ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.

                       Apannakasuttam
     [103]  Evamme  sutam  ekam samayam bhagava kosalesu carikancaramano
mahata  bhikkhusanghena  saddhim  yena  sala  nama  kosalanam  brahmanagamo
tadavasari   .   assosum  kho  saleyyaka  brahmanagahapatika  samano  khalu
bho  gotamo  sakyaputto  sakyakula  pabbajito  kosalesu  carikancaramano
mahata bhikkhusanghena saddhim salam anuppatto.
     {103.1}  Tam  kho  pana  bhavantam  gotamam  evamkalyano  kittisaddo
abbhuggato   itipi  so  bhagava  araham  sammasambuddho  vijjacaranasampanno
sugato   lokavidu  anuttaro  purisadammasarathi  sattha  devamanussanam  buddho
bhagava  1-  so  imam  lokam  sadevakam  samarakam  sabrahmakam sassamanabrahmanim
pajam  sadevamanussam  sayam  abhinna  sacchikatva  pavedeti  so  dhammam deseti
adikalyanam    majjhekalyanam    pariyosanakalyanam    sattham    sabyanjanam
kevalaparipunnam  parisuddham  brahmacariyam  pakaseti  sadhu  kho  pana  tatharupanam
arahatam dassanam hotiti.
     {103.2}  Atha  kho  saleyyaka  brahmanagahapatika  yena  bhagava
tenupasankamimsu    upasankamitva    appekacce    bhagavantam   abhivadetva
ekamantam   nisidimsu   appekacce   bhagavata   saddhim  sammodimsu  sammodaniyam
katham    saraniyam    vitisaretva    ekamantam    nisidimsu    appekacce
yena      bhagava      tenanjalimpanametva      ekamantam     nisidimsu
@Footnote: 1 Ma. bhagavati.
Appekacce   bhagavato  santike  namagottam  savetva  ekamantam  nisidimsu
appekacce tunhibhuta ekamantam nisidimsu.
     [104]   Ekamantam   nisinne  kho  saleyyake  brahmanagahapatike
bhagava   etadavoca   atthi   pana  vo  gahapatayo  koci  manapo  sattha
yasmim   vo   akaravati  saddha  patiladdhati  .  natthi  kho  no  bhante
koci   manapo   sattha   yasmim  no  akaravati  saddha  patiladdhati .
Manapam   vo   gahapatayo   sattharam   alabhantehi   ayam  apannako  dhammo
samadaya    vattitabbo    apannako   hi   gahapatayo   dhammo   samatto
samadinno   so   vo   bhavissati   digharattam   hitaya  sukhaya  .  katamo
ca gahapatayo apannako dhammo 1-.
     [105]   Santi   gahapatayo   eke   samanabrahmana  evamvadino
evamditthino   natthi   dinnam  natthi  yittham  natthi  hutam  natthi  sukatadukkatanam
kammanam   phalam   vipako   natthi  ayam  loko  natthi  paro  loko  natthi
mata    natthi    pita   natthi   satta   opapatika   natthi   loke
samanabrahmana    sammaggata    sammapatipanna    ye    imanca   lokam
paranca    lokam   sayam   abhinna   sacchikatva   pavedentiti   tesanneva
kho      gahapatayo      samanabrahmananam     eke     samanabrahmana
ujuvipaccanikavada    te    evamahamsu    atthi    dinnam   atthi   yittham
atthi    hutam    atthi   sukatadukkatanam   kammanam   phalam   vipako   atthi
ayam   loko   atthi   paro   loko   atthi  mata  atthi  pita  atthi
@Footnote: 1 Ma. samadaYu...hitaya sukhaya.
Satta    opapatika    atthi    loke    samanabrahmana   sammaggata
sammapatipanna    ye   imanca   lokam   paranca   lokam   sayam   abhinna
sacchikatva    pavedentiti    .   tam   kim   mannatha   gahapatayo   nanume
samanabrahmana      annamannam      1-      ujuvipaccanikavadati    .
Evam bhante.
     [106]   Tatra   gahapatayo  ye  te  samanabrahmana  evamvadino
evamditthino   natthi   dinnam   natthi   yittham   natthi   hutam   .pe.   ye
imanca   lokam   paranca   lokam   sayam   abhinna  sacchikatva  pavedentiti
tesametam  patikankham  yamidam   2-  kayasucaritam  vacisucaritam  manosucaritam  ime
tayo   kusale   dhamme   abhinibbajjetva  yamidam  kayaduccaritam  vaciduccaritam
manoduccaritam   ime   tayo   akusale   dhamme  samadaya  vattissanti  tam
kissa   hetu   na   hi  te  bhonto  samanabrahmana  passanti  akusalanam
dhammanam   adinavam   okaram   sankilesam   kusalanam   dhammanam  nekkhamme
anisamsam vodanapakkham.
     {106.1}  Santamyeva  kho  pana  param  lokam  natthi  paro lokotissa
ditthi  hoti  sassa  hoti  micchaditthi  .  santamyeva  kho  pana  param lokam
natthi   paro   lokoti   sankappeti   svassa  hoti  micchasankappo .
Santamyeva  kho  pana  param  lokam  natthi  paro  lokoti  vacam bhasati sassa
hoti   micchavaca   .   santamyeva   kho  pana  param  lokam  natthi  paro
lokoti   aha   ye   te   arahanto  paralokaviduno  tesamayam  paccanikam
karoti   .   santamyeva   kho   pana   param   lokam  natthi  paro  lokoti
@Footnote: 1 Ma. Yu. annamannasusa .   2 Ma. yadidam. sabbatthapi idisameva.
