ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.

                       Potaliyasuttam
     [36]  Evamme  sutam  ekam  samayam  bhagava  anguttarapesu  viharati
apanam   nama  anguttarapanam  nigamo  .  atha  kho  bhagava  pubbanhasamayam
nivasetva   pattacivaramadaya   apanam   pindaya   pavisi   .  apane
pindaya    caritva   pacchabhattam   pindapatapatikkanto   yena   annataro
vanasando  tenupasankami  1-  divaviharaya  tam  vanasandam ajjhogahetva 2-
annatarasmim   rukkhamule   divaviharam   nisidi   .  potaliyopi  kho  gahapati
sampannanivasanapapurano  3-  chattupahanahi  janghaviharam 4- anucankamamano
anuvicaramano   yena   so   vanasando   tenupasankami   upasankamitva  tam
vanasandam    ajjhogahetva   yena   bhagava   tenupasankami   upasankamitva
bhagavata   saddhim   sammodi   sammodaniyam   katham   saraniyam   vitisaretva
ekamantam atthasi.
     [37]   Ekamantam   thitam  kho  potaliyam  gahapatim  bhagava  etadavoca
samvijjanti  5-  kho  gahapati  asanani  sace  akankhasi  nisidati . Evam
vutte    potaliyo    gahapati    gahapativadena    mam   samano   gotamo
samudacaratiti   kupito   anattamano   tunhi   ahosi   .   dutiyampi   kho
bhagava   potaliyam   gahapatim   etadavoca  samvijjanti  kho  gahapati  asanani
@Footnote: 1 Po. upasankamitva .  2 Ma. ajjhogahitva .  3 Si. Ma. Yu. nivasanapavurano.
@4 Ma. janghaviharam .  5 Si. Yu. samvijjante khoti patho dissati.
Sace   akankhasi   nisidati   .   1-   dutiyampi  kho  potaliyo  gahapati
gahapativadena   mam   samano   gotamo   samudacaratiti   kupito  anattamano
tunhi   ahosi   .   tatiyampi   kho  bhagava  potaliyam  gahapatim  etadavoca
samvijjanti   kho   gahapati   asanani  sace  akankhasi  nisidati  .  evam
vutte    potaliyo    gahapati    gahapativadena    mam   samano   gotamo
samudacaratiti    kupito   anattamano   bhagavantam   etadavoca   tayidam   bho
gotama    nacchannam    tayidam    nappatirupam   yam   mam   tvam   gahapativadena
samudacarasiti   .  te  2-  hi  te  gahapati  akara  te  linga  te
nimitta   yathatam   gahapatissati   .   tatha   hi  pana  me  bho  gotama
sabbe kammanta patikkhitta sabbe vohara samucchinnati.
     {37.1}  Yathakatham  pana  te  gahapati  sabbe  kammanta  patikkhitta
sabbe  vohara  samucchinnati  .  idha  me  bho  gotama  yam  ahosi dhanam
va   dhannam   va   rajatam  va  jatarupam  va  sabbantam  puttanam  dayajjam
niyyatam    tatthaham   anovadi   anupavadi   ghasacchadanaparamo   viharami
evanca   3-   me   bho  gotama  sabbe  kammanta  patikkhitta  sabbe
vohara   samucchinnati   .  annatha  kho  tvam  gahapati  voharasamucchedam
vadesi  4-  annatha  ca  pana  ariyassa  vinaye voharasamucchedo hotiti.
Yathakatham    pana    bhante   ariyassa   vinaye   voharasamucchedo   hoti
sadhu   me  bhante  bhagava  tatha  dhammam  desetu  yatha  ariyassa  vinaye
@Footnote: 1 Po. evam vutte .  2 Po. Ma. tenahi .  3 Yu. evam kho me. Ma. evam
@me .  4 Si. Yu. vadasi.
Voharasamucchedo   hotiti  .  tenahi  gahapati  sunahi  sadhukam  manasikarohi
bhasissamiti. Evam bhanteti kho potaliyo gahapati bhagavato paccassosi.
