulajata patitthita dalha asamhariya ^2- samanena va brahmanena va devena va marena va brahmuna va kenaci va lokasmim tassetam kallam vacaya bhagavatomhi putto oraso mukhato jato dhammajo dhammanimmito dhammadayadoti . tam kissa hetu . tathagatassa hetam vasettha adhivacanam dhammakayo itipi brahmakayo itipi dhammabhuto itipi brahmabhuto itipi. [56] Hoti kho so vasettha samayo yam kadaci karahaci dighassa addhuno accayena ayam loko samvattati samvattamane loke yebhuyyena satta abhassarasamvattanika honti te tattha ^[2]- manomaya pitibhakkha sayampabha antalikkhacara subhatthayino ciram dighamaddhanam titthanti . hoti kho so vasettha samayo yam kadaci karahaci dighassa addhuno accayena ayam loko vivattati vivattamane loke yebhuyyena satta abhassarakaya cavitva itthattam agacchanti te ca honti manomaya pitibhakkha sayampabha antalikkhacara subhatthayino ciram dighamaddhanam titthanti. {56.1} Ekodakikutam kho pana vasettha tena samayena hoti andhakaro andhakaratimisa na candimasuriya pannayanti na nakkhattani tarakarupani pannayanti na rattindiva pannayanti na masaddhamasa pannayanti na utusamvacchara @Footnote: ¹ Ma. Yu. itisaddo na dissati . ² Yu. asamharika . ³ Ma. Yu. honti. Pannayanti na itthipurisa ^1- pannayanti . satta sattatveva sankhyam gacchanti . athakho tesam vasettha sattanam kadaci karahaci dighassa addhuno accayena rasapathavi udakasmim samantani ^2- seyyathapi nama payatattassa nibbayamanassa upari santanakam hoti evamevam ^3- paturahoti sa ahosi vannasampanna gandhasampanna rasasampanna seyyathapi nama sampanna va sappi sampannam va navanitam evamvanna ahosi seyyathapi nama khuddamadhum anelakam evamassada ahosi. {56.2} Athakho vasettha annataro satto lolajatiko ambho kimevidam bhavissatiti rasapathavim anguliya sayi tassa rasapathavim anguliya sayato acchadesi tanhapassa ^4- okkami . annepi ^5- kho vasettha satta tassa sattassa ditthanugatim apajjamana rasapathavim anguliya sayimsu . tesam rasapathavim anguliya sayatam acchadeti tanha ca nesam okkami. {56.3} Athakho te vasettha satta rasapathavim hatthehi aluppakarakam upakkamimsu paribhunjitum . yato kho vasettha satta rasapathavim hatthehi aluppakarakam upakkamimsu paribhunjitum atha tesam sattanam sayampabha antaradhayi . sayampabhaya antarahitaya candimasuriya paturahesum candimasuriyesu patubhutesu nakkhattani tarakarupani paturahesum nakkhattesu tarakarupesu patubhutesu rattindiva pannayimsu rattindivesu pannayamanesu masaddhamasa pannayimsu masaddhamasesu pannayamanesu utusamvacchara pannayimsu ettavata @Footnote: ¹ Ma. Yu. itthipuma . ² Ma. Yu. samatani . ³ Ma. evameva. evamupari. @⁴ Ma. Yu. tanha cassa . ⁵ Yu. annatarepi. Kho vasettha ayam loko puna vivatto hoti. [57] Athakho te vasettha satta rasapathavim paribhunjanta tabbhakkha tadahara ^1- ciram dighamaddhanam atthamsu . yatha yatha kho te vasettha satta rasapathavim paribhunjanta tabbhakkha tadahara ciram dighamaddhanam atthamsu tatha tatha tesam sattanam kharattanceva kayasmim okkami vannavevannata ca pannayittha . ekidam satta vannavanto honti ekidam satta dubbanna . tattha ye te satta vannavanto te dubbanne satte atimannanti mayametehi vannavantatara