ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.

                       Ghotamukhasuttam
     [630]  Evamme  sutam  ekam  samayam  ayasma  udeno baranasiyam
viharati  khemiyambavane  .  tena  kho  pana  samayena  ghotamukho  brahmano
baranasim   anuppatto   hoti   kenacideva   karaniyena   .   atha   kho
ghotamukho    brahmano    janghaviharam    anucankamamano   anuvicaramano
yena   khemiyambavanam  tenupasankami  .  tena  kho  pana  samayena  ayasma
udeno  abbhokase  cankamati   .  atha  kho  [1]- ghotamukho brahmano
yena    ayasma    udeno   tenupasankami   upasankamitva   ayasmata
udenena   saddhim   sammodi   sammodaniyam   katham   saraniyam  vitisaretva
ayasmantam    udenam    cankamantam    anucankamamano   evamaha   ambho
samana   natthi   dhammiko   paribbajo  2-  evam  me  ettha  hoti  tanca
kho bhavantarupanam va adassana yo va panettha dhammoti.
     [631]   Evam   vutte  ayasma  udeno  cankama  orohitva
viharam   pavisitva   pannatte   asane   nisidi   .   ghotamukhopi   kho
brahmano    cankama    orohitva    viharam    pavisitva   ekamantam
atthasi    .   ekamantam   thitam   kho   ghotamukham   brahmanam   ayasma
udeno    etadavoca   samvijjante   kho   brahmana   asanani   sace
akankhasi   nisidati   .   etadeva   kho   pana  mayam  bhoto  udenassa
agamayamana   na   nisidama  katham  hi  nama  madiso  pubbe  animantito
@Footnote: 1 Yu. so .   2 Yu. paribbajako.
Asane nisiditabbam manneyyati.
     {631.1}   Atha  kho  ghotamukho  brahmano  annataram  nicam  asanam
gahetva   ekamantam   nisidi   .   ekamantam   nisinno   kho  ghotamukho
brahmano    ayasmantam    udenam   etadavoca   ambho   samana   natthi
dhammiko   paribbajo   evam   me  ettha  hoti  tanca  kho  bhavantarupanam
va  adassana  yo  va  panettha  dhammoti  .  sace  kho  pana  me tvam
brahmana       anumanneyyam      anujaneyyasi      patikkosetabbanca
patikkoseyyasi   yassa   ca  pana  me  bhasitassa  attham  na  janeyyasi
mamamyeva   tattha   uttarim   patipuccheyyasi  idam  bho  udena  katham  imassa
kvatthoti  evam  katva  siya  no  ettha  kathasallapoti. Anumanneyyam
khvaham      bhoto     udenassa     anujanissami     patikkositabbanca
patikkosissami   yassa  ca  panaham  bhoto  udenassa  bhasitassa  attham  na
janissami   bhavantamyeva   tattha   udenam  uttarim  patipucchissami  idam  bho
udena katham imassa kvatthoti evam katva hotu no ettha kathasallapoti.
     [632]   Cattarome   brahmana   puggala   santo  samvijjamana
lokasmim    katame    cattaro    idha   brahmana   ekacco   puggalo
attantapo        hoti        attaparitapananuyogamanuyutto       idha
pana      brahmana      ekacco     puggalo     parantapo     hoti
paraparitapananuyogamanuyutto     idha     pana     brahmana     ekacco
puggalo     attantapo     ca    [1]-    attaparitapananuyogamanuyutto
parantapo       ca      paraparitapananuyogamanuyutto      idha      pana
@Footnote: 1 Yu. etthantare hotiti dissati.
Brahmana       ekacco       puggalo      nevattantapo      hoti
nattaparitapananuyogamanuyutto         na         parantapo        na
paraparitapananuyogamanuyutto so anattantapo
aparantapo     dittheva     dhamme     nicchato    nibbuto    sitibhuto
sukhapatisamvedi       brahmabhutena       attana      viharati      imesam
brahmana     catunnam    puggalanam    katamo    te    puggalo    cittam
aradhetiti.