Param   sannapeti  1-  sassa  hoti  asaddhammasannatti  2-  taya  ca  pana
asaddhammasannattiya 3- attanukkamseti param vambheti.
     {106.2}  Iti  pubbeva  kho  panassa  susilyam  pahinam  hoti dussilyam
paccupatthitam   ayanca   micchaditthi   micchasankappo   micchavaca  ariyanam
paccanikata   asaddhammasannatti  attukkamsana  paravambhana  .  evamsime  4-
aneke papaka akusala dhamma sambhavanti micchaditthipaccaya.
     [107]    Tatra   gahapatayo   vinnu   puriso   iti   patisancikkhati
sace   kho   natthi   paro   loko  evamayam  bhavam  purisapuggalo  kayassa
bheda   parammarana  5-  sotthimattanam  karissati  sace  kho  atthi  paro
loko    evamayam    bhavam   purisapuggalo   kayassa   bheda   parammarana
apayam   duggatim   vinipatam  nirayam  upapajjissati  .  kamam  kho  pana  mahu
paro    loko   hotu   nesam   bhavatam   samanabrahmananam   saccam   vacanam
atha   ca   panayam   bhavam  purisapuggalo  dittheva  dhamme  vinnunam  garayho
dussilo purisapuggalo micchaditthi natthikavadoti.
     {107.1}  Sace  kho  attheva  paro  loko  evam  imassa bhoto
purisapuggalassa    ubhayattha    kaliggaho   6-   yanca   dittheva   dhamme
vinnunam   garayho   yanca   kayassa   bheda  parammarana  apayam  duggatim
vinipatam    nirayam    upapajjissati   .   evamassayam   apannako   dhammo
dussamatto samadinno 7- ekamsam pharitva titthati rincati kusalatthanam. 8-
@Footnote: 1 Ma. Yu. sannapeti. sabbatthapi idisameva .   2 Po. ...pannatti .   3 Po. ...
@pannattiya .   4 Ma. evamassime .   5 Ma. Yu. parammaranati natthi .   6 Ma. Yu.
@kaliggaho .   7 Po. dussamadinno .   8 Ma. Yu. kusalam thanam.
     [108]   Tatra   gahapatayo  ye  te  samanabrahmana  evamvadino
evamditthino    atthi    dinnam    .pe.   ye   imanca   lokam   paranca
lokam   sayam   abhinna   sacchikatva   pavedentiti   tesametam   patikankham
yamidam   kayaduccaritam   vaciduccaritam   manoduccaritam   ime   tayo   akusale
dhamme    abhinibbajjetva    yamidam   kayasucaritam   vacisucaritam   manosucaritam
ime   tayo   kusale   dhamme   samadaya   vattissanti  tam  kissa  hetu
passanti    hi    te    bhonto   samanabrahmana   akusalanam   dhammanam
adinavam   okaram   sankilesam   kusalanam   dhammanam   nekkhamme  anisamsam
vodanapakkham.
     {108.1}  Santamyeva  kho  pana  param  lokam  atthi  paro lokotissa
ditthi  hoti  sassa  hoti  sammaditthi  .  santamyeva  kho  pana  param lokam
atthi   paro   lokoti   sankappeti   svassa  hoti  sammasankappo .
Santamyeva  kho  pana  param  lokam  atthi  paro  lokoti  vacam bhasati sassa
hoti  sammavaca  .  santamyeva  kho  pana  param  lokam atthi paro lokoti
aha ye te arahanto paralokaviduno tesamayam na paccanikam karoti.
     {108.2} Santamyeva kho pana param lokam atthi paro lokoti param sannapeti
sassa    hoti    saddhammasannatti   taya   ca   pana   saddhammasannattiya
nevattanukkamseti   na   param   vambheti   .   iti  pubbeva  kho  panassa
dussilyam    pahinam    hoti    susilyam    paccupatthitam   ayanca   sammaditthi
sammasankappo    sammavaca   ariyanam   appaccanikata   saddhammasannatti
Anattukkamsana  1-  aparavambhana  .  evamsime  2-  aneke kusala dhamma
sambhavanti sammaditthipaccaya.
     [109]    Tatra   gahapatayo   vinnu   puriso   iti   patisancikkhati
sace   kho   atthi   paro   loko  evamayam  bhavam  purisapuggalo  kayassa
bheda   parammarana   sugatim   saggam   lokam   upapajjissati  .  kamam  kho
pana    mahu    paro   loko   hotu   nesam   bhavatam   samanabrahmananam
saccam   vacanam   atha   ca   panayam   bhavam   purisapuggalo   dittheva  dhamme
vinnunam   pasamso   silava   purisapuggalo   sammaditthi   atthikavadoti .
Sace   kho   attheva  paro  loko  evam  imassa  bhoto  purisapuggalassa
ubhayattha   kataggaho   3-   yanca   dittheva   dhamme   vinnunam  pasamso
yanca   kayassa   bheda  parammarana  sugatim  saggam  lokam  upapajjissati .
Evamassayam    apannako    dhammo    susamatto    samadinno    ubhayamsam
pharitva titthati rincati akusalatthanam 4-.