amhehete dubbannatarati . tesam vannatimanapaccaya manatimanajatikanam rasapathavi antaradhayi . Rasapathaviya antarahitaya sannipatimsu sannipatitva anutthunimsu aho rasam aho rasanti . tadetarahipi manussa kincideva surasam ^2- labhitva evamahamsu aho rasam aho rasanti . tadeva poranam aggannam akkharam anussaranti ^3- na tvevassa attham ajananti. [58] Athakho tesam vasettha sattanam rasapathaviya antarahitaya bhumipappatiko ^4- paturahosi . seyyathapi nama ahicchattako evamevam paturahosi . so ahosi vannasampanno gandhasampanno rasasampanno seyyathapi nama sampanna va sappi sampannam va navanitam evamvanno ahosi seyyathapi nama khuddamadhum anelakam @Footnote: ¹ Yu. tadahara . ² Yu. sadhurasam . ³ Yu. anupatanti. evamupari. @⁴ Ma. Yu. bhumipappatako. Evamassado ahosi. {58.1} Athakho te vasettha satta bhumipappatikam upakkamimsu paribhunjitum te ^[1]- paribhunjanta tabbhakkha tadahara ciram dighamaddhanam atthamsu . yatha yatha kho te vasettha satta bhumipappatikam paribhunjanta tabbhakkha tadahara ciram dighamaddhanam atthamsu tatha tatha tesam sattanam bhiyyoso mattaya kharattanceva kayasmim okkami vannavevannata ca pannayittha . ekidam satta vannavanto honti ekidam satta dubbanna . tattha ye te satta vannavanto te dubbanne satte atimannanti mayametehi vannavantatara amhehete dubbannatarati . tesam vannatimana- paccaya manatimanajatikanam bhumipappatiko antaradhayi. {58.2} Bhumipappatike antarahite padalata paturahosi. Seyyathapi nama kalambaka ^2- evamevam paturahosi . sa ahosi vannasampanna gandhasampanna rasasampanna seyyathapi nama sampanna va sappi sampannam va navanitam evamvanna ahosi seyyathapi nama khuddamadhum anelakam evamassada ahosi . athakho te vasettha satta padalatam upakkamimsu paribhunjitum te paribhunjanta tabbhakkha tadahara ciram dighamaddhanam atthamsu . yatha yatha kho te vasettha satta padalatam paribhunjanta tabbhakkha tadahara ciram dighamaddhanam atthamsu tatha tatha tesam sattanam bhiyyoso mattaya kharattanceva kayasmim okkami vannavevannata ca pannayittha . ekidam @Footnote: ¹ Ma. Yu. tam . ² Ma. Yu. kalambuka. Satta vannavanto honti ekidam satta dubbanna . tattha ye te satta vannavanto te dubbanne satte atimannanti mayametehi vannavantatara amhehete dubbannatarati . tesam vannatimanapaccaya manatimanajatikanam padalata antaradhayi. {58.3} Padalataya antarahitaya sannipatimsu sannipatitva anutthunimsu ahu vata no ahayi vata no padalatati. Tadetarahi manussa kenacideva dukkhadhammena phuttha evamahamsu ahu vata no ahayi vata noti . tadeva poranam aggannam akkharam anussaranti na tvevassa attham ajananti. [59] Athakho tesam vasettha sattanam padalataya antarahitaya akatthapako sali paturahosi akano athuso suddho ^1- sugandho tandulapphalo . yantam sayam sayamasaya aharanti pato tam hoti pakkam pativirulham yantam pato patarasaya aharanti sayam tam hoti pakkam pativirulham napadanam pannayati . athakho ^[2]- vasettha satta akatthapakam salim paribhunjanta tabbhakkha tadahara ciram dighamaddhanam atthamsu. {59.1} Yatha yatha kho te vasettha satta akatthapakam salim paribhunjanta tabbhakkha tadahara ciram dighamaddhanam atthamsu tatha tatha tesam sattanam bhiyyoso