     {632.1}   Yvayam   bho   udena   puggalo   attantapo  atta-
paritapananuyogamanuyutto    ayam    me   puggalo   cittam   naradheti
yopayam   bho   udena   puggalo  parantapo  paraparitapananuyogamanuyutto
ayampi   me  puggalo  cittam  naradheti  yopayam  bho  udena  puggalo
attantapo     ca     attaparitapananuyogamanuyutto     parantapo    ca
paraparitapananuyogamanuyutto      ayampi     me     puggalo     cittam
naradheti   yo   ca   kho   ayam  bho  udena  puggalo  nevattantapo
nattaparitapananuyogamanuyutto         na        parantapo        na
paraparitapananuyogamanuyutto     so    anattantapo    ca    aparantapo
ca    dittheva    dhamme   nicchato   nibbuto   sitibhuto   sukhapatisamvedi
brahmabhutena attana viharati ayam me puggalo cittam aradhetiti.
     {632.2}   Kasma   pana   te   brahmana  ime  tayo  puggala
cittam   naradhentiti   .   yvayam   bho   udena   puggalo  attantapo
attaparitapananuyogamanuyutto        so        attanam       sukhakamam
dukkhapatikkulam    atapeti    paritapeti   imina   me   ayam   puggalo
cittam    naradheti    yopayam    bho    udena    puggalo   parantapo
paraparitapananuyogamanuyutto     so     param     sukhakamam    dukkhapatikkulam
Atapeti   paritapeti   imina   me   ayam  puggalo  cittam  naradheti
yopayam    bho   udena   puggalo   attantapo   ca   attaparitapananu-
yogamanuyutto     parantapo    ca    paraparitapananuyogamanuyutto    so
attananca   paranca   sukhakame   dukkhapatikkule   atapeti   paritapeti
imina  me  ayam  puggalo  cittam  naradheti  yo  ca  kho ayam bho udena
puggalo    nevattantapo   nattaparitapananuyogamanuyutto   na   parantapo
na     paraparitapananuyogamanuyutto     so    anattantapo    aparantapo
dittheva   dhamme   nicchato  nibbuto  sitibhuto  sukhapatisamvedi  brahmabhutena
attana   viharati   so   attananca   paranca   sukhakame   dukkhapatikkule
neva   atapeti   na   paritapeti   imina   me  ayam  puggalo  cittam
aradhetiti.
     [633]   Dvema  brahmana  parisa  katama  dve  idha  brahmana
ekacca      parisa      sarattaratta     manikundalesu     puttabhariyam
pariyesati    dasidasam   pariyesati   khettavatthum   pariyesati   jataruparajatam
pariyesati    idha   pana   brahmana   ekacca   parisa   asarattaratta
manikundalesu    puttabhariyam    pahaya    dasidasam    pahaya    khettavatthum
pahaya  jataruparajatam  pahaya  agarasma  anagariyam  pabbajita  yvayam  1-
brahmana     puggalo     nevattantapo    nattaparitapananuyogamanuyutto
na    parantapo    na    paraparitapananuyogamanuyutto   so   anattantapo
aparantapo     dittheva     dhamme     nicchato    nibbuto    sitibhuto
@Footnote: 1 Yu. svayam.
Sukhapatisamvedi    brahmabhutena    attana   viharati   imam   tvam   brahmana
puggalam   katamassam   parisayam   bahulam   samanupassasi  ya  cayam  1-  parisa
sarattaratta   manikundalesu   puttabhariyam   pariyesati   dasidasam  pariyesati
khettavatthum   pariyesati   jataruparajatam   pariyesati  ya  cayam  2-  parisa
asarattaratta    manikundalesu    puttabhariyam   pahaya   dasidasam   pahaya
khettavatthum pahaya jataruparajatam pahaya agarasma anagariyam pabbajitati.