     [38]  Bhagava  etadavoca  attha  kho  ime  gahapati dhamma ariyassa
vinaye    voharasamucchedaya   samvattanti   katame   attha   apanatipatam
nissaya      panatipato      pahatabbo     dinnadanam     nissaya
adinnadanam     pahatabbam     saccam     vacam    nissaya    musavado
pahatabbo    apisunam    vacam    nissaya   pisuna   vaca   pahatabba
agiddhilobham    nissaya    giddhilobho    pahatabbo    anindarosam   1-
nissaya    nindaroso    2-    pahatabbo    akodhupayasam   nissaya
kodhupayaso   pahatabbo   anatimanam   nissaya   atimano   pahatabbo
ime  kho  gahapati  attha  dhamma  sankhittena  vutta  vittharena avibhatta
ariyassa   vinaye   voharasamucchedaya   samvattantiti  .  yeme  pana  3-
bhante   bhagavata  attha  dhamma  sankhittena  vutta  vittharena  avibhatta
ariyassa  vinaye  voharasamucchedaya  samvattanti  sadhu  me  bhante  bhagava
ime   attha   dhamme  vittharena  4-  vibhajatu  anukampam  upadayati .
Tenahi   gahapati   sunahi   sadhukam   manasikarohi   bhasissamiti   .  evam
bhanteti kho potaliyo gahapati bhagavato paccassosi.
     [39]   Bhagava   etadavoca  apanatipatam  nissaya  panatipato
pahatabboti     iti     kho     panetam    vuttam    kincetam    paticca
@Footnote: 1 Po. anindadosam. sabbattha idisameva .  2 Po. nindadoso. sabbattha
@idisameva .  3 Yu. ayam saddo natthi .  4 Ma. vittharetva.
Vuttam   idha   gahapati   ariyasavako   iti   patisancikkhati  yesam  kho  aham
sannojananam    hetu    panatipati    assam    tesaham    sannojananam
pahanaya   samucchedaya   patipanno   ahanceva   kho   pana  panatipati
assam   attapi   mam  upavadeyya  panatipatapaccaya  anuvicca  1-  vinnu
garaheyyum    panatipatapaccaya   kayassa   bheda   parammarana   duggati
patikankha    panatipatapaccaya    etadeva    kho    pana   sannojanam
etam    nivaranam    yadidam   panatipato   ye   ca   panatipatapaccaya
uppajjeyyum    asava    vighataparilaha    panatipata    pativiratassa
evamsa    te    asava   vighataparilaha   na   honti   apanatipatam
nissaya    panatipato    pahatabboti   iti   yantam   vuttam   idametam
paticca vuttam.
     [40]    Dinnadanam   nissaya   adinnadanam   pahatabbanti   iti
kho  panetam  vuttam  kincetam  paticca  vuttam  idha  gahapati  ariyasavako  iti
patisancikkhati    yesam    kho    aham   sannojananam   hetu   adinnadayi
assam    tesaham    sannojananam    pahanaya    samucchedaya   patipanno
ahanceva   kho   pana   adinnadayi   assam   attapi   mam   upavadeyya
adinnadanapaccaya    anuvicca    vinnu    garaheyyum   adinnadanapaccaya
kayassa   bheda   parammarana   duggati   patikankha   adinnadanapaccaya
etadeva   kho   pana   sannojanam   etam   nivaranam   yadidam   adinnadanam
ye    ca   adinnadanapaccaya   uppajjeyyum   asava   vighataparilaha
@Footnote: 1 Po. anuviccapi. Ma. anuviccapi mam. ito param sabbattha idisameva.
Adinnadana   pativiratassa   evamsa   te   asava   vighataparilaha  na
honti   dinnadanam   nissaya   adinnadanam   pahatabbanti   iti   yantam
vuttam idametam paticca vuttam.
     [41]   Saccam   vacam  nissaya  musavado  pahatabboti  iti  kho
panetam   vuttam   kincetam   paticca   vuttam  idha  gahapati  ariyasavako  iti
patisancikkhati   yesam   kho   aham   sannojananam   hetu   musavadi  assam
tesaham      sannojananam      pahanaya     samucchedaya     patipanno
ahanceva    kho    pana   musavadi   assam   attapi   mam   upavadeyya
musavadapaccaya     anuvicca     vinnu     garaheyyum    musavadapaccaya
kayassa    bheda    parammarana   duggati   patikankha   musavadapaccaya
etadeva   kho   pana   sannojanam   etam  nivaranam  yadidam  musavado  ye
ca   musavadapaccaya   uppajjeyyum   asava  vighataparilaha  musavada
pativiratassa  evamsa  te  asava  vighataparilaha  na  honti  saccam  vacam
nissaya   musavado   pahatabboti   iti   yantam  vuttam  idametam  paticca
vuttam.