     [110]   Santi   gahapatayo   eke   samanabrahmana  evamvadino
evamditthino  karato  karayato  chindato  chedapayato pacato 5- pacapayato
socato   socapayato   kilamato  kilamapayato  6-  phandato  phandapayato
panamatipatapayato   7-   adinnam   adiyato   sandhim   chindato  nillopam
harato   ekagarikam   karoto   paripanthe   titthato   paradaram  gacchato
@Footnote: 1 Ma. anattukkamsanaparavambhana .   2 Ma. evamassime .   3 Ma. Yu. kataggaho.
@4 Ma. Yu. akusalam thananti dissati .   5 Yu. Ma. pacayato .   6 Si. Yu. socayato
@kilamayatoti patha  dissanti .   7 Si. Yu. panamatimapayato.
Musa   bhanato   karoto  na  kariyati  papam  khurapariyantena  cepi  cakkena
yo    imissa   pathaviya   pane   ekamamsakhalam   ekamamsapunjam   kareyya
natthi    tatonidanam   papam   natthi   papassa   agamo   dakkhinam   cepi
gangaya   tiram   gaccheyya   hananto  ghatento  chindanto  chedapento
pacanto    pacento    natthi    tatonidanam    papam   natthi   papassa
agamo   uttaram   cepi   gangaya   tiram  gaccheyya  dadanto  dapento
yajanto   yajapento   1-   natthi   tatonidanam   punnam  natthi  punnassa
agamo    danena    damena    sannamena   saccavajjena   natthi   punnam
natthi punnassa agamoti.
     {110.1}   Tesamyeva   kho   gahapatayo   samanabrahmananam  eke
samanabrahmana   ujuvipaccanikavada   te   evamahamsu   karato  karayato
chindato   chedapayato  pacato  pacapayato  socato  socapayato  kilamato
kilamapayato     phandato    phandapayato    panamatipatapayato    adinnam
adiyato  sandhim  chindato  nillopam  harato  ekagarikam  karoto paripanthe
titthato  paradaram  gacchato  musa  bhanato karoto kariyati papam khurapariyantena
cepi  cakkena  yo  imissa pathaviya pane ekamamsakhalam ekamamsapunjam kareyya
atthi    tatonidanam   papam   atthi   papassa   agamo   dakkhinam   cepi
gangaya   tiram   gaccheyya   hananto  ghatento  chindanto  chedapento
pacanto    pacento    atthi    tatonidanam    papam   atthi   papassa
agamo   uttaram   cepi   gangaya   tiram  gaccheyya  dadanto  dapento
@Footnote: 1 Yu. yajento.
Yajanto    yajapento    atthi    tatonidanam   punnam   atthi   punnassa
agamo   danena   damena   sannamena   saccavajjena   1-  atthi  punnam
atthi   punnassa   agamoti   .   tam   kim   mannatha   gahapatayo   nanume
samanabrahmana     annamannassa     ujuvipaccanikavadati     .     evam
bhante.
     [111]   Tatra   gahapatayo  ye  te  samanabrahmana  evamvadino
evamditthino   karato  karayato  chindato  chedapayato  pacato  pacapayato
socato    socapayato   kilamato   kilamapayato   phandato   phandapayato
panamatipatapayato    adinnam    adiyato    sandhim    chindato   nillopam
harato   ekagarikam   karoto   paripanthe   titthato   paradaram  gacchato
musa   bhanato   karoto  na  kariyati  papam  khurapariyantena  cepi  cakkena
yo    imissa   pathaviya   pane   ekamamsakhalam   ekamamsapunjam   kareyya
natthi    tatonidanam   papam   natthi   papassa   agamo   dakkhinam   cepi
gangaya   tiram   gaccheyya   hananto  ghatento  .pe.  danena  damena
sannamena saccavajjena natthi punnam natthi punnassa agamoti.
     {111.1}   Tesametam   patikankham   yamidam   kayasucaritam   vacisucaritam
manosucaritam   ime   tayo   kusale   dhamme  abhinibbajjetva  2-  yamidam
kayaduccaritam  vaciduccaritam  manoduccaritam  ime  tayo akusale dhamme samadaya
vattissanti  tam  kissa  hetu  na  hi  te  bhonto  samanabrahmana passanti
akusalanam   dhammanam   adinavam   okaram   sankilesam   kusalanam   dhammanam
@Footnote: 1 Ma. saccavacena .  2 Ma. abhinibbijjitva.
Nekkhamme   anisamsam   vodanapakkham  .  santamyeva  kho  pana  kiriyam  natthi
kiriyatissa   ditthi   hoti   sassa  hoti  micchaditthi  .  santamyeva  kho
pana  kiriyam  natthi  kiriyati  sankappeti  svassa  hoti  micchasankappo .
Santamyeva   kho   pana  kiriyam  natthi  kiriyati  vacam  bhasati  sassa  hoti
micchavaca  .  santamyeva  kho  pana  kiriyam  natthi  kiriyati  aha ye te
arahanto   kiriyavada  tesamayam  paccanikam  karoti  .  santamyeva  kho  pana
kiriyam   natthi   kiriyati   param   sannapeti  sassa  hoti  asaddhammasannatti
taya ca pana asaddhammasannattiya attanukkamseti param vambheti.
     {111.2}  Iti  pubbeva  kho  panassa  susilyam  pahinam  hoti dussilyam
paccupatthitam   ayanca   micchaditthi   micchasankappo   micchavaca  ariyanam
paccanikata    asaddhammasannatti    attukkamsana    1-    paravambhana  .