     {633.1}   Yvayam   bho  udena  puggalo  nevattantapo  natta-
paritapananuyogamanuyutto     na     parantapo    na    paraparitapananu-
yogamanuyutto   so  anattantapo  aparantapo  dittheva  dhamme  nicchato
nibbuto   sitibhuto   3-   sukhapatisamvedi   brahmabhutena   attana   viharati
imaham   puggalam   yayam   parisa   asarattaratta  manikundalesu  puttabhariyam
pahaya   dasidasam   pahaya   khettavatthum   pahaya   jataruparajatam   pahaya
agarasma anagariyam pabbajita imissam parisayam bahulam samanupassamiti.
     {633.2}  Idaneva  kho  pana  te  brahmana  bhasitam  mayam  evam
ajanama   ambho   samana   natthi   dhammiko  paribbajo  4-  evam  me
ettha  hoti  tanca  kho  bhavantarupanam  va  adassana  yo  va  panettha
dhammoti  .  addha  kho  me  sa  bho  udena sanuggaha vaca bhasita
atthi  dhammiko  paribbajo  5-  evam  me  ettha hoti evanca pana mam bhavam
udeno  dharetu  ye  cime  bhota udenena cattaro puggala sankhittena
vutta  vittharena  avibhatta  sadhu me bhavam udeno ime cattaro puggale
@Footnote: 1-2 Yu. vayam .   3 Yu. sitibhutoti natthi .  4-5 Yu. paribbajo.
Vittharena    vibhajatu    anukampam   upadayati   .   tenahi   brahmana
sunohi   1-   sadhukam   manasikarohi   bhasissamiti   .  evam  bhoti  kho
ghotamukho brahmano ayasmato udenassa paccassosi.
     [634]   Ayasma   udeno   etadavoca   katamo  ca  brahmana
puggalo    attantapo    attaparitapananuyogamanuyutto    idha   brahmana
ekacco   puggalo   acelako   hoti   muttacaro  hatthavalekhano  na
ehibhadantiko   na   titthabhadantiko   nabhihatam   2-  na  uddissa  katam  na
nimantanam   sadiyati   so   na   kumbhimukha   patigganhati   na  kalopimukha
patigganhati   na   elakamantaram   na   dandamantaram   na   musalamantaram   na
dvinnam   bhunjamananam   na  gabbhiniya  na  payamanaya  na  purisantaragataya
na  sankittisu  na  yattha  sa  upatthito  hoti  na yattha makkhika sandasanda-
carini  na  maccham na mamsam na suram na merayam na thusodakam pivati so ekagariko
va   hoti   ekalopiko  dvagariko  va  hoti  dvalopiko  .pe.
Sattagariko   va   hoti   sattalopiko  ekissapi  dattiya  yapeti
dvihipi   dattihi  yapeti  tihipi  dattihi  yapeti  .pe.  sattahipi  dattihi
yapeti   ekahikampi   aharam  ahareti  dvihikampi  aharam  ahareti
.pe.   sattahikampi   aharam   ahareti   iti   evarupam  addhamasikampi
pariyayabhattabhojananuyogam anuyutto viharati
     {634.1}    so    sakabhakkho    va    hoti    samakabhakkho
va     hoti     nivarabhakkho     va    hoti    daddulabhakkho    va
@Footnote: 1 Yu. sunahi .    2 Yu. nabhihatam.
Hoti   hatabhakkho   va   hoti  kanabhakkho  va  hoti  acamabhakkho  va
hoti   pinnakabhakkho   va   hoti   tinabhakkho   va  hoti  gomayabhakkho
va    hoti    vanamulaphalaharo   va   yapeti   pavattaphalabhoji    so
sananipi    dhareti    masananipi    dhareti    chavadussanipi   dhareti
pamsukulanipi  dhareti  tiritanipi  dhareti  ajinampi  1-  dhareti  ajinakkhipampi
dhareti   kusacirampi   dhareti   vakacirampi   dhareti   phalakacirampi   dhareti
kesakambalampi    dhareti    valakambalampi   dhareti   ulukapakkhampi   dhareti
kesamassulocakopi    hoti    kesamassulocananuyogamanuyutto   ubbhatthakopi
hoti    asanapatikkhitto    ukkutikopi    hoti   ukkutikappadhanamanuyutto
kantakapassayikopi      hoti     kantakapassaye     seyyam     kappeti
sayatatiyakampi     udakorohananuyogamanuyutto    viharati    iti    evarupam
anekavihitam    kayassa    atapanaparitapananuyogamanuyutto   viharati   ayam
vuccati brahmana puggalo attantapo attaparitapananuyogamanuyutto.