     [42]   Apisunam   vacam  nissaya  pisuna  vaca  pahatabbati  iti
kho   panetam   vuttam   kincetam   paticca  vuttam  idha  gahapati  ariyasavako
iti   patisancikkhati   yesam  kho  aham  sannojananam  hetu  pisunavaco  1-
assam    tesaham    sannojananam    pahanaya    samucchedaya   patipanno
ahanceva   kho   pana   pisunavaco   1-  assam  attapi  mam  upavadeyya
@Footnote: 1 Ma. pisunavaco.
Pisunavacapaccaya    1-    anuvicca   vinnu   garaheyyum   pisunavacapaccaya
kayassa    bheda    parammarana   duggati   patikankha   pisunavacapaccaya
etadeva    kho   pana   sannojanam   etam   nivaranam   yadidam   pisunavaca
ye    ca    pisunavacapaccaya    uppajjeyyum   asava   vighataparilaha
pisunaya   vacaya   pativiratassa   evamsa   te   asava  vighataparilaha
na    honti   apisunam   vacam   nissaya   pisuna   vaca   pahatabbati
iti yantam vuttam idametam paticca vuttam.
     [43]   Agiddhilobham   nissaya   giddhilobho  pahatabboti  iti  kho
panetam    vuttam   kincetam   paticca   vuttam   idha   gahapati   ariyasavako
iti   patisancikkhati   yesam   kho   aham   sannojananam   hetu   giddhilobhi
assam    tesaham    sannojananam    pahanaya    samucchedaya   patipanno
ahanceva    kho    pana   giddhilobhi   assam   attapi   mam   upavadeyya
giddhilobhapaccaya     anuvicca     vinnu     garaheyyum    giddhilobhapaccaya
kayassa    bheda    parammarana   duggati   patikankha   giddhilobhapaccaya
etadeva    kho   pana   sannojanam   etam   nivaranam   yadidam   giddhilobho
ye    ca    giddhilobhapaccaya    uppajjeyyum   asava   vighataparilaha
agiddhilobhissa   2-   evamsa   te   asava  vighataparilaha  na  honti
agiddhilobham    nissaya    giddhilobho   pahatabboti   iti   yantam   vuttam
idametam paticca vuttam.
     [44]   Anindarosam   nissaya   nindaroso   pahatabboti   iti
@Footnote: 1 Yu. pisunavacapaccaya. ito param idisameva .  2 Ma. giddhilobhapativiratassa.
Kho   panetam   vuttam   kincetam   paticca  vuttam  idha  gahapati  ariyasavako
iti   patisancikkhati   yesam  kho  aham  sannojananam  hetu  nindarosi  1-
assam    tesaham    sannojananam    pahanaya    samucchedaya   patipanno
ahanceva    kho   pana   nindarosi   assam   attapi   mam   upavadeyya
nindarosapaccaya     anuvicca    vinnu    garaheyyum    nindarosapaccaya
kayassa    bheda   parammarana   duggati   patikankha   nindarosapaccaya
etadeva   kho   pana   sannojanam   etam   nivaranam   yadidam   nindaroso
ye    ca    nindarosapaccaya   uppajjeyyum   asava   vighataparilaha
anindarosissa    evamsa   te   asava   vighataparilaha   na   honti
anindarosam   nissaya   nindaroso   pahatabboti   iti   yantam   vuttam
idametam paticca vuttam.