Evamsime 2- aneke papaka akusala dhamma sambhavanti micchaditthipaccaya.
     [112]    Tatra   gahapatayo   vinnu   puriso   iti   patisancikkhati
sace   kho   natthi   kiriya  evamayam  bhavam  purisapuggalo  kayassa  bheda
parammarana   3-   sotthimattanam  karissati  .  sace  kho   atthi  kiriya
evamayam   bhavam   purisapuggalo  kayassa  bheda  parammarana  apayam  duggatim
vinipatam   nirayam   upapajjissati   .  kamam  kho  pana  mahu  kiriya  hotu
nesam   bhavatam   samanabrahmananam   saccam   vacanam   atha   ca   panayam  bhavam
purisapuggalo   dittheva   dhamme   vinnunam  garayho  dussilo  purisapuggalo
@Footnote: 1 Ma. attukkamsanaparavambhanam .   2 Ma. evassime .  3 Ma. Yu. parammaranati natthi.
Puggalo   micchaditthi   akiriyavadoti   .   sace   kho  attheva  kiriya
evam    imassa    bhoto   purisapuggalassa   ubhayattha   kaliggaho   yanca
dittheva   dhamme   vinnunam   garayho  yanca  kayassa  bheda  parammarana
apayam   duggatim   vinipatam   nirayam   upapajjissatiti   1-  .  evamassayam
apannako   dhammo   dussamatto   samadinno   ekamsam   pharitva   titthati
rincati kusalatthanam.
     [113]   Tatra   gahapatayo  ye  te  samanabrahmana  evamvadino
evamditthino   karato  karayato  chindato  chedapayato  pacato  pacapayato
socato    socapayato   kilamato   kilamapayato   phandato   phandapayato
panamatipatapayato    adinnam    adiyato    sandhim    chindato   nillopam
harato   ekagarikam   karoto   paripanthe   titthato   paradaram  gacchato
musa   bhanato   karato  kariyati  papam  khurapariyantena  cepi  cakkena  yo
imissa   pathaviya   pane   ekamamsakhalam   ekamamsapunjam   kareyya   atthi
tatonidanam    papam   atthi   papassa   agamo   dakkhinancepi   gangaya
tiram   gaccheyya   hananto   ghatento  chindanto  chedapento  pacanto
pacento    atthi    tatonidanam    papam    atthi   papassa   agamo
uttarancepi   gangaya   tiram   gaccheyya   dadanto   dapento  yajanto
yajapento    atthi    tatonidanam    punnam   atthi   punnassa   agamo
danena   damena   sannamena   saccavajjena   atthi   punnam  [1]-  atthi
punnassa agamoti.
     {113.1}     Tesametam     patikankham     yamidam     kayaduccaritam
@Footnote: 1 Po. etthantare "atthi tato nidanam punnanti ime patha dissanti.
Vaciduccaritam   manoduccaritam   ime  tayo  akusale  dhamme  abhinibbajjetva
yamidam   kayasucaritam   vacisucaritam   manosucaritam   ime  tayo  kusale  dhamme
samadaya  vattissantiti  1-  tam  kissa  hetu  passanti  hi te 2- bhonto
samanabrahmana    akusalanam    dhammanam    adinavam   okaram   sankilesam
kusalanam   dhammanam   nekkhamme   anisamsam   vodanapakkham   .   santamyeva
kho    pana   kiriyam   atthi   kiriyatissa   ditthi   hoti   sassa   hoti
sammaditthi   .   santamyeva   kho  pana  kiriyam  atthi  kiriyati  sankappeti
svassa   hoti   sammasankappo   .   santamyeva  kho  pana  kiriyam  atthi
kiriyati   vacam   bhasati   sassa   hoti   sammavaca   .   santamyeva
kho   pana   kiriyam  atthi  kiriyati  aha  ye  te  arahanto  kiriyavada
tesamayam   na   paccanikam   karoti   .   santamyeva  kho  pana  kiriyam  atthi
kiriyati    param    sannapeti    sassa    hoti   saddhammasannatti   taya
ca pana saddhammasannattiya nevattanukkamseti na param vambheti.
     {113.2}  Iti  pubbeva  kho  panassa  dussilyam  pahinam  hoti sulilyam
paccupatthitam   ayanca   sammaditthi   sammasankappo   sammavaca  ariyanam
appaccanikata     saddhammasannatti     anattukkamsana    aparavambhana   .
Evamsime aneke kusala dhamma sambhavanti sammaditthipaccaya.
     [114]    Tatra   gahapatayo   vinnu   puriso   iti   patisancikkhati
sace   kho   atthi   kiriya  evamayam  bhavam  purisapuggalo  kayassa  bheda
parammarana   sugatim   saggam   lokam   upapajjissati   .   kamam   kho  pana
@Footnote: 1 Ma. Yu. itisaddo natthi .    2 Ma. teti natthi.
Mahu    kiriya   hotu   nesam   bhavatam   samanabrahmananam   saccam   vacanam
atha   ca   panayam   bhavam   purisapuggalo  dittheva  dhamme  vinnunam  pasamso
silava   purisapuggalo   sammaditthi   kiriyavadoti  .  sace  kho  attheva
kiriya    evam   imassa   bhoto   purisapuggalassa   ubhayattha   kataggaho
yanca    dittheva   dhamme   vinnunam   pasamso   yanca   kayassa   bheda
parammarana    sugatim    saggam    lokam    upapajjissati   .   evamassayam
apannako    dhammo    susamatto    samadinno   1-   ubhayamsam   pharitva
titthati rincati akusalatthanam.