     [635]  Katamo  ca  brahmana  puggalo  parantapo  paraparitapananu-
yogamanuyutto    idha    brahmana    ekacco    puggalo   orabbhiko
hoti    sukariko   sakuniko   magaviko   luddo   macchaghatako   coro
coraghatako   bandhanagariko   ye   va  panannepi  keci  kururakammanta
ayam vuccati brahmana puggalo parantapo paraparitapananuyogamanuyutto.
@Footnote: 1 Yu. ajinanipi.
     [636]  Katamo  ca brahmana puggalo attantapo ca attaparitapananu-
yogamanuyutto     parantapo    ca    paraparitapananuyogamanuyutto    idha
brahmana   ekacco  puggalo  raja  va  hoti  khattiyo  muddhavasitto
brahmano   va   mahasalo  so  puratthimena  nagarassa  navam  santhagaram
karapetva     kesamassum     oharetva    kharajinam    nivasetva
sappitelena    kayam    abbhanjitva   migavisanena   pitthim   kanduvamano
santhagaram    pavisati   saddhim   mahesiya   brahmanena   ca   purohitena
so   tattha   anantarahitaya   bhumiya  haritupalittaya  1-  seyyam  kappeti
so   ekissa   gaviya   sarupavacchaya   yam  ekasmim  thane  khiram  hoti
tena   raja   yapeti   yam   dutiyasmim  thane  khiram  hoti  tena  mahesi
yapeti   yam   tatiyasmim   thane   khiram  hoti  tena  brahmano  purohito
yapeti   yam  catutthasmim  thane  khiram  hoti  tena  aggim  juhati  avasesena
vacchako    yapeti    so    evamaha    ettaka   usabha   hannantu
yannatthaya    ettaka    vacchatara    hannantu   yannatthaya   ettika
vacchatariyo     hannantu     yannatthaya    ettaka    aja    hannantu
yannatthaya    ettaka    urabbha    hannantu    yannatthaya   ettaka
rukkha   chijjantu  yupatthaya  ettaka  dabba  2-  luyanti  parisanthayati
ye   pissa   te  honti  dasati  va  pessati  va  kammakarati  va
tepi    dandatajjita    bhayatajjita   assumukha   rodamana   parikammani
karonti     ayam    vuccati    brahmana    puggalo    attantapo    ca
@Footnote: 1 Yu. haritupattaya .   2 Yu. dabbha luyantu balihisatthayati.
Attaparitapananuyogamanuyutto parantapo ca paraparitapananuyogamanuyutto.
     [637]   Katamo   ca   brahmana  puggalo  nevattantapo  natta-
paritapananuyogamanuyutto   na   parantapo  na  paraparitapananuyogamanuyutto
so   anattantapo   aparantapo   dittheva   dhamme   nicchato   nibbuto
sitibhuto   sukhapatisamvedi   brahmabhutena   attana   viharati   idha  brahmana
tathagato   loke   uppajjati   araham  sammasambuddho  vijjacaranasampanno
sugato    lokavidu    anuttaro   purisadammasarathi   sattha   devamanussanam
buddho   bhagava   so  imam  lokam  sadevakam  samarakam  sabrahmakam  sassamana-
brahmanim   pajam   sadevamanussam  sayam  abhinna  sacchikatva  pavedeti  so
dhammam   deseti   adikalyanam   majjhekalyanam   pariyosanakalyanam  sattham
sabyanjanam kevalaparipunnam parisuddham brahmacariyam pakaseti.