     [45]   Akodhupayasam   nissaya   kodhupayaso  pahatabboti  iti
kho   panetam   vuttam   kincetam   paticca  vuttam  idha  gahapati  ariyasavako
iti   patisancikkhati   yesam   kho   aham   sannojananam  hetu  kodhupayasi
assam    tesaham    sannojananam    pahanaya    samucchedaya   patipanno
ahanceva   kho   pana   kodhupayasi   assam   attapi   mam   upavadeyya
kodhupayasapaccaya    anuvicca    vinnu    garaheyyum   kodhupayasapaccaya
kayassa   bheda   parammarana   duggati   patikankha   kodhupayasapaccaya
etadeva   kho   pana   sannojanam   etam   nivaranam   yadidam  kodhupayaso
ye    ca   kodhupayasapaccaya   uppajjeyyum   asava   vighataparilaha
@Footnote: 1 Po. ...dosi ...doso.
Akodhupayasissa   evamsa   te   asava   vighataparilaha   na   honti
akodhupayasam   nissaya   kodhupayaso   pahatabboti   iti  yantam  vuttam
idametam paticca vuttam.
     [46]   Anatimanam   nissaya   atimano   pahatabboti   iti  kho
panetam    vuttam   kincetam   paticca   vuttam   idha   gahapati   ariyasavako
iti    patisancikkhati   yesam   kho   aham   sannojananam   hetu   atimani
assam    tesaham    sannojananam    pahanaya    samucchedaya   patipanno
ahanceva    kho    pana    atimani   assam   attapi   mam   upavadeyya
atimanapaccaya    anuvicca   vinnu   garaheyyum   atimanapaccaya   kayassa
bheda    parammarana    duggati   patikankha   atimanapaccaya   etadeva
kho  pana  sannojanam  etam  nivaranam  yadidam  atimano  ye ca atimanapaccaya
uppajjeyyum    asava    vighataparilaha    anatimanissa   evamsa   te
asava   vighataparilaha   na   honti   anatimanam   nissaya   atimano
pahatabboti iti yantam vuttam idametam paticca vuttam.
     {46.1}  Ime  kho gahapati attha dhamma sankhittena vutta vittharena
avibhatta   ye   ariyassa   vinaye   pahanaya   1-  voharasamucchedaya
samvattanti   na   tveva   tava   gahapati  ariyassa  vinaye  sabbena  sabbam
sabbatha   sabbam  voharassa  samucchedo  hotiti  .  yathakatham  pana  bhante
ariyassa   vinaye   sabbena   sabbam   sabbatha   sabbam   voharasamucchedo
hoti    sadhu   me   bhante   bhagava   tatha   dhammam   desetu   yatha
@Footnote: 1 Po. ayam patho natthi.
Ariyassa   vinaye   sabbena  sabbam  sabbatha  sabbam  voharassa  samucchedo
hotiti   .   tenahi  gahapati  sunahi  sadhukam  manasikarohi  bhasissamiti .
Evam bhanteti kho potaliyo gahapati bhagavato paccassosi.
     [47]   Bhagava  etadavoca  seyyathapi  gahapati  kukkuro  jighaccha-
dubbalyapareto   goghatakasunam   1-   paccupatthito  assa  tamenam  dakkho
goghatako   va   goghatakantevasi   va   atthikankalam  sunikantam  nikantam
nimmamsam   lohitamakkhitam   upacchubheyya  tam  kim  mannasi  gahapati  api  nu  2-
so   kukkuro   amum   atthikankalam   sunikantam  nikantam  nimmamsam  lohitamakkhitam
palehanto   3-   jighacchadubbalyam   pativineyyati  .  no  hetam  bhante
tam   kissa   hetu   adum  hi  bhante  atthikankalam  sunikantam  nikantam  nimmamsam
lohitamakkhitam   yavadeva   ca   pana   so   kukkuro  kilamathassa  vighatassa
bhagi  assati  .  evameva  kho  gahapati  ariyasavako  iti  patisancikkhati
atthikankalupama    kama    vutta    bhagavata   bahudukkha   bahupayasa
adinavo    ettha    bhiyyoti    evametam    yathabhutam    sammappannaya
disva   yayam   upekkha   nanatta   nanattasita   tam  abhinivajjetva
yayam  upekkha  ekatta  ekattasita  yattha  sabbaso  lokamisupadana
aparisesa nirujjhanti tameva upekkham bhaveti.