     [115]   Santi   gahapatayo   eke   samanabrahmana  evamvadino
evamditthino    natthi    hetu   natthi   paccayo   sattanam   sankilesaya
ahetu   appaccaya   satta   sankilissanti   natthi  hetu  natthi  paccayo
sattanam    visuddhiya    ahetu   appaccaya   satta   visujjhanti   natthi
balam   natthi   viriyam   natthi   purisathamo   natthi   purisaparakkamo   sabbe
satta   sabbe   pana   sabbe   bhuta   sabbe  jiva  avasa  abala
aviriya     niyatisangatibhavaparinata    2-    chasvevabhijatisu    sukhadukkham
patisamvedentiti    tesamyeva   kho   gahapatayo   samanabrahmananam   eke
samanabrahmana    ujuvipaccanikavada    te    evamahamsu   atthi   hetu
atthi    paccayo   sattanam   sankilesaya   sahetu   sappaccaya   satta
sankilissanti    atthi    hetu    atthi    paccayo   sattanam   visuddhiya
sahetu    sappaccaya    satta   visujjhanti   atthi   balam   atthi   viriyam
@Footnote: 1 Po. susamadinno .    2 Ma. ... sabhavaparinata.
Atthi   purisathamo   atthi   purisaparakkamo   1-   sabbe  satta  sabbe
pana   sabbe   bhuta   sabbe   jiva   savasa   2-  sabala  saviriya
niyatisangatibhavaparinata    chasvevabhijatisu   sukhadukkham   patisamvedentiti  .
Tam   kim   mannatha   gahapatayo   nanume   samanabrahmana   annamannam   3-
ujuvipaccanikavadati. Evam bhante.
     [116]   Tatra   gahapatayo  ye  te  samanabrahmana  evamvadino
evamditthino    natthi    hetu   natthi   paccayo   sattanam   sankilesaya
ahetu    appaccaya    satta    sankilissanti    natthi    hetu   natthi
paccayo   sattanam   visuddhiya   ahetu   appaccaya   satta   visujjhanti
natthi    balam   natthi   viriyam   natthi   purisathamo   natthi   purisaparakkamo
sabbe   satta   sabbe   pana   sabbe   bhuta  sabbe  jiva  avasa
abala    aviriya    niyatisangatibhavaparinata    chasvevabhijatisu   sukhadukkham
patisamvedentiti    tesametam    patikankham   yamidam   kayasucaritam   vacisucaritam
manosucaritam    ime    tayo   kusale   dhamme   abhinibbajjetva   yamidam
kayaduccaritam   vaciduccaritam   manoduccaritam   ime   tayo   akusale  dhamme
samadaya    vattissanti    tam   kissa   hetu   na   hi   te   bhonto
samanabrahmana    passanti    akusalanam    dhammanam    adinavam   okaram
sankilesam   kusalanam   dhammanam   nekkhamme   anisamsam   vodanapakkham  .
Santamyeva   kho   pana   hetum   natthi   hetutissa   ditthi   hoti  sassa
hoti   micchaditthi   .   santamyeva   kho   pana   hetum   natthi   hetuti
@Footnote: 1 Yu. etthantare nakaro atthi. potthakepi idisoyeva. 2 Yu. avasa abala
@aviriya. potthakepi idisoyeva .    3 Ma. Yu. annamannassa.
Sankappeti   svassa   hoti   micchasankappo   .   santamyeva  kho  pana
hetum   natthi   hetuti   vacam   bhasati   sassa   hoti  micchavaca .
Santamyeva   kho   pana   hetum   natthi  hetuti  aha  ye  te  arahanto
hetuvada   tesamayam   paccanikam   karoti   .  santamyeva  kho  pana  hetum
natthi    hetuti    param    sannapeti    sassa   hoti   asaddhammasannatti
taya ca pana asaddhammasannattiya attanukkamseti param vambheti.
     {116.1} Iti pubbeva kho panassa susilyam pahinam hoti dussilyam paccupatthitam
ayanca   micchaditthi   micchasankappo   micchavaca   ariyanam  paccanikata
asaddhammasannatti   attanukkamsana   paravambhana   .   evamsime   aneke
papaka akusala dhamma sambhavanti micchaditthipaccaya.
     [117]    Tatra   gahapatayo   vinnu   puriso   iti   patisancikkhati
sace   kho   natthi   hetu   evamayam  bhavam  purisapuggalo  kayassa  bheda
parammarana   1-   sotthimattanam   karissati   .  sace  kho  atthi  hetu
evamayam    bhavam    purisapuggalo   kayassa   bheda   parammarana   apayam
duggatim   vinipatam   nirayam   upapajjissati  .  kamam  kho  pana  mahu  hetu
hotu   nesam   bhavatam   samanabrahmananam   saccam   vacanam   atha  ca  panayam
bhavam    purisapuggalo    dittheva    dhamme   vinnunam   garayho   dussilo
purisapuggalo    micchaditthi   ahetukavadoti   .   sace   kho   attheva
hetu    evam    imassa   bhoto   purisapuggalassa   ubhayattha   kaliggaho
yanca   dittheva   dhamme   vinnunam   garayho   yanca   kayassa   bheda
@Footnote: 1 Ma. Yu. ayam patho natthi.