     {637.1}  Tam  dhammam  sunati  gahapati va gahapatiputto va annatarasmim
va  kule  pacchajato  so  tam dhammam sutva tathagate saddham patilabhati. So
tena    saddhapatilabhena    samannagato   iti   patisancikkhati   sambadho
gharavaso   rajapatho   abbhokaso   pabbajja   na  yidam  sukaram  agaram
ajjhavasata    ekantaparipunnam    ekantaparisuddham   sankhalikhitam   brahmacariyam
caritum  yannunaham  kesamassum   oharetva kasayani vatthani acchadetva
agarasma  anagariyam  pabbajeyyanti  .  so  aparena  samayena  appam va
bhogakkhandham  pahaya  mahantam  va  bhogakkhandham  pahaya  appam va natiparivattam
Pahaya   mahantam   va   natiparivattam   pahaya   kesamassum   oharetva
kasayani vatthani acchadetva agarasma anagariyam pabbajati.
     [638]  So  evam  pabbajito  samano bhikkhunam sikkhasajivasamapanno
panatipatam    pahaya    panatipata    pativirato   hoti   nihitadando
nihitasattho        lajji        dayapanno       sabbapanabhutahitanukampi
viharati   adinnadanam   pahaya  adinnadana  pativirato  hoti  dinnadayi
dinnapatikankhi    athenena    sucibhutena   attana   viharati   abrahmacariyam
pahaya brahmacari hoti aracari virato methuna gamadhamma
     {638.1}  musavadam  pahaya  musavada  pativirato  hoti saccavadi
saccasandho   theto  paccayiko  avisamvadako  lokassa  pisunam  vacam  pahaya
pisunaya   vacaya   pativirato  hoti  ito  sutva  na  amutra  akkhata
imesam   bhedaya   amutra   va   sutva   na   imesam  akkhata  amusam
bhedaya   iti   bhinnanam   va   sandhata   sahitanam   va  anuppadata
samaggaramo    samaggarato    samagganandi   samaggakaranim   vacam   bhasita
hoti   pharusam  vacam  pahaya  pharusaya  vacaya  pativirato  hoti  ya  sa
vaca   nela   kannasukha   pemaniya   hadayangama   pori  bahujanakanta
bahujanamanapa   tatharupim   vacam   bhasita   hoti   samphappalapam   pahaya
samphappalapa    pativirato    hoti    kalavadi    bhutavadi    atthavadi
dhammavadi   vinayavadi   nidhanavatim   vacam   bhasita   kalena   sapadesam
pariyantavatim atthasamhitam.
     {638.2}      So      vijagamabhutagamasamarambha      pativirato
Hoti     ekabhattiko    hoti    rattuparato    virato    vikalabhojana
naccagitavaditavisukadassana      pativirato     hoti     malagandhavilepana-
dharanamandanavibhusanatthana     pativirato     hoti    uccasayanamahasayana
pativirato      hoti      jataruparajatapatiggahana     pativirato     hoti
amakadhannapatiggahana       pativirato      hoti      amakamamsapatiggahana
pativirato      hoti     itthikumarikapatiggahana     pativirato     hoti
dasidasapatiggahana       pativirato       hoti       ajelakapatiggahana
pativirato      hoti      kukkutasukarapatiggahana      pativirato     hoti
hatthigavassavalavapatiggahana   1-   pativirato   hoti   khettavatthupatiggahana
pativirato     hoti     duteyyapahinagamananuyoga     pativirato     hoti
kayavikkaya     pativirato     hoti    tulakutakamsakutamanakuta    pativirato
hoti      ukkotanavancananikatisaviyoga     2-     pativirato     hoti
chedanavadhabandhanaviparamosaalopasahasakara pativirato hoti.
     {638.3} So santuttho hoti kayapariharikena civarena kucchipariharikena
pindapatena  yena  yeneva  pakkamati  samadayeva  pakkamati . Seyyathapi
nama  pakkhi  sakuno  yena  yeneva  deti sapattabharo deti evameva bhikkhu
santuttho   hoti  kayapariharikena  civarena  kucchipariharikena  pindapatena
yena   yeneva  pakkamati  samadayeva  pakkamati  .  so  imina  ariyena
silakkhandhena samannagato ajjhattam anavajjasukham patisamvedeti.
     {638.4}    So    cakkhuna    rupam   disva   na   nimittaggahi
hoti nanubyanjanaggahi yatvadhikaranamenam
@Footnote: 1 Yu. ..valava... .   2 Yu. ..saciyoga.