mattaya kharattanceva kayasmim okkami vannavevannata ca pannayittha . itthiya ca itthilingam paturahosi purisassa purisalingam. @Footnote: ¹ Yu. ayam patho na dissati . ² te. Itthi ca sudam ^1- ativelam purisam ^2- upanijjhayati puriso ca itthim. Tesam ativelam annamannam upanijjhayantanam sarago udapadi parilaho kayasmim okkami. Te parilahapaccaya methunam dhammam patisevimsu. {59.2} Ye kho pana te vasettha tena samayena satta passanti methunam dhammam patisevante anne pamsum khipanti anne setthim khipanti anne gomayam khipanti nassa vasali ^3- nassa vasaliti ^3-. Kathanhi nama satto sattassa evarupam karissatiti . tadetarahipi manussa ekaccesu janapadesu vadhaniya ^4- nibbuyhamanaya anne pamsum khipanti anne setthim khipanti anne gomayam khipanti . tadeva poranam aggannam akkharam anussaranti na tvevassa attham ajananti. [60] Adhammasammatam tam ^5- kho pana vasettha tena samayena hoti tadetarahi dhammasammatam . ye kho pana te ^6- vasettha tena samayena satta methunam dhammam patisevanti temasampi dvemasampi na labhanti gamam va nigamam va pavisitum . yato kho vasettha te satta tasmim asaddhamme ativelam patabyatam apajjimsu atha agarani upakkamimsu katum tasseva asaddhammassa paticchadanattham . athakho vasettha annatarassa sattassa alasajatikassa etadahosi ambho kimevaham vihannami salim aharanto sayam sayamasaya pato patarasaya yannunaham salim ahareyyam sakideva sayam patarasayati. @Footnote: ¹ Ma. ayam na dissati . ² Ma. purisam ativelam . ³ Ma. Yu. asuci. @⁴ Ma. Yu. vadhuya. 5-6 Ma. Yu. ayam na dissati. {60.1} Athakho so vasettha satto salim ahasi sakideva sayam patarasayati ^1- . athakho vasettha annataro satto yena so satto tenupasankami upasankamitva tam sattam etadavoca ehi bho satta salaharam gamissamati . alam bho satta ahato me sali sakideva sayam patarasayati. {60.2} Athakho so vasettha satto tassa sattassa ditthanugatim apajjamano salim ahasi sakideva dvihaya ^2- evampi kira bho sadhuti. {60.3} Athakho vasettha annataro satto yena so satto tenupasankami upasankamitva tam sattam etadavoca ehi bho satta salaharam gamissamati . alam bho satta ahato me sali sakideva sayam patarasayati ^1-. {60.4} Athakho so vasettha satto tassa sattassa ditthanugatim apajjamano salim ahasi sakideva catuhaya evam ^3- kira bho sadhuti . athakho vasettha annataro satto yena so satto tenupasankami upasankamitva tam sattam etadavoca ehi bho satta salaharam gamissamati . alam bho satta ahato me sali sakideva catuhayati. {60.5} Athakho so vasettha satto tassa sattassa ditthanugatim apajjamano salim ahasi sakideva atthahaya evam ^3- kira bho sadhuti. {60.6} Yato kho te vasettha satta sannidhikarakam salim upakkamimsu paribhunjitum . athakho vasettha ^4- kano tandulam pariyonaddhi ^5- thusopi tandulam pariyonaddhi ^5- lunampi @Footnote: ¹ Yu. itisaddo na dissati . ² Ma. Yu. dvihayati . ³ Ma. Yu. evampi. @⁴ Ma. Yu. ayam na dissati . ⁵ Ma. Yu. pariyonandhi. Nappativirulham apadanam pannayittha sandasanda salayo ^1- atthamsu. [61] Athakho te vasettha satta sannipatimsu sannipatitva anutthanimsu papaka vata bho dhamma sattesu patubhuta mayam hi pubbe manomaya ahumha pitibhakkha sayampabha antalikkhacara