Parammarana   apayam  duggatim  vinipatam  nirayam  upapajjissati  .  evamassayam
apannako   dhammo   dussamatto   samadinno   ekamsam   pharitva   titthati
rincati kusalatthanam.
     [118]   Tatra   gahapatayo  ye  te  samanabrahmana  evamvadino
evamditthino    atthi    hetu   atthi   paccayo   sattanam   sankilesaya
sahetu   sappaccaya   satta   sankilissanti   atthi  hetu  atthi  paccayo
sattanam    visuddhiya    sahetu   sappaccaya   satta   visujjhanti   atthi
balam   atthi   viriyam   atthi   purisathamo   atthi   purisaparakkamo   sabbe
satta   sabbe   pana   sabbe   bhuta   sabbe  jiva  savasa  sabala
saviriya       niyatisangatibhavaparinata      chasvevabhijatisu      sukhadukkham
patisamvedentiti   tesametam   patikankham   yamidam   kayaduccaritam   vaciduccaritam
manoduccaritam   ime   tayo   akusale   dhamme   abhinibbajjetva   yamidam
kayasucaritam   vacisucaritam  manosucaritam  ime  tayo  kusale  dhamme  samadaya
vattissanti   tam   kissa  hetu  passanti  hi  te  bhonto  samanabrahmana
akusalanam     dhammanam     adinavam     okaram    sankilesam    kusalanam
dhammanam   nekkhamme   anisamsam   vodanapakkham   .   santamyeva  kho  pana
hetum   atthi   hetutissa   ditthi   hoti   sassa   hoti  sammaditthi .
Santamyeva    kho    pana   hetum   atthi   hetuti   sankappeti   svassa
hoti   sammasankappo   .   santamyeva   kho   pana  hetum  atthi  hetuti
vacam   bhasati   sassa   hoti   sammavaca    .  santamyeva  kho  pana
Hetum   atthi   hetuti   aha   ye  te  arahanto  hetuvada  tesamayam
na   paccanikam   karoti   .   santamyeva   kho   pana  hetum  atthi  hetuti
param     sannapeti     sassa    hoti    saddhammasannatti    taya    ca
pana saddhammasannattiya nevattanukkamseti na param vambheti.
     {118.1}  Iti  pubbeva  kho  panassa  dussilyam  pahinam  hoti susilyam
paccupatthitam   ayanca   sammaditthi   sammasankappo   sammavaca  ariyanam
appaccanikata     saddhammasannatti     anattukkamsana    aparavambhana   .
Evamsime aneke kusala dhamma sambhavanti sammaditthipaccaya.
     [119]    Tatra   gahapatayo   vinnu   puriso   iti   patisancikkhati
sace   kho   atthi   hetu   evamayam  bhavam  purisapuggalo  kayassa  bheda
parammarana   sugatim   saggam   lokam   upapajjissati   .   kamam   kho  pana
mahu    hetu    hotu   nesam   bhavatam   samanabrahmananam   saccam   vacanam
atha   ca   panayam   bhavam   purisapuggalo  dittheva  dhamme  vinnunam  pasamso
silava   purisapuggalo   sammaditthi   hetuvadoti  .  sace  kho  attheva
hetu    evam    imassa   bhoto   purisapuggalassa   ubhayattha   kataggaho
yanca    dittheva   dhamme   vinnunam   pasamso   yanca   kayassa   bheda
parammarana    sugatim    saggam    lokam    upapajjissati   .   evamassayam
apannako    dhammo   susamatto   samadinno   ubhayamsam   pharitva   titthati
rincati akusalatthanam.
     [120]   Santi   gahapatayo   eke   samanabrahmana  evamvadino
Evamditthino   natthi   sabbaso   aruppati   tesamyeva   kho   gahapatayo
samanabrahmananam    eke    samanabrahmana    ujuvipaccanikavada    te
evamahamsu   atthi   sabbaso   aruppati   .  tam  kim  mannatha  gahapatayo
nanume    samanabrahmana   annamannassa   ujuvipaccanikavadati   .   evam
bhante.
     {120.1}   Tatra  gahapatayo  vinnu  puriso  iti  patisancikkhati  ye
kho   te   bhonto   samanabrahmana   evamvadino   evamditthino  natthi
sabbaso  aruppati  idam  me  adittham  yepi  te  bhonto samanabrahmana
evamvadino   evamditthino   atthi  sabbaso  aruppati  idam  me  aviditam
ahanceva  kho  pana  ajananto 1- apassanto ekamsena adaya vohareyyam
idameva  saccam  moghamannanti  na  me  tam  assa patirupam ye kho te bhonto
samanabrahmana   evamvadino    evamditthino   natthi  sabbaso  aruppati
sace  kho  tesam  bhavatam   samanabrahmananam  saccam  vacanam  thanametam  vijjati
ye  te  deva  rupino  manomaya  apannakam  me  2- tatrupapatti bhavissati
ye  pana te  bhonto samanabrahmana evamvadino evamditthino atthi sabbaso
aruppati  sace  tesam  bhavatam  samanabrahmananam saccam vacanam thanametam vijjati
ye  te  deva  arupino  sannamaya  apannakam me 3- tatrupapatti bhavissati
dissante  kho  pana  rupadhikaranam  4-  dandadanasatthadanakalahaviggahavivada-
tuvamtuvampesunna 5- 6- musavada natthi kho panetam sabbaso aruppeti. So
@Footnote: 1 Po. ajanam ajananto ajanam apassanto .   2-3 Po. apannakametam .   4 Ma.