Cakkhundriyam    asamvutam    viharantam   abhijjhadomanassa   papaka   akusala
dhamma   anvassaveyyum   tassa   samvaraya  patipajjati   rakkhati  cakkhundriyam
cakkhundriye  samvaram  apajjati  .  sotena  saddam   sutva  ...  ghanena
gandham  ghayitva  ...  jivhaya  rasam  sayitva  ...  kayena  photthabbam
phusitva    ...   manasa   dhammam   vinnaya   na   nimittaggahi    hoti
nanubyanjanaggahi     yatvadhikaranamenam    manindriyam    asamvutam    viharantam
abhijjhadomanassa     papaka     akusala     dhamma    anvassaveyyum
tassa    samvaraya    patipajjati    rakkhati   manindriyam   manindriye   samvaram
apajjati    .   so   imina   ariyena   indriyasamvarena   samannagato
ajjhattam abyasekasukham patisamvedeti.
     {638.5}   So   abhikkante   patikkante   sampajanakari   hoti
alokite    vilokite    sampajanakari   hoti   samminjite   pasarite
sampajanakari      hoti      sanghatipattacivaradharane      sampajanakari
hoti    asite    pite    khayite    sayite    sampajanakari   hoti
uccarapassavakamme    sampajanakari    hoti    gate   thite   nisinne
sutte jagarite bhasite tunhibhave sampajanakari hoti.
     [639]  So  imina  ca  ariyena  silakkhandhena  samannagato imina
ca    ariyena    indriyasamvarena    samannagato   imina   ca   ariyena
satisampajannena   samannagato   vivittam   senasanam  bhajati  arannam  rukkhamulam
pabbatam   kandaram   giriguham   susanam   vanapattham   abbhokasam  palalapunjam .
So    pacchabhattam    pindapatapatikkanto   nisidati   pallankam   abhujitva
Ujum   kayam  panidhaya  parimukham  satim  upatthapetva  .  so  abhijjham  loke
pahaya   vigatabhijjhena   cetasa   viharati   abhijjhaya   cittam  parisodheti
byapadappadosam    pahaya    abyapannacitto    viharati    sabbapanabhuta-
hitanukampi     byapadappadosa     cittam     parisodheti     thinamiddham
pahaya    vigatathinamiddho    viharati    alokasanni    sato    sampajano
thinamiddha    cittam    parisodheti    uddhaccakukkuccam    pahaya   anuddhato
viharati    ajjhattam   vupasantacitto   uddhaccakukkucca   cittam   parisodheti
vicikiccham   pahaya   tinnavicikiccho   viharati   akathamkathi   kusalesu   dhammesu
vicikicchaya cittam parisodheti.
     [640]   So  ime  panca  nivarane  pahaya  cetaso  upakkilese
pannaya   dubbalikarane   vivicceva   kamehi   vivicca  akusalehi  dhammehi
savitakkam   savicaram   vivekajam   pitisukham   pathamam   jhanam  upasampajja  viharati
vitakkavicaranam   vupasama   ajjhattam   sampasadanam   cetaso   ekodibhavam
avitakkam   avicaram   samadhijam   pitisukham   dutiyam   jhanam  upasampajja  viharati
pitiya   ca   viraga   upekkhako   ca   viharati   sato  ca  sampajano
sukhanca   kayena   patisamvedeti   yantam   ariya   acikkhanti  upekkhako
satima    sukhavihariti    tatiyam    jhanam    upasampajja    viharati   sukhassa
ca    pahana   dukkhassa   ca   pahana   pubbeva   somanassadomanassanam
atthangama     adukkhamasukham     upekkhasatiparisuddhim     catuttham     jhanam
upasampajja viharati.