     [48]  Seyyathapi  gahapati  gijjho  va  kankho  va 4- kulalo va
@Footnote: 1 Po. goghatakulanam .  2 Ma. api nu kho so .  3 Si. Yu. palikhadanto.
@4 Ma. Yu. kanko va.
Mamsapesimadaya    uddayeyya    tamenam    gijjhapi    kankhapi   kulalapi
anupatitva   anupatitva   vitaccheyyum   1-   virajeyyum   tam  kim  mannasi
gahapati  sace  so  gijjho  va  kankho  va  kulalo  va  tam  mamsapesim na
khippameva   patinissajjeyya   so   tatonidanam   maranam   va  niggaccheyya
maranamattam   va   dukkhanti   .  evam  bhante  .  evameva  kho  gahapati
ariyasavako   iti   patisancikkhati   mamsapesupama   kama  vutta  bhagavata
bahudukkha   bahupayasa   adinavo   ettha  bhiyyoti  evametam  yathabhutam
sammappannaya   disva   yayam   upekkha   nanatta   nanattasita   tam
abhinivajjetva   yayam   upekkha  ekatta  ekattasita  yattha  sabbaso
lokamisupadana aparisesa nirujjhanti tameva upekkham bhaveti.
     [49]   Seyyathapi   gahapati   puriso   adittam   tinukkam  adaya
pativatam  gaccheyya  tam  kim  mannasi  gahapati  sace  so  puriso  tam adittam
tinukkam    na    khippameva    patinissajjeyya    tassa    sa   aditta
tinukka   hattham   va   daheyya   bahum   va   daheyya   annataram  va
annataram   2-   va   angapaccangam   va  3-  daheyya  so  tatonidanam
maranam   va   nigaccheyya   maranamattam  va  dukkhanti  .  evam  bhante .
Evameva   kho   gahapati   ariyasavako   iti   patisancikkhati   tinukkupama
kama   vutta   bhagavata   bahudukkha   bahupayasa   adinavo   ettha
bhiyyoti   evametam   yathabhutam   sammappannaya   disva   .pe.   tameva
upekkham bhaveti.
@Footnote: 1 Ma. visajjeyyum .  2 Yu. ekapadameva dissati .  3 Yu. ayam saddo natthi.
     [50]   Seyyathapi   gahapati   angarakasu   sadhikaporisa   pura
angaranam   vitaccikanam   vitadhumanam  atha  puriso  agaccheyya  jivitukamo
amaritukamo    sukhakamo    dukkhapatikkulo    tamenam    dve   balavanto
purisa   nanabahasu   gahetva   angarakasum   upakaddheyyum   tam   kim
mannasi  gahapati  api  nu so puriso iti citi ceva kayam sannameyyati 1-.
No  2-  hetam  bhante  tam  kissa  hetu  viditam  hi  bhante  tassa purisassa
imanca   3-   aham   angarakasum   papatissami   tatonidanam   maranam  va
niggacchissami    4-   maranamattam   va   dukkhanti   .   evameva   kho
gahapati      ariyasavako      iti     patisancikkhati     angarakasupama
kama   vutta   bhagavata   bahudukkha   bahupayasa   adinavo   ettha
bhiyyoti   evametam   yathabhutam   sammappannaya   disva   .pe.   tameva
upekkham bhaveti.
     [51]  Seyyathapi  gahapati puriso supinakam passeyya aramaramaneyyakam
vanaramaneyyakam    bhumiramaneyyakam   pokkharaniramaneyyakam   so   patibuddho
na  kinci  passeyya  5-  evameva kho gahapati ariyasavako iti patisancikkhati
supinakupama   kama   vutta   bhagavata  bahudukkha  bahupayasa  adinavo
ettha bhiyyoti .pe. Tameva upekkham bhaveti.
     [52]  Seyyathapi  gahapati  puriso  yacitakam  bhogam  yacitva  yanam
oropeyya  6-  pavaramanikundalam  so  tehi  yacitakehi  bhogehi purakkhato
@Footnote: 1 Ma. panameyya .  2 Po. Ma. Yu. evam bhante .  3 Yu. imance.
@4 Yu. nigacchami .  5 Ma. patipasseyya .  6 Ma. yanam va poroseyyam.