subhatthayino ciram dighamaddhanam atthamha tesam no amhakam kadaci karahaci ciram ^2- dighassa addhuno accayena rasapathavi udakasmim samantani sa ahosi vannasampanna gandhasampanna rasasampanna te mayam rasapathavim hatthehi aluppakarakam upakkamimha ^3- paribhunjitum tesanno rasapathavim hatthehi aluppakarakam upakkamatam paribhunjitum sayampabha antaradhayi sayampabhaya ^4- antarahitaya candimasuriya paturahesum ^5- candimasuriyesu patubhutesu nakkhattani tarakarupani paturahesum ^5- nakkhattesu tarakarupesu patubhutesu rattindiva pannayimsu rattindivesu pannayamanesu masaddhamasa pannayimsu masaddhamasesu pannayamanesu utusamvacchara pannayimsu te mayam rasapathavim paribhunjanta tabbhakkha tadahara ciram dighamaddhanam atthamha tesam no papakanamyeva akusalanam dhammanam patubhava rasapathavi antaradhayi rasapathaviya antarahitaya bhumipappatiko paturahosi so ahosi vannasampanno gandhasampanno rasasampanno te mayam bhumipappatikam upakkamimha ^3- paribhunjitum te mayam tam paribhunjanta tabbhakkha tadahara ciram dighamaddhanam atthamha tesam no papakanamyeva akusalanam dhammanam @Footnote: ¹ Yu. saliyo . ² Ma. Yu. ayam na dissati . ³ Ma. Yu. upakkamimha. @⁴ Ma. taya . ⁵ Yu. paturahamsu. Patubhava bhumipappatiko antaradhayi bhumipappatike antarahite padalata paturahosi sa ahosi vannasampanna gandhasampanna rasasampanna te mayam padalatam upakkamimha paribhunjitum te mayam tam paribhunjanta tabbhakkha tadahara ciram dighamaddhanam atthamha tesam no papakanamyeva akusalanam dhammanam patubhava padalata antaradhayi padalataya antarahitaya akatthapako sali paturahosi akano athuso suddho sugandho tandulapphalo yantam sayam sayamasaya aharama pato tam hoti pakkam pativirulham yantam pato patarasaya aharama sayantam hoti pakkam pativirulham napadanam pannayittha te mayam akatthapakam salim paribhunjanta tabbhakkha tadahara ciram dighamaddhanam atthamha tesanno papakanamyeva akusalanam dhammanam patubhava kanopi tandulam pariyonaddhi thusopi tandulam pariyonaddhi lunampi nappativirulham apadanampi pannayittha sandasanda salayo thita yannuna mayam salim vibhajeyyama mariyadam thapeyyamati. Athakho ^[1]- vasettha satta salim vibhajimsu mariyadam thapesum. [62] Athakho vasettha annataro satto lolajatiko sakam bhagam parirakkhanto annataram bhagam adinnam adiyitva paribhunji . Tamenam aggahesum gahetva etadavocum papakam vata bho satta karosi yatra hi nama sakam bhagam parirakkhanto annataram bhagam @Footnote: ¹ Ma. Yu. te. Adinnam adiyitva paribhunjasi ma bho ^1- satta puna ^2- evarupamakasiti. Evam bhoti kho vasettha so satto tesam sattanam paccassosi . Dutiyampi kho vasettha so satto .pe. tatiyampi kho vasettha so satto sakam bhagam parirakkhanto annataram bhagam adinnam adiyitva paribhunji . tamenam aggahesum gahetva ^3- etadavocum papakam vata bho satta karosi yatra hi nama sakam bhagam parirakkhanto annataram bhagam adinnam adiyitva paribhunji ^4- ma bho ^1- satta punapi evarupam akasiti . anne panina paharimsu anne ledduna paharimsu anne dandena paharimsu . tadagge kho pana vasettha adinnadanam pannayati garaha pannayati musavado pannayati dandadanam pannayati. {62.1} Athakho