@rupakarana .  5 Ma. ... satthadanam .  6 Ma. vivadatuvamtuvam.
Iti patisankhaya rupanamyeva nibbidaya viragaya nirodhaya patipanno hoti.
     [121]   Santi   gahapatayo   eke   samanabrahmana  evamvadino
evamditthino   natthi   sabbaso  bhavanirodhoti  .  tesamyeva  kho  gahapatayo
samanabrahmananam    eke    samanabrahmana    ujuvipaccanikavada    te
evamahamsu   atthi   sabbaso   bhavanirodhoti  .  tam  kim  mannatha  gahapatayo
nanume     samanabrahmana     annamannassa     ujuvipaccanikavadati   .
Evam bhante.
     {121.1}  Tatra  gahapatayo  vinnu  puriso  iti patisancikkhati ye 1-
kho   te   bhonto   samanabrahmana   evamvadino   evamditthino  natthi
sabbaso  bhavanirodhoti  idam  me  adittham  yepi  te bhonto samanabrahmana
evamvadino   evamditthino  atthi  sabbaso  bhavanirodhoti  idam  me  aviditam
ahanceva  kho  pana  ajananto  apassanto  ekamsena  adaya vohareyyam
idameva   saccam   moghamannanti  na  me  tam  assa  patirupam  ye  kho  te
bhonto    samanabrahmana   evamvadino   evamditthino   natthi   sabbaso
bhavanirodhoti   sace  tesam  bhavatam  samanabrahmananam  saccam  vacanam  thanametam
vijjati   ye  te  deva  arupino  sannamaya  apannakam  me  tatrupapatti
bhavissati    ye    pana    te   bhonto   samanabrahmana   evamvadino
evamditthino    atthi    sabbaso    bhavanirodhoti    sace   tesam   bhavatam
samanabrahmananam   saccam   vacanam   thanametam   vijjati  yam  dittheva  dhamme
@Footnote: 1 Ma. ye ca kho te.
Parinibbayissami  .  ye  kho  te  bhonto  samanabrahmana  evamvadino
evamditthino   natthi   sabbaso   bhavanirodhoti   tesamayam   ditthi  saragaya
santike    samyogaya    santike   abhinandanaya   santike   ajjhosanaya
santike   upadanaya   santike  ye  pana  te  bhonto  samanabrahmana
evamvadino    evamditthino    atthi    sabbaso   bhavanirodhoti   tesamayam
ditthi   asaragaya   1-   santike   asamyogaya  santike  anabhinandanaya
santike   anajjhosanaya   santike   anupadanaya   santiketi   .  so
iti   patisankhaya   bhavanamyeva   nibbidaya  viragaya  nirodhaya  patipanno
hoti.
     [122]   Cattarome   gahapatayo   puggala   santo  samvijjamana
lokasmim    katame    cattaro    idha   gahapatayo   ekacco   puggalo
attantapo     hoti    attaparitapananuyogamanuyutto    idha    gahapatayo
ekacco    puggalo    parantapo    hoti    paraparitapananuyogamanuyutto
idha  gahapatayo  ekacco  puggalo  attantapo  ca  hoti attaparitapananu-
yogamanuyutto     parantapo    ca    paraparitapananuyogamanuyutto    idha
gahapatayo  ekacco  puggalo  nevattantapo  ca  hoti  nattaparitapananu-
yogamanuyutto    na   parantapo   na   paraparitapananuyogamanuyutto   so
anattantapo    aparantapo    dittheva    dhamme    nicchato    nibbuto
sitibhuto sukhapatisamvedi brahmabhutena attana viharati.
     [123]        Katamo       ca       gahapatayo       puggalo
attantapo attaparitapananuyogamayutto.
@Footnote: 1 Ma. asaragaya.
Idha    gahapatayo   ekacco   puggalo   acelako   hoti   muttacaro
hatthavalekhano   .   yatha   kandarakasuttam   tatha   vittharo   .   iti
evarupam     anekavihitam     kayassa     atapanaparitapananuyogamanuyutto
viharati      ayam      vuccati     gahapatayo     puggalo     attantapo
attaparitapananuyogamanuyutto.
     {123.1}     Katamo    ca    gahapatayo    puggalo    parantapo
paraparitapananuyogamanuyutto    .    idha    gahapatayo    1-    puggalo
orabbhiko   hoti   sukariko   hoti   .pe.  ye  va  panannepi  keci
kururakammanta     ayam     vuccati     gahapatayo    puggalo    parantapo
paraparitapananuyogamanuyutto.
     {123.2} Katamo ca gahapatayo puggalo attantapo ca attaparitapananu-
yogamanuyutto    parantapo   ca   paraparitapananuyogamanuyutto   .   idha
gahapatayo   ekacco  puggalo  raja  va  hoti  khattiyo  muddhavasitto
.pe.   tepi  dandatajjita  bhayatajjita  assumukha  rodamana  parikammani
karonti  ayam  vuccati  gahapatayo  puggalo  attantapo  ca attaparitapananu-
yogamanuyutto parantapo ca paraparitapananuyogamanuyutto.