Parivuto   antarapanam   patipajjeyya  tamenam  jano  disva  evam  vadeyya
bhogi   vata  bho  puriso  evam  kira  bhogino  bhogani  bhunjantiti  tamenam
samika  1-  yattha  yattheva  passeyyum  tattha  tattheva  samika sani 2-
hareyyum  tam  kim  mannasi  gahapati  alam nu kho tassa purisassa annathattayati.
No  3-  hetam  bhante  tam  kissa  hetu samino hi bhante sani harantiti.
Evameva   kho   gahapati   ariyasavako   iti   patisancikkhati  yacitakupama
kama   vutta   bhagavata   bahudukkha   bahupayasa   adinavo   ettha
bhiyyoti .pe. Tameva upekkham bhaveti.
     [53]   Seyyathapi   gahapati  gamassa  va  nigamassa  va  avidure
tibbo    vanasando   tatrassa   rukkho   sampannaphalo   ca   uppannaphalo
ca    na    cassu    kanici   phalani   bhumiyam   patitani   atha   puriso
agaccheyya   phalatthiko   phalagavesi   phalapariyesanam   caramano   so   tam
vanasandam    ajjhogahetva    tam    rukkham    passeyya    sampannaphalanca
uppannaphalanca    tassa    evamassa    ayam   kho   rukkho   sampannaphalo
ca    uppannaphalo   ca   natthi   ca   kanici   phalani   bhumiyam   patitani
janami   kho   panaham   rukkham   abhiruyhitum   4-   yannunaham  imam  rukkham
abhiruyhitva   5-   yavadatthanca   khadeyyam  ucchanganca  pureyyanti  so
tam   rukkham   abhiruyhitva   yavadatthanca   khadeyya   ucchanganca  pureyya
@Footnote: 1 Yu. ayam patho natthi .  2 Po. ayam patho natthi .  3 Ma. Yu. evam bhante.
@4 Po. Yu. arohitum .  5 Po. abhiruhitva. Ma. arohitva.
Atha   dutiyo   puriso   agaccheyya   phalatthiko   phalagavesi  phalapariyesanam
caramano  tinham  kudharim  1-  adaya  so  tam vanasandam ajjhogahetva 2-
tam   rukkham   passeyya   sampannaphalanca   uppannaphalanca   tassa   evamassa
ayam   rukkho   sampannaphalo   ca   uppannaphalo   ca   natthi   ca  kanici
phalani   bhumiyam   patitani  na  kho  panaham  janami  rukkham  abhiruyhitum  3-
yannunaham    imam    rukkham    mulato   chetva   yavadatthanca   khadeyyam
ucchanganca   pureyyanti   so   tam   rukkham   mulato   chindeyya   tam  kim
mannasi  gahapati  amuko  4-  so  5-  puriso  pathamam  rukkham arulho sace
kho  so  na  khippameva  oroheyya  6-  tassa so rukkho papatanto hattham
va  bhanjeyya  7-  padam  va  bhanjeyya  annataram  va  annataram 8- va
angapaccangam    bhanjeyya   so   tatonidanam   maranam   va   niggaccheyya
maranamattam va dukkhanti. Evam bhante.
     {53.1}   Evameva   kho  gahapati  ariyasavako  iti  patisancikkhati
rukkhaphalupama   kama   vutta  bhagavata  bahudukkha  bahupayasa  adinavo
ettha  bhiyyoti  evametam  yathabhutam  sammappannaya  disva  yayam upekkha
nanatta   nanattasita   tam   abhinivajjetva  yayam  upekkha  ekatta
ekattasita   yattha   sabbaso   lokamisupadana   aparisesa  nirujjhanti
tameva upekkham bhaveti.
     [54]   Sa   kho   so   gahapati   ariyasavako  imameva  anuttaram
upekkhasatiparisuddhim    agamma    anekavihitam    pubbenivasam   anussarati
@Footnote: 1 Po. kuddalam .  2 Ma. ajjhogahetva .  3 Po. abhiruhitum. Ma. arohitum.
@4 Si. Ma. asuko yo .  5 Po. yo .  6 Po. ogaheyya.
@7-8 Yu. ekapadameva dissati.