setthasatta sannipatimsu sannipatitva anutthanimsu papaka vata bho dhamma sattesu patubhuta yatra hi nama adinnadanam pannayissati garaha pannayissati musavado pannayissati dandadanam pannayissati yannuna mayam ekam sattam sammanneyyama yo ^5- no sammakhiyitabbam khiyeyya sammagarahitabbam garaheyya sammapabbajetabbam pabbajeyya mayam panassa salinam bhagam anupadassamati. {62.2} Athakho te vasettha satta yo nesam satto abhirupataro ca dassaniyataro ca pasadikataro ca mahesakkhataro ca tam sattam upasankamitva etadavocum ehi bho satta sammakhiyitabbam khiyi sammagarahitabbam garahi sammapabbajetabbam @Footnote: ¹ Ma. Yu. massu bho . ² Ma. Yu. punapi . ³ Yu. aggahetva. @⁴ Ma. Yu. paribhunjasi . 5. Yu. so. Pabbajehi mayam pana vo salinam bhagam anupadassamati . evam bhoti kho so vasettha satto tesam sattanam patissutva sammakhiyitabbam khiyi sammagarahitabbam garahi sammapabbajetabbam pabbajesi . te panassa salinam bhagam anupadamsu. [63] Mahajanasammatoti kho vasettha mahasammatotveva pathamam akkharam upanibbattam . khettanam adhipatiti kho vasettha khattiyo khattiyotveva dutiyam akkharam upanibbattam . dhammena paresam ^1- ranjetiti kho vasettha raja rajatveva tatiyam akkharam upanibbattam. Iti kho vasettha evamevassa ^2- khattiyamandalassa poranena aggannena akkharena abhinibbatti ahosi . Tesamyeva sattanam annesam ^3- sadisanamyeva no asadisanam dhammeneva no adhammena . Dhammo hi vasettha settho janetasmim ditthe ceva dhamme abhisamparayanca. [64] Athakho tesam sattanamyeva ekaccanam etadahosi papaka vata bho dhamma sattesu patubhuta yatra hi nama adinnadanam pannayissati garaha pannayissati musavado pannayissati dandadanam pannayissati pabbajanam pannayissati yannuna mayam papake akusale dhamme vaheyyamati . te papake akusale dhamme vahesum. Papake akusale dhamme vahentiti kho vasettha brahmanatveva pathamam akkharam upanibbattam . te arannayatane pannakutiyo ca karitva pannakutisu jhayanti . vitangara vitadhuma @Footnote: ¹ Ma. Yu. pare . ² Ma. Yu. evametassa . ³ Ma. Yu. anannesam. Pannamusala sayam sayamasaya pato patarasaya gamanigama- rajadhaniyo osaranti ghasamesana . te ghasam patilabhitva punadeva arannayatane pannakutisu jhayanti . tamenam manussa disva evamahamsu ime kho bho satta arannayatane pannakutiyo karitva pannakutisu jhayanti vitangara vitadhuma pannamusala sayam sayamasaya pato patarasaya gamanigamarajadhaniyo osaranti ghasamesana . te ghasampatilabhitva punadeva arannayatane pannakutisu jhayanti ^1- . te kho ^2- vasettha jhayika jhayikatveva dutiyam akkharam upanibbattam tesamyeva kho vasettha sattanam ekacce satta arannayatane pannakutisu ^[3]- jhanam anabhisambhunamana gamasamantam nigamasamantam osaritva ganthe karonta agacchanti. {64.1} Tamenam manussa disva evamahamsu ime kho pana bho satta arannayatane pannakutisu jhanam anabhisambhunamana gamasamantam nigamasamantam osaritva ganthe karonta gacchanti ^4- . nadanime jhayanti nadanime jhayantiti kho vasettha ajjhayika ajjhayikatveva tatiyam akkharam upanibbattam . hinasammatam kho pana vasettha tena samayena hoti tadetarahi setthasammatam . iti kho vasettha evametassa brahmanamandalassa poranena aggannena