     [641]   So   evam   samahite   citte  parisuddhe  pariyodate
anangane   vigatupakkilese   mudubhute   kammaniye   thite  anenjappatte
pubbenivasanussatinanaya    cittam    abhininnameti    so    anekavihitam
pubbenivasam    anussarati   seyyathidam   ekampi   jatim   dvepi   jatiyo
tissopi   jatiyo   catassopi   jatiyo  pancapi  jatiyo  dasapi  jatiyo
visampi    jatiyo    timsampi    jatiyo   cattalisampi   jatiyo   pannasampi
jatiyo   jatisatampi   jatisahassampi  jatisatasahassampi  anekepi  samvattakappe
anekepi     vivattakappe    anekepi    samvattavivattakappe    amutrasim
evamnamo  evamgotto  evamvanno  evamaharo  evam  sukhadukkhapatisamvedi
evamayupariyanto   so   tato   cuto  amutra  udapadim  1-  tatrapasim
evamnamo  evamgotto  evamvanno  evamaharo  evam  sukhadukkhapatisamvedi
evamayupariyanto  so  tato  cuto  idhupapannoti  iti  sakaram  sauddesam
anekavihitam pubbenivasam anussarati.
     [642]   So   evam   samahite   citte  parisuddhe  pariyodate
anangane   vigatupakkilese   mudubhute   kammaniye   thite  anenjappatte
sattanam   cutupapatananaya   cittam   abhininnameti  so  dibbena  cakkhuna
visuddhena   atikkantamanusakena   satte   passati  cavamane  upapajjamane
hine    panite   suvanne   dubbanne   sugate   duggate   yathakammupage
satte  pajanati  ime  vata  bhonto  satta  kayaduccaritena samannagata
.pe.    ariyanam   upavadaka   micchaditthika   micchaditthikammasamadana
@Footnote: 1 Yu. uppadim.
Te   kayassa   bheda   parammarana   apayam   duggatim   vinipatam   nirayam
upapanna   ime   va  pana  bhonto  satta  kayasucaritena  samannagata
.pe.     ariyanam     anupavadaka    sammaditthika    sammaditthikamma-
samadana   te   kayassa   bheda   parammarana   sugatim   saggam  lokam
upapannati    iti    dibbena   cakkhuna   visuddhena   atikkantamanusakena
satte    passati    cavamane   upapajjamane   hine   panite   suvanne
dubbanne sugate duggate yathakammupage satte pajanati.
     [643]   So   evam   samahite   citte  parisuddhe  pariyodate
anangane   vigatupakkilese   mudubhute   kammaniye   thite  anenjappatte
asavanam   khayananaya   cittam   abhininnameti   .   so   idam  dukkhanti
yathabhutam    pajanati    ayam   dukkhasamudayoti   yathabhutam   pajanati   ayam
dukkhanirodhoti    yathabhutam   pajanati   ayam   dukkhanirodhagamini   patipadati
yathabhutam    pajanati    ime    asavati    yabhabhutam   pajanati   ayam
asavasamudayoti    yathabhutam    pajanati   ayam   asavanirodhoti   yathabhutam
pajanati   ayam   asavanirodhagamini   patipadati   yathabhutam   pajanati .
Tassa   evam   janato   evam   passato   kamasavapi   cittam  vimuccati
bhavasavapi   cittam   vimuccati   avijjasavapi   cittam   vimuccati  vimuttasmim
vimuttamiti   nanam   hoti   khina   jati   vusitam  brahmacariyam  katam  karaniyam
naparam    itthattayati   pajanati   ayam   vuccati   brahmana   puggalo
nevattantapo      nattaparitapananuyogamanuyutto      na      parantapo
Na     paraparitapananuyogamanuyutto     so    anattantapo    aparantapo
dittheva   dhamme   nicchato  nibbuto  sitibhuto  sukhapatisamvedi  brahmabhutena
attana viharatiti.