     {123.3}   Katamo  ca  gahapatayo  puggalo  nevattantapo  ca  2-
nattaparitapananuyogamanuyutto       na      parantapo      ca      na
paraparitapananuyogamanuyutto       so      anattantapo      aparantapo
dittheva   dhamme   nicchato  nibbuto  sitibhuto  sukhapatisamvedi  brahmabhutena
attana   viharati   .   idha   gahapatayo   tathagato   loke   uppajjati
araham   sammasambuddho   .pe.   so   ime   panca   nivarane   pahaya
@Footnote: 1 Po. Ma. Yu. ekacco puggalo .   2 Ma. Yu. ayam saddo natthi..
Cetaso    upakkilese    pannaya    dubbalikarane   vivicceva   kamehi
vivicca   akusalehi   dhammehi   savitakkam   savicaram  vivekajam  pitisukham  pathamam
jhanam     upasampajja    viharati    vitakkavicaranam    vupasama    ajjhattam
sampasadanam   cetaso   ekodibhavam   avitakkam   avicaram  samadhijam  pitisukham
dutiyam   jhanam  *-  upasampajja  viharati  pitiya  ca  viraga  .pe.  tatiyam
jhanam   upasampajja   viharati   sukhassa   ca  pahana  .pe.  catuttham  jhanam
upasampajja viharati.
     {123.4}  So evam samahite citte parisuddhe pariyodate anangane
vigatupakkilese     mudubhute     kammaniye     thite     anenjappatte
pubbenivasanussatinanaya      cittam      abhininnameti     .     so
anekavihitam    pubbenivasam    anussarati    seyyathidam    ekampi    jatim
dvepi    jatiyo    .pe.    iti    sakaram   sauddesam   anekavihitam
pubbenivasam   anussarati   .   so   evam   samahite  citte  parisuddhe
pariyodate    anangane    vigatupakkilese   mudubhute   kammaniye   thite
anenjappatte sattanam cutupapatananaya cittam abhininnameti.
     {123.5}   So   dibbena  cakkhuna  visuddhena  atikkantamanusakena
satte  passati  cavamane  upapajjamane  hine  panite  suvanne  dubbanne
sugate duggate .pe. Yathakammupage satte pajanati.
     {123.6}  So evam samahite citte parisuddhe pariyodate anangane
vigatupakkilese   mudubhute   kammaniye   thite   anenjappatte  asavanam
khayananaya  cittam  abhininnameti. So idam dukkhanti yathabhutam pajanati .pe.
@Footnote:* mikar—kr khagoe nanam peDna jhanam
Ayam    asavanirodhagamini    patipadati   yathabhutam   pajanati   .   tassa
evam   janato   evam  passato  kamasavapi  cittam  vimuccati  bhavasavapi
cittam   vimuccati   avijjasavapi   cittam  vimuccati  vimuttasmim  vimuttamiti
nanam   hoti   khina   jati   vusitam   brahmacariyam   katam   karaniyam  naparam
itthattayati   pajanati   ayam  vuccati  gahapatayo  puggalo  nevattantapo
nattaparitapananuyogamanuyutto    na    parantapo    na   paraparitapananu-
yogamanuyutto   so  anattantapo  aparantapo  dittheva  dhamme  nicchato
nibbuto sitibhuto sukhapatisamvedi brahmabhutena attana viharatiti.
     [124]   Evam   vutte   saleyyaka  brahmanagahapatika  bhagavantam
etadavocum   abhikkantam   bho   gotama  abhikkantam  bho  gotama  seyyathapi
bho  gotama  nikkujjitam  va  ukkujjeyya  paticchannam  va vivareyya mulhassa
va  maggam  acikkheyya  andhakare  va  telapajjotam dhareyya cakkhumanto
rupani  dakkhantiti  1-  evameva  bhota  gotamena anekapariyayena dhammo
pakasito  ete  mayam  bhavantam  gotamam  saranam  gacchama dhammanca bhikkhusanghanca
upasake no bhavam gotamo dharetu ajjatagge panupete saranangateti.
                 Apannakasuttam  nitthitam dasamam.
                    Gahapativaggo pathamo.
                        -------
@Footnote: 1 Yu. dakkhintiti.
                    Tassa vaggassa uddanam
         kandaranagarasamvaro 1- potaliyo puna jivakabhacco
         upalidamo 2- tatha 3- kukkuro 4- abhayo
         bahuvedaniyopi 5- ca apannakatadasamo
         pathamo 6- pavaro vaggo ca.
                       ---------
@Footnote: 1 Ma. sekhavato ca .   2 Ma. upalidammato .   3 Ma. ayam patho natthi.
@4 Ma. kukkuraabhayo .   5 Ma. bahuvedaniyapannakato dasamo .   6 Ma. pathamo pavaro
@vaggo cati ime patha natthi.



             The Pali Tipitaka in Roman Character Volume 13 page 100-122. https://84000.org/tipitaka/read/roman_read.php?B=13&A=2047&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=2047&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=13&item=103&items=22              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=10              Study Atthakatha :- https://84000.org/tipitaka/attha/attha.php?b=13&i=103              The Pali Atthakatha in Thai :- https://84000.org/tipitaka/atthapali/read_th.php?B=9&A=2181              The Pali Atthakatha in Roman :- https://84000.org/tipitaka/atthapali/read_rm.php?B=9&A=2181              Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]