akkharena abhinibbatti ahosi tesamyeva sattanam annesam sadisanamyeva no asadisanam dhammeneva no adhammena . Dhammo hi vasettha settho janetasmim ditthe ceva dhamme abhisamparayanca. @Footnote: ¹ Ma. jhayantiti . ² Ma. jhayantiti kho . ³ Ma. Yu. tam . ⁴ Ma. acchanti. @Yu. acchenti. [65] Tesamyeva kho vasettha sattanam ekacce satta methunam dhammam samadaya visum kammante ^1- payojesum . methunam dhammam samadaya visum kammante payojentiti kho vasettha vessa vessatveva akkharam nibbattam ^2-. Iti kho vasettha evametassa. Sankhittam ^3-. Iti kho vasettha evametassa suddamandalassa poranena aggannena akkharena abhinibbatti ahosi tesamyeva sattanam annesam sadisanamyeva no asadisanam dhammeneva no adhammena . Dhammo hi vasettha settho janetasmim ditthe ceva dhamme abhisamparayanca. [66] Ahu kho so vasettha samayo yam khattiyopi sakam dhammam garahamano agarasma anagariyam pabbajati samano bhavissamiti . Brahmanopi ^4- vasettha .pe. vessopi vasettha .pe. Suddopi kho ^[5]- sakam dhammam garahamano agarasma anagariyam pabbajati samano bhavissamiti . imehi kho vasettha catuhi mandalehi samanamandalassa abhinibbatti ahosi tesamyeva sattanam annesam sadisanamyeva no asadisanam dhammeneva no adhammena . dhammo hi vasettha settho janetasmim ditthe ceva dhamme abhisamparayanca. [67] Khattiyopi kho vasettha kayena duccaritancaritva vacaya @Footnote: ¹ Ma. visukammante. Yu. vissutakammante . ² Ma. Yu. upanibbattam. @³ ayam vittharo. vessamandalassa poranena aggannena akkharena abhinibbatti ahosi @tesamyeva sattanam annesam sadisanamyeva no asadisanam dhammeneva no adhammena. @dhammo hi vasettha settho janetasmim ditthe ceva dhamme abhisamparayanca. tesamyeva @kho vasettha sattanam ye te satta avasesa te luddacara luddacara ahesum. @luddacara luddacarati kho vasettha sudda suddatveva akkharam upanibbattam. @⁴ Ma. brahmanopi kho. Yu. brahmanopi sakam dhammam .pe. ⁵ Ma. vasettha. Duccaritancaritva manasa duccaritancaritva micchaditthiko micchaditthi- kammasamadano ^1- micchaditthikammasamadanahetu kayassa bheda param marana apayam duggatim vinipatam nirayam upapajjati . brahmanopi kho vasettha .pe. vessopi kho vasettha .pe. Suddopi kho vasettha .pe. samanopi kho vasettha kayena duccaritancaritva vacaya duccaritancaritva manasa duccaritancaritva micchaditthiko micchaditthikammasamadano micchaditthikammasamadanahetu kayassa bheda param marana apayam duggatim vinipatam nirayam upapajjati. [68] Khattiyopi kho vasettha kayena sucaritancaritva vacaya sucaritancaritva manasa sucaritancaritva sammaditthiko sammaditthi- kammasamadano ^2- sammaditthikammasamadanahetu kayassa bheda param marana sugatim saggam lokam upapajjati . Brahmanopi kho vasettha .pe. Vessopi kho vasettha .pe. suddopi kho vasettha .pe. Samanopi kho vasettha kayena sucaritancaritva vacaya sucaritancaritva manasa sucaritancaritva sammaditthiko sammaditthikammasamadano sammaditthikammasamadanahetu kayassa bheda param marana sugatim saggam lokam upapajjati. [69] Khattiyopi kho vasettha kayena dvayakari vacaya dvayakari manasa dvayakari vimissaditthiko ^3- vimissakammasamadano ^4- vimissakammasamadanahetu kayassa bheda param marana sukhadukkhapatisamvedi hoti . brahmanopi kho vasettha kayena dvayakari vacaya @Footnote: ¹ Yu. ayam patho na dissati . 