     [644]   Evam   vutte  ghotamukho  brahmano  ayasmantam  udenam
etadavoca   abhikkantam   bho   udena  abhikkantam  bho  udena  seyyathapi
bho   udena   nikkujjitam   va   ukkujjeyya   paticchannam  va  vivareyya
mulhassa  va  maggam  acikkheyya  andhakare  va  telapajjotam  dhareyya
cakkhumanto    rupani    dakkhantiti   1-   evameva   bhota   udenena
anekapariyayena   dhammo   pakasito   esaham   bhavantam   udenam   saranam
gacchami   dhammanca   bhikkhusanghanca   upasakam   mam   bhavam  udeno  dharetu
ajjatagge   panupetam   saranangatanti   .   ma  kho  mam  tvam  brahmana
saranam   agamasi   tameva   tvam   bhagavantam   saranam   gacchahi   2-  yamaham
saranam   gatoti   .   kaham  pana  bho  udena  etarahi  so  bhavam  gotamo
viharati    araham    sammasambuddhoti    .   parinibbuto   kho   brahmana
etarahi so bhagava araham sammasambuddhoti.
     {644.1}  Sace  hi  mayam  bho  udena  suneyyama tam bhavantam gotamam
dasasu  3-  yojanesu  dasapi  mayam  yojanani  gaccheyyama  tam bhavantam gotamam
dassanaya  arahantam  sammasambuddham  sace  hi  4- mayam bho udena suneyyama
tam  bhavantam gotamam visatiya yojanesu ... Timsatiya yojanesu ... Cattalisaya
yojanesu    ...   pannasaya   yojanesu   pannasampi   mayam   yojanani
@Footnote: 1 Yu. dakkhintiti .   2 Yu. gaccha .   3 Yu. dasasupi .   4 Yu. hisaddo natthi.
Gaccheyyama   tam   bhavantam   gotamam   dassanaya   arahantam   sammasambuddham
yojanasatepi  mayam  bho  udena  suneyyama  tam  bhavantam  gotamam  yojanasatampi
mayam   gaccheyyama   tam  bhavantam  gotamam  dassanaya  arahantam  sammasambuddham
yato  ca  kho  bho  udena  parinibbuto  so  bhavam  gotamo parinibbutampi mayam
tam   bhavantam   gotamam   saranam   gacchama   dhammanca   bhikkhusanghanca  upasakam
mam  bhavam  udeno  dharetu  ajjatagge  panupetam  saranangatam  atthi  ca me
bho   udena   angaraja  devasikam  niccabhikkham  dadati  tato  aham  bhoto
udenassa ekam niccabhikkham dadamiti.
     [645]   Kim   pana  te  brahmana  angaraja  devasikam  niccabhikkham
dadatiti   .  pancapi  1-  bho  udena  kahapanasataniti  .  na  kho  no
brahmana   kappati   jataruparajatam   patiggahetunti  .  sace  tam  bho  2-
udena   na   kappati   viharam   bhoto   udenassa   karapessamiti .
Sace   kho   me   tvam  brahmana  viharam  karapetukamo  pataliputte
sanghassa   upatthanasalam  karapehiti  .  iminaham  3-  bhoto  udenassa
bhiyyoso   mattaya   attamano   abhiraddho  yam  mam  bhavam  udeno  sanghe
dane  4-  samadapeti  esaham  bho  udena  etissa  ca  niccabhikkhaya
aparaya    ca    niccabhikkhaya    pataliputte    sanghassa   upatthanasalam
karapessamiti.
@Footnote: 1 Yu. pisaddo natthi .   2 Yu. bhoto udenassa na kappati .   3 Yu. iminapaham.
@4 Yu. danam.
     Atha   kho   ghotamukho   brahmano   etissa   ca   niccabhikkhaya
aparaya    ca    niccabhikkhaya    pataliputte    sanghassa   upatthanasalam
karapesi. Sa etarahi ghotamukhiti vuccatiti.
                 Ghotamukhasuttam nitthitam catuttham.
                       ---------



             The Pali Tipitaka in Roman Character Volume 13 page 573-590. https://84000.org/tipitaka/read/roman_read.php?B=13&A=11726&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=11726&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=13&item=630&items=16              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=44              Study Atthakatha :- https://84000.org/tipitaka/attha/attha.php?b=13&i=630              The Pali Atthakatha in Thai :- https://84000.org/tipitaka/atthapali/read_th.php?B=9&A=7467              The Pali Atthakatha in Roman :- https://84000.org/tipitaka/atthapali/read_rm.php?B=9&A=7467              Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]