Seyyathidam   ekampi   jatim   dvepi   jatiyo   .pe.   iti   sakaram
sauddesam anekavihitam pubbenivasam anussarati.
     {54.1}   Sa   kho   so  gahapati  ariyasavako  imameva  anuttaram
upekkhasatiparisuddhim     agamma     dibbena     cakkhuna     visuddhena
atikkantamanusakena     satte     passati     cavamane    upapajjamane
hine    panite    suvanne    dubbanne    sugate    duggate    .pe.
Yathakammupage   satte   pajanati  .  sa  kho  so  gahapati  ariyasavako
imamyeva     anuttaram     upekkhasatiparisuddhim     agamma     asavanam
khaya    anasavam    cetovimuttim   pannavimuttim   dittheva   dhamme   sayam
abhinna sacchikatva upasampajja viharati.
     [55]   Ettavata  kho  gahapati  ariyassa  vinaye  sabbena  sabbam
sabbatha    sabbam   voharasamucchedo   hoti   tam   kim   mannasi   gahapati
yatha   ariyassa  vinaye  sabbena  sabbam  sabbatha  sabbam  voharasamucchedo
hoti api nu tvam evarupam voharasamucchedam attani samanupassiti 1-.
     {55.1}  Ko  caham  bhante  yo  2-  ca  ariyassa vinaye sabbena
sabbam   sabbatha   sabbam   voharasamucchedo   arakaham   bhante  ariyassa
vinaye   sabbena   sabbam   sabbatha   sabbam   voharasamuccheda   mayam  hi
bhante    pubbe    annatitthiye   paribbajake   anajaniyeva   samane
ajaniyati   amannimha   3-   anajaniyeva   samane   ajaniyabhojanam
bhojimha   4-   anajananiyeva  samane  ajaniyatthane  thapimha  bhikkhu
pana    mayam   bhante   ajaniyeva   samane   anajaniyati   amannimha
@Footnote: 1 Ma. samanupassasiti .  2 Ma. Yu. ko. potthakepi idiso .  3 Ma. amannima.
@4 Ma. bhojima.
Ajaniyeva   samane   anajaniyabhojanam   bhojimha  ajaniyeva  samane
anajaniyatthane    thapimha   idani   pana   mayam   bhante   annatitthiye
paribbajake     anajaniyeva    samane    anajaniyati    janissama
anajaniyeva    samane    anajaniyabhojanam   bhojissama   anajaniyeva
samane  anajaniyatthane  thapessama  bhikkhu  pana  mayam bhante ajaniyeva
samane   ajaniyati   janissama  ajaniyeva  samane  ajaniyabhojanam
bhojissama     ajaniyeva    samane    ajaniyatthane    thapessama
ajanesi   1-   vata   me   bhante  bhagava  samanesu  samanapemam  samanesu
samanapasadam 2- samanesu samanagaravam
     {55.2}   abhikkantam  bhante  abhikkantam  bhante  seyyathapi  bhante
nikkujjitam  va  ukkujjeyya  paticchannam  va  vivareyya  mulhassa  va maggam
acikkheyya   andhakare  va  telapajjotam  dhareyya  cakkhumanto  rupani
dakkhantiti  3-  evameva  4-  bhagavata  anekapariyayena  dhammo pakasito
esaham    bhante    bhagavantam   saranam   gacchami   dhammanca   bhikkhusanghanca
upasakam mam bhagava dharetu ajjatagge panupetam saranangatanti.
                 Potaliyasuttam nitthitam catuttham.
                       --------
@Footnote: 1 Ma. ajanesi .  2 Po. samanamanam .  3 si Yu. dakkhintiti.
@4 Ma. evameva kho bhante.



             The Pali Tipitaka in Roman Character Volume 13 page 33-47. https://84000.org/tipitaka/read/roman_read.php?B=13&A=658&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=658&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=13&item=36&items=20              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=4              Study Atthakatha :- https://84000.org/tipitaka/attha/attha.php?b=13&i=36              The Pali Atthakatha in Thai :- https://84000.org/tipitaka/atthapali/read_th.php?B=9&A=652              The Pali Atthakatha in Roman :- https://84000.org/tipitaka/atthapali/read_rm.php?B=9&A=652              Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]