2-4 Yu. ayam patho na dissati . ³ Yu. @vitimissaditthiko. Dvayakari manasa dvayakari vimissaditthiko vimissakammasamadano vimissakammasamadanahetu kayassa bheda param marana sukhadukkhapatisamvedi hoti . vessopi kho vasettha kayena dvayakari vacaya dvayakari manasa dvayakari vimissaditthiko vimissakammasamadano vimissakamma- samadanahetu kayassa bheda param marana sukhadukkhapatisamvedi hoti . suddopi kho vasettha kayena dvayakari vacaya dvayakari manasa dvayakari vimissaditthiko vimissakammasamadano vimissakammasamadanahetu kayassa bheda param marana sukhadukkhapatisamvedi hoti . samanopi kho vasettha kayena dvayakari vacaya dvayakari manasa dvayakari vimissaditthiko vimissakammasamadano vimissakamma- samadanahetu kayassa bheda param marana sukhadukkhapatisamvedi hoti. [70] Khattiyopi kho vasettha kayena samvuto vacaya samvuto manasa samvuto sattannam bodhipakkhiyanam dhammanam bhavanamanvaya dittheyeva ^1- dhamme parinibbayati . brahmanopi kho vasettha kayena samvuto vacaya samvuto manasa samvuto sattannam bodhipakkhiyanam dhammanam bhavanamanvaya dittheyeva dhamme parinibbayati . vessopi kho vasettha kayena samvuto vacaya samvuto manasa samvuto sattannam bodhipakkhiyanam dhammanam bhavanamanvaya dittheyeva dhamme parinibbayati . suddopi kho vasettha kayena samvuto vacaya @Footnote: ¹ Ma. Yu. dittheva. Samvuto manasa samvuto sattannam bodhipakkhiyanam dhammanam bhavanamanvaya dittheyeva dhamme parinibbayati. [71] Imesam hi vasettha catunnam vannanam yo hoti bhikkhu araham khinasavo vusitava katakaraniyo ohitabharo anuppattasadattho parikkhinabhavasannojano sammadannavimutto so nesam aggamakkhayati dhammeneva no adhammena . dhammo hi vasettha settho janetasmim ditthe ceva dhamme abhisamparayanca . brahmunapi ^1- vasettha sanankumarena gatha bhasita [72] Khattiyo settho janetasmim ^2- ye gottapatisarino vijjacaranasampanno so settho devamanuseti. Sapi ^3- kho panesa vasettha brahmuna sanankumarena gatha sugita no duggita subhasita no dubbhasita atthasanhita no anatthasanhita anumata maya. Ahampi vasettha evam vadami khattiyo settho janetasmim ye gottapatisarino vijjacaranasampanno so settho devamanuseti. Idamavoca bhagava . attamana vasetthabharadvaja bhagavato bhasitam abhinandunti. Aggannasuttam nitthitam catuttham. ------------- @Footnote: ¹ Ma. Yu. brahmunapesa . ² Yu. jane tasmim . ³ Ma. Yu. sa.

The Pali Tipitaka in Roman Character Volume 11 page 87-107. https://84000.org/tipitaka/read/roman_read.php?B=11&A=1803&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=11&A=1803&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=11&item=51&items=22 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=11&siri=4 Study Atthakatha :- https://84000.org/tipitaka/attha/attha.php?b=11&i=51 The Pali Atthakatha in Thai :- https://84000.org/tipitaka/atthapali/read_th.php?B=6&A=1093 The Pali Atthakatha in Roman :- https://84000.org/tipitaka/atthapali/read_rm.php?B=6&A=1093 Contents of The Tipitaka Volume 11 https://84000.org/tipitaka/read/?index_11 https://84000.org/tipitaka/english/?index_11